الموضوع: القطارات في امريكا مهم جداً بلا طيرات بلا زحمه وتفتيش

السلام عليكم ورحمة الله وبركاته وبعد

القطارات في امريكا

يجب ان يكون هناك موضوع يشرح طريقة الحجز بالقطارات في امريكا

وهل هي سريعه او بطيئه
وهل يوجد قطارات بين المدن

يعني انا ودي اعرف هل يوجد قطار بين نيويورك - وارلاندو وكم ساعه القطار

كذلك هل يوجد قطار بين ميامي - ولوس انجلوس وكم ساعه القطار

كذلك هل يوجد قطار بين لوس انجلوس - لاس فيجاس وكم ساعه القطار

بعدين ويش رايكم في توزيع الايام على الرحله كلتالي ان تم اعطائنا الفيزاء ان شالله

نيويورك ( 4 ) ايام

اورلاندو ( 6 ) ايام

ميامي ( 3) ايام

سفينه كروز ( 3) ايام

لوس انجلوس ( 7 ) ايام

لاس فيغس ( 3) ايام


انا بصراحه بعد ماشفت الصور حبيت ان اقضي وقت اطول في لوس انجلوس بصراحه احس انه امتع من اورلاندو لان اورالاندو جوه حاره كم شاهدة في الصور ولوس انجلس احس انه متطوره اكثر من اورلاندو واحس ان فيها حركه اكثر وانا بصراحه احب الحركه والي في اورلاند من العاب موجود ف لوس انجلس وتبين لي بان لوس انجلوس اكبر اسواق فيه وافخم وافضل وكذلك اكثر اسواق من اورلاندو

مين معي بان لوس انجلوس تستحق القسط الاكبر من الزيارة من اورلاندو

مواضيع عشوائيه ممكن تكون تعجبك اخترناها لك:

• طلب تقرير رحلة اورلاندو
• إستفسار خطأ في الإسم الموجود على التذكرة
• يا الربع ممكن اتساعدوني بخصوص الفيزا
• الفزعه يا اخوان معلومات ع بوسطن
• فيزا
• يا أخوان إيش مشكلة موقع إكسبيديا ؟
• من كالفورنيا الى نيويورك وشلالات نياقرا
• المسافات بين نيويورك وماحولها
• حجزت على المصريه ودفعت ابي رايكم تكفون
• سؤال عن الموصلات في فيقاس
• الإعصار أيرين يهدد الساحل الشرقي لأمريكا وتوقع عاصفة استوائية تجتاح اليابسة
• بشرى سارة لطلاب الدراسات العليا
• رحلتــي إلى شيكاغـــــو بالصـــور
• مول جديد في لوس أنجلوس يشبة يستحق الزيارة روعة
• ظروري بالله
• تكفوون ابي مساعده
• مساعدة في لوس انجلوس
• عقد عاملة منزلية للعمل في
• أين أذهب في الوست كوست؟
• هل حصلت على الفيزا بعد الورقة الزرقاء الرجاء التسجيل

انا الصيف اللي فات زرت اورلاندو لمدة 8 أيام


وزرت لوس انجلوس لمدة اسبوعين


صراحه تحسفت بالوقت اللي رحت فيه لاورلاندو اول شي الجو فيها حار جدا جدا جدا لا يطاق ورطوبه احنا منحاشين من حر الخليج نروح ننصلخ هناك زياده


وكل الأشياء اللي موجوده في اورلاندو من ألعاب فيه اشياء تشابه لها في كاليفورنيا ولو كانت اورلاندو اكبر العاب لكن انت سفرتك مو القصد منها بس ألعاب


حتى الأسواق اللي في أورلاندو عاديه جدا كلها 3 مجمعات ولا هي مقارنه ابدا بلوس انجلوس

التمشيات والأسواق والمطاعم والحدايق والمنتزهات كلها تتفوق فيها كاليفورنيا


نصيحتي لك انت تخلي كل الوقت لكاليفورنيا وتزور سانديقوو جميله جدا ولو معاك وقت تزور سان فرانسيسكو 3 او 4 ايام


كل اللي جرب المنطقتين بيفضل كاليفورنيا بدون مقارنه

بلا طيران وبلا قطارات ...

لو عندكم احد يسوق انصحكم تستاجرون سياره في اخر يوم لكم في نيويورك و تنزلون جنوب الى ولايه فلوريدا وتتمشون في اورلاندو و لين ميامي و تسلمون السياره. بعدها بالطياره الى لوس انجلوس او لاس فيجاس الي تذاكرها ارخص وسعر السياره فيها رخيص تتمشون فيها وتكملون للمدينه الثانيه بالسياره.

اسعار القطارات في امريكا غاليه شوي و ممكن توصل نفس سعر الطياره مع فارق الوقت الطياره بس ساعه بالقطار 4 ساعات ونفس السعر او اغلى.

السغر بالسياره ممتع ومهوب لازم تتعبون نفسكم بالطريق مثلا كل ست ساعات توقفون في مدينه و تتمشون فيها و تنامون و الصبح تكملون الرحله.

العام مشيت
بالسياره من الشمال الى الجنوب و جلست في بالنص في مدينه myrtle beach انبسطنا فيها و حتى اهلي تمنوا لو ننام ليله ثانيه بس صعبه لان عندنا حجزت فندق في اورلاندو.



http://www.myrtlebeach.com/

_________________
مده الرحله من نيويورك الى اورلاندو تقريبا 21 ساعه. بالقطار.

انا رأيي من رأي عزيزي fms

احسن شي السواقة لكن لو الشي دا صعب خليك على الطيران
قطارات امريكا ليست بذلك المستوى عكس قطارات اوروبا

تحياتي.

الطريق من نيويورك الى اورلاندو 17 ساعه طبعا يعتمد على الزحمه.

لو عندك وقت اخليها نيويورك واشنطن 4 ساعات تجلس في واشنطن ليتلين تتمشون فيها وفي الصبح تمشون الى المدينه الي قلت لك عليها على البحر وفيها مطاعم وعروض و سوق حلو تجلس فيها ليلتين و بعدين تكمل لورلاندو. منها شفت اكثر من مدينه و تتمشون..

الطريق الحمد لله امان وكل شوي محطات ومطاعم واستراحات.. وحتى لو حسيت بتعب وما كنت حاجز فندق راح تلاقي فنادق بالهبل بالطريق.

النفيقيش اكيد بساعدك استخدامه سهل و فيه ميزات تسهل عليك الرحله لو احتجت محطه يدور لك اقرب محطه و مطاعم وفنادق.

في موقع حلو ميزته يطلع لك الفنادق الموجوده بالطريق وبعد كم دقيقه من المشى راح تلقاها"العامود اليسار". والفتره الباقيه للرحله" العمود اليمين.



http://www.freetrip.com/

كل الي عليك تكتب نيويوك ولايه نيويورك NY
و اورلاند ولايه فلوريدا FL

واختار مستوى الفندق الي تبيه. الفنادق اكثرها تكون قريبه من الهاي واي.

انا شخصيا استخدم هذا الموقع



http://www.carrentals.com/

الي عليك انت تختار المطار الي تبي تستلم فيه السياره جرب كل المطارات

John F. Kennedy International Airport JFK
John F. Kennedy International Airport LGA
Newark International Airport - New Jersey EWR

انت اكتب رمز المطار فقط و تختار مكان تسليم السياره لازم تحدده. لان بيختلف السعر.

ولكن هالسنه لقيت سعر افضل لان الاسعار في الموقع الاول مهوب شامله التامين حق السياره.

لقيت موقع بدجت يعطي سعر مناسب و شامل التامين لمن احط بالخيارات اني مواطن غير امريكي واخترت السعودية.

http://www.budget.com/


اختار اسم المطار العاده الي في نيوجيرسي ارخص وتقدر تروح له بالمواصلات العامه من نيويورك

وشيل الصح الي قدام I am a U.S. resident

واختار اسم البلد الي تقيم فيه.

لازم تجيب رخصتك السعوديه والدوليه للاحتياط.

واي شي تبي تسال عنه تحت امرك

موضوع رااااااااااااااااائع الله يعطية العافية اللي اقترحه ياليت تدلوني هل فيه قطارات من
لوس انجلوس الى سان فرانسيسكو
لوس انجلوس الى لاس فيقاس
لوس انجلوس الى ساندييقو

وكم ساعة تستغرق كل رحرلة

المشاركة الأصلية كتبت بواسطة fms
http://www.arabtravelersforum.com/tr...7/#post1996997

انا شخصيا استخدم هذا الموقع



http://www.carrentals.com/

الي عليك انت تختار المطار الي تبي تستلم فيه السياره جرب كل المطارات

John F. Kennedy International Airport JFK
John F. Kennedy International Airport LGA
Newark International Airport - New Jersey EWR

انت اكتب رمز المطار فقط و تختار مكان تسليم السياره لازم تحدده. لان بيختلف السعر.

ولكن هالسنه لقيت سعر افضل لان الاسعار في الموقع الاول مهوب شامله التامين حق السياره.

لقيت موقع بدجت يعطي سعر مناسب و شامل التامين لمن احط بالخيارات اني مواطن غير امريكي واخترت السعودية.

http://www.budget.com/


اختار اسم المطار العاده الي في نيوجيرسي ارخص وتقدر تروح له بالمواصلات العامه من نيويورك

وشيل الصح الي قدام I am a U.S. resident

واختار اسم البلد الي تقيم فيه.

لازم تجيب رخصتك السعوديه والدوليه للاحتياط.

واي شي تبي تسال عنه تحت امرك




بصراحه والله انك وسيع صدر ماشالله عليك وياريت تستحملني زيادة عشاني غشيم حبتين واول مره اروح USA

عندي استفسار

كم ساعه من ميامي الا لوس انجلس وله افضل اطلع بطائرة

وكم ساعه بين لوس انجلس و لاس فيغس

والله بدائة تدور في راسي فكرة مسكة الخط انا احب امسك خطوط بصراحه متعه وبعدين انت حر نفسك توقف متى ما تبي وتمشي متى ماتبي وكمان تتفرج على كيفك

المشاركة الأصلية كتبت بواسطة ماهره
http://www.arabtravelersforum.com/tr...6/#post1997026

موضوع رااااااااااااااااائع الله يعطية العافية اللي اقترحه ياليت تدلوني هل فيه قطارات من
لوس انجلوس الى سان فرانسيسكو
لوس انجلوس الى لاس فيقاس
لوس انجلوس الى ساندييقو

وكم ساعة تستغرق كل رحرلة



في قطار بين لوس انجلوس و سان ديقو مده الرحله تقريبا ساعتين وخمسين دقيقه. سعر التذكره تقريبا 34 دولار اتجاه واحد. انا انصح الي يزور سان ديقو من لوس انجلوس انه يروح لها بالسياره لان تحتاجون سياره في سان ديقو.

وفي رحلات من لوس انجلوس الى سان فرانسيكيو بس ما فهمت كيف نظامهم لانه في اكثر من ستوب الظاهر لازم تغيرون القطار و في اشياء مكتوب عليها باص. معقده شوي سعر التذكر 53 دولار اتجاه واحد فقط ما ادري اذا كانت شامله الضرايب والرسوم. مده الرحله تقريبا 9 ساعات.

من لوس انجلوس الى لاس فيجاس ما في قطار عندهم باصات فقط 38 دولار اتجاه واحد فقط مده الرحله 5 ساعات و خمسين دقيقة.

بصراحه وفيت وكفيت والله اني شاكر لك من كل قلبي

اسف على التاخير في الرد كان مبارة الهلال والاتحاد وخسر الهلال وكان النفسيه زفت


شكراً الف شكر على المساعده وشايلنك لوقت عوزه ياخوي :24:


بس ياريت ياخوي تعطيني اكثر روابط لتاجير السيارات في امريكا واخص بذلك فئة السيارات الكوبيه الباب واحد الي تكون واسعه يعني ماتكون ضيقه عشان الشنط بس وياريت تكون مقعدين فقط في السياره مثل الكورفت النبرغيني الجاكور وغيرها بصراحه مالقيت في النت مثل هذي السيارات وانا احب هذا النوع من السيارات خاصه ان تكون كشف يعني بدون سقف اهم شي كوبيه وكشف وتكون الشنطه حقتها وسيعه عشان الشناط وشكراً اخي تعبناك معنا :11ight: