الموضوع: مساعده يااهل الامارات واكيد ماتقصرون

السلام عليكم ورحمه الله وبركاته
انا ان شاء الله ناويه قريب ازور دبي والشارقه وبسكن ان شاء الله بالشارقه وودي اسكن بالهوليدي ان الشارقه ..وش رايكم فيه؟
وبعد ابي اعرف وش المحلات الي تبيع شنط وساعات واكسسوارات تقليد الماركات بس شي زين وماتكون غاليه
وابي اعرف كيف اقدر اخذ رحله بحريه خاصه الي تكون من العصر لليل وكيف تكون ووش الي جوى القارب وبكم سعرها
والباص العجيب هل هو يستاهل الركوب وبعد المترو كيف استعمله ابي اجرب كل شي جديد فيها بصراحه اخر مره زرتها قبل ٥سنوات وان الله كتب وتسهلت لي اجازه من العمل((ادعو لي تتسهل)) اروح لها بجد مشتاقه لها ولاهلها واذا فيه برنامج حلو لاني ودي اروح اسبوع وعلى فكره معي بنتين ٥سنوات والثانيه ٨شهور يعني لاتنسونهم في البرنامج
ومول الامارات وحديق الثلج الي فيه هل تنفع ادخلها ومعي بناتي الصغار؟
وادري والله اسئلتي كثييييييييييييييير بس تحملوني
ومشكورين مقدما

مواضيع عشوائيه ممكن تكون تعجبك اخترناها لك:

• فندق أرماني في برج خليفة يحتضن «أرماني سبا» ويقدم باقة علاجات استثنائية
• فندق ومنجع للإسترخاء
• مقتل سائحين في سقوط منطاد قرب مدينة العين الإماراتية
• سياره بسايق في دبي
• حبيت استفسر عن احسن شقق فندقيه بالشارقة حق العوائل
• معلومات عن المعارض الصينية في دبي
• سؤال عن منتجع المهى الصحراوي
• طلب مساعد في دبي
• بعد طلعت الروح بروح لدبي ساعدوني
• سؤال لعرب لينك؟؟
• رحلتي من ابوظبي الي كولالمبورابوظبي علي طيران اير اسيا
• استفسارات طيران ناس و دبي
• ماهو الفندق الافضل هوليدي ان اكسبرس جميرا او هوليدي ان اكسبرس حديقة الصفا
• جولة مصورة في دبـــي بعدسة صور
• دبي السياحية
• ممكن ترتبون لي جدولي لوتكرمتوا
• سؤال عن افضل منطقه في دبي
• استفسارات مهمه جداً
• استفسارات مهمه جدا ارجو الرد من الخبراء
• اخوي الفارس رايك لو سمحت

بالنسبه للهوليدي ان اي واحد تقصد

الهوليدي ان انترناشيونا اللي على البحيرة

ام الهوليدي ان اللي على شارع الملك فيصل

بس اخوي شو رايك تحجز في الميلينيوم تراه 5 نجوم

ويعتبر افضل فنادق الشارقة وسعره مقارب من الهوليدي ان والهوليدي ان انترناشيونال

وافضل منهم وايضا على البحيرة



اما بالنسبه للمترو فأتمنى ان هالموضوع يفيدك

http://www.arabtravelersforum.com/travel324284/




مع تحياتي

وعليكم السلام ورحمة الله وبركاته

مرحبابج عزيزتي



إذا تقصدين هوليدي إن .... المطل على شارع الملك فيصل ، ممتاز

http://www.ichotelsgroup.com/h/d/hi/1/en/hd/shjsj




لأن في هوليدي إن آخر ... مطل على بحيرة خالد وقديم جداً.











.... بالنسبة للتقليد بصراحة أنا مش متأكدة ... ممكن في سوق الكرامة (دبي)









-إذا حابة رحلة عشاء بحرية ... مطعم البوم(دبي) ، قريب من جسر القرهود وفندق جراند حياة.




-أو باتو دبي فخم ... سعره شوي مرتفع.


معلومات أكثر فالرابط:
http:/http://www.arabtravelersforum.com/travel237670/




- وتوجد رحلات بحرية على خو دبي.



-إذا حابة رحلة بحرية بدون عشاء ... من مرسى دبي (المارينا)

http://www.arabtravelersforum.com/travel269378/



-بما انكم بتسكنون فالشارقة ... تقدرين تاخذين جولة ممتعه في بحيرة خالد أو من قناة القصباء
اتأجرين عبرة (قارب صغير) .
الهوليدي إن قريب جداً من بحيرة خالد وقناة القصباء.









تقرير كامل عن المترو
http://www.arabtravelersforum.com/travel322548/ ‏







**الأماكن السياحية كثيرة:

-الإمارات مول : الألعاب ممتعه للأطفال + سكي دبي(الحديقة الثلجية) رااائعه ... بس بنتج الصغيرة مايدخلونها مايسمحون بدخول إلي عمارهم أقل عن سنتين .



-دبي مول: الملاهي + مركز الإستكشاف فالدور الثاني .... والاكويريم فالدو الأول.
يفضل زيارته مساءً عشان تستمتعون بالنافورة الراقصة تبتدي الساعه 6 مساءً .
http:/http://www.arabtravelersforum.com/travel323978-4/




-سوق جميرا ... فيه عدة مطاعم وكوفيات يستحق الزيارة ... جلسات المطاعم الخارجية أطل عالنهر الصناعي
وتقدرون بعد العشى تاخذون جولة بالعبرة(القارب) حول المطاعم ولفنادق(ميناء السلام +القصر)
موقعه قريب جداً من برج العرب.
سعر الجولة لغير نزلاء الفندق 50درهم.





-الممشى the walk .... فيه عدة مطاعم وكوفيات
صور للمشى فالرابط.

http:/http://www.arabtravelersforum.com/travel253543/





-فندق اتلانتس يستحق الزيارة ، وقريب من الممشى




-مرسى دبي (المارينا) عبارة عن عدة مطاعم وكوفيات أطل على مرسى لليخوت .




معلومات أكثر فالرابط:
http:/http://www.arabtravelersforum.com/travel237670/




رحلة سعيدة بإذن الله :k8t71:


.

مشكورين وماقصرتو كفيتو ووفيتو والله الله يجعله في ميزان حسناتكم