الموضوع: استفسار عن ولاية شيكاغو

اخواني اسمحولي اسالكم كمن سؤال واتمنى انكم تجاوبوني على استفساراتي احنا اول مره نسافر امريكا لعلاج الوالده بنروح ولاية شيكاغو على شهر 6 يمكن نقعد فيها تقريبا شهرين وبسألكم على شكل نقاط
1-بغينا شقتين في حي عربي 1-( 2 غرفة وصالة ومطبخ) 2- (غرفة وصالة ومطبخ) ويا ريت تعطوني ارقام الشقق.
2-تقريبا كم يترواح سعر الشقة
3-بالنسبة للامان في امريكا كيف هل فيها امان مثل المانيا ومعاملتهم للعرب خصوصا العوائل الخليجية كيف احنا الصراحة وايد خايفيين من ناحية الامان.
4-من وين نقدر نأجر سيارة ياريت تكتبون اسم المحل.
5-ايش هي الولايات القريبة من شيكاغو اللي نقدر نزورها اقصى حد 6 ساعات .
6-في شيكاغو هل يوجد بقالات عربية.
7-هل نقدر نحضر من بلادنا المؤونه مثل الرز والبهارات والحليب والجبن والذي منه.
8-والت ديزني في أي ولاية وكم ساعة بين شيكاغو وديزني.
9-هل يوجد حدائق للاطفال في شيكاغو.
10-الجو في الصيف كيف يكون في ولاية شيكاغو
11-واهم شي الاسواق في شيكاغو يا ريت تعطوني اسمائها ومحل فيكتوريا سيكرت في أي ولاية يكون.والساعة كم تسكر المحلات عندهم ويوم السبت كلشي عندهم يسكر ولا بس يوم الاحد يسكرون
12- بالنسبة للتاكس فري متى نقدر نحصل عليها يعني كم لازم تكون قيمة المشتريات عشان نقدر نحصل عليها
13-وهل يوجد في شيكاغو ساحة نقدر نجلس فيها
وسامحوني على الاطالة لان هذي الاسئلة مهمة وضرورية بالنسبة لنا لان يا دوب اجمع معلومات عن البلد
وجزاكم الله الف خير

مواضيع عشوائيه ممكن تكون تعجبك اخترناها لك:

• إشاعه ام حقيقة ؟ السفارة الأمريكية بمدينة جده
• مساعدة لترتيب رحلة ما بين نيويورك و لوس انجلوس و و
• استفسار هام ارجو الرد
• الذهاب الي ولاية ميرلاند بامريكا
• ما هو الوضع بالنسبة للرحلات الى امريكا بعد ازمة بركان ايسلندا ؟؟؟؟
• محتاجه إفـادة سريعة لـو تكرمتم
• هل تتذكرني اخي امباكت والاخوه الاعضاء؟
• خطوط هل من مجرب
• بخصوص مترو نيويورك
• احترت وحيروني الناس
• الى من يهمة امر رحلتي
• زوجى مهاجر بامريكا ارجو المساعدة
• ما اهم المخالفات التي قد يجهلها السائح الخليجي في قيادته للسيارةفي امريكاكاليفورينا
• بغيت أروح شهر عسل امريكا
• دعواتكم اخواني لي
• مين اللي ساكن في أمريكا
• المسافة بين سموكي ماونتن ونيويورك
• هل اجراءات تقديم وتسديد فيزا الرضيع اجراء صحيح
• اماكن سياحية في مينيابوليس ؟
• رخصة القياده

1- بما انكم رايحين علاج الأفضل انكم تنسقون السكن عن طريق المكتب الصحي في السفاره أو عن طريق المستشفى لأنهم راح يدلونكم على سكن كله عرب و امان و اسعاره زينه ...

2- سعر الغرفتين و صاله في حدود 4000$

3- أمان ان شاءالله لا تحاتين ، بس أخذ الحذر واجب ايضا ...

4- تقدرون من النت أو من المطار أو عن طريق المستشفى ، المترجمات راح يساعدونكم ...

5- فيه عدة ولايات محيطه مثل اوهايو و متشيغن و انديانا و كنتكي ..الخ

6- طبعا و بكثره بعد و اشهرهم سوبرماركت الخيام

7- تقدرون نعم ، بس مو كميات كبيره عشان التفتيش في المطار ... مع انه كل شي موجود في امريكا ..

8- ديزني توجد في أورلاندوا في ولاية فلوريدا و اخرى في كاليفورنيا تبعد 3 ساعات و نص بالطياره ..

9- طبعا فيه عندج DisneyQuest مبنى عباره عن 5 طوابق كلها العاب ديزني ... Navy Pier's ملاهي عالبحر و فيها مهرجانات خصوصا في الصيف ... حديقة Six Flags Great America ....

10 - الجو في الصيف رائع .. بحكم الولايه في الشمال فجوها بارد جدا في الشتاء و في الصيف حلو معتدل ..

11- اشهر شارع للتسوق متشيغن افنيو و كل المحلات فيه و كذلك فكتوريا سيكريت ..

12- مافي VAT في امريكا ...

13- ساحة ملينيوم بارك ...

اتمنى للوالده الصحه و العافيه و ما تشوف شر ان شاءالله ...

مرحبا,,
اختي انا جديد ناقل لشيكاقو,, بحاول اساعدك باللي اقدر عليه
والاخت بنت الصقور ماقصرت
1- سعر الشفة 2بدروم في منطقة العرب Kedzie Ave مو غالي مرة يعني بحدود 1500$ "بنت الصقور شكلك تتكلمين عن القولد كوست " , بس في شيكاقو صعب تلاقين مكتب ياجر لك على ليز اقل من 12 شهر,, الله يعينك
2- البقالات العربية موجودة كثير وبالهبل بشيكاقو,, مايحتاج تجيبين معك اشياء كثيرة, في كدزي افنيو زي ماقلت لك
3- الاجار من اي مكان واسهل شي المطار,,
الجو جميل بس حر احيانا ,, لكن في الليل يطلع راااااااااائع


والله يشفي والدتك ويعافيها وترجع بالسلامة ان شاء الله


هذا موقع تبحثين من خلاله عن الشقق
http://chicago.craigslist.org/apa/
http://chicago.apartments.com/

مشكورة اختي بنت الصقور ويزاج الله الف خير وسامحيني على تاخيري لشكري لج بسبب وفاة عمتي الله يرحمها
بالنسبة لسعر الشقة 4000 $ هذا في الاسبوع والا الشهر والا السنة

مرحبتين اخوي EAGLE ONE
- سعر الشفة 2بدروم في منطقة العرب Kedzie Ave مو غالي مرة يعني بحدود 1500$ "بنت الصقور شكلك تتكلمين عن القولد كوست " , بس في شيكاقو صعب تلاقين مكتب ياجر لك على ليز اقل من 12 شهر,, الله يعينك

بس بغيت اعرف 1500$ في الاسبوع او الشهر او في السنة انا ابغي شي ارخيص ونظيف في نفس الوقت يا ريت تعطوني ارقام بعض المؤجرين سواء كانوا من الجنسية العربية او الاجنبية للاحتياط

3- الاجار من اي مكان واسهل شي المطار,,

احنا اول ما نوصل السفارة بتستقبلنا يعني بنروح عن طريق السفارة وصعب نرجع الين المطار عشان نستأجر سيارة فا با ليت تدلوني على مكان قريب من السكن نأجر منه ياريت اسمه ورقم تلفونه واسعاره

الجو جميل بس حر احيانا ,, لكن في الليل يطلع راااااااااائع

يعني متقلب حار وبارد نجيب معانا ملابس شتويه والا صيفيه والا الجميع

بالنسبة للامان انا وايد خايفه عندي اطفال ووايد موسوسة اخاف من امريكا من كثر ما سمعت عن الاجرام اللي فيها المجرمين ما يمشون الا مسدساتهم في جيبهم وبعد عرفت ان شيكاغو 3 اخطر ولاية في الاجرام انت اخوي عايش فيها طمني بليز لاني وايد مرعوبه

ومشكور اخوي ويزاك الله خير

اختي الكريمة , بداية احسن الله عزاك وغفر لفقيدتكم , الله يجعل الجنة مثواها ان شاء الله,,
بالنسبة للاجار بالشهر طبعا,,
واذا تبغين ارقام تلفونات مكاتب العقار Realtors ممكن تشوفينهم من هنا:
http://www.apartmentguide.com/apartm...inois/Chicago/
اذا شفتي شقة اعجبتك سوي كلك وراح يطلع لك الرقم فوق
بالنسبة لاستئجار السيارة,, فعموما انصحك بقوة بموقع قوقل للخرائط ماتستغنون عنه في البحث عن اي شي تحتاجينه, سوبر ماركت مطعم مستشفى بيتزا محل تاجير سيارات كل شي
http://Maps.google.com
لما تدخلين اختاري Find Businesses , وعلى اليسار تكتبين اللي تبحثين عنه, مثال تاجير سيارات تكتبين Car Rental وفي المربع اللي على اليمين تكتبين عنوانك مثلا : 239 S Califonia ave, Chicago, IL
وراح يجيبهم لك بسهولة
(الموقع هذا بيفيدك كثير بشكل ماتتصورينه)

بالنسبة للملابس اذا بتجلسون الى بعد شهر 10 راح تشوفون برد يقص العظم, يعني شتوي وصيفي , وعموما ممكن تاجلين شراء الشتوي وتخلينه في امريكا لأن بضايعهم افضل بكثير من الخليج

بالنسبة للاجرام صحيح شيكاقو خطيرة والناس تنذبح على 5 دولار! بس هذا في اماكن محدودة ومعروفة في جنوب شيكاقو,ولازم تاخذون الحذر وماتطلعون بعد 9 بالليل والحافظ الله على كل حال, بس عندك ضواحي جميلة وامنة جدا ممكن تسكنون فيها مثل ريفر سايد وسكوكي وايفانستون و ويلاميت,, بس العيب في المواصلات لأن شيكاقو كلها زحمات , بس الحق ان الضواحي رووووووووعة

عموما كان ودي اساعدك اكثر, لكن للأسف انا الان في الرياض وماراح ارجع لشيكاقو ان كتب الله الا بعد شهر ونص تقريبا

مشكور اخوي EAGLE ONE

الدوام لله والله يرحمها برحمته

بالنسبة لنا راح نجلس بشيكاغو من نص شهر سته (jun) لغاية نهاية اغسطس واحنا اول مره نزور امريكا فكنت ابغي اي معلومة يعني الشقق المجربة والفرجان اللي فيها عرب احنا السفارة بتحجز لنا بس نبغي شي احتياط يمكن تكون غاليه او ما تناسبنا او او او الواحد لازم يخلي شي احتياط للزمن

ومشكور اخوي على المساعدة وان شاء الله ترجع بالسلامة

فووووووووووق

حبيت ارفع الموضوع عشان استفيد منه

مشكور والله يرفع من قدرك بس احين غيرنا بنسير واشنطن ):

المشاركة الأصلية كتبت بواسطة dina_alhassani
http://www.arabtravelersforum.com/tr...0/#post2262400

السلام عليكم انتو محددوتو مدن شيكاغو ؟ممكن تعلموني اي مدينة بشيكاغو هي الانسب لنا احنة العرب والمحجبات



شيكاغو مدينة وليست ولاية وهي موجودة في ولاية إيلينوي

تحياتي

مرحبا حبيت استفتسر عن جوها في شهر اكتوبر نصه كيف راح يكون وهل ناخذ ملابس شتويه يعني بالطوات والا كيف