الموضوع: استفسار

:114::114:السلام عليكم

اخواني الاعزاء, انا واعوذ من كلمه انا, من المنطقه الشرقيه و عندي كم يوم اجازه و حاب اروح الى الورده
حاب اسافر ثاني اسبوع من شهر يناير 2009 واحب نصايحكم وخبرتكم في التالي

1-الخطوط 2- السكن3- الموصلات 4- الرحلات هناك

اذا فيه شقردي بيروح في هالموعد الله يحيه

واذا فيه اقتراحات ماتقصرون

الموقع مليان من المواضيع بس( اذا بقيت تحيره خيره).

واشكركم مقدما[/font]

مواضيع عشوائيه ممكن تكون تعجبك اخترناها لك:

• ياليت من يعرف اسم المنطقه
• مسؤولون فلبينيون سابقون يدعون ارويو للاستقالة
• اوقات الصلاة في مانيلا لهذا الشهر
• مانيلا بعيون محبوب
• جديد اول مره بروح للفلبين وارغب في مساعدتكم
• أذا ممكن فندق قـريب من
• أستفسار النت بالفلبين
• شبـــــــــــــــــــــــــــاب ممكن خدمة
• أرجوو الافاده
• استفسار عن خط سير هام جدا
• مسافر وابي مساعدتكم ؟
• اعدادات شريحت قلوب على الباد لوكس
• استفسار عن معهد في مانيلا
• وصلت من الفلبين واصبت بأفلونزا الخنازير
• جزيرة بلوان
• دعاني الشوق يالغالي وانا من الوجد لبّيته
• هل هناك خط دايركت بين جزيرتي سيبو وبالوان ؟
• اعصار كونسون يودي بحياة شخصا في الفلبين
• لو سمحتو عناوين مكاتب الاستقدام
• معلومات عن الفلبين تكفون

hello brother read this report maype will be useful


اولا ارحبك بختيارك الورده لقضاء عطله لسياحه وبنيابه عني وعن الاخوان المراقبين والاعضاء في بوابه الفلبين يسرني ان اجاوب على اسالتك بكل تواضع بسم الله :

1.هل 20 يوم كثير ولا قليله في الورده ؟ الاجابه حسب رغبتك اخوي بس 20 يوم من وجهت نظري كفايه في الورده بس اذا تحب تزيد ايام يكون احسن لتلف الورده كامله.

2.المدن الي يفضل ان تزورها في الورده ؟ الاجابه تبدا الجوله من مانيلا : مكاتي , ستار سيتي مول اوف ايشيا,هذي الواقع في مانيلا المواقع الثانيه خارج مانيلا مثل لاقونا بتنقس. و بعدين باقيو سيتي , باروكاي ايلاند , بلاون ايلاند , سيبو سيتي, سوبيك بيتش ( بيتش يعني شاطئ مب الي يمكن يصير في بالك ههههه ) تقيتاي سيتي , الوكوس سيتي ( فيقان) وبحط بعض الروابط للمدن والجزر المذكوره اسفل التقرير .

3.كم المده التي يفضل ان ابقى في كل مدينه ؟ الاجابه حسب رغبتك بس من اقتراحي كفايه 3 الي 4 ايام لكل مدينه .

4.كم تبعد كل مدينه عن الاخرى ؟ الاجابه اخوي حدد اي مدينه تبغى تسير وبعدين بتحصل المسافات في الخرائط والكتيبات عن كل مدينه في جداول عن المسافات بين كل مدينه والثانيه وتقدر تحصل هذي الخرائط في محطات البترول (الوقود) مثل بترون ومحطات شيل , وتقدر تحصل الخرائط لكل مدن في مول وف ايشيا mall of asia
وبتحصله في المول في ناشيونال بوك ستور .

5. الامان في الفلبين عادي ومافيه اي مشاكل الافي حالت انه الشخص جاي الفلبين ليسوي مشاكل يعني بكل صراحه وحسب خبرتي الطويله في البلد اعطيه 100% امان بس مااقصد انه ماتحترس يعني الحذر واجب لانه فيه ناس لي شافو الشخص مضحكه كلوه (فخلك ذيب تسلم من مخاليب الذيابه).

6.نصيحه عن فنادق معينه في كل مدينه ؟ الاجابه في فنادق كثيره في كل مدينه بتروحها في الفلبين وفيه الغالي وفيه الرخيص وفيه الزين وفيه الشين , انصحك اذا جيت مانيلا وبخص مكاتي سيتي عندك سيتي جاردن و مكاتي بلس وهذي فنادق رخيص سعرها , وعندك مندرين هوتيل بس هذا غالي وعندك شانقريلا وهذا بعد غالي وفيه تقدر تحصل شقق مفروشه لاجار وهذا ياخوي موقع بلفنادق في مكاتي فيه فنادق 3 ستار و4 ستار :http://www.asiarooms.com/philippines...pg=2&type=desc
وتستطيع انك تختار الفندق اللي تريده وتشوف السعر والمسافه عن المركز , والموقع هذا ينفعك في اختيار الفنادق في اي منطقه في الفلبين .


7.هل يفضل الحجز عن طريق النت او عن طريق مكاتب في المطار ؟ من وجهت نظري انصحك انك تروح بنفسك للفندق اللي تختاره وبدون مساعدت مكاتب بس شيك على رقم الفندق واتصل وخبرهم انك جاي وبيحجزون لك غرفه لانه اذا تستخدم خدمات المكاتب بياخذون منك فلوس اضافيه كشارج للخدمه .

ولحين بعطيك بعض المواقع للمدن المذكوره في اول الرد :

1. مانيلا: http://www.philppines.info/

2.باقيو: Baguio Tourist Attractions & Landmarks - Go Baguio!

3.بوروكاي ايلاند:WOW Philippines :: Explore Philippines :: Things to Do

4.بلاون ايلاند:Palawan, Palawan Resorts, Main White Beach, Island Paradise::Palawan.com::.

5.سيبو سيتي:Cebu Tourist Attraction - SiDive, The ultimate diving experience

6.فيقان سيتي (الوكوس):Heritage City of Vigan - Home

*ملاحظه : اذا تريد اتسير بتنقس او لاقونا فيمكنك انك تسير تاخذ باص وهوه الارخص وعندك شركت Victory Liner Website والشركه الثانيه five star
سعر التاكسي غالي لين لاقونا او بتنقس , وبنسبه للخطوط الجويه المحليه في الفلبين عندك :
Cebu Pacific Air - It's time everyone flies

The Official Air Philippines

Zest Airways - Asia's most *******ing airline.

والارخص دئما سيبو باسيبيك . وهذا اخوي الاجوبه على اسالتك وسمحلنا على القصور والتقارير للي الاخوه الاعضاء تزيد وتوفي واي شي تريده اذا جيت الفلبين نحن موجودين وفي الخدمه لاي شي تحتاجه وسلمت .




اخوي مدينه مكاتي جزء من مانيلا سيتي وهي بحد ذاتها مدينه مستقله كجزء من التقسيم الاداري في مانيلا مثلا عندك في مانيلا : مدينه مندلويون وعندك مدينه كزن سيتي و البان و سمبالوك وباساي سيتي اللي موجود فيها المطار الدولي والمطار الداخلي وكل مدينه من المدن المذكوره لها مايور , اللي بغيت اقوله انها مدينه مكاتي جزء من مانيلا ولكن في نفس الوقت مدينه مستقله لها مايور وتستطيع الذهاب الي مكاتي حتى من المطار والمسافه اقل من 20 دقيقه اذا مافيه زحمه يعني لايدور راسك في مانيلا وعن سؤالك وين تقدر تروح بسياره تقدر تروح اي مكان في الفلبين بسياره ماعدا الجزر مثل باروكاي وبالاون دافاو وسيبو , لانه جميعها جزر فتحتاج طائره او عباره للذهاب هناك ومثال تقدر تروح من بتنقس الي جزيره بويرتو قاريرا , بس تقدر تروح بسياره الى باقيو والمسافه من مانيلا242 كيلو ميتير وتستطيع الذهاب الى لاواق سيتي والمسافه477 كيلو ميتير من مانيلا , وعندك فيقان سيتي394كيلوميتير , وعندك تيقيقيراو سيتي من مانيلا 475كيلوميتير ,
وعندك سان فيرناندو (بنبنقا) من مانيلا 71 كيلوميتير , وعندك بلنقا سيتي من مانيلا 116 كيلوميتير , وعندك سان جوسيه سيتي من مانيلا 160 كيلوميتير , وعندك بتنقس سيتي من مانيلا 101 كيلوميتير , اوردنيتا سيتي من مانيلا 173كيلوميتير

