الموضوع: الى اهل الكويت الكرام والمهتمين

السلام عليكم

شحالكم ياخواني


فالبداية اشكر لكم جهودكم الواضحة في المنتدى وجزاكم الله كل الخير..


ياخوان بغيت مساعدتكم فأتمنى ما تردوني


اخوكم جاي للكويت لأول مره عن طريق البر لنه عندي دوره فبغيت مساعدة

بغيت اعرف طريق البر من قطر للكويت من وين ؟

بغيت اقرب فندق لوكالة الانباء الكويتيه وكم اسعار الفنادق هناك؟

وبغيت اعرف مكان وكالة الانباء الكويتية بالضبط وكيف اروح لها //اذا قدرتو تعطوني خريطه فبيكون زين//..

بغيت اعرف افضل الاماكن السياحية فلكويت بالاضافة لمكان ابراج الكويت الرااائعه..

بغيت اعرف افضل محل او سوق للجلابيات الكويتية والحلوى الكويتية..؟

بغيت اعرف شنو شركات الاتصال الجوال عندكم وشنو افضلها وعلى كم اسعار ارقام التعبئة؟

واي معلومات اضافية تفيدني بالكويت؟


فالنهاية السموحة لني طولت عليكم ومشكورين وعساكم على القوه سواء افدتوني او لم تفيدوني

وفالكم الجنة يارب

مواضيع عشوائيه ممكن تكون تعجبك اخترناها لك:

• وضعت جدول وابي رايكم
• مساعدة من اهل لكويت
• وين أحصل فساتين حفلات ؟
• فندق الريجنسي من تصويري
• الف مبرووك الاشراف للاخت
• كيفية الحصول على تأشيرة لزيارة للكويت
• السياحة البيئية في دولة الكويت
• استفسار يا أهل الكويت
• هل من ندوه او لقاء مفتوح او محاظره للشيخ محمد العوضي ؟
• لايطوفكم بحيرات من الأمطار شمال الكويت العبدلي
• استفسار عن فنادق
• إخواني ما أفضل طريق بري للكويت من الرياض ؟
• اهل الكويت ممكن سؤال
• اسعار الملابس
• نكفوووون ,,,,,,,,احتاج ارقام مشاغل وخياطين حق مراييل المدرسة للبنات
• محلات الكمبيوترات في الكويـت وين احصلها ؟؟
• فندق او شقق فندقيه
• اسفسار بخصوص الجمارك الكويتية
• اول سفرة لي لجوانزو محتاجكم ياغالين
• نصيحه اخويه

أقرب اوتيل لمكان دورتك الشيراتون والفور بوينتس والدوره في منطقه الشويخ واهيا مقابله منطقه كيفان عند نادي الكويت

بالنسبه للدراعات بما انك راح تقعد اكثر من يوم تقدر تروح منطقه الفروانيه في مجمعات العربيد وتختار الدرعات وايضا عندك مجمع الاوقاف فيه دراعات حلوه والاسواق كثيره بالكويت الافنيوز _ شرق _ المارينا وقعدات المارينا كريسنت _الفنار _ الرايه _ مجمع الصالحيه _ مجمع الكوت والمنشر

وأتمني البقيه يفيدونك

شف يالحبيب

تطلع من الدوحة متجه إلى أبوسمرة 90كيلو تقريبا ً
و من أبو سمرة إلى الأحساء 140 كيلو
ومن الأحساء إلى الدمام 160 كيلو
طبعا ً ماتخش الدمام تمسك طريق أبوحدرية على طول يوصلك للكويت
من الدمام إلى الخفجي 290 كيلو
طبعا ً نفس الشي ماتخش الخفجي تخليها على يمينك وتمشي سيدا حتى يجيك حرف t تروح يسار و مايردك إلا سوق المباركية
من الخفجي إلى وسط الكويت 100 كيلو

يعني تقريبا ً المسافة من سوق واقف إلى سوق المباركية 800 كيلو تقريبا ً

طبعا ً الطرق كلها لوحات يعني لاتشيل هم

حياكم الله بالكويت
و الاعضاء جزاهم الله خير ما قصروا

بارك الله فيكم وما قصرتوا


بس عندي سؤال ..؟



هل لين اجي الخفجي وكمل سيده صوب الكويت ودخل الكويت ادخل على خط الملك فهد ولا لازم ادور على خط الملك فهد ؟؟

أنت بعد ماتخلص من إجراءات دخول المنفذ الكويتي خلاص الشارع اللي تمشي فيه هو نفسه طريق الملك فهد

حياك الله اخوي في ديرتك الثانيه ,, بعد ما تطلع من الجوازات الكويتية راح تطلع على طريج الملك فهد هو نفسه الطريج اللي يدخلك على مدينة الكويت اللي اهي السنتر .. لا تشيل هم الطريج سهل و كله لوحات .

و احنا في الخدمه

مشكورين وما قصرتوا وشهد انكم ناس سنعه

فالكم الجنة يارب