الموضوع: الى خبراء ابو ظبي

راح ازور ابو ظبي يوم السبت 3/10/2009
وعندي كم استفسار ، ياريت تتحملوني لغاية يوم السفر
الجدول كالتالي : الساعه 10 الصبح بروح فندق قصر الامارات بشوفه
وبعدين بروح مارينا مول واخيرا ابو ظبي مول والساعه 10 بالليل طيارتي
1-هل التكاسي متوفره في المطار وفندق قصر الامارات ومارينا مول وابو ظبي مول
يعني موجوده في اي وقت عند هالأماكن ؟
2- اذا مو متوفره ممكن تعطوني رقم تلفون تاكسي عند الطلب؟
3- التكاسي في ابو ظبي على العداد او خسب الاتفاق على المكان؟
4- قصر الامارات اقدر ادخله بس عشان اقعد بالكافيه؟
بشوف ردودكم واكتب الشغلات اللي موحاضرتني الحين
ومشكورين يااهل الامارات

مواضيع عشوائيه ممكن تكون تعجبك اخترناها لك:

• عالم فيراري أبوظبي تفتح أبوابها للجمهور أكتوبر المقبل
• كرما لااااا أمرا
• لخبراء دبي
• كل رحلو رائعة ورائها مكتب سياحة أروع
• استفسار مهم عن السفر بطيران العربية من جده
• استفسار قرأت ان الكوبونات لاتقبل في العيد
• منتجع الفرسان الرياضي الدولي
• فندق الشانزلزيه ؟؟
• ماهي أوقات العمل في مراكز التسوق بدبي
• أبي مساعدة في أبو ظبي
• عاجل لخبراء السفر الى الامارات
• مساء الخير
• أماكن التحف والأواني المنزلية
• فندق روز ريحان روتانا الجديد من تصويري
• شنو رأيكم في فندق سوفوتيل سيتي سنتر دبي
• فندق برجمان روتانا سويتس
• شاركوني أرائكم مسافر الى دبي لوحدي وبجلس ايام
• طلب يا اهل دبي واهل الخبره
• اريد اماكن الاقمشة الجملة بدبى
• أفضل فنادق خمس نجوم في دبي

المشاركة الأصلية كتبت بواسطة febaa
http://www.arabtravelersforum.com/tr...8/#post3353251

راح ازور ابو ظبي يوم السبت 3/10/2009
وعندي كم استفسار ، ياريت تتحملوني لغاية يوم السفر
الجدول كالتالي : الساعه 10 الصبح بروح فندق قصر الامارات بشوفه
وبعدين بروح مارينا مول واخيرا ابو ظبي مول والساعه 10 بالليل طيارتي
1-هل التكاسي متوفره في المطار وفندق قصر الامارات ومارينا مول وابو ظبي مول
يعني موجوده في اي وقت عند هالأماكن ؟

والله انا آخر زياره لي لابو ظبي قبل سنتين لكن كنت اتعب في التاكسي يعني تمسك سرى من نص ساعه الى ساعه طبعا عند الاسواق يعني لازم تاخذ احتياطك بالاوقات (ماعرف اذا كان الشي هذا تغير خلال هالفتره )

2- اذا مو متوفره ممكن تعطوني رقم تلفون تاكسي عند الطلب؟

3- التكاسي في ابو ظبي على العداد او خسب الاتفاق على المكان؟

والله التاكسي في ابو ظبي خله على العداد افضل لانه رخيص

4- قصر الامارات اقدر ادخله بس عشان اقعد بالكافيه؟

ايه نعم تستطيع تتمشى بالفندق وتقعد بالكافيه وتاكل في المطعم

بشوف ردودكم واكتب الشغلات اللي موحاضرتني الحين
ومشكورين يااهل الامارات



جاوبتك بناء على آخر زياره لابو ظبي قبل سنتين قد يكون هناك شي تغير بالنسبه للتاكسي اتمنى انهم زادو عددها
موفق خير

مشكور اخوي سافر واستمتع

نبي راي الاعضاء الآخرين

والمثل يقول من سئل ماضاع

ان شاء الله الاخوان مايقصرون

بالنسبه للأسعار في فندق قصر الامارات ؟
الدخول مجاني او لا؟
الكافييه والمطاعم اللي فيه شلون اسعارها؟
اشكرك اخوي سافر واستمتع وماقصرت

(ياريت تحطلولي رقم تاكسي عند الطلب)

لان حسب تقارير الاعضاء عن ابو ظبي يقولون التكاسي فاضية بس ماتوقف حق احد
وراح اتوهق واحتمال اتأخر عن المطار بسبب التكاسي اللي شايفين روحهم

السلام عليكم يا عزيزي هاي ارقام شركات التكسي في ابوظبي ممكن تتصل في اي وحدة منهم وتسفسر في شركات بتعطيك سيارة تكسي مع سائق ممكن تفيدك هاي الخدمة
ما بنصحك ابدا ما يكون معك تكسي لانك راح تتغلب خصوصا انك مش مقيم يعني وقتك ضيق
وبالسلامة