* ملاحظه : 1.جميع المدن المذكوره في شمال الفلبين(norht philippines) وليست في الجنوب
2.المسافه الي جميع المدن بالكيلوميتير kilometers

3.جميع المدن المذكوره خارج مدينه مانيلا

بشان مدينه مانيلا عندك العديد من الاماكن للذهب اليها مثل :1. مول اوف ايشيا في منطقه باساي وله العديد من الافرع في مانيلا ويطلق عليها ( sm mall)

2.روبينسون مول وله العديد من الافرع في مانيلا مثال : مندلوين سيتي

3.جلوريتا مول (ayala mall) موجود في منطقه مكاتي وجرين بيلت بجانب جلوريتا في مكاتي

4.جرين hills في منطقه سنوان ( هذا المول عباره عن محلات تبيع اشياء تقليديه يعني قوم بوعبود هههه عندهم ساعات العاب الكترونيه ملابس اجهزه كهربائيه كل شي مقلد موجود في المول وفيه مول فيه اجهزت تكييف ومول لايوجد فيه اجهزت تكييف .

5.وتستطع الذهاب الى متحف مانيلا

6.عندك الاوشين بارك ( الحديقه المائيه) قرب ريزال بارك وتستيطع في نفس الوقت زيارت هذي الحديقه يوجد بها قبر البطل القومي الفلبيني خوسيه ريزال.

7.واذا تحب تصوير بعض الامكان التاريخيه التى تخص الحقبه الاسبانيه بجانب الامجريشن بجانبها مباني اسبانيه قديمه .

8. عندك الحي الصيني .

9.عندك مدينه الملاهي (ستار سيتي).

10.واذا ياك صوع الشوارما والغوزي هههههه عندك منطقه ملاتي ويوجد بها الكثير من المطاعم العربيه والشيشه ومنها : مطعم البحر الاحمر , مطعم القدس وله فرع في مكاتي بس الفرع هذا مغلق , مطعم مركز الشوارما.

11.نصيحه ابتعد عن المطعم الايراني في مكاتي ( برشين كباب ) تراه حرامي والاسعر غاليه والشيشه ماتنطري .

12. عندما تستخدم اي تاكسي فيه نظام جديد يطبعلك الرصيد وفيه سعر الاجره اخذه من التاكسي .

جميع المناطق الي ذكرتها لك في مانيلا تروم اتروح لها بتاكسي وحتى بلجبني بس مانصحك به ههههه وعندك الحافلات المكيفه وهيه رخيصه وجميع المناطق هذي من 30 دقيقه الى 40 دقيقه يوم فيه ترافيك .

وفي الاخير نتمنالك قضاء اجازه سعيده في الورده وشكرا .

كونك من الشرقيه عندك خيارات طيران كثير عن طريق البحرين وبصراحه انا ما احب اطلع الا من البحرين ( عندك طيران الخليج رحلتين دايركت - القطريه - الاتحاد وانصحك بالاتحاد او القطريه)

تحياتي رجنت

المشاركة الأصلية كتبت بواسطة رجنت
http://www.arabtravelersforum.com/tr...9/#post2583942

كونك من الشرقيه عندك خيارات طيران كثير عن طريق البحرين وبصراحه انا ما احب اطلع الا من البحرين ( عندك طيران الخليج رحلتين دايركت - القطريه - الاتحاد وانصحك بالاتحاد او القطريه)

تحياتي رجنت



فيه معلومه , اذا فيه احد اكتشفها ولا , معي واحد من العمل قال لي احجز التذكره (دمام-مانيلا-دمام)
ارخص من (البحرين-مانيلا-البحرين)انا كنت مفكر عن طريق البحرين ارخص, وفعلا ارخص بكثير , ولي مصدق النت ياحميدان , جرب الخليج والقطريه

نا بانتظار رودكم.ا

كفيت ووفيت خوي المقبل