الموضوع: تبي تروح لغة ؟؟ حياك هني

بسم الله الرحمن الرحيم


تبي تروح لغة ؟؟ ما تدري شتسوي ؟؟ الحل عندي خطوة بخطوة ...

ملاحظة : اغلب الولايات متاحة وليس جميعها،


انا طبعا بروح لغة ما رحت بصراحة .. بس قاعد اسوي الاجراءات ،، واشوفها جدا بسيطه

اول شي دش موقع els.com وهو معهد عالمي معروف باللغة وتدريسها ، وهو منتشر بكل العالم

من امريكا الى فيتنام مرورا بالكويت والدمام :109: ،،، خوش سجع

مواضيع عشوائيه ممكن تكون تعجبك اخترناها لك:

• أرجوكم مساعده لشخص جديد فى موضوع السفر
• ابغا ادرس لغة في بريطانيا ساعدوووني ؟
• هل يكفى كشف الحساب هذا لمدة اسابيع
• من يدلني على من يستطيع استخراج تأشيرة لبريطانيا
• استفسار عن مدينةReading
• ساعدوني اساعد اخوي
• استفسار
• ارجو المساعدة
• دراسات عليا
• احتاج مساعده محتاره ومو عارفه اتصرف
• أستفسار بسيط
• عندي ضمان مالي
• إستفسارااااات بخصوص دراسة الطب في بريطانيا
• تحلم بجواز امريكي هناااااااااااااااااااااااااا
• ابغ مساعدكم
• اسئلة تخص حالتي محتاجة الى اجابة
• بروح بروحي ساعدوني
• أرجوا من اللي رآح لـ مدينة توركي يدخل ويعطيني معلومات عنها
• ابي معهد لغه قريب من كلية
• قائمة بكل ما يحتاجة المسافر والمبتعث خاصة من اغراض ولوازم

مشكور اخي ماقصرت

سهلت المشوار علينا

ياســلام عليك . .

أحترم الناس اللي ودها تساعد الكل ..

بارك الله فيك على الموضوع

طيب واللي في الرياض كيف يقدم

لأني أحاول أقدم على أمريكا عن طريق مكتب الطيار بس غالي وأنا ودي أختار المعهد اللي أبيه

هل توجد مكاتب تخلص لي أوراقي وأنا أختار المعهد اللي أبيه لأني أبي معهد تابع لجامعة لمدة 3 شهور

اللي في الرياض كيف يقدم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تشكر اخي الكريم
الف شكرا
وربنا ينور طريقك
ولا تنسى
تخبرنا كيف الدراسة في المعهد
وطرق التدريس وكيف التعامل
والاهم الاختبارات كيف
تحياتي ليك يا باش محاسب

طيب واللي في جده كيف يسوي
لاني ابغى اروح ادرس لغة لمدة 3 شهور في شيكاغو
والصراحه ابغى معهد يكون تمام وسعره حلو
اذا تعرف ياليت ماتبخل علينا

وتسلم ماتقصر

المشاركة الأصلية كتبت بواسطة BABY FACE
http://www.arabtravelersforum.com/tr...5/#post1963625

طيب واللي في الرياض كيف يقدم

لأني أحاول أقدم على أمريكا عن طريق مكتب الطيار بس غالي وأنا ودي أختار المعهد اللي أبيه

هل توجد مكاتب تخلص لي أوراقي وأنا أختار المعهد اللي أبيه لأني أبي معهد تابع لجامعة لمدة 3 شهور



انا نفس طلبك معهد تابع لجامعه وحبذا واشنطن:114:

جزاك الله خيرا

طريقة حلووة وميسره ...

وقبل كل هذا ،، خل يكون شعارك : (( اطلبوا العلم ولو كان في الصين )) صدق رسول الله صلى الله عليه وسلم[/quote]

اول شئ بس حبيت انبهك ان هذا الحديث لا يصح نسبته للنبي صلى الله غليه وسلم يسمونه اهل العلم بالحديث حديث موضوع يعني كذب


------------------------------------------------------------------

ثاني شئ اذا ممكن تجيبلنا كم ساعة دراسة بالمعهد من 9 الى 3 او من 12 الى 3 كم سعر كل برنامج

وكم سعر تكلفة السكن مع عائله ؟

انا لقيت سكن مع عائله في لوس انجلوس كلفر 700 دولار مع وجبتين والحمام اعزكم الله مشترك طبعا ما عجبني

:110:

اول شي اخوكم الباش محاسب يعتذر لكم عن التأخير وذلك لظروف العمل والدراسة معا

awlama :

عسى دوم المشوار سهل والله يسهل لك ...

Hong Kong :

يا خوي الناس للناس ... وانا بس قاعد ارد جزء من الجميل لهالمنتدى الجميل

اشكر مرورك الرائع ...

أبورحله :

... والذيب لامنه عوى .. جاوبه ذيب ... حياك ربي يا طويل العمر

موطن الزهرة ::

ويبارك بعمرك .. تشرفت بمرورك ..


BABY FACE و aziz 999 ::

ولا يهونون اخواننا السعوديين في كل منطقه من الارض الطاهره

فرع الرياض :
هاتف :
00966-1-419-4114

بريد الكتروني :
mailto:[email protected]

فرع جدة :
هاتف
02-698-0989

بريد الكتروني :
mailto:[email protected]

فرع الدمام :
هاتف :
38320223

بريد الكتروني :
mailto:[email protected]

فقط ثلاث فروع في المملكة .

عاشقة امريكا :

اشكرك مرورك .. وانشالله اذا رحت وشفت هناك راح يكون لي تقرير كامل ومفصل ..

شوفي شموخي ::

اللي في جدة حاط لك رقم فرع جدة تقدر تتصل فيه ، وانشالله اسعاره تعجبك

I don't care ::
المعهد ما عليه الا انك تقط جوازك عليه ، يسألك كم سؤال عشان تختار كيفية الدراسة ، تدفع له الفلوس بواسطة كردت كارد واييب لك الآي توينتي ..

وبالنسبة حق اماكن المعاهد في بكل خربة ومكان معهد ، حتى هونولولو فيها معهد ، وفي ولايات اكثر من معهد
ادخل عالسايت ومن الخريطه اختار الولاية اللي تناسبك والمعهد اللي يناسبك بعد .

واغلب معاهدهم تابعة لجامعة معتمدة ، وشغلهم ممتاز.

سفير الشوق ! ::

وياك انشالله .. انشالله تكون استفدت منها ،، ولا تنساني من دعائك ..

pjlwjl ::

اخي العزيز .. خطئي هذا من نفسي والشيطان ، ولكن وان كان الحديث مكذوب ولست عالما بالحديث ، فتؤخذ منه العبره ، ويا ليت المراقب يصلح الحديث ..

وبعدين تبي تسكن بلوس انجلس شوي غالي سكنهم ، ثم انك اذا شفت السكن غالي بامكانك انت تضبط لك سكن مو ملزوم فيهم انت

الله يوفقك يا خوي.


اخواني ... اذا استفدتوا من الموضوع ، لا تبخلون علي بدعوة صالحة بالتوفيق بالدنيا والآخرة

اخوكم / باش محاسب

الله يعطيك العافيه بس اللي بالكويت جم رقمهم والمعهد شسمه

على فكره els بوجهة نظري ليس بدرجه العاليه من الكفائه من تجربه سابقه
امريكا مليانه معاهد اقوى من els بمراحل خاصه التابعه لجامعات وارخص ثمنا
els يكلف بشهر على حسب خبره سابقه في الشهر 1800$ وهذا الصعر غالي جدا مقارنه بلمعاهد الاخرى
اما من ناحية تعليم اللغه els يعتبر مش حالك خاصه الي بيدخلون جامعه
التاسيس عنده ضعيف جدا وشغل سريع سريع
انا ما انصح فيه ابد
بعدين الاخوان الي ما يعرفون طريقة التسجيل في المعاهد
احب اقولهم بلعكس اسهل شي التسجيل في معاهد اللغه ولا تحتاج مكاتب ابد
ادخل اي معهد ورح لتسجيل واكتب معلوماتك ويردون عليك بسرعه
اتمنى التوفيق للجميع

يعجبوني الشباب الي متعاونين ....

على راسي والله من فوق .....

مشكور يا صريح والله يعطيك العافيه