خدمة سيارات الأجرة (تكسي)
أبوظبيالغزال (ليموزين)
+971 2 444 5885تكسي الغزال
+971 2 444 7787الشركة الوطنية للمواصلات ntc
+971 2 622 3300تاكسي العربية
+971 2 558 8099كارس للأجرة
+971 2 551 6164التاكسي الوطني
+971 2 555 2212تواصل للمواصلات
+971 2 673 4444 إيبيك لتأجير السيارات
+971 2 674 5851

http://www.visitabudhabi.ae/ar/plan....und/taxis.aspx

الارقام بالشكل الصحيح هنا

يعطيك الف الف عافيه

ممكن اعرف اسعار تأجير السيارات من مطار ابو ظبي؟
اقدر احجز عن طريق عرب لينك سياره في ابو ظبي؟
وكم ارقام عرب لينك؟
او كم ارقام تأجير السيارات من مطار ابوظبي؟
شرياكم اخذ سياره من المطار او من بره؟
تكفون ردو علي بسرعه طيارتي الساعه 7 الصبح مباقي شي

المشاركة الأصلية كتبت بواسطة febaa
http://www.arabtravelersforum.com/tr...5/#post3356555

ممكن اعرف اسعار تأجير السيارات من مطار ابو ظبي؟
اقدر احجز عن طريق عرب لينك سياره في ابو ظبي؟
وكم ارقام عرب لينك؟
او كم ارقام تأجير السيارات من مطار ابوظبي؟
شرياكم اخذ سياره من المطار او من بره؟
تكفون ردو علي بسرعه طيارتي الساعه 7 الصبح مباقي شي



وقتك جدا ظيق لكن أنا إتصلت قبل قليل بالشركة الوطنية للمواصلات وقالوا لي بأن خدمت إيجار

السيّارة مع السائق ولمدّت (12 ) ساعة بثمانمائة درهم .

وأنا أفضل أن تتنقل بالتكاسي لأنهاا أوفر لك وبالنسبة للأماكن التي تنوي زيارتها فيوجد بها تكاسي

على مدار الساعة .

وأي شي ثاني إحنى حاظرين للطيبين

بدون سائق بكم؟

المشاركة الأصلية كتبت بواسطة febaa
http://www.arabtravelersforum.com/tr...7/#post3356697

بدون سائق بكم؟



لسيّارات الإيجار بمطار أبوظبي أكثر من مكتب ولن ينقص

الإيجار عن (110) كما أنه لن يزيد عن (180) درهم طبعا

والسيّارات 2008 / 2009 /

وينك يالحبيب ماترد

سافرت وألا عادك

حبيت أذكرك بمعرض الصيد والفروسيّة بأبوظبي

وغدا السبت هو اليوم الرابع و الأخير للمعرض .

ومكانه في أرض المعارض على طريقك

في القدوم أو المغادرة

ليش تكسي طلب
خذ تكسي عادي على المطار بيطلع تقريبا بين 80 و 100 درهم

مشكورين ياخوان والحمدلله رحت ورديت امس
تأجير سياره من المطار ارخص شي سيارة لانسر 160 درهم لليوم
بس اخذت تاكسي والحمدلله التكاسي متوفره في كل مكان
ومشكورين على كل الردود وماقصرتوا

الحمد لله على سلامتك وبشر عسى دخلت فندق قصر الامارات

المشاركة الأصلية كتبت بواسطة febaa
http://www.arabtravelersforum.com/tr...6/#post3362186

مشكورين ياخوان والحمدلله رحت ورديت امس
تأجير سياره من المطار ارخص شي سيارة لانسر 160 درهم لليوم
بس اخذت تاكسي والحمدلله التكاسي متوفره في كل مكان
ومشكورين على كل الردود وماقصرتوا



هلا والله وغلا بأخونا ( febaa ) والحمد لله على السلامة

وبصراحة من أمس وأنا أرقب زيارتك للموقع

علّ وعسى أن تكتب شيء عن

زيارتك لإمارة أبوظبي

وأرجو بأن تنقل

لنا كل ما

هو مهم
وشكرا .

الزيارة كانت حيل قصيرة بس استمتعت فيها حيل
وصلت المطار الساعه 11 الظهر ورحت على طول حق تأجير السيارات ولقيت ارخص شي عندهم لانسر
160 درهم لليوم ووافقت بس الفيزا مالتي مارضت تشتغل ، المهم اخذت تاكسي ورحت حق المرينا مول
وتريقنا في محل بيتزا هناك صاير في داعوس وطاولات المطعم كانت يم البحر وتمشينا في المجمع لغاية الساعه 3 العصر
وعجبني محل ارماني .
بعدها اخذت تاكسي من المارينا مول ورحت فندق قصر الامارات وكان دخول الفندق جدا سهل وبدون اي تعقيدات والفندق حلو من داخل وصورنا فيه وصلينا داخل الفندق وكان فيه معرض اسلامي من تركيا والدخول مجاني للمعرض .
بعدها طلعنا من الفندق واخذنا تاكسي ورحنا ابوظبي مول وبصراحة عجبني حيل وبالنسبة لي احلى من مارينا مول بس اغلب الناس واصحاب التكاسي يقولون احلى شي المارينا مول (الناس اذواق).
بعدها كنا بنروح المطار بس كان عندنا وقت شويه قال رفيجي خل نشوف مجمع اخير ونروح المطار وانا وافقت ورحنا حق الخالدية مول وقعدنا فيه نص ساعة بعدين رجعنا للمطار وسافرنا .
اسمحولي هذا السرد البسيط للرحلة بس هذي اول مره اكتب عن رحلة في المنتدى
واسف لاني ماحطيت صور لان توني عليمي
وطبعا الشكر لكل اللي ساعدني وفعلا هذا المنتدى يعتبر الاول اللي يختص بالسياحه

لا شكر على واجب وكما قلنا سابقا لإن للمنتدى فضل علينا جميعا وآمل أننا قد أفدناك بمافيه الكفاية