الموضوع: زياره للكويت الحبيبه

هلا بكم جميعا

انا ناوي بزياره لمدة اربعة ايام الى الكويت ان شاء الله من الاحد الى الاربعاء من تاريخ 26/ 4/2009 ان شاء الله طبعا من خلال دخولي على اكثر المواضيع هنا والي ماقصر فيها هل الكويت من تعريف المطلع الكريم على كل مايخص الكويت وان الزائر لهم يكون مطلع على جدول رحلته قبل الوصول اليها
انا دخلت اغلب المواقع هذي وقرأت اكثر من رحله لبعض الاخوان الي قاموا بزياره الى الكويت

الي انا ابي من الاخوان الاعزاء الافاده بالاتي

شاليها الخيران هل السكن فيها مريح ومستوى النظافه فيها ونوع الغرف عندهم واسعارها في وقت الرحله اذا امكن واذا في صور يكون افضل

الشقق المفروشه الجيده الي مو غاليه وين تكون وكم اسعارها والصور اذا فيه

الاسواق الي تنصحوني بالتجول بها سواء مجمعات او اسواق شعبيه

الالعاب للاطفال خاصه وان معاي اطفال 4 من عمر 5 الى 11 سنه
الاسواق الي بيعون فيها اقمشه رجاليه خام وماهو افضل الانواع واسعارها
ابراج الكويت هل مسموح الزياره لها وش بيكون فيها مثل هل يوجد مطاعم
ماهو السوق الي يتواجد فيه اغلب الفنانين الكويتيين وسمعت انا هذا مدري صحيح او لا
ماهي المطاعم الجيده الشعبيه مو السريعه
ماهي المطاعم السريعه الموجوده مثل هرفي او ماك
هل يوجد سنتر بوينت او اكيا بالكويت وين موقعهم
الحديقه المائيه الاكوا بارك وين فيه ومتى الدخول لها خاصه اني قرأت ان هناك بعض الحدائق بيكون فيها يوم مخصص لنساء
اي لا انسى وين السوق الي فيه جلابيات نساء ترى هذا مهم اشوفه......

ارجوا الافاده شاكر ومقدر للجميع والله يحفظكم

مواضيع عشوائيه ممكن تكون تعجبك اخترناها لك:

• أفضل الأماكن لـ جيت سكي
• وين افضل محلأت الملابس النسائية اللة يوفقكم
• لؤلؤة الخليج ذكريات جميلة وَ زيارة قادمة وَ تساؤلان
• ابي مكان اشبك منه انترنت
• شقق نظيفة وعائلية و واسعة في السالمية طلبتكم يا هل الكويت
• الكويت فتح منفذ جديد مع السعودية قريبا
• بخصوص مهرجان فبراير
• البطاقة المدنية القديمة تصلح للسفر ؟
• «طيران الجزيرة» تطلق حملة «لا تفوت روائع الصيف»
• قلعتي اللي بنيتها من رمال شاطئ الخيران الذهبيه
• استفسار بخصوص التخفيضات
• ابي مساعده ممكن انامسافره الكويت
• صور من سماء الكويت
• حبيبتي الكويت ×
• ملينا من المطاعم
• طالبتكم لا تردوني؟؟ من البحرين
• حلاوة نهر خوز
• توني راجع من الكويت انطبعات
• الجامعه العربيه المفتوحه بالكويت
• كيف الجو في الكويت ؟

هلا بكم جميعا

( هلا فيك اخوي في ديرتك الثانية الكويت )


انا ناوي بزياره لمدة اربعة ايام الى الكويت ان شاء الله من الاحد الى الاربعاء من تاريخ 26/ 4/2009 ان شاء الله طبعا من خلال دخولي على اكثر المواضيع هنا والي ماقصر فيها هل الكويت من تعريف المطلع الكريم على كل مايخص الكويت وان الزائر لهم يكون مطلع على جدول رحلته قبل الوصول اليها
انا دخلت اغلب المواقع هذي وقرأت اكثر من رحله لبعض الاخوان الي قاموا بزياره الى الكويت

( حياك الله و انشاء الله تكون زيارة موفقة )


الي انا ابي من الاخوان الاعزاء الافاده بالاتي

شاليها الخيران هل السكن فيها مريح ومستوى النظافه فيها ونوع الغرف عندهم واسعارها في وقت الرحله اذا امكن واذا في صور يكون افضل

الشقق المفروشه الجيده الي مو غاليه وين تكون وكم اسعارها والصور اذا فيه


( بالنسبة للسكن ,, شاليهات الخيران تقع في جنوب الكويت اذا انت جاي الكويت برا عن طريق منفذ النويصيب راح تشوفها بعد المنفذ على طول على ايدك اليمين و بالنسبه للسكن فيها مريح جذا و يعتبر شبه خالي من الزوار في منتصف الاسبوع بحكم الدوامات و يوجد فيها فلل و شاليهات استديو ,,, اما بالنسبه للشقق المفروشه موجوده في كل مكان في الكويت من جنوبها الى شمالها بس يعتمد انت وين تبي بالضبط هل تبي في منطقة السالميه بحكم انها منطقه تجاريه و كل شي قريب منها او تبي خارج السالميه ,, يعتمد و اسعارها مو غاليه وايد يعني يمكن تكون الليله سعرها 50 و تحت )




