الموضوع: برنامج شهر عسل الله يوفقكم يارب

السلام عليكم ورحمة الله وبركاته

اخوني اخوتي

اشكر الاخ الاكبر حلو ومدلع بانه نصحني اروح استراليا وان شاء الله ربي يوفقنا ونروح لها

اخوني انا ماعرف شي فيها

ابيك تسوي لي برنامج سياحي لاتقل عن 20 الف

برنامج سياحي لمده 15 يوم ومجموع الصرف كيف يكون وشو العمله اللي استخدمها واهم الفنادق

طبعنا ياخون انا اللي ابيه فيه 1 _ امكان ترفية 2 _ امكان جميله ومناظر خلابه وساحره 3 - اسواق جميله ورخصيه للهدايا والذكريات 4 _ رحلات لاتنسى 5 - حدايق

والله يوفقك لما يحبه ويرضاه

مواضيع عشوائيه ممكن تكون تعجبك اخترناها لك:

• أم محتاره
• هل شهر 6 مناسب لزيارة استراليا
• شريت جهاز الكتروني من استراليا وابي اشحنه للسعودية ارجو المساعدة ضروووري
• رحلة لمدة أيام إلى أين لكن بدون ثلج؟؟؟؟
• لو سمحتم ابي شقق حلوه بسيدني اللله يجزاكم خيييييييير
• جاوببوا علي لاتردوني بليييييز استفسار بسيط
• استراليا ليتك بقيت خيالا جميلا و لم يصدمني واقعك ؟؟
• بعض الصور الجميلة لنيوزلاندا اتمنى انها تنال اعجابكم
• الي باستراليا او توه راجع منها يرد علي
• افضل المقاعد في الطائرة
• استفسار عن رحلة من ملبورن إلى سدني
• رحلة لجزيرة هاميلتون نوفمبر
• عاجل تغيير سعر الفيزا وبعض الأجراءت أمر الصرف
• وصلنا اليوم سدني والحين مع عائلة وودي أرقام شباب سعوديين عزوبية
• ملبورن
• استفسار عن افضل طرق الصرف في استراليا
• ارجو النصح
• طيران الاتحاد في استراليا
• أبي مسااعدتكم ظروري منووو سافر أستراليا ونيوزلندا
• تسوق الملابس في استراليا

مرحبا اخوي ومشكور على كلامك

بنسبة لتفاعل في بوابة استراليا انا بتكلم عن نفسي انا اكون موجود فيها حزت الصيف او قبله لان تكثر الاستفسارات فيها

بس مثل هلوقت اتشوفني يا في بوابة قطر او في البوابة السياحية العامه علشان افيد الكل

بنسبة لك بقولك اول شي اهم المناطق في استراليا هي غولد كوست & سدني & ملبورن & بيرث & ابرسبنت

اشهر مناطق استراليا من ناحية السياحه والاماكن الترفيهي اتعد غولد كوست (ساحل الذهب )

هي مدينة على البحر شاطئها يعد من افضل الشواطى بلعالم وتطل عليها مجموعه من الابراج على امتداد الشاطئ

حوالين المدينة مدة ترفيهية ومدن ملاهي اولا السي ورلد (عالم البحار ) ثاني وحده دريم ورلد (عالم الاحلام) وثالث وحده الموفي ورلد ( عالم الافلام )

ومن غير فيها رحلات ثانية مثل رحلت السفاري وهي عباره عن سيارة اتقودكم بين الجبال واتعيشكم الحياة الاستراليا من اكل وشرب ومشاهدة الحيوانات الاستراليا ولبس الزي الاستراليا

وعندكم الاوت باك وهو عرض خيول حلووو وايد وانا الصراحه كنت رافض اروح له ومو متشجع بس يوم رحت له اتمنيت اروح ثاني مره ويقدمون مع العرض وجبات العشاء وفي منها حلال ويقدمون مع العرض سماعات وفيها دبلجه بلغة العربيه ويعد من افضل العروض هناك وهو يكون بليل

وعندك رحلة الى اريف الاسترالي وانا الصراحه ماجربتها ولاكن يعلمونك حياة الاسترالين وكيف حتى اشلون يذبحون خرافهم

عندك رحلة لحديقة الحيوانات الاستراليه وهي حلوة وايد انا جربتها ومعها رحلة الى مصنع النحل لانه مشاهد حديقة الحيوان وكلهم حلوين

وفي رحلة الى مضمارات سباق السيارات حلوة بس مب مثيرة وايد

في رحلة على السيارة البرمائية حلوة اتجوبك في الغولد كوست واتشوف الغولد كوست

ومن غير في رحلات للمدن القريبه مثل الصن شاين ومثل برسبن وهم مدن قريبه من غولدكوست تقدر اتروح وترجع بنفس اليوم

ومن غير المدينة صح مب كبيره وايد بس فيها كوفيات ومطاعم حلوة والشاطئ روعه وخاصة بليل لمى تتمشى فيه ومن غير في اشياء ترفيهي في المدينة مثل بيت دراكولا وبيت المتاهه ومثل الكوفي شوب الثلجي وهاي اشياء ممكن تدخلها ضمن جولتك على المدينة

ومن غير المدينة يكون فيها سوق ليلي حلو ومن غير عندهم محلات فيها اشيا حلوة ومب غالي

ومن غير عندك السيرفس بردايز وهاي شارع كله مطاعم وقهاوي وكوفيات والعاب الترونيه وبعظ الماركات العالمية الحلوة
وعندك بعظ المجمعات مثل المارينا ومثل الباسفك فير ومثل استراليا فير

ومن غير عندك التوب ايلاند وهي جزيرة حلوة وايد

والاماكن وايد في غولد كوست انا رحت فيها اكثر من اسبوعين واحس ماكفاها من كثر ماهي حلوة

بنسبة للفنادق ففي فنادق حلوة مثل الهولدي ان ومثل كوارتيارد ماريوت ومثل فندق فرساتشي

وفي شي حلو في غولد كوست وهو ان عندهم نظام الشقق الفندقية وهي اتكون ابراج مصممه على اشكال اسويتات مافي غرف بروحه يعني اتكون صالة وغرغه وبلكونه ومطبخ وحمام وهي رووووووووووعه وارقى من الفنادق بعد

انا انصح في السيركل كافن وايد وايد وايد حلو والمكان لا يعلى عليه استراتيجي من قلب يعين في نص السيرفس بردايز وتحته في جمعية وفيه مطاعم وكوفيات والمنظر بليل وايد حلو

ومن غير فيه شقق ثانية مثل الشيفرون وهي قريبه وايد من السيركل بس السيركل يعد اجددهم

وعندك الصن ستي وهو وايد وايد حلو ونفس شركة السيركل كافن بس يعيبه مكانه مع ذالك يعتبر قريب يعين ابو مشي 5 دقايق وانا جربت الصن ستي ووايد حلو ولو معك عايلة واطفال كان نصحتك فيه على طول

وعندك شقق الغولد كوست وهي قريبه من الصن ستي وعندك الماريوت وهو قريب من السيرفس بردايز

وعندك الكيو ون وهو يعد داخل من اطول 20 برج بلعالم ووايد حلو وراقي وهو يبيله اشوي مشي للبردايز مب وايد وفيه فوق البنوراما الي تقدر اتشوف منها المدينه كلها وفيه كوفي شوف وانصحك اتروح للبنوراما وقت العصر علشات اتشوف النهار والمغرب والليل وتستمتع

وانا لو بتسمع نصيحتي اقول انك تحجز في السيركل كفن لانه وايد حلو وعصري وموقعه واطلالته حلوة وايد وقبل لا تطعون من غولد كوست احجزو يومين في فرساتشي لانه حلو وايد وهم يسون لييالي للهني مون وليالي رومنسية حلوة وايد واكيد بدشو جو وبتستانسون

وانا انصح تقعدون في غولد كوست اقل شي 9 او 10 ايام

تقريبا هاي كل شي عن غولد كوست والحين انتقل معاك للمدينة الثانية وهي سدني

سدني هي تعد العاصمة التجارية لستراليا وهي من احلى المدن في العالم

وانا من الناس الي احب سدني وهي مدينة كبيره وحلوة بنسبة لرحلات في رحلات للجبل الازرق وهي رحله رووووووعه

ومن غير عندك المجمعات التجارية مثل الفكتوريا وهو حلو وايد وعندكم مسرح الاوبر هاوس

وعندكم الهاربر والهاربر سايت وايد حلوو كله مطاعم حلوة وفيه مجمعات وابراج والمنظر روووووووعه

سدني مليئة بلاماكن الحلوة بس انا اشوي خاينتني الذاكرة في سدني ومع ذالك بسويلك بحث علشان اتذكر افضل الاماكن اهناك وهي من احلى المدن ووايد احبها

وبنسبة للفنادق فاحلا الفنادق هو ستار ستي وهو وايد حلو ووايد احبه وهو نظام شقق ونظام فندق وكلهم حلوين ورااااااااقين جدا وفيهم سيرفس يومي وفيه جمعية تحت وبعظ المطاعم الفاست فود والايس كريم

وبعده عندك فندق الفور سيزنت وعندك فندق الانتركوننتننتل وعندك فندق السوفتيل وكلهم على الهاربر سايت ووايد حلوووووين

اذا بتروحلها انا اقول 5 ايام حلوة لها وممكن حتى توصل لعشر ايام

ثالث منطقة هي ملبورن حلوة وطابعها اوربي من ناحية الاثار والمتاحف وفيها رحلة لجبل الثلج وهي حلوة بس الرحلة طوووووووووووووووووووووووووووووووووووووويله جدا اذا بتستحملها انا انصح فيها وفي بعد رحلة القطار البخاري وهي حلوة وايد وبس بعد طويلة

وعندك المجمعات في مثل شادستون سنتر وهو مجمع حلو وايد ولاصق فيه مجمع مايا وايد راقي وحلو وعندك مجمع الكراون وهو حلو وايد

وفيها بعد مجمعات ثاني ومن غير الاسواق وفي رحلة على الحنطور اترويك المدينة كلها بعد من الرحلات الحلوة

وفي شارع اسمه سدني رود في ملبورن بعيد اشوي من المدينة يعني مب وايد بس هو حلو وفيه مطاعم عربية وحلال وفيه مقاهي شيشة بعد لو كنت مدخن

وافضل الفنادق عندك الكراون بلازا وايد حلو وفي فندق انا جربته بعد اسمه استانفورد بلازا بعد حلو

ومعظم الفنادق يقدرون يحجزون لك رحلات مثل رحلة الثلج وممكن يوصوفن لك ويكتبوت لك عناوين بعظ الاماكن لو ماعرفتها

وطبعا رحلة استراليا طويلة ومثل ماقلت لك في شركات اتسوي ترانزيت مثل الاماراتية اتسوي اترانزيت سوان في بانكوك او سنغافورة او هونغ كونغ

وعندك الماليزية اتسوي اترانزيت في ماليزيا وعندك السنغافورية اتسوي اترانزيت بسنغافورة

وعندك التايلندية اتسوي اترانزيت بتايلند وعندك الكاثي باسفيك اتسوي اترانزيت في هونغ كونغ وعندك القطرية اتسوي اترانزيت في هونغ كونغ وسنغافورة

وعندك الاتحاد اتروح دايركت وفي بعد رحلات للاماراتية اتروح دايركت وبعد القطرية صارت اتروح الى ملبورن دايركت

طبعا التنقل بين المدن يكون كله بطيارة لان المسافات بعيده اما بطياره اتكون قريبه والشركات المتوفره هي جت استار والكوانتس الاسترالية

بنسبة اذا كنت جاي من الخليج او شرق اسيا وتبي اتروح الى غولد كوست اول شي فغولد كوست مافيها مطار دولي ولهشي احجز على برسبن وبعدها تاخذ سياره مدة ساعه ونص وتوصل الى غولد كوست وفي باصات تاخذها من المطار والافضل اتكون حاجز سياره اتوصلك من والى المطار بس اذا كنت بتروح مدينة ثاني قبل غولد كوست يعني لو بتروح ملبورن قبل او سدني وبعدها اتروح غولد كوست فعلى طول روح غولد كوست دايركت لان فيها مطار داخلي

ونفس الشي لو بتغادر غولد كوست الى مدينة استراليا ثانية فطلع من مطار غولد كوست الى المدينة الثانية

اما الوصول من والى الخليج فيكون يا عن طريق ملبورن او سدني او مطار برسبن الدولي

بنسبة لمدينة برسبن فيكفيها يوم واحد لانك على كل حال بتكون في غولد كوست وتقدر اتزورها

اما مدينة بيرث فللامانه مازرتها بحكم انها بعيده وتبعد عن سدني 4 ساعات بطيارة وهي بلجه الثاني من القارة ومايمدحونها وايد

وارجع الى مدن شرق اسياء بنسبة لسنغافورة فحسن الاماكن هو شارع الاوشيد وهو شارع تجاري وكله مجمعات تجارية وماركات

والرحلات فيها السفاري نايت وهي حديقة حيوان وعروض ولاكن هلمره دخولها بليل وفيه قطار يمشي بين الحيوان بس لا اتخاف الحيوانات في اقفاصها وفي عروض على النار ووايد حلوة الرحلة

وعندك رحلة السوق الهندي والصيني والمعابد الصينية وهي رحلة حلوة ومن غير السوق الشعبي

وعندك رحلة حديقة الطيور وهي حلوة وايد وعندك السنغافورة فلاي وهي مثل لندن اي اذا كنت اتعرفها وهي عن مرجيحه كبيره فيها كبسولات تتسع كل كبسوله ل 30 شخص وتاخذ فيك لفة كامله واتعد حاليا اكبر مرجيح في العالم وهي اكبر من الي في لندن ولاكن في اكبر منها بصين ولاكنها لحين قيد الانشاء

وعندك رحلة الباص البرمائي وهي حلوة وايد واتلففك على سنغافورة كلها

ومن احلى احلى الرحلات هي جزيرة سنتوسه وهي حلوة وايد وعباره عن جزيرة وتلفريك والعاب وعروض مائيه ودلافين وهي حلوة وايييييييييد

وسنغافورة فيها شارع للعرب ولاكنه عادي ومب حلو وفرق بينه وبين الي في كوالالمبور

وبنسبة للفنادق انصحك بلجراند حياة وهو احلاهم بنسبة لي وعندك فندق الماريوت وهو حلو وايد وفي نص شارع الاورشيد وفيه سوق وسينما تحته وعندك الفورسيزنت وفي فنادق ارخص اشوي وعلى مستوا وفي فندق انا مجربه اسمه اورشيد بريه وهو حلو وايد واسعاااااااره وايد مناسبه وفي بداية شارع الاورشيد ووايد حلو وجنب استار بكس


وثاني كوالالمبور وهي عاصمة ماليزيا وحلوة وايد وافضل الاماكن وهو اكيد مجمع التون تاور وهو حلو وايد ومع حديقته وهي رووووووعه

وعندك بعده شارع العرب وهو كله وكفيات عربيه ومطاعم ووايد حلو وفيه فنادق حلوة فيها ماركات عالمية

وعندك حديقة الطيور وحديقة الفواكة وحديقة الفراشات

وعندك مجمع مع مدينة ملاهي ومع مجمع يبعد عن كوالالمبور بين الساعه الى الساعه الاربع بس ناسي اسمه بحاول اجيب اسمه

وعندك صن لاقون في سلانجور وهو عبارة عن مدن ملاهي مائية ومجمع وفنادق حلوة

وعندك المجمعات التجارية الي في شارع العرب

وعندك المعبد الي فوق الجبل وبعد ناسي اسمه لان اخر مره رحت فيها ماليزيا من 4 سنوات

وعندك برج الاتصالات وهي البانوراما وتقدر اتشوف فيها كوالالمبور كلها

ومن غير عندك الشاينا تاون او السوق الصيني وهو حلو وايد وفيه بضاعات غريبه وارخيصه

وعندك مجمع التنايمز سكوير

وعندك منطقة جنتج وهي فوق الجبل وحلوة وايد وفيها مدن ولاهي واهم شي المنطقة بااااااااااارده وحلوة وايد

وافضل الفنادق هو فندق مندرين وهو ملاصق للتون تور ولاكنه بعيد عن شارع العرب

وعندك مجمع الملنيوم وانا مجربه وانصح فيه وهو وايد حلو وعندك مجمع الماريوت وحلو وانصح فيه وراقي وكله ماركات وفيه مجمع عبارة عن 7 مجمعات ومن غير تحت فيه مطاعم متنوعه صينية وايطالية وهندية

وعندك الرتز كارلتون وهو ملاصق للماريوت ووايد حلو وعنك الفورسيزنت

واخر شي بانكوك الصراحه انا مانصح فيها وايد لانها وصخه وغير نظيفه

وبنسبة لاماكنها انا مارحت فيها الامجمعات والي رحت لهم هو مجمع طوكيو وهو حلو وكبير بس زحمه ومن اشهر مجمعاتهم

ورحت مجمع العالم الجديد او النيو ورلد وهو راقي وحلو بس اسعاره غالية

ورحت مجمع سامو وهو فيه ماركات ووايد حلو بس اسعار الماركات غالية عندهم

ورحت لسوق الشعبي وزرت شارع العرب بس للاسف شارع العرب صح فيه مطاعم عربيه بس قمة في القذارة وغير نظيف والشغلات الي انصحك تاذخعا لو زرت بانكوك هي القماش الصوف الكشميري لانه اسعاره فرق عن الخليج يعين المتر هناك ب 50 ريال بس بلخليج المتر 200 ريال وهو من افضل انواع الصوف وانصحك بلاكترونيات لانها رخيصه ومن غير في بضاعات تقليد بس انا ماعجبتني للامانه يعني احس الكوالتي او الجوده مب الى اهناك

وبنسبة لرحلات فشرق اسياء رحلاتهم متشابها وايد مثل المعابد والحدايق مثل الزهور والفواكة والطيور يعين هاي اهيا

تقريبا هاي كل الي عندي في هاي الرد اتمنى اني اجبتك على كل استفساراتك

واماااااانه اي استفسار على بالك لا اتردد سوان من ناحية الفيزا او اي شي ثاني مكان سياحي او فندق

ترا انا موجود وبلخدمة

وتحياتي لك

مرحبا اخوي وافا عليك ماسويت الا الواجب وتسلم على كلامك الحلو

بنسبة لمناطق شرق اسيا فهشي يعود الى الطيران الي بتختاره لان اذا بتختار السنغافورة فممكن اتمر سنغافورة

اذا اخترت الاماراتية ممكن امر سنغافورة او بانكوك او هونغ كونغ سوان برجعه او بروحه

واذا بتختار الاتحاد فبتروح دايركت واذا بتختار الكاثي باسفيك فبتمر على هونغ كونغ واذا اخترت القطرية فبرتوح دايركت

واذا بتختار الماليزية فبتمر كوالالمبور

يعني مدن شرق اسيا وايد وكلهم حلوين معدا بانكوك علي فيها ملاحظات وقد ذكرتها في ردي الي قبل

بنسبة للمدن اكيد غولد كوست وسدني هاي لازم اتمرهم بنسبة الى ملبورن فهي حلو بس اذا المدة ماتكفي ممكن اتكنسلها واتحط سنغافورة بدالها او كوالالمبور مع ان ملبورن حلوة بس بنسبة لي مارتاح فيها وايد مع ان الاهل اعجبتهم بس لان فيها طابع اوربي من ناحية بعظ الاثار وهشي يجيبلي الكابة ولانك بعد بتمر سدني وهي قريبه منها بشكل بس اكيد سدني احلى بواااااااااايد

بنسبة للمدة انا اشوف 10 ايام غولد كوست و5 ايام سدني و5 ايام كوالالمبور او 4 ايام سنغافورة و3 ايام بانكوك او هونغ كونغ وطبعا ينقسمون وحده في الروحه والثانية في الرجعه

بنسبة للمواصلات فغولد كوست بتكون مواصلات الرحلات مع التكت يعني في مكتب اسمه لاوندا في غولد كوست يحجزلك التكت ويحجزلك السيارة وهي اتكون عباره عن باص ويكون محدد وقته لك في الروحه والجيه وله اكثر من وقت لو مثلا تمللت من مدن الملاهي وحبيت ترجع بدري وهشي موجود في كل الرحلات

وبنسبة للمجمعات فلا تاخذ تكسي ونفسها في الرجعه والايام الي بتصادف فيها رحلات فاكيد بتروح من الصبح ومب راجع الا العصر وعلى ماترتاح وتطلعون بليل اتمشون في السيرفس بردايز وهو مايبيله تكسي لانه تحتكم على طول

وسدني نفس الشي الرحلات بتكون بلباص اما الاماكن الثاني فبتكون بتكسي او حتى مشي اتمشون وتستانسون وتكاسيهم مب غالية لهدرجة

وهشي كمان ينطبق عن ماليزيا وسنغافورة الرحلات هم ياخذونكم ويرجعونكم ومشاويركم الثاني لا بتكون بتكسي

واكيد ما انصحك اتاجر سياره لانها ماله لزمه ولا تنسى ان استراليا وماليزيا وسنغافورة كلهم اسواقتهم على جهة اليمين عسكنا يعني وهشي بخربطك وصعب بتحصل باركنغ لسيارة وسالفه الصراحه

والمدن مب قريبه علشان اتقول بنتقل بسياره انت اتكلم عن مسافات تنعد باكثر من 20 ساعه فاكيد الطياره انسب شي

والميزانية ان شاءالله بتكفي بس ارجع واقولك انها من دون التكت او الفندق لا اتقول ماقلت لك لان لو معاهم فاكيد مابتكفي

بس حط في بالك ان السفره كلها بتكفك حدود ال 50 الف ريال ممكن اقل وممكن اكثر شااااااامله كل شي فندق تكت على الدرجة السياحية مواصلات تمشية اكل وشرب واشويت تذكارات ورحلات

بس اذا تبي بزنس او فرست فاكيد بتكلفك اكثر لانها غالية وايد

واذا انت رايح تبيا تسوق اكيد بعد بتكلفك اكثر بس اذا بتمر ماليزيا او سنغافورة فسوقهم احلى وارخص من ناحيت الماركات وانا ماتكلم عن التقليد لا اتكلم عن الماركات الاصلية والبضاعه ارخص لان ماعليها ضريبه

اتمنى اكون رديت على كل استفساراتك وانا بلخدمة فديتك

واكيد اتشرف اني اشوفك واترعف عليك

وتحياتي لك

[b]هلا حبيبي

والله بعد الاطلع على ردك

شكلها بتكون غولد وسدني و ملبورن وبرسين

ماودي السفره تكلفني واجد لان انت تعرف العرس ياكل والله كلفني 120 كله من ابوها يبي يتمغشر خخخخ

المشاركة الأصلية كتبت بواسطة k.s.a-mr.m
http://www.arabtravelersforum.com/tr...5/#post3496204

ربي يوفقك ياغالي ويستر عليك يارب وان شاء الله استفسار راح نطرحه هنا
وان شاء الله قريب اروح للمكتب واللي راسلتي عليه واضبط منه كل شي وارجع واقولك اخر الاخبار

بس لاتسنى تراء معزوم انت ومن يعز عليك في عرسي يوم 4/8/1431هـ في مدنية الرياض بقاعة القلعة بحي السويدي اذا الله احيانا
وقدرت تجي ان شاء الله نتشرف بك وربي يسترك عليك ولا يخليك تشوف مكروه ,






مرحبا اخوي

وفديتك والله ماسويت شي وهذا الواجب

بنسبة للمكتبه هو نفسه الي خذيت منه الرحلات بستراليا

وتقدر تستفسر عن الاسعار من ناحية الفنادق والطيران

وبعدها قولي الاسعار وانا بشيك وبقولك اذا اسعارهم حلوة ولا غالين علشان اتشوف غيرهم

وابيك بعد اتمر للعطلات مثل الامراتية للعطلات بعد يسون لك جدول حلو

وحاول تطلب التوصيل من والى المطار

وانا بعد بشيكلك الاسعار من النت علشان تاخذ الي يناسبك ويكون عندك فكره كامله عن الاسعار

وان شاءالله انتشرف بحظور زواجك اذا الله كتب لنا بس كم بصادف بلميلادي

واي استفسار انا بلخدمة

جزاك ربي الجنة معليش اخوي انشغلت الامور اللي فاتت

ان شاء الله السبت اشوفهم





وابيك بعد اتمر للعطلات مثل الامراتية للعطلات بعد يسون لك جدول حلو



شو هذا الامراتية للعطلات






وان شاءالله انتشرف بحظور زواجك اذا الله كتب لنا بس كم بصادف بلميلادي



ان شاء الله ليلة 16/7/2010 ودخلو ليلة 17/7/2010 تعرف الحريم مايوقفون طرب اللي الصباح

وبرضو عندنا ثاني لليلة استرحة لليلة النحنا والعضيه يوم 17/7/2010

وربي يوفقك

سوري اخوي تاخرت عليك بردي

بس كنت في دبي يومين وتوني واصل

بنسبة للامارات للعطلات هاي الله يسلمك شركات الطيران مثل الاماراتية والقطرية والماليزية والاتحاد وعيرهم

يكون عندهم قسم الي هو قسم العطلات وتقدر تحجز عن طريقهم التكت والفنادق وتوصيل السيارات وكل شي

ويكونون مسوين خصم لك اذا التكت من عندهم ويكون لك اميال بكل من التكت والفنادق وحتى التوصيل

بتسالني شنو يعني اميال بقولك الله يسلمك لمى اتسافر مع شركة طيران في بطاقة اسمها بطاقة عضوية

تشترك فيها وكل ماتسافر يحسبون لك الاميال الي قطعتها بطيارة ويضيفونها بلبطاقة

واذا وصلة مثلا عدد معين من الاميال تقتدر اتبدل الاميال ويعطونك تذاكر مجانية او حتى اغراض من السوق الحرة

او مثلا ترفع درجتك من السياحية الى البزنس

ومن غير دخول قاعة البزنس والفرست في كل مطارات العالم اذا كانت عندك العضوية الفضية او الذهبية


وبنسبة اخوي لزواجك ان شاءالله احاول احظرة لان اخر يوم عندي بلجامعه هو 12/7/2010 واكيد برجع الدوحه بعدها

وان شاءالله ازوركم بسعودية واحظر الزواج اذا الله كتب

واي استفسار انا بلخدمة