الموضوع: صفحات في منهاتن بعد القضاء على شارع الجريمة وقبل التفجير

صفحات في مانهاتن بعد القضاء على شارع الجريمة وقبل التفجير
الصفحة الاولى:smile127:
كان يوم من الايام بغيت اسافر في اجازتي الى وادي العوجا واقضي بعض الوقت في جبال القعم .....واتذكر زمان الرعي يوم كان يلحقني التيس يبي ينطحني,,, وكنت استخدم التكتيك الدفاعي السلبي عندما انبطح ارضا او اقمز على احد الاشجار فيعود المسكين يجر اذيال الخزي والعار...... وانا ارفع الجبين الى قمم الجبال فخورا بهذا النصر المؤزر في هذه المعركة الغير متكافئة .,:36_3_4:,,..لكن وبدون سابق انذار اتصل بي احد الزملاء وقال ايش رايك تخاويني الى امريكا لحضور عمليات red flagال قلت فوقها..... طبعا كان زميل اخر قد سبقنا لانه عضو رئيس في المهمة وحنا قلنا بنمره هناك ونجلس معه بعض الوقت اذا امكنا نحضر ولا بنعقها عرض وطول في خلال يومين – سوبر سونك - قلت يا ولد ليش ما ارتب لي تخطيط زيارة لبعض المواقع المهمة لي شخصيا مثل معارض فنية او مراكز بيع المواد الفنية –الوان زيت . فرش , ادوات اخرى للفن التشكيلي – فوضعتها ضمن الخطة ..الله الله ,, ههم سوينا الي علينا تجهيزات السفر والفيزة والتذاكر وووواقلعنا من جدة بعد نصف ليلة الجمعة صباح السبت الى JFK في نيويورك . طبعا سبق التنسيق مع ابو علي في نيويورك انه يستقبلنا في المطار , ,,واحنا في الطيارة شرقت الشمس علينا على ارتفاع 35000قدم فوق المحيط الهادي والساعة باقي ما وصلت الفجر وافز ذيك الفزة االلي انخرعوا فيها كل اللي حولي ..قلت بسم الله عليكم ما عليكم ابي الحمام ...والا يقول لي خويي خير ويش بلاك قلت ياخي ما تشوف الشمس وحن ما قد صلينا الفجر والله وننقز من ناك مثل المساطيل لكن انه ادرك الامر وقال هيه هيه طالع تحت , واناظر مع درشية الطيارة والا السما تحتنا ليل اسود ما يدري الملطوم من اللي لطمة ..فسوينا –بوز- شوي عرفنا انه باقي حول ساعة تقريبا على الصلاة لكن انقطع النوم من بعد ذيك الفزة ...:50055::50055:

الى الصفحة الثانية

مواضيع عشوائيه ممكن تكون تعجبك اخترناها لك:

• رايح الى امريكا وابي جدول للمدن و عندي كم سوأل ؟
• مصرى مقيم فى السعوديه متزوج من امريكيه الجنسيه
• ابي شي حلو قريب من كاليفورنيا او نيويورك بحيرة او منتجع رااااقي وحلو
• تنظيم جدول رحله
• وش أرخص خطوط لأمريكاواشنطن
• مدينة ووستر
• استفســــتار عن الميـــــزانـــيــــــه
• إلى واشنطن أيهما أفضل القطرية أم السعودية ؟
• سؤال مهم جدا عن السيفيس ارجو الاجابه بسرعه
• بقي شهر ولم احدد اخر وجه اقتراحاتكم
• رحلتي بعد أيام ومعي كم فلم ملطوش من النت أبيهم معي وش رايكم؟
• مهم جدا بالنسبة لي ولغيري أيضاً
• سؤال فني؟ كم مدة الفترة ما بين اصدار الفيزا والسفر الي أمريكا
• سؤال مستعجل عن
• رحلة علاج للوالدة وأريد معلومات عن كليفلاند
• اريد استفسر عن الموعد
• يا شباب ماهي رسوم السيفز ووين التسديد
• طلعت الفيزا السياحيه في يومين بس ناقص حاجه ودي اعرفها ؟؟
• فيدوني لو سمحتوا
• من لوس أنجلوس إلى سان دييجو مساعدة و تخطيط رحلة

الصفحة الثانية - انا اسف على الغلط المطبعي في العنوان المفترض -مانهاتن-
سبق وان قرات عن شارع 14 قبل تعيين عمدة نييورك وكنت سمعت ماسي عن حوادث في هذا الشارع لكن بعد ما قضى العمدة على الجريمة انذاك استخدم زيادة شرطة مانهاتن بقدر الضعف حتى وصل العدد الى 60000فرد من الشرطة في كل زاوية حتى ان الواحد يمشي اخر الليل ما يخاف من اطلق نقرو ...وانا في الطيارة قرات الخبر هذا بصورة مفصلة كذلك فاطماننت كثيرا وقلت طيب انشوفكم يا صبيان مانهاتن انا والا انتو ..
اشرقت شمس الساحل الشرقي للولايات ..المهم نزلنا المطار وكانت الاجراءات جدا يسيرة ولا يهمهم موظفين الجمارك في ذاك الوقت انت سعودي ولا كوري ولا ان شالله تهامي ما ظاقو وكانوا حتى ما يطالع في وجهك الا نزر من التعب ..وبعدين خرجنا من الصالات وشفنا من بعيد ثنين جالسين واحد منهم ماهو غريب حتى جلسته كنه جالس في مقلط ..بعدين وصلنا لهم طبعا الجوال جابهم وكان اللي جنبه سائق التاكسي مدري كيف تعرف عليه وصار كنه يعرفة من زمن ..بعدين رحب الرجال وسهل وخرجنا برا ويا حيت يالبرد جتنا لفحة برد لو يمسك الواحد انفه انكسر ..بعدها توجهنا الى الفندق المحجوز لنا في بروكلن لانه كان قريب من المركز الاسلامي وكان معظم الجيران من المسلمين من اكثر جنسيات العالم والغريب ان فيه شاب يماني الله يهديه لابس برمودا مقطع وخرصان وزميم اللي يحطونه في انوفهم ومعلق سلاسل واساور اشكال والوان والا قشعته اللى كنها عثربة نصحناه وذكرناه انه من افضل الناس وانه شاب ماهو كاي شاب في البلد بل افضل منهم لانه يحمل العقل العربي النادر ووووو وانه من اهل الحكمة والعلم لكن كنحن نخط في بحر ..تركناه ورحنا الى الفندق وارتحنا الى بعد العصر - طبعا الحمد لله الصلوات في وقتها حسب الحاله اما جمع وقصر او قصر فقط علشان ما يقول بعض الناس وراهم ما يصلون انا بس اذكر الاحوال الاخرى في الزيارة - ...كنا ماشين ع رجولنا واذكر اني كنت في الجانب الايمن وهم على يساري وشوي الا وذيك البورش فيها ثلاث عبدات رافعين صوت البوب الى الاخر وفجاة حانت منها التفاته علينا وبالذات علي والا هي تطفي الموسيقى بسرعة تقول كانها شافت شي غريب -على فكرة انا لحيتي 20 بوصة - والا ضحك الشباب حولي ...قلت يالله خلو حن انشوف تاليتها ...
بعدها بالصدفه لقينا شاب من مصر اذكر اسمه - اهاب- بس عليه جسم رياضي يعجبك قلنا له ويش عملك هنا قال ووالا انا كنت حارس شخصي ل ...لكن لقيت انها ما تمشي معاي فجيت هنا قبل 4 سنوات وانا عندي محل وادرس قانون على حسابي واهوه نمشي الدنيا ..فتجولنا معه بالاندرقراوند الى اماكن متفرقة وانفصلنا برهة لكي ياخذ كل منا اللي يبي بس لا تخافو ما هي اول مره نطلع فيها لوحدنا ... انا قلت ابا اذهب الى مانهاتن واشوف هو صدق فيها امان ولا كل اللي قيل كذاب ودعاية...كان الوقت يوم افترقنا تقريبا بعد العشاء والا خذيت تاكسي و وينك يا كبري بروكلن .. وقلت له نزلني في شارع فورتين استريت واطالع في وجهه اشوف هو بيتغير ولي والله انه ما حرك ساكن كني قلت لراعي البيجو المظة المظة ..اذكر انه نزلني قؤيب من برودي سكوير وااه كنت نشيط بالمره ولفيت الشوارع لين داخ راسي واكثر ما رحت للمعارض الفنية والمراكز اللي تبيع الالوان لكن ما اعجبني شي ..بعدين فجاه والا الشارع اللي امشي فيه نسبة الماشين معي 10% يعني من وسع الشارع وقلة المارة كانك لحالك واقرا ليهو مكتوب 14ست يعني شارع اربعتاعش واطالع السعة ليهي 11ليلا واو .......

انا افكر ان ماني في صفحة امريكا لان ماحد يرد
امل ان يكون الموضوع ما هو مكدركم
يمكن فيه شوي من التطويل

الصفحة الثالثة
المهم بعد ما دريت اني في الشارع المعروف بالموت بدات دقات قلبي ترتفع وصار جسمي يرتجف معها
صار اللي يشوفني يحسب اني امشي
على دقات البوب ..اتراقص
لكن بعد شوي ما صار شي
ومشيت ومشي ...ومشيت ..وما صار شي
والاحظ من بعيد في الزاوية المقابلة من احدى
التقاطعات شرطي بكامل تجهيزاته
راديو ..عجراء..كلبشات..وووواسلحة ذكية ..واسلحة غبية ...و
والله اني فرحت فرح ,,,وحسيت اني ابي اغني ..
يا سلام على من تونا باغلا سلام ..باقوى صوتي..
ولفيت الشوارع كلها الى اخر الليل ..ووالله ماشفت الا ىالعافية والاحظ ان
الشرطة في كل زاوية ..قلت الله يعافيك يا عمدة نيويورك ..كنت احفظ اسمة
هو اصله ايطالي بس مدري ليش حطوه عمدة في امريكا
يمكن عشان الايطاليين مشاغبين هههه
المهم هذا اللي حصل قبل تفجيرات 11 سبتمبر الله لا يعيدها
وكنت في تلك الرحلات ما عندك احد حتى لما نروح زيارات عمل كانوا الامريكان
يعاملونا معاملة في اي بي -شخصية هامة جدا - بعده صرنا في دي بي فري دانجرس بيرسون
لكن انا اسمع الان عام 2008 ان الامور تحسنت بكثير عن السنوات القليلة الماضية
لان المريكان يمكن اثر عليهم الضغط الشعبي ضد المعاملة السيئة للعرب وخاصة السعوديين
فلاقت هذه الانتقادات تغير في المعاملة الى الاحسن والحمد لله...
طبعا انا اوردت هذا العنوان وهذا الموضوع لكي ابين حقبة من الزمن قضيتها لايام قليلة
في دولة كنت ولا زلت اعشق الذهاب اليها
لكن التقلبات السياسية مهما كان صغرها الا انها تفوق بكثير حالات الجريمة ..فلا تكاد تكون
حوادث الجريمة تنحصر داخل البلد لا تعني السائح بشيء الا ان ياخذ حذره في بعض المدن او حتى الاحياء
لكن التقلبات السياسية مثل ما حصل في سبتمبر تؤثر طرديا على دول العالم بالكامل خاصة اذا كانت هذه الدولة
لها مكانه عالمية ...
v
v
v
v
v
لكن اريد ان اسال بصراحة وبدون الاستناد الى فرد او فردين او حالة او حالتين هل السفر الى امريكا
هذه الايام عادي ؟ ما فيه تعقيد ف الجمارك؟؟؟
ارجو الافادة وقد انهيت موضوعي ولو ان لي رحلات الى هولندا ,,وفرنسا ,,وبريطانيا بعضها للدراسة وبعضها للسياحة
ولا ادري وين اقضي اجازتي هذي السنة اذا حيينا نسال الله لنا ولكم حسن الخاتمة
ابي دولة فيها اماااان تام ...صح انا اعرف الاجابه منكم مسبقا ..بتقولون السعودية ....هي ام الامان ان شاء الله والله يحفظها
ويديم الامن فيها وفي الدول العربية والاسلامية
وانا من السعودية بالمناسبة ..لكني ابي اغير جو فقط واطلع على معارف وحضارات اخرى فقط لا غير
لكني اهوى الطبيعة المختلفة تماما عما اعتدت عليه لاني والحمد لله ما فيه منطقة في المملكة الا قد زرتها ولله الحمد
لكني اهوى الاراضي الجليدية اموت في الجليد والخضرة والمياه والانهار الكبيرة وووو
ما ادري وين اروح لاي بلد يحس الواحد انه في امن ولو ربع ما احنا فيه
انتظر الرد من اللي قد راحو وليس من اللي سمعو فمن راى ليس كمن سمع ..
والسلام عليكم .............................................

الف شكر اخي الكريم ....


وجوابي لك روح استعين بالله وروح امريكا فيها لكل ذوق جانب !!


تحياتي وبالتوفيق