الاسواق الي تنصحوني بالتجول بها سواء مجمعات او اسواق شعبيه


( الاسواق في الكويت كثيره يعني عد و امسح ,, في منطقة السالميه يوجد شارع سالم المبارك طوله و عرضه كله مجمعات و مجمع الافنيوز في منطقة الري و مجمع الكوت و المنشر في منطقة الفحيحيل هذي بالنسبة للمجمعات الحديثه اما الاسواق الشعبيه مثل المباركيه )



الالعاب للاطفال خاصه وان معاي اطفال 4 من عمر 5 الى 11 سنه


( ألعاب الاطفال عندك المركز العلمي في منطقة السالميه و منتزه الشعب في ميدان حولي و قريبه من السالميه وايد )



الاسواق الي بيعون فيها اقمشه رجاليه خام وماهو افضل الانواع واسعارها

( فيه سوق البلوكات في منطقة شرق فيه اقمشه رجاليه و نسائية و كذلك سوق المباركيه )


ابراج الكويت هل مسموح الزياره لها وش بيكون فيها مثل هل يوجد مطاعم

( نعم مسموح الزياره لها و يوجد بها مطاعم و كافيه و يوجد بها بوفيه من الساعه 8 الى الساعه 11 صباحا )


ماهو السوق الي يتواجد فيه اغلب الفنانين الكويتيين وسمعت انا هذا مدري صحيح او لا

( لا يوجد مجمع معين فيه فنانين ,, اول مره اسمع فيها هذي ) :114:



ماهي المطاعم الجيده الشعبيه مو السريعه

( مطعم فري صويلح و بسسس في منطقة السالمية ) :24:





ماهي المطاعم السريعه الموجوده مثل هرفي او ماك

( تقريبا جميع المطاعم السريعه موجوده و في كل مكان و خصوصا في شارع الخليج )



هل يوجد سنتر بوينت او اكيا بالكويت وين موقعهم

( نعم ,,, يوجد سنتر بوينت و في كل منطقه تقريبا و يوجد ايكيا في مجمع الافنيوز )



الحديقه المائيه الاكوا بارك وين فيه ومتى الدخول لها خاصه اني قرأت ان هناك بعض الحدائق بيكون فيها يوم مخصص لنساء



( الاكوابارك بجانب الابراج بالضبط الدخول لها اتوقع طول اليوم مسموح الى الساعه 11 اول 10 مساء و يوجد يوم مخصص للنساء و هو يوم الثلاثاء )




اي لا انسى وين السوق الي فيه جلابيات نساء ترى هذا مهم اشوفه......
( الجلابيات تخصص الكويتيات :106: ,, و توجد في مجمع الاوقاف و كذلك مجمع العربيد في الفروانية )




ارجوا الافاده شاكر ومقدر للجميع والله يحفظكم

( حياكم الله مره ثانيه ,, و احنا بالخدمه ) :101:

الاسواق الي تنصحوني بالتجول بها سواء مجمعات او اسواق شعبيه:

مجمعات : الافينيوز و المارينا و شرق
الشعبيه ... اسواق الفروانيه ... الامتياز و خان الخليلي و مترو و غيره ... و المباركيه

الالعاب للاطفال خاصه وان معاي اطفال 4 من عمر 5 الى 11 سنه

يوم البحار و المركز العلمي و ارض الاطفال و المدينه الترفيهيه و حديقة الشعب و حولي بارك

الاسواق الي بيعون فيها اقمشه رجاليه خام وماهو افضل الانواع واسعارها
فيه بالمباركيه

ابراج الكويت هل مسموح الزياره لها وش بيكون فيها مثل هل يوجد مطاعم
طبعا مسموح ... روح بالنهار عشان تشوفون الكويت عدل
فيها مطعم .. و أعتقد نظام بوفيه

ماهو السوق الي يتواجد فيه اغلب الفنانين الكويتيين وسمعت انا هذا مدري صحيح او لا
يمكن قصدك سوق المباركيه دايم اشوف ممثلين هناك

ماهي المطاعم الجيده الشعبيه مو السريعه
فريج صويلح

ماهي المطاعم السريعه الموجوده مثل هرفي او ماك
السريعه اشكال و الوان ... برجر كنج و ماكدونالدز و كنتاكي و هارديز ... لكن أحسنهم برأيي : برجر كنج

هل يوجد سنتر بوينت او اكيا بالكويت وين موقعهم
طبعا موجودين ... ايكيا ب مجمع الافينيوز
سنتر بوينت له افرع كثيره .. منها الري

الحديقه المائيه الاكوا بارك وين فيه ومتى الدخول لها خاصه اني قرأت ان هناك بعض الحدائق بيكون فيها يوم مخصص لنساء
جنب الابراج على طول ... رقمهم : 22431961
اعتقد يوم الثلاثاء للنساء .. بس تأكد منهم

اي لا انسى وين السوق الي فيه جلابيات نساء ترى هذا مهم اشوفه......
تبي رخيص .. شوف العربيد للعبي و الملافع
تبي غالي : شوف مجمع الاوقاف

والله انكم ماقصرتوا تسلموا يالغالين ربي يبارك فيكم اجابات وافيه وكافيه ربي يحفظكم من كل شر......امين

كل الشكر ياطيبين ...