الموضوع: الاخت تسعادكم مشكورة في ايجاد المواعيد الفاضية للمقابلة في الرياض والظهران

سعد كم شخص عندكم بالابلكيشن ؟


اذا كان الطلب لأكثر من شخص واحد ماراح تطلع عندك المواعيد اللي انا ذكرتها لأني ذكرت انها لشخص واحد

الان عندي اقرب موعد لشخص واحد 29 جولاي

حصلت موعد في أغسطس , وأتمنى تقديمه

السلام عليكم

أنا أخذت مو عد سياحة لشخصين وكان أقرب موعد 16 أغسطس

ابغا اقدم الموعد وش الحل

وشكراً

المشاركة الأصلية كتبت بواسطة سعد2003
http://www.arabtravelersforum.com/tr...1/#post2011561

السلام عليكم
انا حجزي لاربع اشخاص بس 2 منهم اطفال واخر ماشيكت الحين واقرب موعد لقيته 20 اغسطس
مدري وش في حظي ياجماعه



هل الاطفال مسجلين في المواعيد ؟

المشاركة الأصلية كتبت بواسطة سعد2003
http://www.arabtravelersforum.com/tr...1/#post2011561

السلام عليكم
انا حجزي لاربع اشخاص بس 2 منهم اطفال واخر ماشيكت الحين واقرب موعد لقيته 20 اغسطس
مدري وش في حظي ياجماعه



وعليكم السلام ورحمه الله وبركاته


اول شي الاطفال تحت سن 14 سنه المفروض ماتحجز لهم معك بالموعد ولا تحضرهم معك بالمقابله يكفي تسدد رسوم الفيزا لكل واحد وتعبي الفورم لكل واحد وتحضر اوراقهم وجوازاتهم معك بالموعد الخاص فيك


يعني الغي اطفالك من الموعد علشان تكونون بس شخصين بالطلب وتزيد نسبه فرصتك في الحصول على موعد اقرب



ولو مالقيت مافيه حل الا انك تسجل نفسك بيوزر والشخص الثاني بيوزر ثاني وتحدد موعدين مختلفين الله يعينكم
لأن بهالطريقه اضمن لك 100% انك تلقى موعدين قراب ان شاء الله اما وانتوا شخصين بنفس اليوزر اعتقد انت وحظك :114:


لو كان الشخص الثاني هي زوجتك وماتبي تروح لوحدها السفاره الحل هو انك تروح بالموعد الاول وتفيز لنفسك وتحدد لها موعد بعدك وتروح معها ومعك اوراق اطفالك لأن تقديم الفيزا للأطفال تحت 14 سنه مايحتاج موعد وتقدر تجي اي وقت فتدخل معها لهذا الغرض


والله يوفقك

أول موعد متوفر بالظهران20سبتمبر--وبالرياض16اوغست

المشاركة الأصلية كتبت بواسطة الشقراوية
http://www.arabtravelersforum.com/tr...7/#post2012937

السلام عليكم اناعندي في اليوزر ثلاث اشخاص انا وبنتي وولدي كلهم فوق ال14 ومن فترة وانا احاول واشيك على المواعيد دايم وماني قادرة احصل موعد المشكلة ان ولدي وبنتي معي في نفس الجواز حاولت احط كل واحد في يوزر لحالة بس اخاف يكون فيةتعارض في المواعيد يعني يكون واحد خلص مقابلتة والجواز عند السفارة يعني ما بعد رجعوة لنا وفي هذا الوقت يكون فية موعداخر وما فية جواز معانا وش الحل في ها لمشكلة



وعليكم السلام


مالك الا انك تحاولين باستمرار الى ان تلقين موعد او تيأسين :114:



لكن اذا تبين تغامرين:24:


احجزي موعد بدري وبتلقين ان شاء الله لشخص واحد اللي هو صاحب الجواز وروحي وخذي معك الاوراق لكم كلكم كامله الفورمات كلها وايصالات دفع رسوم الفيزا والصور وخذي ولدك وبنتك معك بيوم الموعد والمشرف اللي يشيك الاوراق حبوب قولي له انك تحسبين الموعد بس لصاحب الجواز واتوقع راح يدخلكم ان شاء الله


انا لما رحت مع اختي اخذت معنا اوراق اختي الثانيه كان عليها اختبار بهذاك اليوم وماتقدر تجي معنا و حددنا لها موعد بيوم ثاني بس اخذت معي الاوراق كذا قلت يمكن ياخذونهم بدون ماتحضر ولما قلت للمشرف اللي برى قال المشكله لازم ناخذ بصماتها يعني لازم تكون موجوده يعني اتوقع بحالتكم ماراح يدقق

والخيار لك

والله يوفقكم

الاخت محارة واهل الخبرةوشرايكم اغامر او انتظر يمكن ربي يسهلها والقى موعد لنا مع بعض مع اني بديت افقد الامل في هالسفرة

اعملي الاثنين مع بعض


اعملي يوزرين الاول لصاحب الجواز والثاني لكم كلكم

اذا لقيتي موعد مبكر لليوزر الاول روحوا كلكم واوراقكم كامله وبنفس الوقت استمري في المحاوله على اليوزر الثاني

والله يوفقك

انا اللي معي اطفال تحت 14 وتوقعت انو الزامي اضيفهم بالموعد
وعلى اية حال شيكت بموعدي الثاني واللي ماكان فيه الا اسم واحد ومره ثانيه مالقيت موعد الا ب 23 اغسطس
يالليل الليل..الله يفرجلي وكل مسلم يارب ...ومتابع معكم للاخر
يعطيكم العافيه

اختي محارة شكل السر باليوزر حقك
ماتسلفيني اياه الله يجزاك بالخير

العجيب اني الان الان قاعد اشيك بيور لموعد شخص واحد مالقيت موعد قريب الا ب 17 اغسطس موعجيبه؟؟
يعطيك العافيه

اخت محارة يعني اسوي حذف لعيالي من اليوزر حقي واخلية لشخص واحد واخذ موعد حق شخص وهذا ممكن لاني فاتحة على المواعيدطول اليوم مسنترةعندها حتى اذاجيت اطلع مشواراخلي واحد من عيالي يشيك عليها يعني لو حصلت موعد لي انا صاحبة الجواز ممكن اخذ عيالي معي حتى لوكان ماعندهم موعد لاني قريت ردك وعرفت ان موقف اختك غير لان عندها موعد مع السفارة الي يقدر يساعدني اومر ت علية نفس المشكلة من اعضاء المنتدى يساعدنى ومشكورين مقدما

المشاركة الأصلية كتبت بواسطة سعد2003
http://www.arabtravelersforum.com/tr...2/#post2013672

اختي محارة شكل السر باليوزر حقك
ماتسلفيني اياه الله يجزاك بالخير

العجيب اني الان الان قاعد اشيك بيور لموعد شخص واحد مالقيت موعد قريب الا ب 17 اغسطس موعجيبه؟؟
يعطيك العافيه




الله يعافيك اخوي


لكن للأسف المواعيد تتوفر واحيانا تروح بنفس الدقيقه او بعد دقايق قليله يعني اكتب انا ان فيه موعد متوفر وبعد شوي لما انت تشيك يكون راح واخذه شخص ثاني واحيانا والله تطول,, يعني الموضوع يحتاج متابعه باستمرار ما يكفي تفتح الموقع وتشوف مافيه موعد مبكر وتقفله

انا كان عندي موعد ل4 اشخاص ب26 جولاي وكان الموعد بالنسبه لنا متأخر كثييير فكنت افتح الموقع واجلس اعمل تحديث لصفحه المواعيد بأستمرار كل شوي اعمل تحديث واظل ساعه ساعتين على هالحال خاصه وقت الظهر الى العصر والحمد لله لقيت موعد لشخص ب5 مايو واخذته وموعد لشخصين ب11 مايو واخذته واخر شي موعد لشخص ب26 مايو واخذته والحمد لله انحلت المشكله ولازلت الى الان دايم القى مواعيد متوفره


اذا ودك عطني يوزرك والقى لك ان شاء الله:109:



الله يوفقك وتلقى الموعد اللي يناسبك

محتاج موعود في اواخر شهر جون او خلال شهر جولي ،انا الآن في امريكا وابغى ارجع اجدد الفيزا واشوف اهلي ، لأن دراستي بتبدأ في اوقست 25 ، إذا كان احد منكم عنده اكثر من موعد فياليت تساعدوني فيه ، رجعتي للسعوديه متوقفه على الموعد ولا لازم اني اكمل 8 شهور زيادة بدون رجعه للسعودية وهذا يعني 19 شهر ماشفت امي واهلي :110:


بالتوفيق،،،

الله لايهينك اختي محّارة ، بصراحه الموضوع هذا فادني مره ، لأني كنت ابسوي اكوونت جديد واجرب في الظهران بس بعد ماقريت الموضع دريت ان الظهران مررررره فل ، 2 جولي مره مناسب لي والحمدلله على كل حال ، الله لايهينك وجزاك الله كل خير.


بالتوفيق،،،

اخوانى الاعزاء مضى على مقابلة العائلة 13 يوم حتى الان (رحلة علاجية) استلمو جوازات الاولاد على ان يعطوهم فيزة خلال اسبوعين اما انا فا اعطونى ورقة صفراء على ان يطلبونى بعداسبوعين تستغرق للمراجعة.
حتى الان لم احصل على جوازات العائلة ولم يتم استدعائى , وهذا الامر اوقعنى بحيرة مع الحجز للتذاكر وكذلك السكن بأمريكا حيث الزمونى بالدفع او خسارة الحجوزات . هل من طريقة للتواصل وشرح امرى لهم للاسراع اما القبول او الرفض.؟؟
ارجو افادتى ولكم الشكر...

ارسل لهم ايميل واستفسر منهم وراح يردون عليك ان شاء الله


mailto:[email protected]

والله يوفقك

لازال موجود

محتارة :


الله يجزاك ألف خير على اللي تسوينه لأخوانك وخواتك



وإن شاء الله إذا وصل قبولي جيتك تساعدينني في موعد " ماشاء الله عليك حظك في المواعيد Ok ماشاء الله تبارك الرحمن



الله يوفقك

الله يجزاك خير أختي محارة

بغيت أسئلك أختي " كيف شريتي يوزرين من موقع السفارة "


لأني أذكر انهم يطلبون رقم الجواز



وهل فيه مشكلة لو إشتريت لي يوزر ثاني لمتابعة المواعيد

علماً أن عندي يوزر الان لكن اخاف ألغي الموعد اللي فيه ثم ماأحصل مواعيد وابلش من جد



الفكرة طال عمرك هي " اليوزر الأول أبخليه على جنب وأشتري لي يوزر جديد واتابع عن طريقة المواعيد وإذا شفت موعد أقرب من موعدي الأول حجزتة وألغيت الموعد الأول "


إن شاء الله تفهمين وش أنا كاتب هههههههههههههه







الله يجزاك خير ويوفقك ياكريم

السلام عليكم
اتوقع اني لقيت تفسير لتأخر بعض المواعيد..الا وهو نوع التأشيره المطلوبه ......
انا جربت اني اقدم تأشيرة زائر فطلع مواعيد مبكره على اغسطس ..ولما جربت احول التأشيره للدارس رجعت المواعيد نزلت مباشره على سبتمبر....وفرق الزمن كان دقايق بين المحاولتين ..
اعتقد اللي بيقدم على تأشيرة زائر سهل يلقى موعد مبكر...بس الدارس مو سهله انه يلقى مواعيد مبكره
وضلني متابع معاكن
تحياتي

السسسلام عليكم


بسسسرعه ياشباب اللي يبي موعد قريب جداً في سفارة أمريكا " بعد يومين بس

أقرب موعد بعد 2 يوم

طارت الطور بأرزاقها


أقرب موعد بعد 93 يوم

السلام عليكم



ياشباب ويابنات

أقرب موعد بعد 27 يوم


إلحقوٍا على الموعد قبل يروووح


دعواتكم لي بالتوفيق الله يجزاكم خير

ياالله اللي يبي موعد الان



قبل دقيقة كان فيه موعد بعد 18 يوم " حدثت الصفحة وطار الموعد "


الحين أقرب موعد بعد 25 يوم بتاريخ 21 جون


بالتوفيق للجميع إن شاء الله

المشاركة الأصلية كتبت بواسطة dm3ti
http://www.arabtravelersforum.com/tr...4/#post2028164

الله يجزاك خير أختي محارة

بغيت أسئلك أختي " كيف شريتي يوزرين من موقع السفارة "


لأني أذكر انهم يطلبون رقم الجواز



وهل فيه مشكلة لو إشتريت لي يوزر ثاني لمتابعة المواعيد

علماً أن عندي يوزر الان لكن اخاف ألغي الموعد اللي فيه ثم ماأحصل مواعيد وابلش من جد



الفكرة طال عمرك هي " اليوزر الأول أبخليه على جنب وأشتري لي يوزر جديد واتابع عن طريقة المواعيد وإذا شفت موعد أقرب من موعدي الأول حجزتة وألغيت الموعد الأول "


إن شاء الله تفهمين وش أنا كاتب هههههههههههههه







الله يجزاك خير ويوفقك ياكريم




ماعندك مشكله لو شريت اكثر من يوزر بنفس رقم الجواز


والله يوووفقك

المشاركة الأصلية كتبت بواسطة محّارة
http://www.arabtravelersforum.com/tr...4/#post2033764

ماعندك مشكله لو شريت اكثر من يوزر بنفس رقم الجواز


والله يوووفقك





من طول الغيبات جاب الغنايم :113:


هلا بك والله محارة " وينك وش هالغيبه هههههههه

الحمد لله على سلامتك .. وابشرك قدمت موعدي إسبوع

لكن الفيزا كم تاخذ من يوم بعد المقابلة " أنا صراحه خايف تطول علي "


وإذا عندك فكرة عن الأسئلة اللي يطرحونها السفارة ياليت تكتبينها الله يعافيك



تقبلي إحترامي .. الله يوفقك إن شاء الله وكل مسسلم :24:

وهل دراست إختك على حسابها أو على حساب الوزارة " بعثة "



لأني أحس إنهم يمشكون حقين الوزارة مايقولون لهم شيء

أما اللي على حسابهم تطول فيزهم ويمرمطونهم على الفاضي

أقرب موعد لحد الان بعد 25 يوم


ياناس اللي يبي موعد يلحق عليه

المشاركة الأصلية كتبت بواسطة محّارة
http://www.arabtravelersforum.com/tr...5/#post2033775

امس كنت بالسفاره مع اختي وكانت الامور كلها تمام واخذوا جوازها وقالوا الفيزا تطلع بعد اسبوع ان شاء الله


عقبالكم جميعا





انا كنت في السفاره امس بعد كنت لابس تشرت برتقالي وجنز ازرق وكاب برتقالي ان شالله اني شفتك اخوي محار نفس الوضع قالو لي بعد اسبوعين بس ماتدري عنهم هذول صادقين او كاذبين نشوف الايام تبين قالي انت حصلت على الفيزاء بنسبة 99 % قلت طيب والواحد قال ما اظمنها لك قلت اجل الله يستر من الواحد حقهم

المشاركة الأصلية كتبت بواسطة dm3ti
http://www.arabtravelersforum.com/tr...9/#post2033779

من طول الغيبات جاب الغنايم :113:


هلا بك والله محارة " وينك وش هالغيبه هههههههه

الحمد لله على سلامتك .. وابشرك قدمت موعدي إسبوع

لكن الفيزا كم تاخذ من يوم بعد المقابلة " أنا صراحه خايف تطول علي "


وإذا عندك فكرة عن الأسئلة اللي يطرحونها السفارة ياليت تكتبينها الله يعافيك



تقبلي إحترامي .. الله يوفقك إن شاء الله وكل مسسلم :24:



الله يسلمممك

ومبروك تقديم الموعد

وبالنسبه للفيزا كم تاخذ ما اقدر احدد لك لأن اللي امورهم تمام يقولون لهم اسبوع وتطلع مثلنا الحمد لله:101:

واللي نص نص يقولون لهم اسبوعين :114:


وبعض الناس مايعطونهم كلمه ويقولون لهم شيكوا عالموقع وشوفوا وش المستجد بموضوع فيزتكم وبعضهم ماياخذون جوازاتهم حتى ويقولون لهم بنتصل عليهم لو كان اوكي وترسلون جوازكم :114:

لكن الغالب من اسبوع الى شهر بالكثير وتطلع بعد المقابله

ان شاء الله تكون امورك اوكي وتطلع لك خلال اسبوع


وبالنسبه للأسئله بعد تختلف من شخص لشخص وتختلف من موظف للثاني
يعني انا رحت مع اختي كان موعدنا بنفس اليوم وراح معنا ابوي مع انه مفيز من قبل بس كان جاي معنا جايب اوراق وجواز اختي الصغيره ما سألنا الموظف الا سؤال واحد بس وهو مالغرض من الزياره؟ قلنا سياحه ولا سألنا سؤال غيره واعطانا كروت بيضاء وقال سددوا ال27 ريال وتعالوا بعد اسبوع خذوا الجوازات مع الفيز:24:

اما لما رحت مع اختي الثانيه الاسبوع الماضي وهي ماراحت معنا هذاك اليوم لأن كان عندها اختبار فأخذنا لهاموعد لوحدها قابلنا موظف ثاني سألها كثير مثلا وش الغرض من الزياره ووش المدينه اللي راح تروحون لها ومع مين بتسافرين ووش البلدان اللي سافرتي لها من قبل وهل زرتي الولايات المتحده الامريكيه من قبل والا هذي اول مره؟ وهل زرتي ايران او افغانستان ووين تدرسين؟ ووش تخصصك؟ :114:
كان مروق ووده يسولف:109:

وبعدين اعطاها كرت اصفر وقال تعالي خذي جوازك مع الفيزا الاسبوع الجاي

قمت انا نطيت له قلت له وش الفرق بين الكرت الاصفر والابيض لأن حنا الاسبوع الماضي اعطونا كروت بيضاء وهي صفراء
قال الكروت الصفراء للباد بيبول وتعني انا ماراح نعطيها فيزا :109:
لعب في اعصاب البنت:109:
بعدين قال كلهم زي بعض بس كذا
قلت له طيب مافيه 27 ريال مثلنا؟ قال نو مور فيس :114:
وما سألته ليه خفت يقول وش هالنشبه كل شي بتسأل عنه:109:

واختي ردا على سؤالك فيزتها سياحيه مو دراسيه


والله يوووفقك اتمنى افدتك

الاخت محاره الشكر لك من الجميع على هالفكرة والمجهود الرائع بس اسمحيلي ببعض الاسئله
االلي عجزت القالها اجابه :
1 - اوكي اخذ ليوزر جديد لكن البيانات اعبيها من جديد هي نفسه او (مو لازم ) اعبي وادخل على المواعيدا ؟؟؟ وهل كل النماذج 156 و157 والبيانات الثانيه اعبيها كلها ؟؟؟
2- لو لازم اعيبيها هل لازم تكون نفس البيانات الاولى بالضبط ،،، ولو اختلفت مشكله ،،، واذا عبيتها كلها صرت كاني اقدم من جديد ( صح ) خلاص اختار الموعد المناسب ثم اكنسل الموعد القديم على اليوزر القديم ؟؟؟
3- اذا عبيتها وشفت الجدول وقدرت اغير الموعد القديم باليلوزر القديم ،اليوزر الجديد وش اسوي فيه
عادي اكنسله ولا تصير مشكله
4- موعدي ب 25 اوقست تتوقعين القى موعد ابكر ،،، احنا اثنين وفيزا سياحيه
5 - التشيك عادي كل وقت ،،، وش انسب وقت
اعتذر عن كثرة الاسئلة لكن تضل الفيزا في منتهى التعقيد والاسئلة لن تنتهي وتوقعي اي سئوال
مليون شكر مقدما

المشاركة الأصلية كتبت بواسطة دولي 9
http://www.arabtravelersforum.com/tr...8/#post2038918

الاخت محاره الشكر لك من الجميع على هالفكرة والمجهود الرائع بس اسمحيلي ببعض الاسئله
االلي عجزت القالها اجابه :
1 - اوكي اخذ ليوزر جديد لكن البيانات اعبيها من جديد هي نفسه او (مو لازم ) اعبي وادخل على المواعيدا ؟؟؟ وهل كل النماذج 156 و157 والبيانات الثانيه اعبيها كلها ؟؟؟
2- لو لازم اعيبيها هل لازم تكون نفس البيانات الاولى بالضبط ،،، ولو اختلفت مشكله ،،، واذا عبيتها كلها صرت كاني اقدم من جديد ( صح ) خلاص اختار الموعد المناسب ثم اكنسل الموعد القديم على اليوزر القديم ؟؟؟
3- اذا عبيتها وشفت الجدول وقدرت اغير الموعد القديم باليلوزر القديم ،اليوزر الجديد وش اسوي فيه
عادي اكنسله ولا تصير مشكله
4- موعدي ب 25 اوقست تتوقعين القى موعد ابكر ،،، احنا اثنين وفيزا سياحيه
5 - التشيك عادي كل وقت ،،، وش انسب وقت
اعتذر عن كثرة الاسئلة لكن تضل الفيزا في منتهى التعقيد والاسئلة لن تنتهي وتوقعي اي سئوال
مليون شكر مقدما



العفو اخوي دولي والشكر لصاحب الفكره

1- بالنسبه لليوزر الجديد ماتقدر اصلا تدخل على المواعيد الا بعد ماتدخل البيانات المطلوبه اما النماذج 156 و157 تقدر تعبيها بعدين بأي وقت ومالها علاقه بالموعد

2- تقدر تعبي نفس البيانات او اذا كانت عندك معلومات تبي تغيرها مافيه مشكله وكأنك تقدم من جديد وتختار الموعد المناسب وتكنسل الموعد القديم على اليوزر القديم

3- سواء اخذت الموعد من الجديد او القديم ما فيه فرق ماراح تقدر تكنسل اليوزر نفسه بس الموعد اللي تقدر تكنسله

4- ان شاء الله تلقى موعد ابكر خاصه اذا خليت اليوزر لشخص واحد تتوفر فرص اكثر من لو كان شخصين بنفس اليوزر
5- التشييك عادي بأي وقت يعني فضي نفسك ساعه ساعتين ثلاث واجلس اعمل تحديث لصفحه المواعيد واذا كنت من المستخدمين للانترنت لفترات طويله اترك صفحه المواعيد مفتوحه على طول واعمل لها تحديث كل شوي وان شاء الله تتوفق


اذا تبي رايي سجل شخص واحد باليوزر الجديد فقط يعني لا تضيف الشخص الثاني وحاول الى ان تلقى موعد قريب واذا لقيت ادخل عاليوزر القديم والغي الموعد الاول والغي الشخص الثاني المضاف وبكذا يكون اليوزر لشخص واحد وحاول تلقى موعد مبكر وان شاء الله تلقى حتى لو كان بيوم غير اللي حدده باليوزر الثاني والله يعينكم عالمشوار مرتين


طبعا انتبه لو كنت بتاخذ برايي لا تسجل اليوزر الجديد بنفس اسم الشخص اللي سجلته في اليوزر القديم لكن سجله بأسم الشخص المضاف لأنك اذا رجعت للقديم ماراح تقدر تلغي الشخص الاساسي بس الشخص المضاف اللي تقدر تلغيه

واي استفسار حاضرين

والله يوفقك:24:

اخت محاره كيف عمل التحديث لصفحة المواعيد لوسمحتي ؟

فزعتكم ياخوان والله تبهذلت مع السفارة فتراني بحاجه ماسه لموعد قريب لاني والله لي اكثر من5 شهور في السعوديه وبعد ماوصلتني الفيزه بعد انتظار5 شهور الجامعه الغت الاي توني القديم واصدرت لي اي توني جديد برقم سيفس جديد مما اضطرني ان اعيد امور الفيزه من جديده!!! فياليت تخبروني وتساعدوني عن اقرب موعد لاني دفعت كل امور المبالغ المطلوبه وبانتظار احصل على اقرب موعد .. موعدي متاخر جدا في 1 سبتمتر واللي يعني انه راح يروح على السمستر الجاي كمان

مشكورين جدا والله يكون في عون العبد مادام العبدفي عون اخيه

أختي محارة كيف حالك بشري طلعت الفيزا ؟؟

محاره انا موعدي للمقابلة في 18 جون .. و الى الآن ما أستعديت ..الفيزا دراسية طبعا

و الi-20 وصل من أسبوع .. طيب انا كتبت في رقم السيفيسnoooooooooo لأن ال آي توني ما بعد يوصل .. طيب الحين أغير و أكتب الرقم و لا لا ؟؟

محارة ذكريني ايش الأشياء المهمه ؟؟

ودفع ال 400 متى ؟؟

المشاركة الأصلية كتبت بواسطة sportiv
http://www.arabtravelersforum.com/tr...7/#post2040067

اخت محاره كيف عمل التحديث لصفحة المواعيد لوسمحتي ؟




اذا كنت حددت لك موعد وانتهيت راحت عليك وما تقدر توصل لجدول المواعيد الا لما تلغي موعدك الاول او طبعا بيوزر جديد


اما اذا كنت مابعد تحدد موعد..
انا قبل ما اختار موعدي حفظت الصفحه اللي فيها جدول المواعيد بالمفضله وبعدين حددت موعدي وصرت اذا ابي اشوف المواعيد افتح الصفحه من المفضله ويطلب مني ادخل اليوزر والباسورد ادخلهم يدخلني على حسابي وافتحها مره ثانيه من المفضله ويطلع لي الجدول


بالتوفيق

المشاركة الأصلية كتبت بواسطة فهدالصالح
http://www.arabtravelersforum.com/tr...1/#post2040491

فزعتكم ياخوان والله تبهذلت مع السفارة فتراني بحاجه ماسه لموعد قريب لاني والله لي اكثر من5 شهور في السعوديه وبعد ماوصلتني الفيزه بعد انتظار5 شهور الجامعه الغت الاي توني القديم واصدرت لي اي توني جديد برقم سيفس جديد مما اضطرني ان اعيد امور الفيزه من جديده!!! فياليت تخبروني وتساعدوني عن اقرب موعد لاني دفعت كل امور المبالغ المطلوبه وبانتظار احصل على اقرب موعد .. موعدي متاخر جدا في 1 سبتمتر واللي يعني انه راح يروح على السمستر الجاي كمان

مشكورين جدا والله يكون في عون العبد مادام العبدفي عون اخيه




شيك بأستمرار على موقع تحديد المواعيد وان شاء الله تلقى موعد قريب وخاصه انك شخص واحد يعني اتوقع تلقى بسهولة


واذا كان موعدك بالظهران انصحك تشتري يوزر جديد و تحاول تبحث عن موعد قريب بالرياض لأن الظهران مره مواعيدهم محدودة و زحمه اما بالرياض الفرصه اكبر انك تلقى موعد مبكر


وبالتوفيق

المشاركة الأصلية كتبت بواسطة Raya
http://www.arabtravelersforum.com/tr...3/#post2040993

أختي محارة كيف حالك بشري طلعت الفيزا ؟؟

محاره انا موعدي للمقابلة في 18 جون .. و الى الآن ما أستعديت ..الفيزا دراسية طبعا

و الi-20 وصل من أسبوع .. طيب انا كتبت في رقم السيفيسnoooooooooo لأن ال آي توني ما بعد يوصل .. طيب الحين أغير و أكتب الرقم و لا لا ؟؟

محارة ذكريني ايش الأشياء المهمه ؟؟

ودفع ال 400 متى ؟؟





اختي الكريمة ...

الحين غيري البيانات في الموقع الخاص بالموعد للمقابلة برقم السيفس

وطبعا باقي النماذج المطلوبة منك لازم تغيريفيها كل المعلومات على الجديد !!

وهذا الموضوع ان شاء الله يفيدكم ..

http://www.arabtravelersforum.com/travel165542/


واتمنى لكم التوفيق

الان اقرب موعد بالرياض لشخص واحد 26 جولاي

الان اقرب موعد بالرياض لشخص واحد 18 اوقست

حياك الله رايا اني تايم


اقرب موعد لشخص واحد بالرياض 9 اوقست

لازال موجود 4جون و26 جولاي بالرياض لشخص واحد

شخصين يمحارة تكفين اقرب موعد قبل 25 اوغست
لسه ماسجلت معرف جديد شايل هم البيانات اللي باعبيها ،، مدري اعبي بياناتي او اي بيانات

انا رديت عليك يادولي بصفحه 27 ماقريت ردي؟

ادري رديتي وماقصرتي وممنون كثير
بس والله شايل هم تعبئة البيانات ،،، وخايف من اللخبطه لو عبيت بيانتاتي ثانيه
مشكوره اختي محارة

السلام عليكم اخواني ابي حجز للسفاره اللي بالظهران لشخصين انا واحد من اصحابي في شهر 7 مشكورين

المشاركة الأصلية كتبت بواسطة margoana
http://www.arabtravelersforum.com/tr...8/#post2044788

السلام عليكم اخواني ابي حجز للسفاره اللي بالظهران لشخصين انا واحد من اصحابي في شهر 7 مشكورين



هذا الرابط بيساعد باذن الله ..



http://www.arabtravelersforum.com/travel165542/


بالتوفيق

ابشركم استلمت جوازي مفيز 5 سنوات

خلاص يا اخوان خلصت المواعيد بالنسبه للظهران اقرب موعد في شهر 11 نوفمبر والرياض اقرب موعد هو سبتمبر يعني شهر 9

شكلي بغير وجهتي

سلام

قبل ماتغير وجهتك حاول تشيك عالمواعيد بأستمرار يمكن تلقى احد الغى موعده وتاخذه


والله يكتب لك اللي فيه الخير

هل موجود موعد قبل 11 جون ؟؟؟

شيك بإستمرار وان شاء الله تتوفق بموعد قبل 11 جون

فيه ناس كثير يقرب موعدهم وهم ماخلصت اوراقهم او مايقدرون يروحون للموعد ويضايقهم الوقت فيلغونه قبل يومين او ثلاثه
حاول تشيك بالموقع وتلقى ان شاء الله


الله يوفقك

الان اقرب موعد لشخص واحد 26 جولاي وبعده 9 اوقست بالرياض

اقرب موعد بالرياض لشخص واحد 20 اوقست ولأكثر من شخص 3 سبتمبر

السلام عليكم ..

عندي استفسار لو سمحتوا .. عندي اسرة مكونه من ثلاثة اشخاص هل بالامكان عمل حساب وموعد لكل شخص على حده حيث انني لاحظة وجود مواعيد قريبة ولاكن لشخص واحد ! اما المواعيد لأكثر من شخص فأقرب موعد في الأوائل من سبتمبر ,,,

اشكر لكم تعاونكم مقدما

السلام عليكم ..
عندي استفستار لو سمحتوا .. عندي عائلة مكونة من 3 اشخاص .. ولم استطع ان اجد لهم موعد ولاكن لاحظة انه توجد مواعيد قريبة اذا كان شخص واحد فقط .. فهل بامكاني حجز موعد ويوزر نيم لكل شخص على حده ..

علما بان العائلة رجل وامرأتان ...

ولكم الشكر مقدما

الحمد لله استلمنا جوازتنا كلنا مفيزه


عقبالكم جميعا

الأخت محاره ...

اولا : اباركلك بالحصول على الفيزا وان شاء الله تستمتعون بزيارتكم للولايات المتحده ..
ثانيا : عندي كذلك استفسار آخر وهو هل المستندات تفرق عند تقدم كل شخص لحه بمعنى مثل ماعرفت ان المراه عند السفر لوحدها لابد من تقرير طبي لخلوها من الامراض المعدية !! وكذلك بالنسبة للموقف المالي للمتقدم ,,
ولا اخفيكك بانني عندما قمت بحذف ابنتي البالغة 18 سنة وجدت موعد بعد ستة ايام .. هل بامكانها الدخول معي في يوم المقابلة ام انهم سيرفضون بحجة انها ليست من الاسماء الموجودين في المقابلة

والشكر الجزيل مقدما

الان موعد ب22 جولاي لشخص واحد بالرياض