الموضوع: لخبراء المالديف هل المالديف فيها اسواق؟

مرحبا اخواني

انا ابغى اسافر المالديف لاول مرة وبغيت اعرف .... هل فيها اسواق؟ واين؟ وما مستواها؟

مواضيع عشوائيه ممكن تكون تعجبك اخترناها لك:

• ألي خبراء الجزر عاجل هاواي
• استفسار جزر المالديف
• مساعدة لعمل تجديد شهر العسل
• لدي بعض الاستفسارات عن موريشوس ارض السكر والابتسامات
• بليييز ابغى استشارتكم لأني بجد محتاره ؟؟؟؟
• استفسار من خبراء موريشس
• إستفسار عن سفينة الكروز
• تكفون متى يجي
• جزيرة العذارء الحامل ماليزيا
• الفيزا في المالديف
• عطلات الامارات في قطر
• لو سمحت ؟
• خصم بمنتجع جميرا ديفانافوشي بجزر المالديف
• جــــــــــــزر سيشل وما ادراك ما سيشل
• الموصلات
• ذاهبة مع زوجي الى موريشوسارجو المساعدة
• مساعدة بسيطة اتمنى التفاعل
• فزعتكم الله يعافيكم محتاره بشهر العسل؟
• منتجع بنغلو مائي مع مسبح استشارة شهر عسل في المالديف
• ابشركم حجزت وخلصت للمالديف بس ؟؟

انا اللي ابي اجاوب ... ولا أحد غيري ...
شوفي يا سعاد ... انت نسيتي اني راعي سيكل ... انت نسيتي اني ... مسجل في مكان محل الاقامة ... راعي سيكل وين اسكن فيه ...
يعني بالحقيقة .. انا تعبت وكتبت لك قصة طويلة ... وبعدين تروحين تطلبين معلومات ... من هنا وهنا والله حاجة تزعل من جد ...
للأسف انا أهبل شوي .. اعتقدت انك جادة ... لكن الدعوة ...تبين بسرعة تصيرين مسافر فعال او مسافر متألق ...

ارجوكي لا عاد تطلبين ... معلومات ... ابحثي بنفسك ... ومرري على المواضيع اللي الناس المشتركين قاعدين يكتبوها ويضيعوا وقتهم فيها ...
عاد انت شكلك موب حقت سياحة

لكن نزولا لقوانين المنتدى ... عاد ايش اسوي ...
المالديف لا توجد بها اسواق ... المنتجعات دخنا وحنا نقول حقت روقان واستجمام فقط .... دخنا وحنا نقول الاسواق في الجزيرة العاصمة فقط ... دخنا وحنا نقول ... العاصمة معزولة عن المطار ... دخنا نقول العاصمة يبغالها قارب 10 دقايق ... دخنا نقول العاصمة خلوها بالرجعة افضل اتركو لها يوم ...
وعجزنا نقول ... مروو على المواضيع ...
ودخنا نقول ... الواحد منكم يبي السهل ... ما يبي يقراء ولا شيء
ودخنا نقول ...
انا راعي سيكل / عصبي احيانا / لكن قلبي طيب / وعصبيتي بسبب هذا السيكل اللي قلب راسي ومش قادر ابدله بسيارة فخمة مكيفة ...

وهذا فندق الهيلتون
http://ma7room.com/upload/uploading/Picture15.jpg

وكمان الهيلتون
http://ma7room.com/upload/uploading/Picture8.jpg

وكمان
http://ma7room.com/upload/uploading/Picture9.jpg

وكمان
http://ma7room.com/upload/uploading/Picture4.jpg

[align=center]والله يا ذا المنتدى جاب لنا لبشة معاكم يالحريم // [/align]
[align=justify]الاخت سعاد ...
اول شيء انت مريتي على موضوعي اللي كتبته لك او لا .. الخاص بك انك عروس جديدة ... ؟؟؟

ثانيا / الاسواق ... اذا تبحثين عن اسواق مثل ( الفيصلية ) ( المملكة ) ( حمر عين ) ( الدانة ) ( سوق الذهب بالبحرين ) ابي اقولك ... ارتاحي يفتح الله ما في ... خلاص ... بح ...

الديرة ( العاصمة ماليه ) كلها 2.7كم في 1.7كم .... يعني اذا انت راعيتها ( حلو كلام الكويتيين والله ) وحقت مشي .. تشطبي على البلد في ساعة مشي ...

لكن اذا تقصدين .. اشياء خاصة بأهل البلد فهم عندهم المشغولات اليدوية ... والاقمشة الخفيفة ... والتحف البحرية وهكذا ... بعدين كل المنتجعات بها ( محلات سوفونير ) وتختلف كبرها حسب الجزيرة ... (((((( طبعا يا اخيتي )))) انا شفت بعيني محدش اقلي ... سنتين متتاليتين ...
المنتجع اللي ذكرته لك في ردي على سؤالك حق الحجاب ... فيه ( عيادة طبية / محل سوفينير جيد )

العاصمة تستحق ( يوم وليلة فقط )

ارجو اني افدت ...[/align]

شوفي ... سعادوه ... انتي وضعتي ... سؤال ... في الصفحة 2 من موضوع كتبه ( معروف ) تحت إسم ( إستفسار عن افضل الفنادق في المالديف ) في بوابة السفر لدول أسيا الاخرى ... وتلقفت أنا ورديت عليه بما لدي من معلومات وعلقت عليه ... ثم سألتي انت في مشاركتك رقم 19 ( عن موضوع الحجاب ) وانك ما تبين أحد يشوفك ... وجاوبت انا وبعدين انت وبعدين انا وبعدين هم وبعدين محد ...
وانا للمعلومية ما انافخ احد (( انا انفخ على كفر سيكلي وبس ))
وجاهزين ... بسرعة انا مسافر لندن الاثنين

مشكور ياراعي السيكل......

مع انك تنافخ بس دمك خفيف ومعلوماتك زينة

على فكرة الرسائل الخاصة غير مسموحة لي بالمنتدى حتى اتجاوز 15 مشاركة...

عشان كذا بأكـثـّر اسئلة يمين وشمال، منها استفيد من احد غيرك زيادة خبرة، ومنها تكثر مشاركاتي وتوصل 15

سلام..... توصل لندن بالسلامة

عاد ما قلتي شوفتي الموضوع كامل او لا ... ؟؟[b]

شوفي إذا انتي طبعتيه ... معناتو ... مهتمة ... ومن جد مخططة للسفر ... والله يا سعاد صدقيني ... اذا انت زي ما قلتي عرسان جدد وبدون عيال ( الله يجيبهم قريب إن شاء الله ) والله راح تكون رحلة لن تنسوها ...
وطالما انتي طبعتي الموضوع ... فمعناتو الاهتمام بدأء يزيد عندك ...
انا ودي واحد من المنتدى يجرب ( الكل خايف وغشيم ومتردد .... وما عندو وقت .... ويبي السهل .... والهين ... تذكرين وش يقول ( خالد الفيصل ) يا مدور الهين ترى الكايد أحلا ....
ايه والله ... انك تدورين وتبحثين وتخططين برنامجك السياحي ... في النهاية تحسين انك انت ... اللي دبرتي امورك ... مش زي الاخرين ... سحبتيلك ورقة من البكجات الجاهزة عند المكاتب السياحية .... وبعدين تحصلين كل ربعك معاك ... في الطائرة / المطار / الفندق / المنتجعات / واذا الحظ كمل ... تجدينهم حتى في الباصات ...

اسمعي كلامي وسوي برنامجك بنفسك ... اروق / فن / وتحسين بطعم الرحلة خطوة خطوة .... وبعدين لمن توصلين هناك راح ... تحسي بفخر ...

صدقيني الشغلة يبغالها روقان ... انا المنتجع اللي وصلت له ... العالم هناك قالوالي والله من 9 اشهر كانت اخر عائلة عربية تصل هذا المنتجع ...

شوفي اذا انت مخططة تسافرين بعد 4 أغسطس ( أعود من بريطانيا ) ممكن اساعدك بمعلومات وموقع الشركة على الانترنت اللي عملت معها كل حاجة من طقطق لسلام عليكم ...
لا وخلي ذا سر ... الشركة دي عندهم ... موظفين على الهواء ( بالنت ) تعملي معاهم شات وتطلبين اللي تبين
وهم جاهزون ....

باي باي رياض .... هالو لندن ...

سي يو إن تن[b] ديز اف قاد ويلينج ... ( قلبنا السيستم فرووووم ناو )

ايه... سفرتي بعد 4 اغسطس...........

اذا رجعت بالسلامة......استعد للأسئلة اللي باجمّــعها لك

مشكورين اخت ام ياسمينا,, واخ ابن بطوطة.......... ماقصرتوا