الموضوع: اخواني منو سافر اورلاندو على

السلام عليكم اعزائي الاعضاء المحترمين ,, انا بحجز حق اورلاندو علي klm صراحه سعر التذكره ما يتطوف :101: حابه اسألكم اذا عندكم فكره عن المسافه من امستردام لغايه اورلاندو كم ساعه وهل تنصحوني بال klmانا ناويه ان شاءالله ازور كاليفورنيا و اورلاندو , شنو افضل خط سير للرحله او اذا عندكم رأي او تجربه ياريت تفيدوني وجزاكم الله خير جميعا

مواضيع عشوائيه ممكن تكون تعجبك اخترناها لك:

• ·¸`·¸صـــــور صــــــور ¸·´¸·
• السفر لنيويورك
• كم يكفي من وقت لانهاء اجراءات المطار؟
• كشف الحساب المطلوبدور راسي
• الي يعرف يجآوبني العمر المسموح به ضروري
• هل هناك عنصرية ضد العرب في مدينة في ولاية اوهايو
• محتاجه ايميل السفاره الامريكيه
• اخواني الأعزاء بليز محتاج مساااااااااااااعدتكم
• ماهو الحجم المطلوب للشنطة اليدوية داخل الطائرة
• افضل فندق في اورلاندو انترناشونال درايف
• سؤال
• بعض استفسارات عن شيكاغو
• استفسار بخصوص العيش والعمل في امريكا
• استفسار لما حصل لي بالمقابلة اليوم
• اجراءات التدقيق في في مطارات أمريكا
• قررنا نروح امريكا بالصيف
• افيدوني حول الشحن لأمريكا مشكورين
• الى أهالي أريزونا ؟؟؟؟
• تكلفة دراسة الترحيل الجوي بأمريكا
• أتتني دعوة من مركزاسلامي بامريكاللامامة برمضانتكفون؟؟

هـلا ياسمين ..... أنا شخصيا ما جربتها بس سمعت من نـاس مجربينها و ما يمدحون معاملتهم أبدا

خلي السعر على صوب ..... أهم شي الراحـة .

إنتي من وين ياسمين ؟ عشان اعرف الطيران الأنسب .... يعنـي من ويـن الإنطلاق إنشاءالله

أنا رايي الإماراتية أو القطرية أو الكويتية ..... إحنـا طبعا دايما الكويتية لانها مباشرة إلى نيويورك و لدة 12 ساعة

ليش تبون تروحون امستردام ؟ مو ذاك الزووود .... ممكن تروحون على اللوفتهانزا ؟ أحسن من الهولندية

وعليكم السلام ياسمين ... انا جربت KLM مرتين بس مو لي أمريكا لي اوروبا الصراحه حبيتها المعامله كانت زينه .. بالنسبه حق المده من امستردام لي اورلاندوا 9 ساعات تقريبا
واللي احسن منها British airways

مشكوره اختي الغاليه Luxury_Traveller انا من الكويت , انا مجربه klm بس رحت فيها امستردام وبصراحه كانت رووووووووعه من كل النواحي بس ما جربت اسافر فيها امريكا او مسافه طويله من جذي ابي اعرف شلونها بالطيران لغايه امريكا , القطريه رحت فيها مره لندن وكانت لابأس فيها , الكويتيه ما ابي اسافر عليها لسببين لاني مابي انزل نيويورك ولان مواعيدهم مو مضبوطة و سعرها مو بمستوي خدماتها للاسف مع ان عندي خصم عليها , اللوفتهانزا صارلي موقف معاهم ما انساه طول عمري :112: سالفه طويله اذا حابه اقولج اياها ما عندي مانع بس عشان تعرفين شلون يفرقون بين العرب والاجانب :110: الاماراتيه ما جربتها الا حق شرق آسيا وطبعا ما عليها كلام ,, ولج مني كل الاحترام والتقدير

مشكوووووره وااااااااااااايد Ozyeee انا مابي البرتش لاني مابي انزل مطار لندن ,, بصراحه مطار امستردام يرد الروح ولا شرايج :101:

المشاركة الأصلية كتبت بواسطة ياسمين_76
http://www.arabtravelersforum.com/tr...8/#post1933678

مشكوووووره وااااااااااااايد Ozyeee انا مابي البرتش لاني مابي انزل مطار لندن ,, بصراحه مطار امستردام يرد الروح ولا شرايج :101:

اي صح واااااااااايد احلى من مطار لندن شرح

اختي ياسمين
ان شاء الله تروحي وترجعي بالسلامة
انا لي اسبوع راجع من امريكا اعرف ناس راحوا بنفس الفترة هناك على طيران Klm وبصراحة مدحوها شوي لكن انا انصحكي تسافري على طيران الامارات او اللوفتهانزا. وشوفي رحلات مباشرة الى واشنطن لا تروحي دايركت على نيويورك .
موفقة يارب.

اختـي ياسمين .... يبدو لي إن كل واحـد منا لما يصير له موقف من طيران معين .... خلاص ! بعد ما يكرر الروحه عليه

و هذا طبيعي .... بس شنو صارلج مع اللوفتهانزا ؟ .... أحب أعرف حتى اذا في مجال ... الواحد منا يتفادى هثل هالمواقف في المستقبل أو على الأقل يستعد لها .

ا أختي ياسمين ..

بالنسبة لي شخصيا جربت ال KLM من زمان الى بوسطن..واللي أذكره انها كانت لا بأس..لكن أنصحك بالخطوط الجوية البريطانية..ممتازة لكن شوي أسعارها غالية..

مشكوور اخي eeghead علي الرد بس انا ما ودي انزل لندن افضل اي دوله اوربيه الا لندن ما احب مطارها
اخي البرنس الشامخ اشكرك علي ردك بس انا ابي انزل باورلاندو ,,, اشكر اهتمامكم و ردودكم

اختي لكتشري ترفل سامحيني تأخرت بالرد عليج .. السالفه طويله بس بختصرها لج , قبل 3 سنوات كنت رايحه ايطاليا علي اللوفتهانزا وبالرجعه لازم طبعا انزل مطار فرانكفورت . تأخرت الطياره وانا بايطاليا وكان ماباقي شي على رحلتي حق الكويت , طبعا بس انا العربيه الوحيده بالطياره , المهم كلمت المضيف وقلتله مابي الا علي الاقل تقولي اي تيرمنال رحلتي عشان بس ننزل اركض يمكن الحق علي طيارتي ,, كان يمي امريكي يقولي انتي احتمال 50% تلحقين على رحلتج بس انا ما اعتقد الحق , المضيف رجعلنا وقال لا تحاتون الطياره ماراح تطير الا فيكم مدام عندكم بوردنج ,, تخيلي لما وصلت الطياره واول ما فتح الباب لقينا شخص كاتب اسم الشخص الامريكي او اسم الولايه و وجهته ماني ذاكره بالضبط وخذوه من باب الطياره وخلوني تخيلي شصار فيني وقتها :112: والله عمري ما انقهرت مثل ذاك اليوم والمشكله اني بروحي :110: لا شعوريا قمت اصرخ على المضيف ليش انا لا ؟؟؟؟؟؟ طبعا زفني وقام يتحلطم ودق مادري وين وعطاني اي تيرمنال وقالي اهما ناطرينج و ماراح تطير الطياره الا لما توصلين,, طبعا انا حسيت انه جذاب بس شسوي مساكين الركاب كلهم كانو متعاطفين معاي وقامو يتحلطمون ان شمعنه الامريكي ناطرينه وانتي لأ :114: طبعا نزلت وانا اركض انهد حيلي وماري عن شي بس احس ان في ناس تركض معاي :110: تخيلي على ما وصلت ولا اشوف الطياره قاعده تمشي على المدرج :110: يمكن ضليت ربع ساعه وانا ابجي ومادري شنو كنت اقول حق الموظف اللي بالكاونتر وانا اصرخ وهو يصرخ عليي :110::110: وما استوعبت الا ان في رحله عقب يمكن 5 ساعات على الكويتيه وحولولي تذكرتي وخذيتها وانا ليلحين ابجي ورحت قعدت وهني عرفت ان اللي كانو يركضون معاي مساكين 2 من الجيش الامريكي نفس رحلتي حق الكويت , اللي صج ضحكني ان كان واحد اجنبي قاعد يمي وكان ينام ويقعد قالي ممكن اقولج شي ما رديت عليه بس اشرتله اني ما اقدر اتكلم اللحين ,, لما شافني هديت قالي بس حبيت اقولج ان جوتيج مقطوع :109: الظاهر عباله كل هالبكي عشان الجوتي وانتي بكرامه ,,, ولما رجعت الكويت كنتبرفع عليهم قضيه تعويض وبعدين للاسف بردت ,, السالفه فيها وايد تفاصيل بس مابي اعور راسج ,, فعلا كانت مأساة

اتصير في أحسن العائلات ياسمين .... و الله العظيم و إنتي تشرحين لي الي صـار .... كسرتـي خاطري !!! و عورتي قلبي

لو لاحظتـي إحنـا صار لنـا نفس الموقف تقريبا في نيويورك لأورلانـدو بس السبب كان التوقيت السيء بين الرحلتين ... بس بعدها تعلمنـا ! نخلي بين رحلة و الثانية على الأقـل 6 ساعات

و هـم بعـد صـار لنـا شي مقارب لما كنـا رايحين من باريس لمـدريــد ....

بس ضحكتيني على الجوتـي ..... و إنتي الله يهديج كل ساعة جعمتي الريـال كل ما بغى يكلمج لــــــول

انشاء الله ماتتكرر يارب ...
رفيجتي راحت على لوفتنزا الصيف اللي راح كلش مامدحتهم بعد الطياره لي امريكا حالتها حااااااااله ...
حمدلله على سلامتج تعيشين وماتخذين غيرها