الموضوع: تقرير زيارتي للجهراء والقصر الأحمـر

شلونكم اعضاءنا

اليوم تقريرنا غير .. اليوم بنروح الجهرااا وبنمر بعد القصر الاحمر :24:

خذينا سيارة كبيرة تكفينا كلنا وانطلقنا عن طريق الدائري السادس

مرينا على المجمع اليديد 360 اللي ليلحين مافتح


وهذا استاد الشيج جابر الاحمد


الطريج طويل لازم الجويهه معانا


وبطريجنا هم شفنا ناس مخيمه


وهذا مصنع نستله


وهذي ماجلتنا معانا


بالطريج




ودخلنا الجهرا


جمعية احياء التراث


يتبع

مواضيع عشوائيه ممكن تكون تعجبك اخترناها لك:

• يا أهل الديرة عاجل لو سمحتو
• نـبي فزعـتكم
• سؤال في الكويت
• أريد أي معلومة عن الهيلوكوبتر
• شوركم يا أهل الكويت
• تقريري فندق الماريوت
• مساعدة
• طلب مقهى عائلي مفتوح
• أم خماس
• غداً سوف ازور دولة الكويت الحبيبه
• اهلى الكويت ابي شقق مفروشه الفزعة
• لخبراء السفر براً بين الكويت و السعودية
• اهل الكويت ممكن سؤال
• صور من رحلتي إلى الكويـت م
• التخفيضات الموسمية على الماركات العالمية
• ممكن مساعده من اهل الطيب والكرم اهل الكويت
• ايام اين اقضيها
• ارجو التكرم بالمساعدة في السكن بالكويت
• نريد عناوين محلات فساتين السهرة
• اكتشافات أثرية هامة في الكويت تعيد قراءة تاريخ المنطقة

وتعمقنا بشوارغ الجهرا




ولقينا القصر الاحمر


مواعيد زيارة القصر الاحمر ومتحفه


يقع القصر الاحمر في جنوبي شرق مدينة الجهراء
وهو حصن كبير شيده الشيخ مبارك الصباح رحمه الله وسمي بالاحمر بسبب لونه الطين الاحمر الذي بني به
تعددت تواريخ سنة بناءة لكن الارجح هي سنة 1897م
ويتضح القصد من بنائه حين ننظر الى ابراجه العالية او الغول ومخارج الرماية من اسوارة فكل ذلك يدل على ان
الناحية الحربية كانت من وراء متطلبات بنائه الضرورية
اقسام القصر:
*سكن الامير
*المسجد
*الديوانية
*سكن الجنود والخدم
*الاسطبل


البوابة الشرقية للقصر




تعليمات القصر


مدفع


بسم الله دخلنا


الحوش او الفناء الخاص بالقصر


هالبيبان مقفلة فيهم المتحف ولازم يفتحهم اللي مسئول عن القصر ويشرح لكم داخل


بيت شعر


نتجول في القصر






يتبع

رحلة وجولة جميلة

واصلي أختي الكريمة

ربي يسعدك

تقرير حلو

متابعين وياج

متابعين يالغلا

واصلي ..ننتظر البقيه

رحله جميله

ولكن التعليمات تقول ممنوع التصوير

ممكن نعرف كيف سمحوا لكم بالتصوير

مشكوره حبيبتي
تابعي احنا معاك

شكرا لج على هالموضوع
صراحه انا دايما اسمع فيه
بس عمري ماشفته
فاا اكيد بتقريرج هذا راح تخليني اتعرف عليه وعلى معالمه



تحياتي لج :smile:

يالله .. ماتوقعت ابداً إن هالقصر التاريخي مفتوح للزوار !!!
بل توقعته مهجور او مشبك عليه شبك حماية وممنوع حتى الإقتراب منه ... وبالأخير طلع بهالرونق والجمال ومادريت عنه ؟

والله من كثر ما اقرأ عن الجهراء ومشاكل الشباب فيها بالجرايد صرت اتحاشى الدخول لها .. لكن يبدو ان الجهراء ستكون بأولويات جدول زيارتي القادمة للكويت بإذن الله

الله يعطيج ألف ألف عافية اختنا القديرة / Pink GirL Q8 ،، ومتابع بقية الموضوع بشغف كبير والله يعينج على اسئلتي .. تحياتي وتقديري لج وللجميع

يعطيج الف الف العافية يا اختي علي هالتقرير
لو ادري انكم تبون تجون الجهراء كان قمنا بالواجب معاكم ما دامكم وصلتوا الجهراء ام الدنيا

يعطيج العافيه ورديتنا على التقرير الحلو

جامعي1
ان شاء الله بكمل تستاهلون

الراشد
حلت دنياك اخوي
حياك الله

ملكة
ان شاء الله ياقلبي

هشام90
استأذنت من المسئول فوافق والحمدلله

فارسة
العفو ياقلبي

نورا
العفو حبوبة
ان شاء الله تشوفينه مو بس بالصور
ان شاء الله تزورينه بعد

احبك ياكويت
الله يعافيك اخوي
ان شاء الله بزيارتك القادمة للكويت تروح القصر الاحمر
وعلى الرحب والسعه وحاضرة لأي سؤال

بيق بين
الله يعافيك اخوي
تسلم يالغالي وكرم اهل الجهرا معروف

المرام
الله يعافيج حياتي
عيونج الحلوة

نكمل معاكم جولتنا داخل القصر







السقف


صعدت فوق وهذا فيوو للقصر من فوق




اعتقد هذا اسمه مرزام اللي ينزل منه ماي المطر


والحين بندخل المتحف
السدوو


مجسمات لحريم البدوو وكيفية عمل السدو




جز صوف الخروف


الصوف والالوان






يتبع

الصيد


مجسم لصياد على خيل


انواع السلاح




بعض ادوات الصيد


الصيد بالصقور


وهذا منخش يصيد


الاسلحه القديمة


السيوف


السلاح


وهذا الريال ماسك سلاحه


خناجر


الذخيرة


الزراعه








جليب


ادوات الحرث




ونرد للقصر


هالاثلة عماتي يقولون من يوم كنا صغار موجوده مشاء الله


دخل علينا المغرب واحنا هناك
هذا فيووو ليلي




وهذا الكتيب يعطونه لزوار القصر الاحمر
خوش معلومات فيه


يتبع

بعدها رحنا مجمع سليل الجهراء


وهذي جم صورة من داخلة










في بحيرة كبيرة فيها قوارب على شكل بط




هذا منتجع سليل
مع الاسف كان ليل فماشفناه عدل وماتحمسنا ندخل حلاته بالنهار




هذا اخر شي شفناه بالجهرا
بعدها ردينا الديرة خذينا عشا من هالمطعم


تعشينا وردينا البيت


استانسنا بهالزيارة للجهرا وان شاء الله استانستوا بهالتقرير الكويتي :8888:

نشوفكم بتقارير ثانية ان شاء الله

دمتم :24:

اي والله بنك استانسنا معاج بهالتقرير

وعساج عالقوة وماقصرتي

مفاجآتج قوية هالايام

الله يستر من اللي ياي

يعطيج العافية على التقرير الحلو والصور الرائعة والوافية وبانتظار تقارير أخرى

هلا اختى (بنوووكة ) ماشالله خوش تقرير وبصراحة ماتوقعته جذية حسبالي مصقر بس ان يكون المرور الكرام يعنى بس نمر نشوف البنيان والله ماشالله عليكم انتى والعمات الله يخليهم لكم ان شاله ويرحم موتانا وموتى الملسلمين الله يخليهم لكم ويطرح فيهم البركة ويخليلكم الوالد يااااااااااارب

وبصراحة استمتعت في صور ،،،، بس سؤال ماخفتوااول مادخلتو الجهرا اوضيعتوا فيها ،،، واااي انا خاف منه احس كلها اجرام ولهم نظرات غريبة ،، ارجو السموحة بس لحد يزعل بس هذي الحقيقة الواحد يتحاشي المشاكل

والله يهنيكم في عشاكم جنى اشتهيت اتعشي اليوم صمون فلافل وبطاط ،،،،،

تقرير حلووووووووووووووو

ماشاء الله تبارك الله
الكويت حلوه واهلها طيبين
يعطيك العافيه على التقرير
وان شاء الله ازورها قريب

مشكورره بنغ

مشا الله واااايد حلو تقريرج

خوش تقرير PinK

يبيله روحه حق الجهراء و القصر الاحمر و سلّيل..

اذكر مره من زمااااااااان يوم كنت بالمتوسط مادري الابتدائي رحنا الجهراء مع خالاتي و ريّل خالتي ودانا لول..
بس


قواج الله ^.^

حياج الله يا بنك
ونورتو الجهراء
ومشكوره على نقل تراث الكويت

يعطيج العافية ما قصرتي

تقرير مميز يااختي الكريمه

سلمت يمناك على ما خطته

تقبل تحياتي ومروري المتواضع ,,,

حبيبتي ورديتنااا

نورتينا باحلى تقرير عن اعظم القصور اللي تدل على شجاعه وبساله الشعب الكويتي من القدم

واضم صوتي اصوت احبك يا كويت على بالي ان مهجور ومكسر مثل القصر الاحمر الموجود بجزيره فيلكا ووايد مهحور ويخوف

مشكووره على التقرير الرووعه والف شكر لج

وتستاهلين التصفيق ..عن جداره

المشاركة الأصلية كتبت بواسطة أحلى كيميائية
http://www.arabtravelersforum.com/tr...5/#post2779115


واضم صوتي اصوت احبك يا كويت على بالي ان مهجور ومكسر مثل القصر الاحمر الموجود بجزيره فيلكا ووايد مهحور ويخوف



على راسي اختي القديرة / احلى كيميائية :smile:

رحلة تراثية جميلة...
و صور رائعة لهذا القصر, لطالما وددت زيارته...

و ان شاء الله في القريب العاجل...
اشكرج اختي على الموضوع الرائع.

اختنا القديرة / Pink GirL Q8

إذا تكرمتي توصفين مكان القصر الأحمر للي جاي من العاصمة .. انتظر ردج ، تقبلي تحياتي

الله يعطيك العافيه

معليش انتي قلتي رحنا الجهراء بعدين ردنا الديره
ليش الجهراء مو من الكويت
انا اعرف حي الجهراء انو حي من احياء الكويت مو منطقه
اعرف انها من افقر احياء الكويت دوم فيها المشاكل

تقرير رائع بينك الكويت

واسعدني انني شاهدت القصر الاحمر سمعت كثيرا عن هذا القصر

واخيرا شاهدته شكرا لك

المشاركة الأصلية كتبت بواسطة سعودي في سانت جون
http://www.arabtravelersforum.com/tr...9/#post2805389

معليش انتي قلتي رحنا الجهراء بعدين ردنا الديره
ليش الجهراء مو من الكويت
انا اعرف حي الجهراء انو حي من احياء الكويت مو منطقه
اعرف انها من افقر احياء الكويت دوم فيها المشاكل



الديره يعني العاصمه
و الجهراء محافظه و فيها مناطق كثيره ... و تعتبر من أكبر محافظات الكويت
بالعكس مو فقيره ولا شي
الله يعز الكويت ... مو مخليه احد محتاج
و ما عندنا شي اسمه منطقه فقيره
و ما فيها مشاكل ولا شي
و انا اكلمك و متأكده من كلامي لاني عشت بالجهراءو أهلي فيها و على طول انا اروح هناك

يعطيج الف عافية

المشاركة الأصلية كتبت بواسطة سعودي في سانت جون
http://www.arabtravelersforum.com/tr...9/#post2805389


اعرف انها من افقر احياء الكويت دوم فيها المشاكل



نسبة كبيرة من سكان الجهراء من السعوديين

المشاركة الأصلية كتبت بواسطة أحبك يا كويت
http://www.arabtravelersforum.com/tr...6/#post2804726

اختنا القديرة / Pink GirL Q8

إذا تكرمتي توصفين مكان القصر الأحمر للي جاي من العاصمة .. انتظر ردج ، تقبلي تحياتي



مشرفتنا القديرة المرام .. سؤالي ماشفتيه يالغالية .. وها أنا اعيد رفعه .. ومشكوره وممنونه مقدماً :smile:

ما شاء الله تبارك الله والله في غاية الروعه مشكوره اختي على التقرير الاكثر من رائع
وفعلا هذي المواضيع تهم السائح كثير لأنه دائما يبحث عن اماكن جيده للزياره

خووش تقرير وياحبي للجهرا

الصراحة تقرير اكثر من رائع

بارك الله فيكي ..

بصراحة رحلة حلوة وشاملة الف شكر

رحله جميله
يعطيج العافيه