الموضوع: صوت لأفضل مجمع و مطعم تحبه

المجمع اللي شخصيا ارتاح فيه واحبه...سوق شرق...احس بالراحة النفسية فيه واحب السينما فيه وااايد
والمطعم وايد مطاعم...بس فرايديز على رأس القائمة...مع انه غير المنيو اخر الايام بس يبقى له طعم خاص

انا
في سحور بالابراج بس فطور والله مادري
وبالنسبة للاسعار والله للحين مادري
اهما عموما وقت رمضان ينزلون اعلانات بالجرايد يحطون فيها كل شي
وحياكم الله

المولات ما احبها افضل الاسواق الشعبية
وافضل مطعم عندي
مطعم الضويحي فرع حولي
يازين البساطة في كل شي

مشكورين على تفاعلكم وردودكم وبانتظار المزيد ...

المجمع المفضل عندي الافينيوز ....

المطعم المفضل عندي لا مارينا اللي في سوق شرق ...

ويعطيك العافيه

طبعأ اكيد الافنيووز لي انه كبير وشرح تقدر تتمشى فيه على راحتك

ومطعم كايزن ياباني في الافنيوز اكله حلوو ^_^

من المولات مارينا وشرق.. شرق رائع لكن ضيق للغاية

من المطاعم اعجبني تشيليز الكويت (:

تحياتي

مساء الخير q8kiwi يتحدّث معكم
آنا أحب مطعم ميس الغانم بالنسبة للأكل اللبناني لأنه سعره وايد مناسب مع كمية الأكل والخدمة سريعه والديكور والأجواء الحلوه داخل المطعم صحيح دايما المطعم زحمه بس ما تتأخر أكثر من 10 دقايق لين يجيك الدور. جربوا حمص بالمحمره , كبدة دجاج بدبس الرمان, مشويات ميس الغانم ,مكعبات بطاطا حرّه . ومطعم فرايديز بالنسبة للأكل الأمريكي فرع الخليج العربي لانة دايما أجوائه صاخبة ومزدحم , بيتزا دومينوز العجينة الرقيقة "كرنشي" وبالنسبة للفلافل والفول والحمص مطعم الكلحة:24: بشارع البحرين بالسالمية بجانب بيتزا بابا جونز أعتبره المطعم الأول من ناحية الأكل داخل المطعم بالنسبة للعائلات دايما مطاعم الفلافل والفول والحمص بالكويت خدماتهم سفري (تيك أوي) الكلحة تقدر تاكل عندهم مع عائلتك داخل المطعم بس تره عادي يقعدون بالطاولة إللي وراكم شباب (للملاحظة)او مجموعة بنات ياكلون بروحهم يعني مختلط بس أكلهم وايد حلو والسيرفس عجيب والاسعار جدا مناسبة والخبز حار جرب الفول بالثوم , حمص بالصنوبر مع السمن البلدي طبعا فلافل الكلحة وعرايس . مطعم كناري بالفلافل من غير منازع طبعا بالكويت بس للسفري ماعنده طاولات .
بالنسبة للأكل الإيراني مطعم بهار بشارع عمّان بالسالمية بجانب مطعم وردة الرميثية أطلب عيش زعفران مع كباب أو عيش مع دجاج شواّية حرّص عليه دجاج شوايه ألذ من الدجاج العادي , مرق شبزي . مرق فاصوليا , يوجد طاولات بالمطعم بس للشباب مافي عائلات الا تاخذ سفري. أى أستفسار من ناحية المطاعم المذكورة او مطاعم ثانية بالنسبة للأعضاء من خارج الكويت آنا حاضر وبالخدمة أرسل رسالة خاصة بالنسبة للمجمعات الأفنيوز طبعا وذالك لكبر حجمه آنا أحيانا أروح أمشي فيه منها رياضة ومنها أشوف الناس والناس يشوفوني

يعطيكم العافية جميعاً لتفاعلكم ...

احلا مجمع الافينيوز
احلا مطعم لا مارين في مجمع سوق شرق

احلى مطعم عندى المطعم الهندى الساحل الشرقى علية بريانى رهيييييييييب فى منطقة ابو حليفة. والافنيوز مجمع لايعلى علية

شكرا على التفاعل الحلو ...

مادري الكويت كلها حلوه

كلاكيت ثاني مرة
احسن سوق المباركية
واحسن مطعم الشهد
واحلى شي
سبيطي كويتي مشوي
مع خبز ايراني
خييييييييييييييييييييييييييييييييييييييييييال

مطعم فريج صويلح

افضل مجمع الافنيوز وشرق
بالنسبه لى افضل المطاعم هى الامريكى شيليز, اللبنانى ميس الغانم, الايرانى جاردن بالافنيوز, الايطالى الفرونو,الهندى اشاز واحس مال الافنيوز احلى من فرع المارينا كرسنت, للبيتزا بيتزا اكسبرس وطبقى المفضل بينى ارابياتا واللزانيا ,الكويتى فريج صويليح القبوط عندهم عذاب . احب بعد مطعم سنتر بوينت فرع الرى الدجاج بالكارى عندهم فظيع.

