يالربع رايكم في محله ولا يهون ولكن احس انكم ثقلتوا على الرجال بخصوص السياره طبعا السياره ممتعه ولكن الرجال يقول اول مره يطب اوروبا انا اشوف معه حق خصوا اننا بموسم برد وربما ثلوج وبعدين هذولا شخصين شباب يعني حركتهم بالقطارات راح تكون سهله كما ان القطارات ايضا ممتعه وتعطي جو خاص للسفر واندماج مع المجتمع وحركه ولها جوها الخاص اسمع اخوي اهم شيء لمن سوف يعتمد على القطار في تنقلاته ان يرتب محطاته بحيث لا تكون رحلة القطار متعبه وممله وطويله وكثيره التبديل وبما ان الرحلة من سالزبيرق الى ميلان تقريبا 8 ساعات انصح تضيف محطة في انسبورق الجميله والرائعه والمسافه بينها وبين سالزبيرق اقل من ساعتين بدون تبديل وتجلس فيها ليلتين وتختصر ليله من سالزبيرق 5 ليال كثيره وكذلك تختصر ليله من ميونخ فيكون برنامجك 4 ليال ميونخ 4 سالزبيرق 2 ليلتين انسبيرق


من انسبيرق الى ميلان 5 ساعات ونصف مع تبديل واحد في فيرونا ومن انسبيرق الى فينيسيا 5 ساعات وربع مع تبديل واحد
وبما ان المسافه من ميلان الى فينيسيا ساعتين ونصف ذهاب والعوده مثلها المجموع 5 ساعات واذا اضفنا ساعه قبل وساعه بعد استعداد للرحله هذي 7 ساعات حراام يضيع الوقت هذا كله
علشان كذا انتقل من انسبورق الى فينيسيا مباشره واجلس ليلتين في فينيسيا الحالمه وبعدها الى ميلان ليلتين خصص يوم لزيارة لوقانوا
واختصر ليلة من ليال انترلاكن بدل 4 خليها 3
من انترلاكن الى باريس الرحله معقوله 5 ساعات مع تبديل واحد في بازل


لحجز الرحلات والحصول على اسعار جيده من الان
من ميونخ الى سالزبيرق احجز من موقع القطار الالماني
http://www.bahn.com/i/view/USA/en/index.shtml


ومن شالزبيرق الى زل امسي وكذلك الى انسبورق احجز من موقع القطار النمساوي
http://www.oebb.at/en/index.jsp


ومن فينيسيا الى ميلان احجز من موقع القطار الايطالي
http://www.italiarail.com/


ومن ميلان الى انترلاكن ثم باريس احجز من موقع القطار السويسري
http://www.sbb.ch/en/home.html


هذه المواقع الرسميه ارخص من القطار الاوربي والذي ياخذ ضريبه حجز وضريبه ارسال تذكره


وبالنسبه للبرنامج ما عليك من كثرة المحطات انتم شباب اثنين وخفيفين واصلا كثرة التحرك تفك الملل وتتعرفون على مناطق اكثر وفينيسيا تستحق ليلتين


تقبل تحياااااااااااااتي

مواضيع عشوائيه ممكن تكون تعجبك اخترناها لك: