الموضوع: الفزعه يا اخوان معلومات ع بوسطن

السلام عليكم يالربع عندي اسئله كثيره عندي موعد في مستشفى الاطفال بولايه بوسطن
عاد اخوكم اول مره يروح لامريكا وش تنصحوني الدنيا حر ولا برد السفر 9_6_2008
وين احسن طيران لبوسطن دايركن
وين اسكن في بوسطن قرب المستشفى
اامن منطقه هناك
لازم اظهر رخصه دوليه من الامارات
والاماكن الساحيه في بوسطن
الاسئله كثيره اسمحولي بس اخوكم اول مره يطب هاي الديره للعلاج وسامحوني

مواضيع عشوائيه ممكن تكون تعجبك اخترناها لك:

• استفسارات بخصوص الأجهزه في مطار أمريكا
• التأمين الصحي في امريكا؟
• مساعده الله يخليكم
• مسافرين على امريكا بالصيف ان شاءالله احتاج مساعدتكم في خط السير
• نهر الثعبان
• تاجيل دراسة
• اوتيل ؟
• بنت الصقور وخبراء امريكا ممكن تتفضلون
• استفسار بخصوص الرخصة عاااااجل
• وش رايكم The Huntington Hotel and Nob Hill Spa Paris Las Vegas Hollywood Roosevelt Ho
• اللي عنده معلومات عن اورلاندو الرجاء يدخل
• فيزا الـ سنوات
• استفسار لدي اترانزيت ارجوا المساعدة
• احداث مقابلتي و استفسار بسيط
• كم المبلغ الممكن يكون في حسابي ؟
• هل تحتفل امريكا بعيد استقلالها
• لقطات من واشنطن دي سي
• شو سبب تاخر التاشيرة الامريكية في دبي
• مساعدتكم ذاهب الى امريكا لأول مره ولا عندي لغه
• ريحت راصي وراسلت السفارة وجاني ردهم اخر استفسارات

هلا اخوي، انا بعد نفس الشي مسافرة لمستشفى الاطفال ببوسطن في شهر ستة، وفي طيران دايركت على نيويورك وبعدها بناخذ طيران داخلي لبوسطن، يعني حجزنا تذكرة كويت نيويورك بوسطن، وفي اماكن قريبة للسكن هناك واذا تبي في وحدة مصرية اسمها نبيلة في المستشفى ممكن تساعدك بخصوص السكن، وبالنسبة للاماكن السياحية انا نزلت موضوع هني قبل يومين والاخوان ماقصروا ردوا علي وهذا الرابط http://www.arabtravelersforum.com/travel190129/
وانا هذي اول مرة راح اسافر فيها لبوسطن والله يسهل ان شالله ويشفى مريضنا ومريضكم ومرضى المسلمين

هلا اخوي الافضل انك تاخذ دايركت لنيويورك بعدين طيران داخلي لبوسطن وتقدر تحجز من عندكم بالامارات نيويورك بوسطن، احنا نفس الشي انا اول مرة اسافر وقاعدة استفسر من ناس ببوسطن وان شالله ان حصلت معلومات ماراح ابخل عليكم فيها، بالنسبة للسكن يمدحون حي اليهود وهو يبعد عن المستشفى 10 دقايق، وفي سكن قريب وتقدر تروح مشي للمستشفى ، وسفرنا راح يكون بتاريخ 23-6 والله يسهل حتى انا شايلة هم هالسفرة

المشاركة الأصلية كتبت بواسطة عشقي ابدوي
http://www.arabtravelersforum.com/tr...9/#post2039739

اختي السويسريه شكرا ع مداخلتج انتي متى سفرج
انا اخوي يقولي ع البريطانيه هيثرو وبعدين لين بوسطن
ولا رايك دايركت من الاتحاد لنيويورك ومن هناك الى بوسطن وكيف احجز من نيويورك لبوسطن
اتمنى تتواصلين معاي لاني ماخذ هم للسفره هاي



اخويه اذا انته جاي من بوظبي افضل شي البريتش عن طريق لندن و من ثم بوسطن ... بخصوص السكن هل انته جاي على حساب الجيش ولا الهيئه ؟ عشان اقولك ايش تسوي ...

مرحبا بالاخوة .. بصراحة انبسطت لما قريت عنكم بالسفر الى بوسطن حسيت انى مانى لوحدى. انا مسافر بمريض على مستشفى شرينر قريب من مستشفى الاطفال بوسط بوسطن . موعدى جون 21 ابكون فى بوسطن مع العائلة . بصراحة جننى السكن هناك حصلت شقق بين 5000-6000 دولار ولكن من صورهن بصراحة فخمة وأمان للعائلة.بالنسبة للسفر من نيويورك لبوسطن احجز عن طريق النت بمبلغ 125 دولار تذاكر غير مسترجعة ذهاب وعودة وهذا ارخص لك بكثير من المكاتب . اما الاتصال بالسيدة نبيلة فأنا ما انصح لانة تحولك على لبنانية صاحبة شقق (قديمة وغالية).اللة يشفى مرضاكم ومرضانا.

اختي بنت الصقور انا ساير ع الجيش
حسب كلامك انه ع البريطانيه احسن من بوظبي هيثرو وترانزيت ع بوسطن
كلامك سليم عسب دوخت الشنط هم يتفاهمون معاهم
انا موعدي تاريخ 11 _ 6 شكلي بخلي السفر 10_6
حي اليهود يمدحونه السويسلريه وع كم الايجار واسعارهم بالشهر ولا بالاسبوع

الاتحاد قالي انه في رحله ع نيويورك دايركت وعقب دبر حالك بطيران داخلي قلت له انا احاتي الشنط منو بياخذهم ع الطيران الداخلي وصدعت الحجز
قالي بنوفر لك ع الاتحاد هيثروا ومن لندن تركب ع البريطانيه قلت له خلني من بوظبي ع البريطانيه ابرك وارخص

تسلمين بنت الصقور ع المداخله ماقصرتي
بس وين الاماكن السياحيه في بوسطن
وجم المسافه بين نيويورك وبوسطن بالسياره؟

تسلمين اختي بنت الصقور ع سرعه تجاوبج ويايا
بتصل ع الريال وبرمسه تسلمين
بس اختي لو عندج معلومات عن الاماكن السياحيه ببوسطن وخريطه سهله لبوسطن
وكم بالسياره من بوسطن لنيويورك

الحمدللة لى السلامة ..وش اخبار التفتيش فى مطار بوسطن انشااللة مافية تعقيد . اخبار الجو والامطار وهل عندهم غبار مثلنا ههههههه , بلغ الربع على الخميس عندهم بس مانبى كلافة على احد ..

الحمدالله عالسلامة اخوي عشق بدوي

الله يسلمكم جميع
اخوي الجو عادي لانه حار ولا بارد معتدل والظهر شويه حر والامطار ماشي
التفتيش الحمدلله مافتشونا غير بلندن حتى الجواتي تفسخهم الله يعزك
اما في بوسطن الامور كلها اوكيه بس اكتب الفورمات عدل بالطياره الابيض والازرق عن كل عائله
والمبلغ لاتكتب وايد بيزات
واذا تبون اي مساعده فالكم طيب كل ما اظهر اطيح ع سايق عربي مره لبناني ومره سوداني واخزن ارقامهم

الحمد لله اليوم الاحد من الصباح امطار لين الحينه ماوقف المطر
لاتنسون تييبون معاكم فنايل للبرد هو مو برد لذاك الزود ولاتنسون المظله
الجو متقلب

للاسف ماشفت موضوعك الا بعدين

مستشفى الاطفال افضل مستشفى وتعاملهم مره كويس

ومتعاونين مره

بالنسبه للاجارات استغربت 6000 دولار

سبق وان ذهبت الى بوسطن مرتين لعلاج ابني في مستشفى الاطفال

بس ترى بالشتاء الدنيا برد وسنو

موفقين والله يشفى مرضاكم

الاخ العزيز
اخوك في بوسطن والامور تمام
ايميلي عند الاخوان في الاداره
لاتشيل هم ان تبي سياره او سكن وبااسعار معقوله جدا
وغالبا ماتحتاج سياره في المدينه نظام نقل عام رائع
فقط تذكره لمدة شهر 59 دولار وتنقل زي ماتبي لجميع انجاء المدينه والضواحي
والاسواق والاطفال اقل من 12 سنه فري
السكن فيه شقق في اماكن راقيه وامنه وقريبه من المستشفى
بحدود 2200 دولار شامله الهاتف والنت والكهرباء ومفروشه بالكامل
وبحوار محطات النقل العام واماكن التسوق
المستشفى عند وصولك فقط بلغهم وقم بزياره للمكتب الدولي
وهم يرتبون مواعيدك وكل شئ ينهونه لك
الاكل والمطاعم بارك ستريت فيه كل شئ
الاماكن السياحيه عاد برد ولايساعد الجو
ثلوج
واي خدمه حاضر وناخوك