يعطيك العافيه أخوي على هالموضوع الي يتيح لنا معرفة وجهات نظر الأعضاء وتجربة المطاعم الي يوصون فيها.

أما بالنسبه لي فمجمع الأفنيوز كبير والمواقف متوفره بكثره وفيه كل شي نحتاجه من ملابس ومطاعم وألعاب ترفيهيه للأطفال بس عيبه أنه زحمه خصوصا في الويك أند.

أفضل مطعم بالأفنيوز:
1. سراي: وأحب فيه العرايس واليلانجي واليطاكا الحره

2.فيروز: مطعم لبناني ممتاز بالأفنيوز

3.شوكليت بار

أما 360 مول فهو حلو وجديد لكنه صغير مقارنه بالأفنيوز وأغلب محلاته من الماركات وأحلى مطعم فيه:

1. صباح: مطعم لبناني تابع لفيروز

2.مطعم b&f للبرجر وااااايد حلو وأحب الميني برجر ماله والكيكه الحمرا عجيييبه

يا كثر مطعمكم يالكويت والله تحير الواحد صراحه


بس والله تدل على ذوقكم وروعتكم ^_^

أفضل مجمع ( الأفنيوز + المارينا مول + الكوت )

المطاعم تشيليز أحب التكساس فرايز وطبقي المفصل كنتري فرايد تشيكن أو ستيك والمشروب بيناكولادا بس ثقيل اذا

مو ماكله وايد أطلبه واذا بخربها أطلب رد فانتا..برج الحمام معروف لبناني..مغل محل هندي..وايد غيرهم الله ماكثر المطاعم

عندنا

الافنيو

كل شى فيه

العاب اطفال

سينما

كوفى شوب

محلات الايس كريم بنك بيرى المفضل عندى

ايكيا

تسوق

سوبرماركت كارفور

مطاعم من جميع الجنسيات هندى - لبنانى - ايطالى - فرنسى-كويتى-مكسيكى

والاهم مصلى نظيف وحمامات حق اليهال

360 mall
Fridays

الافنيوز بلا منازع شامل كل شي السوق تلقون الرخيص والغالي والماركات والجوده والعملي والكشخه والوسط من كل النواحي
العاب أطفال سينما مطااااااعم سريعه وقعدات وكافيهات وايس كريم عدد كبيييير من الاختيارات
المطعم المفضل فرايديز. ولونوتر

مطعم جوني كارينوز شارع الخليج إيطالي / بيتزا إكسبرس بجمعية عبدالله السالم والمطار البيتزا روعه
مطعم فريش السالمية / أشاز مطعم هندي بمارينا مول / مطعم ألتانو إيطالي بمجمع النصار بالديره يم الشيراتون
مطعم بريدز في سوق شرق للسلطات روعه والكيك
وأخيرا وليس آخرا مكاني المفضل وحبي الأول والأخير المقهي الأنجليزي في الشيراتون وبعدين فتح له فرع بالأفينيوز
مطعم ياباني ماكي بالمارينا
للهمبورجر مطعم ذي برغر هب مقابل قصر السيف والديوان الأميري

المجمع

الأفنيوز + 360

المطعام

السريعه ماكدونالدز + برجر كنج

الشعبيه فريج صويلح + مرمر

عالميه شليز + أبل بيز

بحري فش ماركت


وكل شي فيج حلو ياديرتي

احب مجمع الفنار

والمطاعم وايد وايد الي احبها ( لأن مقطوع سري بالمطاعم خخخخ ) .

بس افضل شي بي اف شانز الصيني / تشيليز الأمريكي / الخليج الصيني / جوني كارينوز الايطالي / اشاز الهندي / دودو لشندويشات الشاورما .



والحين تراكم شوقتوني وودي اروح مطعم حالاً بالاً .

الافنيوز الافضل في الكويت . . .

وافضل مطعم بلا منازع B+F في 360

وقهوة cacao في 360

بس التسوووووق ماكووو على الافنيوز

أفضل مراكز التسوق هي كالآتي
الراية
مارينا مول
الأفنيوز
الصالحية
360
أما بالنسبة للمطاعم
لو نوتر
eat
شيك شاك
فوشون
ريكاردو
التسيمو

و شكرا جزيلا

والله كل شي بالكويت حلو وتهبل عمااار يالكويت...مولات 360 والافنيوز والصالحيه واحب الفنار مدري ليه هههههه...والمطاعم اغلب مطاعم الكويت تهبل بس اكثر شي احب بافيلوز وتشيليز وقيروز وبيتزادومينوز لذيذه وعموما كل الوجبات السريعه حلوه خصوصا حبيب الشعب ماكدونالدز ...ومقاهي لونوتر وكوستا وتشكوليت بار...

انا الصراحه ارتاح بمول 360 حيل

احس ان الناس الي فيه تكانه ومافي مصابن ومغازلجيه نفس الافنيوز خخخخخ

وبخصوص المطاعم انا افضل مطعم ماك لاني مالي بالمطاعم الفاخره

افضل مول الافنيوز لان فيه كل الي نبيه
افضل مطعم بي اف شانز الصيني وفريج صويلح