الموضوع: ارجو المساعده في تخطيط رحلتي الى المانيا والنمسا شهر مايو

السلام عليكم ورحمة الله وبركاته

ارجو مساعدتي في تخطيط مسار رحلتي الاولى لالمانيا انا وام العيال الله يخليها وراح اكون لكم شاااكر ومقدر ..


حيث تم وضع الخطه المبدئيه وهي قابله للتعديل وهي :
الرياض - فرانكفورت - كيتزبوهيل - سالزبورق - زيلامسي - كابرون - انترلاكن - راست - بادن بادن - فرانكفورت - الرياض
على الخطوط السعوديه بسعر 2400 للشخص .


مدة الرحلة 16 يوم .. وراح استلم السياره من مطار فرانكفورت ..


- المحطه الاولى والسكن راح تكون كيتزبوهيل او كابرون وراح اخصص كل يوم طلعه للاماكن القريبه مثل سالزبورق وزيلامسي وغيرها .. مدة 7 ليالي


- المحطه الثانيه انترلاكن 3 ليالي .


- المحطه الثالثه بادن بادن ورست 4 ليالي .


- الختام فرانكفورت ليله ومن ثم الاقلاع الى الرياض ..



ارجو مساعدتي بالاتي ..
اولا: تقييم هذا الجدول المبدئي بالعلم اني احب السواقة وماعندي مشكلة في بعد المسافات ..
ثانيا : افضل شركة تاجير سيارات لاني دخت من كثر ماقريت ولا عرفت وش الافضل ..
ثالثا : افضل اماكن للسكن في المناطق المذكوره علما اني احرص على الاسعار المناسبه وما ابي شي غالي ..




في الختام اتمنى اني ما طولت عليكم وجزاكم الله خير الجزاء وماقصرتوا .. واتمنى تفيدوني وشكرا ..

مواضيع عشوائيه ممكن تكون تعجبك اخترناها لك:

• أرتب لسفرة ألمانيا ممكن تساعدوني
• جدول للرحلة
• تاكسي ميونخ
• عااااااااااااااجل مطلوب سكن في باد غودسبيرغ
• مواقع استئجار السيارات
• اهل الخبره ساعدوني في مخطط لرحلتي لاوربا الاولى لي ولزوجي
• طلب فندق ارجوا الافاده
• للأخ مشرف ألمانيا والأعضاء جميعا حفظكم الله
• رحلة بالقطار الى فرانكفورتميونخكولندوسلدورفاللي ايحب يستفسر يتفضل
• رحلة وهمية الى المانيا
• حجز سياره من
• ميونخ آخر محطه في رحلتي
• فيزا مسبقة الدفع وتاجير سيارة ثلاث استفسارات فزعتكم
• فندق اربع نجوم في ميونخ
• دوسيردولف
• رحلة عائلية الي ميونخ
• إلى من يهمه الأمر بخصوص خبر فيزا الشنغن والتحذير من استخراجها من خارج سافرة المانيا
• توزيع الايام بين دوسلدوف وفرانكفورت
• السلام عليكــــــــــــــم
• لخبراء السفر الى ألمانيا عريس وده يزور المانيا ل ايام فقط

حياك اخوي وهلا غلا فيك

جدولك ممتاز ينقصه تنقيح فقط ,,,,, ولا دارس مضبوووووط
اولا
اسكن في كابرون او زيلامسي,,,, افضل لك
ثانيا
ضع نقطة استراحه بين زيلامسي وانترلاكن ( نصيحه مني) ,,,, عندك ماينفيلد على الحدود النمساويه السويسريه الافضل يكفيها يوم واحد وايضا فيها بيت هايدي.
ثالثا
اسكن في بادن ,,,, وكل مابغيت رست دق سلف وروح المسافه قريب بينهم ,,, ليش؟
بادن عندك الخيارات اكثر واروع واكثر فله
وغير كذا بتوفر مصاريف سكن حقت رست.
رابعا
شركة يوروب كار الافضل من حيث التأمين واذا كنت بالرياض مر فرعهم بشارع الاحساء مقابل مكتبة جرير واحجز السياره وخذ تأكيد الحجز ولا تدفع الا رسوم الحجز 70 ريال
وقيمة الحجز ادفعها بفرانكفورت اذا وصل,,,,,, من يعلم انت بتسافر ولا لا.

خامسا
ادخل بوكينق بنفسك واختر اللي يعجبك وعلى قد ميزانيتك واللي تختاره نقيمه لك ولا تشيل هم...

اخيرا
تحياتي لك ..... واتمنى اني قدمت شي ممكن انه يساعد في ترتيب سفره ممتعه

اخوك قايد

هلا بأخوي قايد بيض الله وجهك وماقصرت ..

بالنسبه للسكن في كابرون اعتمدت الموضوع وودي تنصحني بسكن ممتاز في كابرون !!

وبالنسبة للسكن في بادن بادن أيضاً


والسيارة ان شاء الله بأخذها من يورووب كار ..



بيض الله وجهك وماقصرت من الموبايل

اخوي عبدالعزيز بارك الله فيك
بالنسبة للسكن اتمنى منك تدخل بوكينج وتختار اللي تستهواه نفسك ويليق بك وبعائلتك
وراح نقيم لك السكن من الالف الى الياء

بالنسبة لبادن راح اعطيك فندق وان شاء الله يعجبك
http://www.booking.com/hotel/de/heil...ml?aid=1329869

شف لي هذا وان شاء الله بيعجبك بس يبيله سياره,,,,قمة الطبيعه والاسترخاء ويبعد عن سنتر بادن 7 دقايق

تحياتي

المشاركة الأصلية كتبت بواسطة abdullah-aziz
http://www.arabtravelersforum.com/tr...9/#post8192169

بيض الله وجهك وماقصرت طال عمرك


بالنسبه للفندق اللي عطيتني اياه مالقيت فيه حجز بالتواريخ الللي عندي والا ماشاءالله حلو وجميل




وبالنسبه لبوكنق والله احترت لي اسبوع ادور ولا عرفت وش الزين ..




بالنسبه لكتزبوهيل حجزت في فندق قراند تروليا وشكله حلو




باقي عندي انترلاكن وسالزبورق وبادن بادن




ولا يهمك ياعبدالعزيز ,,,, في الليل وينتهي امرك

انت والمدام بس؟

اخوي عبدالعزيز شيك لي على هالفنادق

بادن
http://www.booking.com/hotel/de/merk...ml?aid=1329869
سالزبورغ
http://www.booking.com/hotel/at/clas...ml?aid=1329869
انترلاكن
http://www.booking.com/hotel/ch/brie...ml?aid=1329869

تحياتي

المشاركة الأصلية كتبت بواسطة قايدعنادك
http://www.arabtravelersforum.com/tr...0/#post8192550

اخوي عبدالعزيز شيك لي على هالفنادق

بادن

l]
سالزبورغ
l]
انترلاكن

تحياتي

اخوي قايد عنادك بيض الله وجهك وماقصرت وتم حجز الفنادق اللي قلت لي اللهم لك الحمد ..




باقي طال عمرك السياره وما ادراك ما السياره !!!


لي اسبوع ابحث بالمواقع ولا خليت شي .. وفيه تفاوت كثير بالاسعار ؟؟
ابي تكفى الجواب الشافي بموضوع استئجار السياره ..
لاني طال عمرك لقيت بموقع بوكنق اسعار رخيصه ولا ادري وش وضعهم والشي الاهم
التامين والله ما افهم فيه شي وياليت تساعدني في هالنقطه ..


يكتبون لي بالتامين اشياء واجد ولا افهمها ومنها اللي هي زيرو ؟؟
وبحثت باكثر من موقع ونفس الشي عجزت افهم !!
ولا ادري هل السيارات ديزل والا بنزين ؟؟ والله اني ضايع هههههههههههه


علما اني ابحث عن مرسيدس فئة e او فئة c وتكون قير اتوماتيك استلمها في مطار فرانكفورت
والتسليم في فرانكفورت واهم شي الكيلوات مفتوحه


باقي بس هالنقطه وتنحل كل اموري والفضل لله اولا ومن ثم لك ولهالمنتدى العظيم ...


اسف على الاطاله

طيب ياعسل اذا ساكن بالرياض توجه ليوروب كار واحجز السياره اللي تبي

حجز سياره فقط بدون تأمين ولا شي

مجرد وصولك للمطار وانت على الكونتر اطلب التأمين زيرو اكسيس,, اللي هو التحمل صفر

فرع يوروب كار بشارع الاحساء مقابل مكتبة جرير

واذا اشكل عليك شي بلغني

المشاركة الأصلية كتبت بواسطة قايدعنادك
http://www.arabtravelersforum.com/tr...6/#post8195446

طيب ياعسل اذا ساكن بالرياض توجه ليوروب كار واحجز السياره اللي تبي

حجز سياره فقط بدون تأمين ولا شي

مجرد وصولك للمطار وانت على الكونتر اطلب التأمين زيرو اكسيس,, اللي هو التحمل صفر

فرع يوروب كار بشارع الاحساء مقابل مكتبة جرير

واذا اشكل عليك شي بلغني

كلااام سليم يااعم ..
طيب بالنسبة للتامين هناك كم راح يخصمون من الفيزا حقتي ..
او كم راح يسوون حجز على الفيزا ؟؟ هنا الزبده


نبي توجيهاتك طال عمررك

يخصمون 30% من قيمة السعر ,,,, واذا اخذت ورقة تأكيد الحجز بيعلمك كم راح يخصمون

اهم شي احجز فقط لاتدفع شي

اللي تدفعه قيمة رسوم الحجز 70 ريال

واحجز السياره بدون الكماليات (تأمين وخلافه)

الكماليات اطلبها اذا جيت تستلم السياره

المشاركة الأصلية كتبت بواسطة قايدعنادك
http://www.arabtravelersforum.com/tr...0/#post8195890

يخصمون 30% من قيمة السعر ,,,, واذا اخذت ورقة تأكيد الحجز بيعلمك كم راح يخصمون

اهم شي احجز فقط لاتدفع شي

اللي تدفعه قيمة رسوم الحجز 70 ريال

واحجز السياره بدون الكماليات (تأمين وخلافه)

الكماليات اطلبها اذا جيت تستلم السياره

بيض الله وجهك وماقصرت .. والله يجعلك ووالدينك والمسلمين في جنات النعيم


اشكرك شكرا جزيلا والحمدلله تسهلت كل الامور ..


وان احتجت شي مالي غنات ابسالك ولانتب مقصر ..

الله يحييك ياغالي