بسم الله الرحمن الرحيم
تقدمت الاحد الماضي - وبدون موعد مسبق - الى السفارة الاميركية في الكويت ( بيان )
وصلت في تمام الساعه الثامنة صباحا
حطيت تلفوني النقال وكل شي الكتروني داخل السيارة وقفلتها
توجهت الى مدخل السفارة
عطيت الاوراق اللازمة للشباك الخارجي وطلب مني البطاقة المدنية ثم طلب مني الانتظار في الاستراحة
بعد اقل من عشر دقائق سمعت اسمي عبر مكبرات الصوت فتوجهت الى بوابة الدخول
لم يتم تفتيشي فقط مررت بالجهاز الذي يكشف المعادن ( الجهاز اللي تدخل فيه يصفر )
توجهت الى مبنى طلبات الفيزا
اخذت رقم وكان قدامي خمس اشخاص
جلست انتظر دوري ثم بعد اقل من عشر دقائق جاء دوري
واذا بموظف يتقن اللهجة الكويتية
بكل ادب وذوق تأكد من صحة البيانات وكمل لي حقلين ما كنت كاتبهم بالطلب
وقالي انتظر الي ان تسمع اسمك ... شكرا
انتظرت تقريبا عشرين دقيقة ثم نادى اسمي للمقابلة
كان قبلي خمس اشخاص وجميعهم قد منحوا التاشيرة
وصلت للكاونتر وتم تبصيمي واخذ الضمان البنكي
قالي وين الدول اللي سافرت لها
قلت له الدول بما فيها المملكة العربية السعودية - لا تعتقدون ان فيها مشكلة ،،، خلك واضح وخلهم يعرفون سبب زيارتك -
سمعت في ناس ينرفضون لانهم راحو للسعودية - طبعا ما قدروا يعطون سبب واضح لزيارة المملكة مع العلم اني زرت السعودية اكثر من ?? مرة خلال السنوات الخمس الماضية -
سالني عن سبب الزيارة
وكان شخص امريكي مهذب مبتسم
ويتكلم بكل رقي
اخبرته بخط سيري وقد احضرت معي برنت الحجز مال الطيران
سألني : هل سبق لك زيارة سوريا او ايران ؟؟
اجبت بالنفي
قالي تعال استلم الجواز مع الفيزا عقب باجر في الشباك الخارجي
وفعلا بعد يومين حضرت ومعي الوصل وتم منحي فيزا لمدة خمس سنوات مع العلم ان دراستي لا تتجاوز الخمسة اشهر !!
ولله الحمد والمنة
ملاحظات :
خلك واضح وواثق من نفسك ... هم بس يبون يعرفون القصد من زيارتك ،، اذا حاولت تلف وتدور راح يرفضونك خلك صادق
اذا توافر عندك جوازك القديم احضره معك ،، انا سألني عنه واعطيته .. وكان مليان اختام سعودية
حاول تكمل اوراقك واجراءاتك كلها من البيت ... يعني لا تتكل عليهم ... مع العلم انه في شباب مو مكملين اوراقهم قعدوا يكملون في كمبيوتر وطابعة واللي يتكلم كويتي بالكاونتر قاعد يساعدهم
خل اجوبتك صريحة مثلا في احد بيرافقك ؟ قول ( لا آو نعم ) ولا تقول ( والله انا الحين مادري احتمال صاحبي يجي معي ) !!
خلك هادي .. تراني ما لقيت سفارة تعاملها احسن من تعامل السفارة الامريكية
واخر شي،،، عشان تخلص من الزحمة تعال مبكر من الساعة الثامنة صباحا
مع العلم اني دخلت السفارة الساعة الثامنة وخرجت بالساعة التاسعة ... يعني ساعة واحدة فقط
اسف عالاطالة ... لكن حبيت يكون الشرح وافي وكافي
ودمتم في توفيق اللهمواضيع عشوائيه ممكن تكون تعجبك اخترناها لك:
- لخبراء النفقيشن
- أريد بعض المعلومات عن هيوستن تكساس
- خطتي للرحله اراءكم واقتراحتكم
- ما رأيكم بالخطوط السعوديه؟؟
- أسئله بسيطه جدا
- معلومات هامة عن اورلاندو
- هاااام لخبراء امريكا الشمالية وخصوصا بنت الصقور ولايهينون الإخوان والأخوات
- حصلت على الفيزا بعد طول عناااااء
- شقه فى نيويورك
- انا موجود في اورلاندو ابي عناوين تسوق
- ساعدوني ادور سكن في مانهاتن
- تنظيم رحلة عائليه الى امريكا
- للي يدرسون او عايشين في تكساس خصوصا هيوستن
- ارجوا الرد في اقرب وقت ممكن
- استفسار دورة ايلتس سان دييقو
- يا أهل المنتدى ساعدوني وبسرعة ارجوكم
- من تايم سكوير الى جون كينيدي بالقطار ززكيف ؟
- يا شباب ماهي رسوم السيفز ووين التسديد
- أخيرا الحلم أصبح حقيقة يا امريكا تقرير مصور ابريل نيويوركواشنطن نياجرا
- الى الأخوة خبراء امريكامطارات نيويوك
رد مع اقتباس
المفضلات