الموضوع: الموديلات الكويتيه مميزه

عذراً الموضوع نسائي :$

حنا بالسعودية لما يسوون بازار يطلعون لنا المصممات فساتين غريبه واشكالها حلوه يقولون هذي موديلها كويتي

حابه اسأل اخواتي الحبيبات الكويتيات.. فين ممكن ألاقي مثل هالفساتين ؟؟ هل فيه جاهز والا لازم تفصيل

أنا قد شريت واحد بـ700 ريال وزميله لي شرت قريب منه من الكويت بثلاثة دنانير!!!!! :108:

معقوووول هالاختلاف بالاسعار؟؟؟


طبعا انا استفساري مو عن فساتين الافراح لا ابي فستان طلعات عاديه بس يكون شي شيك ومميز

مواضيع عشوائيه ممكن تكون تعجبك اخترناها لك:

• °¨¨™¤¦ رحلة إلى بر الجليعة ¦¤™¨¨°
• شقق فندقية اكثر من رائعة للعائلات
• الفنادق رقم الهاتف رقم فاكس ّ موقع الاكتروني لكل فندق اماكن السياحية
• ممكن خدمه بسيطه
• أفيدوني ياعشاق الكويت
• الطقس في الكويت حر غبار رطوبة
• استفسار
• نداء لأهل الكويت
• تكفون اول زيارة ليا للكويت ساعدونى
• تقــريــري لغـــــداي المـصـــور فــــي مطـــعم رايــــــس
• صور لمطعم و مقهى بالراية
• اتمنى مساعدتي حجوزات شقق او فنادق
• أول زياره لي للكويت ممكن مساعده يا اهل الخير
• عربانة جمعية
• العملية للفنادق تنال موافقة لبناء فندق في استراليا
• مساعدة في إيجاد فندق مناسب
• طيران الجزيرة ؟؟؟
• استفسار عن شاليهات العزاب ؟
• الحاسب الآلي
• أبغى فندق قريــب من المطار الكووويت

معقول الفرق بالسعر حرام وايد اخذوا منج فرق شوفي عزيزتي اغلب لبسنا يكون عند خياطين انا بالنسبه لي احب اروح لخياط يكون عنده اغلب الموديلات اليديده والتصاميم مجرد اشتري القماش واهوا يسوي الموديل لانه متوفر عنده دائما واغلب اللي يسون معارض يخيطون عنده واهوا موجود في مجمع الاوقاف من الجهه الخلفيه كله خياطين وأيضا في محل بجمعيه الشاميه داخل الشاميه مول فوق الدور الثاني عنده موديلات جاهزه وتصاميم كويتيه ولازم تمرين بيت ديفا كريزما عند مستشفي الاميري وعموما شوفي في الجرايد اليوميه حاطين معارض لبنات كويتيات واهيا تكون فرصه خصوصا الحين موسم الصيف قرب بس المعارض اسعارهم شويه غاليه وتتفاوت بس الموديل يستاهل

في خامات وايد حلوة في البلوكات وممكن تلاقين بأسعار معقولة
وفي الدور الثاني في خياطين وفي بعضهم خياطهم حلو وفي اصلا بعضهم عندهم موديلات جاهزة اذا تبين
يعني عندهم الجاهز واذا تبين يخيطون لج شي في بالج هم يسوون


بس ماسألتي زميلتج من وين شاريه الفستان :114:
فستان ب3 دنانير
شي غريب صراحة :114:
ماتوقع ان في بهالسعر

الله يجزاكم خير وييسر اموركم

زميلتي تقول اشترت الفستان من محلات شعبيه بس مااعرف وين

ممكن ولا عليكم امر تحددون لي موقع المراكز اللي قلتوا
مجمع الاوقاف
الشامية مول
ديفا كريزما

وش البلوكات اخت نوره.. هذا سوق يعني ؟؟ وينه فيه؟


ياليت توضحون لي اماكنها حتى اقدر اوصل لها حبي لتعاونكم وفزعتكم

سوري ماوضحت لج

اهو اسمه (سوق الصفاة ) احنا نسميه البلوكات
اهو سوق شامل للاقمشة بأشكالها وانواعها تلاقين كل شي فيه
الرخيص والغالي
و تلاقين بعد فيه خياطين بالدور الثاني
و في محل اسمه (التراث الهندي) فيه شغلات حلوة جاهزه وخامات عجيبة لازم تمرين عليه

وترا مجمع الاوقاف في وسط الكويت بالديرة وقريب من سوق الاقمشة (البلوكات)
والشامية مول في منطقة الشامية والمول ملاصق للجمعية هناك
وديفا وكاريزما اللي اعرفه انهم قريبين من سوق شرق بجانب المستشفى الاميري

وين مكانه البلوكات؟؟

جريب من السالميه ولا ؟

هلا خواتي مرحبا فيكم بديرتكم الثانية
بالنسبة لسؤال الأخت noora_ad البلوكات مو عند السالمية ، السالمية في محافظة حولي ، والبلوكات في محافظة العاصمة في منطقة المرقاب وفيه الخام والكلف والخياطين والأسعار حلوة ، وتخلون مثلا اليوم كله في المراكز القريبة منه مثل سوق شرق والراية والصالحية والأوقاف والمعارض مثل بيت ديفا والكريزما

يعني رايكم اروح للصفاة؟

كم ياخذون وقت للخياط؟

هل يفتحون الجمعه؟

طيب وش رايكم بمجمع العربيد بالفروانيه قريت انه حلو وفيه شغلات حلوه

** مجمع الاوقاف مشهور بالدراعات بعد وهو في منطقه العاصمه قبل سوق المباركيه والبلوكات والخياطين موجودين خلف المجمع وبالضبط مقابل لمجمع السنتر بوينت مايفصل بينهم غير شارع صغير عموما
**والعربيد فيه محلات لخياطه الدراريع وهو تقريبا اكثر من 3 عمارات يعني لازم تروحين له مبكر بعد صلاه العصر ومكانه خلف جمعيه الفروانيه تري المحلات في العربيد عندها قماش يعني ما يحتاج تروحين البلوكات في العاصمه متوفر عندهم الاقمشه وايضا محلات بيع الاقمشه

*** الشاميه مول موجود في منطقه الشاميه وهو تقع في نهايه الدائري الثاني في العاصمه وايضا قريبه من سوق شرق والمباركيه

**بيت كريزما وديفا قريبه من سوق شرق يعني لما انتي طالعه من سوق شرق بتخلين مستشفي الاميري على ايدج اليمين اول لفه على جهه اليمين تلفينها بصير المستشفي ايضا علي ايديج اليمين بيت كريزما وديفا على يسارج بدايه الشارع

الخياطه بالنسبه للعربيد تقريبا حسب ماسمعت يومين او اكثر واحتمال في جاهز وبعضهم لآلآ اسبوع يعتمد

أختى عرفت ما تقصديت و طلبج موجود

بمجمع العربيد بلازا و الحمرا مول بالفروانية

و مجمع النقرة الجنوبي و الشمالي و العثمان و الايوب بحولي

و سوق السالمية

و سوق الكويت

و هناك تلاين الفساتين للطلعات و اسعارهاا مناسبه و لا تنسين تكاسري بالسعر

اذا تبين دراريع حلوه اشكال و الوان ... روحي: مجمع الاوقاف و العربيد للعبي و الملافع

الله يجزاكم بالجنة ويفتح عليكم

يارب اشتري لي من هناك كم فستان من زمااان خاطري بفساتين ناعمه ولا القى

إن شاء الله إذا شريت فساتين بصورها لكم :106:

طلبج تلاقينه ابـ مجمع النقره الجنوبي و مجمع النقره الشمالي
والله تلاقين اشياء حلوه و الاسعار حلوه و كله خياط الكويت
و ما يبيّن انه من النقره

تسلمووووووووووووووون ..

حبيتكم ياأهل الكويت من ردودكم وتفاعلكم :106:



عماااااااااااااااااااااار يا كويت:113: