الموضوع: استفسارات لعمل رحلة طلابية الى الكويت

السلام عليكم ورحمة الله وبركاته..

اخواني في بوابة الكويت انا بصدد تنظيم رحلة طلابية ( الصف الرابع والخامس الابتدائي) لدولة الكويت ولدي مجموعة من الاستفسارات..

الرحلة مدتها 3 ايام فقط..

المطلوب:
افضل منطقة للسكن فيها؟

برامج تعليمية ترفيهية لطلاب في هذا العمر

ملاهي واماكن لعب..

مجمعات تجارية..

سينمات تعرض أفلام أطفال..

مطاعم مناسبة

كيف الجو تقريبا بشهر 4

ولكم جزيل الشكر مقدما ..

انا بحاجة ماسة لمساعدتكم لاتمام هذه الرحلة واثق بانكم لن تخذلوني..

مواضيع عشوائيه ممكن تكون تعجبك اخترناها لك:

• وينــــه ؟؟
• ممكن ارقام بعض الشقق الفندقيه
• ممكن تدلوني على فندق على البحر على نضام شاليهات؟
• نبرفانا
• دليل المتاحف في الكويت صور معلومات
• حبايبي لاتبخلون علي بالجواب
• الشاورما
• عاجل يا إخوان فقدت لوحة سيارتي في الكويت
• الشفرليت في الكويت
• استفسار
• اماكن للاطفال بالكويت
• ابي محلات توزيعات حلويات و كاكاو غريبه وحلوه فزعتـــــكم ياهل الكويت
• اقرب شقق لمجمع المارينا
• استفسار غرف فندقيه سعرها
• جولتى فى ابيات للاثاث
• عاااااااااااااااااجل
• مفاجآت العيد في «الشعب الترفيهي» و«مرح لاندس و«سليل الجهراء»
• دليل السياحة في الكويت 2017
• شقق فندقيه نظيفه
• لو سمحتوا ممكن احد يشوف الصور ويقول لي اسم الفندق

افضل منطقة للسكن فيها؟



هل تفضلون الفنادق ولا الشقق؟ :114:

اذا الشقق عندكم ..
* بلازا اثينيه في منطقة بنيد القار

الفنادق عندك..
* فتدق ماريوت كورت يارد "الرايه"
* فندق هوليدي إن داون تاون








برامج تعليمية ترفيهية لطلاب في هذا العمر



* المركز العلمي "السالميه" :11ight:
(داخله الاكواريوم + قاعة الاستكشاف + سينما الايماكس)
* متحف الكويت الوطني
* ابراج الكويت








ملاهي واماكن لعب..



حديقة الشعب
المدينه الترفيهيه








مجمعات تجارية..



الافينيوز
مارينا مول
سوق شرق
المهلب








سينمات تعرض أفلام أطفال..



جميع السينمات تعرض افلام اطفال :8888:
(افضل السينمات الموجوده في المجمعات : الافينيوز , سوق شرق , مارينا , المهلب)








مطاعم مناسبة



جميع المطاعم مناسبه.. :101:
اذا حابين ..
أكل كويتي.. فريج صويلح
اكل لبناني.. ميس الغانم
أكل امريكي.. جوني روكتس, تشيليز,ماكدونالدز,بيرجر كنج...
اكل ايطالي.. نينو
و لا تنسون تشوكليت بار راح يحبونه الاولاد :109::24:








كيف الجو تقريبا بشهر 4



اعتقد الجو راح يكون بداية الصيف
درجة الحراره بين 30 الى 39 درجة مئويه
بهالوقت كل سنه يكون في امطار رعديه "السرايات" ..









اتمنى افدتك :101:

الاخت همبكة ما قصرت بس لازم تخلونهم يزورون المركز العلمي

احب اضيف على كلام اختي همبكه صالة التزلج حلوه وبعد في مركز الاستكشاف العلمي ديسكفري ايضا مكانه بالقرب من صاله التزلج وهو مركز يديد وأنشالله يكون وقت زيارتكم فاتحين مشروع كويت 360

اهلين حياكم الله بديرتكم الكويت

افضل منطقة للسكن فيها؟
اعتقد منطقة السالمية لان فيها كل شي .. عالعموم ترى الكويت امان في منطقة ..
لان قريب يمها اماكن كثيرة ومجمعات.

برامج تعليمية ترفيهية لطلاب في هذا العمر
المركز العلمي في الاوكواريوم وفي صالة للاطفال للاستكشاف انصحكم في حتى موقعه حلو .
ملاهي واماكن لعب..
في حديقة الشعب .. والمدينة الترفيهية
في بعد حولي بارك ووفي العاب بسوق شرق من الخارج وعند السينما .. وفي بعد ستي سنتر اسمه بعد(سوق السالمية) فوق
مجمعات تجارية..
سوق شرق , الافنيوز .المارينا
سينمات تعرض أفلام أطفال..

في كل السينمات بالكويت في افلام خاصة للاطفال وبعد في المركز العلمي في ساعات يعرضون فيلم وثائقي بس تأكدوا من الفلم لايصير رعب خخخ
مطاعم مناسبة
الكويت فيها كثير مطاعم حلوة عالبحر في مطاعم كثير
في مطعم جنغل في سنتر بوينت السالمية فوق الاكل حلو والسعر مناسب بس في مكان للعائلات وفي جهة مسكرينها للشيشة ...
برج الحمام , ميس الغانم .




كيف الجو تقريبا بشهر 4
اتوقع حلو بس اكيد ملابس خفيفة

ولكم جزيل الشكر مقدما ..
العفو حياكم الله

انا بحاجة ماسة لمساعدتكم لاتمام هذه الرحلة واثق بانكم لن تخذلوني..

حياكم الله بديرتكم
احب اهنيك على الفكره الحلوه
لان السفر وناسه و تعلم و تغيير
و نتمنى انكم تقضون وقت ممتع بديرتكم

افضل منطقة للسكن فيها؟
السالميه ... لقربها من الاماكن الترفيهيه
أسأل عن السكن في بودل او ايبيس

برامج تعليمية ترفيهية لطلاب في هذا العمر
ابراج الكويت
المركز العلمي
المتاحف كثيره منها متحف الكويت الوطني و طارق رجب و غيره

ملاهي واماكن لعب..
المدينه الترفيهيه
حديقة الشعب الترفيهيه
حديقة الحيوان
حولي بارك

مجمعات تجارية..
الافينيوز
المارينا مول
شرق

سينمات تعرض أفلام أطفال..
بعض المرات السينما تحط افلام كرتون للاطفال .. ادخل على موقعهم و شوف الفلم اللي يعجبك :
http://www.cinescape.com.kw/arabic_index.php
و روعه اي ماكس في المركز العلمي : سينما ثلاثيه الابعاد

مطاعم مناسبة
فريج صويلح : اكلات كويتيه
و مطاعم كثيره موجوده في المجمعات اللي ذكرتها

كيف الجو تقريبا بشهر 4

الجو ان شاء الله حلو
و شوفه بمواقع الارصاد الجويه

نسيت اقولك .. لا تنسانا بالتقرير الحلو منك