اليوم الثالث
قررنا الذهاب في رحلة مع الباص السياحي ويسمى city tour بسعر 90 راند للفرد ويحق للفرد النزول في اي محطة يريد والطلوع مرة اخرى وهي رحلة جدا روعة تستطيع ان تشاهد اغلب مناطق كيب تاون وقد قمنا بالرحلة الساعة 11:35 من امام فندق سي بوينت بروتويا برغم ان الباص تأخر علينا ولم ياتي الا الساعة 12:20 وبعدها ركبنا معه وانتهت الرحلة الساعة 5:30 مساءا بعدما مررنا جوار شارع يسمي كمز باي وهو شارع روعه به شاطىء جدا رائع رماله بيضاء فائقة الجمال من جد حلو بس يعيبة وجود الكلاب بكثرة وهي كلاب اليفة بس انا اخاف من الكلاب جدا وكلابهم مو زي كلابنا تراها افيال مو كلاب والله من كبرها وعلي طول هذا الشاطء يوجد مقاهي ومطاعم وكافيهات واغلب اللي في هذي المنطقة اجانب واروربيين بس مره مكان روعه ياريت تجربوه رايح يعجبكم جدا وقررنا النزول في هذه المنطقة وجلسنا هناك اللين الليل الساعه اعتقد مني فاكر 8 ليلا وهي قريبا جدا من السي بوينت واتغدينا في مطعم لايفوتكم اسمة بلو اوشين مره مره مره اكلة جناااااااااااااااااااااااااااان والله اني اتحسرت واقول انه اكلنا هنا كنه بلاستيك هههههه واخيرا رجعنا للبيت ونمنا عشان عندنا رجه وفلة تاني يوم


اليوم الرابع

اتفقت في هذا اليوم مع شخص اسمه كلايف سعره مرة حلو يوم كامل بسعر 500 راند من السعة 9:30 مساءا حضر للفندق وانطلقنا الي حديقة كيستن بوش جاردن وهيه حديقة مره حلوة وصورتها في اول التقرير في الصفحة الاولي وكانت الاجواء ممطرة وضباب وشيء يجنن العاقل اشتد المطر في الحديقة ومافي اي احد غيرنا في الحديقة وقررنا التوقف حتي يهداء المطر وفطرنا في وسط الحديقة يوجد مطعم الفطور فيه مع هذي الاجواء يجنن طبعا وبعدها ذهبنا الي مستعمرة البطاريق الجميلة واللفة فيها ماتستغرق وقت طويل والدخول لها ب 20 راند وبعدها ذهبنا الي راس الرجاء الصالح الدخول للسيارة بسعر 135 راند وبعدها تدخل مسافة كبيرة بالسيارة وتدفع تذكرة للدخول الي اعلي الجبل بسعر 32 راند للفرد ورحلة الرجاء الصالح طويلة تقريبا من كيب تاون الي راس الرجاء الصالح او الكي بوينت تستغرق تقريبا 1:30 ساعة ونص بس يعني لازم الواحد يروح ليها لانها حلوة بصراحة وتشوف شيء جديد وتستمتع بدل الجلسة الفاضية في البلد سسسسسسسسسسسسسافرو وخليكم من الكسل ايش فيني بداءت اخرف خرجت من الموضوع ههههه ورجعنا في اخر الرحلة الي الوتر فرونت واتغدينا وانبسطنا ( ملاحظة اقصد بالغداء يعني بعد الساعة 7:30 مغرب لانه ماعندنا وقت ننتظر ونتغداء فهمتو ولا لا ) ههههه ورجعنا بعدها الي البيت احم احم اقصد الفندق ( تراني مني متعود اقول الفندق بس نقول البيت ) وكده خلصنا من اليوم الرابع وبكرة انشالله اكملكم اليوم الخامس ويتظمن التالي

الذهاب الي سوق السينشري وماذا فعلنا به
ذهابنا يوم الاحد الي سوق الاحد وهل يعقل مايوجد به ؟ تابعونا لتروا ماذا يحصل من افعال في جنوب افريقا

اتمني التشجيع ولاتقرو موضونايس ترا موضوعي احلي من موضوعه بالف مره هههههه بقهرك يانيس فويس

مواضيع عشوائيه ممكن تكون تعجبك اخترناها لك: