المشاركة الأصلية كتبت بواسطة al7abeeb2
http://www.arabtravelersforum.com/tr...9/#post3829696

السلام عليكم ورحمة الله وبركاته ...

مساكم الله بالخير والرضا رواد البوابه الأستراليه

وعليكم السلام ورحمة الله وبركاته

اولاً قبل ما أبدا الموضوع ... ودي أشكر صديقي وقريبي صاحب هالمعرف الللي اعطاني الأسم والباس ورد لكي أضع استفساراتي بين أيدي الخبراء ورواد استراليا

كما ودي اقول بأن سفري لأستراليا هو لشهر العسل اللي ان شاءالله يكون عسل فعلا (ابي دعواتكم)
الله يوفقكم إن شاءالله ويجعل حياتكم كلها عسل

موعد رحلتي ان شاءالله الللي سأحاول ان احجز فيه مبكرا علشان ما اتوهق هو 13 أو 14 سبتمبر على الخطوط الإماراتية ان شاءالله لأني سمعت بأنها الأفضل من بين الخطوط ... .يعني تو الناس يمديني اخطط لهالسفره صح الللي ما راح اقدر اخطط لها بشكل ممتاز الا بفضل الله وبفضل نصائحكم الللي محتاج لها

انا جربت الاتحاد وكانت ممتازة وتروح لوجهتين في استراليا ملبورن وسيدني
برضو الاماراتية ممتازة جربتها برحلات غير بس اتوقع بعض رحلاتها توقف ترانزيت بأحد دول شرق اسيا

بالنسبه للمدن اللي خططت لها مبدئيا أن ازورها باستراليا هي
سدني
قولد كوست
مولبورن (الغاليين يبون يشوفون الثلج ولا نقدر نقولهم لا )

الثلج في ملبورن بس بشهر جولاي واوقست لانه شتاء عندهم غير كذا ماتوقع تحصل الثلج واتذكر ان مافيه رحلات للجبل هذا الا بهالشهرين

استفساري الأول
ماهو خط السير المثالي لتلك المدن لأن كثير قالوا لي خل سدني أخر شيء بسبب العفش ما تتوهق فيه في الرحلات الداخليه


أنا يوم رحت كانت ملبورن - قولت كوست - سيدني
وحسيته الأنسب لأن ملبورن وسيدني مدن كبيرة طابعهم يتشابه تقريبا بس قولد كوست مختلفه عنهم وحلو تكون بينهم

كذا ترتيب المدن بالخريطة : http://maps.google.com/maps?f=d&sour...e=utf8&t=h&z=5

بالنسبه للعفش بالرحلات الداخلية والله وللأسف انا مرتين اخذوا علي وزن زائد
المره الأولى قالوا لنا ترى معاكم وزن زائد بس ما اخذوا شي المره الثانية اتذكر اخذوا مبلغ محترم أكثر من قيمة التذاكر , عشان كذا انتبهوا لوزن شناطكم
انا رحلاتي الداخلية كانت بالفيرجن , برضو طيران الاتحاد اخذوا علي وزن زائد بالرحلة من استراليا لأبو ظبي 600 دولار مع اننا ما اخذنا شي يسوى


الاستفسار الثاني
ما هو الوقت الكافي لكل مدينه ؟؟ علماً بأن المده الللي بمقدوري التحكم فيها من مغادرتي لدبي ورجوعي لدبي 24 يوم تقريبا (احسس انها كافيه) وهل موعد سفري في 13 سبتمبر الأجواء في استراليا بشكل عام جميل للسياحه ؟؟

الوقت الكافي حسب الجدول اللي بتحدده لزيارة الأماكن

عموما ملبورن ما انصح تطول فيها مافيها شي يسوى يمكن إلا الثلج وقلت لك ماله رحلات الا بجولاي واوقست" بس تأكد من هالمعلومة " , يعني حلو لها 3 إلى 4 أيام

قولد كوست النشاطات فيها كثيرة وحلوة انا جلست 10 ايام
سيدني برضو حلو التمشي داخلها انا ماطلعت منها رحلات يعني 5 أيام إلى 7 أيام لها حلوة

بما ان رحلتك 24 يوم اقترح تضيف معها دولة ثانية تمر فيها برحلتك مثل سنغافورة مثلا أو نيوزليندا كثير يمدحون طبيعتها وهدوءها


ثالثا وهو المهم السكن في هالمدن
بسدني مدحوا لي الفور سيزن واناس مدحو لي الشانغريلا فأيهما الأفضل وهل يوجد شيء أفضل منهم علماً بأن السعر ليس مهما لي اهم شيء راحتي ووناستي بالموضوع شهر عسل يعني ابي انبسط حتى لو كانت التكلفه غاليه
بقولد كوست يمكن السكن في قولد كوست هو الأكثر حيره !!

مرات اقول ابي اسكن بشقه فندقيه علشان اقدر انبسط بالمساحه وخاصة الأجواء في البلكونه بقولد كوست ومرات اقول يا زين الفندق
الأمور المحتار فيها بالسكن في قولد كوست
كي ون كشقه فندقيه أو قولد كوست انترنشونال أو فرزاتشي ؟ (اذكر اني قد قريت موضوع بأن الهاله الإعلاميه لفرزاتشي اكثر من اللازم ) فهل تفضلون فرزاتشي على كي ون وانترنشونال ؟ ام يوجد أفضل منهما ؟؟
ملبورن بصراحه ما عندي أي خلفيه بشانها الأ ان فيها رحلة الثلج فياليت تعطوني أسماء أفضل الفنادق


سيدني : أنا جربت فورسيزون http://www.fourseasons.com/sydney/ الغرف حلوة ومرتبة و الأهم مكانه حلو

قولد كوست : قولد كوست مقسمه عدة مناطق , منطقة السيرفس برادايس اللي تفضلها أغلب الناس للأسف مافيها اوتيلات فخمه جدا بسيطة
فيه بمنطقة ثانية فيها اوتيل فيرزاتشي و شيراتون ميراج المنطقة هادية جدا وبينها وبين الباراديس لازم سياره أو باص انا كنت اروح بالباص
الفيرزاتشي حلو وشي مميز والشيراتون برضو حلو انا شفت اللوبي حقه

بالباردايس فيه شقق اسمها سيركل اون كافيل http://www.mantracircleoncavill.com.au/ انا اشوف انها ارتب من الاوتيلات الموجودة هناك

أنا جربت الهوليدي ان في القولد كوست http://www.holidayinn.com/hotels/us/...equestid=52731 وجربت الفيرزاتشي http://www.palazzoversace.com/ , الهوليدي ان عادي جداا بس ميزته بوسط البارادايس , فيرزاتشي انا اشوف انه تجربه حلوة وشي مميز حتى غرفهم حلوة واسعه

بالنسبة لملبورن : لا تفكر بغير كراون تاورز
http://www.crowntowers.com.au
الاوتيل حلوو جدا كاوتيل وكلوبي وكمكان كل شي فيه حلو


انا ادري بأن استفساراتي كثيره لكن متأكد انكم ما راح تقصرون معاي

شكرا مقدما يالغالين




إن شاءالله قدرت أفيدك

مواضيع عشوائيه ممكن تكون تعجبك اخترناها لك: