الموضوع: ارجو المساعدة لو سمحتوا

[center]باركولي على تفعيل العضوية ( بعد طول انتظار) وبهذي المناسبة قررت انا وأم العيال نزور الكويت ولمدة يومين فارجو من الاخوة المساعدة بوضع جدول مناسب لاني أول مره ازور الكويت علماً بان الوصول لدولة الكويت بمشية الله تعالى سوف يكون ظهر الثلاثاء وبعد البحث والتحري قررنا نزور كلاًمن

1-المباركية
2-الأوقاف
3-الأفينوز
4-المدينة الترفيهية
5-المارينا
6-المركز العلمي[/center]
علماً بأن السكن سوف يكون بمشية الله تعالى في بودل السالمية

مواضيع عشوائيه ممكن تكون تعجبك اخترناها لك:

• هل انتهت فعاليات كويتي وافتخر او لا؟
• مدينة الأحمدي قديماً وحديثاً بعدسة عسل
• احدث الشقق الفندقية في الكويت ؟
• معلومات عن ابراج الكويت
• إستفسار عن الكويت شهر هـ
• ارجو مساعدتي مسافره هونج كونج بعد اسبوع
• الكويتية تفتتح الحجز عبر موقعها بالانترنت
• عندي سؤال غريب يحتاج شخص فريد يجاوبة
• سؤال بخصوص منطقة الفنطاس
• فزعتكم يا اهل الكويت
• مجموعة استفسارت مهمة جداً أرجو المساعدة
• ممكن مرشد سياحي؟؟
• متحف السيارات القديمه والتاريخيه بالكويت
• استفسار عن فندق و منتجع شاطئ النخيل
• يا اهل الكويت الحبيبهالفزعه
• استفسار هل من مساعدة؟؟؟؟
• استفسار عن قرية مارينا
• كم استفسار محتاجه مساعدتكم
• ايهما افضل يا اهل الكويت او من سافر للكويت
• انطلاقة الكرنفال الثاني في سوق شرق و يستمر حتى اليوم بعض الصور

الف مبروك و يسعدنا انضمامك لنا

تفضل الرابط:
http://www.arabtravelersforum.com/travel223930/

حياكم الله بالكويت

اماكن حلوة وتستاهل الزيارة

بس مادري اذا يمديك تزور كل الاماكن بيومين

على العموم رحلة موفقة وسعيدة
وبالنسبة للجدول والله ان شاء الله غيري يقدر يسويلك جدول تمشي عليه


ومبروووك على التفعيل

:101:

الأفنيوز يبيله مشوار لحاله اذا بتتسوقون وتاكلون فيه مثلا

ممكن تجمع المباركية والمارينا بيوم واحد

مدري عن المدينة الترفيهيه و المركز العالمي ممكن تستغني عنهم

او تحاول تخلص بدري من الافنيوز وتروح المركز العلمي بس تاخذ الاوقات لا يكون مسكر

مقدر افيدك فيه صراحة مازرته

بس اذكر الافنيوز بعيد شوي عن السالمية وياخذ وقت بالتمشيه فيه

يااهلا وسهلا بك بالمنتدى الجميل جدا

انا انصحك ان تزور بالاضافة للاماكن الي كتبتها ان تزور سوق شرق

مجمع جميل جدا ومحترم

اشكر الجميع على المشاركة
ولكن من يستطيع ان يضع لي جدول بحسب قرب الأماكن لاني لا اعرف مواقعها بالتحديد ولكم مني جزيل الشكر


ولو سمحتو ابي وصف سوق المباركية من عند الأبراج
والله يجزاكم خير

حياكم الله اعزائي في بلدكم الثاني الكويت...

---------------------

يمكن اختصار بعض الأماكن في طلعة واحده مثل الآتي:-


1- السالمية و شارع الخليج العربي:-

-شارع سالم المبارك "تمشية فيه و يضم لوحده جميع مجمعات السالمية اهمها المرينا و الفنار و ليلى و البستان و غيرها" و كذلك العديد من المطاعم و المقاهي.

-المركز العلمي الذي يقع بشارع الخليج العربي و دخول مرافقه الجميلة.

-بالسير في شارع الخليج العربي , زيارة سوق شرق و أبراج الكويت, و متحف الكويت الوطني.

- كذلك بهذا الشارع عشرات المطاعم العالمية و الشرقية و من بينها ميس الغانم, فلم تجدوا صعوبة في هذا الأمر.


2- مدينة الكويت:-

-تجدون فيها المجمعات التي تضم الماركات الثمينة مثل مجمع الراية, مجمع دار العوضي, مجمع الصالحية.

- سوق المباركية و هو ابرز معالم الكويت, و هو سوق شعبي الأقدم في الكويت.


3- مناطق أخرى:-

- مجمع الإفنيوز أكبر مجمع تجاري في الكويت و يجب عليكم زيارته يقع في منطقة الري, على امتداد الدائري الخامس
و يبعد 10 كيلومتر تقريباً من السالمية.

- في الخروج من الكويت, المرور على مدينة الفحيحيل و زيارة مجمعين الكوت و المنشر الجميلين, و القاء نظرة على سوق الفحيحيل و سنتر بوينت القريب من الكوت.


------------------------


و هذا كان مجرد اقتراح حسب الموقع حتى تنتقوا الأفضل و الأقرب للمسافة,
تمنياتي اني يكون جميل.
و حياكم الله في بلدكم.

المشاركة الأصلية كتبت بواسطة Dhari
http://www.arabtravelersforum.com/tr...3/#post2773029

حياكم الله اعزائي في بلدكم الثاني الكويت...

---------------------

يمكن اختصار بعض الأماكن في طلعة واحده مثل الآتي:-


1- السالمية و شارع الخليج العربي:-

-شارع سالم المبارك "تمشية فيه و يضم لوحده جميع مجمعات السالمية اهمها المرينا و الفنار و ليلى و البستان و غيرها" و كذلك العديد من المطاعم و المقاهي.

-المركز العلمي الذي يقع بشارع الخليج العربي و دخول مرافقه الجميلة.

-بالسير في شارع الخليج العربي , زيارة سوق شرق و أبراج الكويت, و متحف الكويت الوطني.

- كذلك بهذا الشارع عشرات المطاعم العالمية و الشرقية و من بينها ميس الغانم, فلم تجدوا صعوبة في هذا الأمر.


2- مدينة الكويت:-

-تجدون فيها المجمعات التي تضم الماركات الثمينة مثل مجمع الراية, مجمع دار العوضي, مجمع الصالحية.

- سوق المباركية و هو ابرز معالم الكويت, و هو سوق شعبي الأقدم في الكويت.


3- مناطق أخرى:-

- مجمع الإفنيوز أكبر مجمع تجاري في الكويت و يجب عليكم زيارته يقع في منطقة الري, على امتداد الدائري الخامس
و يبعد 10 كيلومتر تقريباً من السالمية.

- في الخروج من الكويت, المرور على مدينة الفحيحيل و زيارة مجمعين الكوت و المنشر الجميلين, و القاء نظرة على سوق الفحيحيل و سنتر بوينت القريب من الكوت.


------------------------


و هذا كان مجرد اقتراح حسب الموقع حتى تنتقوا الأفضل و الأقرب للمسافة,
تمنياتي اني يكون جميل.
و حياكم الله في بلدكم.



الله يعطيكم العافية وماقصرت والف شكر على المساعدة والله يوفقك لكل مايحبه ويرضاه

اذا وصلتو الظهر
روحوا الفندق ارتاحوا..
بعدها طلعوا بعد المغرب "يأذن تقريبا 6 إلا خمس"
روحوا المركز العلمي دشوا الاكواريوم و اذا لقيتوا عرض سينما ايماكس يناسبك دخلوا
بعد ما تخلصون طلعوا و روحوا مارينا مول قعدوا فيه الى الليل..
بعدها رجعوا الفندق و ناموا..

الصبح اذا قعدتوا
روحوا المباركيه "يفتحون الساعه 9" اذا حابين اتريقون اهناك او تشربون شاي
فيه قهاوي حلوه شعبيه طبعا "مثل قهوة دلق سهيل"
تسوقوا بالمباركيه اشتروا درابيل :d و رهش و بقصم و زلابيه..
بعد ما تخلصون روحوا الأوقاف بس ترا يسكر الساعه 1 يعني اذا يمدي تروحون روحوا و اذا ما يمدي خلوه بليل..
طبعا اذا مدى رحتوا و خلصتوا قبل االساعه 1
بعد ما تخلصون روحوا تغدوا اب مكان معين
مثلا ميس الغانم ..
و بعدين روحوا ارتاحوا بالفندق
اذا صار العصر روحوا الافينيوز تمشوا و تسوقوا
و حلوا ابـ شوكليت بار..

بالنسبه للمدينه الترفيهيه
اذا حصلتوا وقت روحوا
اعتقد تسكر الساعه 11

حياكم الله في الكويت
وجدولكم ممتاز
للغايه
وتحياتي لكم