الموضوع: تقرير رحلة بنت البحرين إلى لبنـــــان بالصور

[align=left][/align]
السلام عليكم ورحمة الله وبركاته

أعزائي.. أعضاء ومشرفين ورواد منتديات العرب المسافرون

أحب أن أشكر الأخ ياماس والأخ أول حبيب لمساعدتهم لي في رفع الصور.

أحب أن أضع بين أيديكم تقرير زيارتي القصيرة إلى لبنان والتي كانت في الفترة من 10إلى 12 فبراير 2005م تصادف إجازة رأس السنة الهجرية

في البداية كانت سفرتي إلى عمان استغرقت كم يوم بعدها أخذنا تور إلى لبنان مع التوقف في مدينة دمشق للتسوق.

تحركنا من عمان تمام الساعة 5 صباحاً متوجهين إلى الحدود الأردنية السورية.. خلصنا ختم الجوازات ودفع ضريبة مغادرة ( 5 دينار للخليجي و 8 دينار للأردني )

بعدها توجهنا مباشرة إلى الحدود السورية اللبنانية ونفس العملية تم ختم الجوازات وتم دفع رسوم تأشيرة دخول لبنان ( 30 للأردني ) أما الخليجي ما يدفع شي.

وأخيرا وصلنا لبنان بعد مرور 5 ساعات وأول توقف لنا كان في منطقة شتورة... لتناول وجبة الفطور
دخلنا مطعم وتريقنا ذاك الريوق اللبناني السنع شوية جبنات على شوية زيتونات على شوية معجنات زعتر وجبنة حلوم وغيره .

بعدها واصلنا طريقنا إلى بيروت

نسيت أذكر لكم إني رحنا مع مكتب دالاس ومكتب هوليدي تورز بعمان وكان سعر الشخص 59 دينار أردني أي ما يعادل 30 دينار بحريني للفرد مع الإقامة والفطور والغداء والعشاء في فندق 4 نجوم وهو فندق هوليدي تور في منطقة ضبية. وهناك أسعار أخرى يعني معانا ناس في الباص سكنوا في فندق هوار جونسون ومجموعة أخرى سكنت في فندق Sea Rock في الروشة منطقة الروشة منطقة وايد حلوه والكورنيش وصخرة الروشة قريبة منهم بالإضافة إلى منطقة الحمراء.

أما إحنا فندقنا كان في ضبية المنطقة بعيدة شوي مع إن اخترت أغلى شي قلت أكيد الغالي هو الأفضل.


هذه بعض صور الثلوج التقطتها في الطريق قبل الحدود السورية اللبنانية بقليل










هذه منطقة جوازات الحدود السورية اللبنانية







ثلــــــــــــــود لبنـــــــــــــان
هــذه الصــــور إلتقطتها بعد مغادرتنا من منطقة شتورة إلى بيروت




هذا مجسم أو تمثال لـجمال عبدالناصر




يتبع ......

مواضيع عشوائيه ممكن تكون تعجبك اخترناها لك:

• لبنان
• سؤال عن افضل صالون رجالي
• لاتسال عن الفنادق في لبناااان
• عااااااااااااااجل مسافر لبيروت وشرايكم؟
• السفر بحرا الى لبنان
• ماهي اسباب ارتفاع الاسعار في لبنان ؟؟
• تقريري لرحلتي الى معشوقتي لبنان
• حالة الطقس لليومين المقبلين في لبنان
• اللي بيروح لبنان يدخل
• ما هو افضل مطعم في بيروت ؟؟
• ايجار سيارة من مطار بيروت
• الى خبيرات لبنان ارجوا الدخول
• اخوكو بحاجه لخبير سيارت من لبنان
• حالة الطقس ليوم الخميس والجمعة في لبنان
• عنوان السفارة السعودية في لبنان
• ساعدوني
• فندق الاقصر بجونية؟؟
• اي اقرب من السوليدير واي احسن فندق جاوبوني ماعندي احد اساله
• امــــس وصلت من لبنان
• التلفريك

مشكوره على هذى الصور الجميله

المشاركة الأصلية كتبت بواسطة عزان3


مشكوره على هذى الصور الجميله



العفووووووووو أخوي عزان3
شكراً لمرورك :106:

الحمد لله على السلامة ، صور رائعة خاصة صور الثلوج ..

المشاركة الأصلية كتبت بواسطة عشق السفر


الحمد لله على السلامة ، صور رائعة خاصة صور الثلوج ..



الله يسلمك اخوي عشق السفر
كلك ذووووووووق :106:

زيارة السيدة حريصا وركوب التلفريك


بعد ما خلصنا من مغارة جعيتنا توجهنا إلى وسط بيروت متوجهين إلى منطقة التلفريك


ركوب التلفريك 5 دولار للشخص



والباص اللي واقف باصنا :109:



ركبنا التلفريك مدة 10 دقايق على إرتفاع 800 متر

وكانت المناظررررررررر ممتعة ورائعة جداً جداً جداً .......... الخ


إليكم بعض الصور التي التقطتها من التلفريك







بعيدن وصلنا لحريصا

ويوم صعدنا شفنا حريصــــا :114:

جبل الشوف ودير القمر وقلعة موسى المعماري


بعد ما خلصنا من السيدة حريصا

توجهنا الى جبل الشوف ودير القمر أو كما يسميها البعض بعاصمة الأمراء
لأنها عبارة عن منطقة جبلية ومتناثرة على سفوح الجبال قصور للأمراء والروساء والمشاهير من ضمن القصور شفنا قصر صبحوة الشحرورة وقصر رئيس لبنان مدري عاد أي رئيس هل هو رئيس الجمهورية أو الرئيس الحريري .. الله أعلم

طبعا الصعود يخوووف ويبي له سواق ماهر .. خاصة الى الشوارع ضيقة بعض الشي وملتفه ومتعرجة بعد ساعة طريق وصلنا لقلعة موسى المعماري .

ولهذه القلعة قصة

يقال إن فيه شخص فقير يدعى موسى المعماري من عائلة المعماري كان يحب فتاة وهاذي الفتاة اللي يحبها غنية وتقول له .. أنا اللي بيتزوجني لازم يبني لي قصر .

كبر الموسى الصغير وكان يحلم ول عمره انه يكون عنده قصر وقلعة .. فكر وبدى يصمم من صغرته

وكان المدرس بالمدرسة يضربة ويقول له انتبه لدورسوك وانت أصلا مستحيل تسوي قلعة ..

مات المدرس وما شاف قلعة موسى :105:

المهم في نهاية القصة ... موسى بنى القلعة اللي كان يحلم فيها من يوم كان صغير وتزوج وحده غير اللي كان يحبها قبل .


على فكرة كل اللي في القلعة من صنع يد موسى المعماري حتى التحف والتماثيل والجدارن والاسقف وغيرها.

رسوم الدخول 5 - 7 دولار

السيدة اللي واقفه عند باب القلعة ولابسه أحمر هاذي زوجة موسى المعماري .. أما موسى مالقيناه كان طالع يقضي بعض الأغراض :106:








وهذا حسبناه تمثال خخخخخخخخخخخخخخ قعدوا بعض البنات اللي كانوا معانا جنبه يبون يصورون يحسبونه تمثال ههههههههههههه وشوي الا قام يغني ويدق الهاون
( بلا تصبوا هالقهوه وزيدوها هيل .. صبوها للنشامة ع ظهور الخيل ) :109:

وتقهوينا :kashkhah: :24:




وواصلنا نتمشى في القلعة ونتفرج على التحفة المعمارية اللي بناها موسى بيده




شوفوا كل صخرة نقشتها تختلف عن الثانية




وهاذي شهادة حاز عليها من رئيس جمهورية لبنان من الدرجة الاولى




القلعة من الخارج




شوفوا صورة الثلج من بعيد :101:







وهذه الجهة المقابلة للقلعة





بعد ما تفرجنا وانبسطنا بالقلعة توجهنا لمنطقة فيها نبع ماء :107: بارد

وهالنبع له قصة ياكثر القصص :109:


يقولون إن اللي يشرب من الماء يعرس :109: ههههههههههههه

وطبعا البنات اللي في الباص راحوا ركيض حق نبع الماء يبون يشربون ههههههههههه

وأنا بعد معاهم :106: ... مو عشان شي بس لأني كنت ابي اذوق الماي وعطشانة هههههههه

أما زوجي منعته إنه يجرب يم النبع :109: :107:

قال يبي يتمضمض :m9: على مين :11ab:

والله تقرير أكثر من رائع .. ويعجز اللسان عن وصفه

سلمت يداك اختي بنت البحريـن

هلا والله أخوي بومحمد

شكرا""""""" على مرورك ومنحي جزء من وقتك لقراءة تقريري

والحمدلله على حاز على رضاك وأتمنى إنه يحوز على رضى بقية الأعضاء

تحياتي إلك خيوووو :106:

بنت البحرين

خلاص .......... ولا لسه باقي شي تنزلينه ....... اخاف انزل مشاركه تنزلين بعدي تكمله للموضوع :101:

يعطيك الف مليون عافيه على التقرير البسيط الرائع الوافي الشرح مع الصور الجميله

والف الحمدالله على السلامه

:113: :113: :113:

تقرير ممتاز ,و قرايته سهله مو معقد .....ويعطي فكره واضحة عن بعض معالم لبنان (بيروت) .....وخصوصاً الصور هي اللي صراحة تكسب القرير قوة ...يعني كلام قليل صور كثير ......بعض التقارير تطفش لا فتحتها لقيت كلام كثير ماودك تقراه ومافي ......يعني يعطيك العافية على المجهود الطيب

المشاركة الأصلية كتبت بواسطة Broncos


بنت البحرين

خلاص .......... ولا لسه باقي شي تنزلينه ....... اخاف انزل مشاركه تنزلين بعدي تكمله للموضوع :101:

يعطيك الف مليون عافيه على التقرير البسيط الرائع الوافي الشرح مع الصور الجميله

والف الحمدالله على السلامه

:113: :113: :113:




أنا أقول الموضوع منور :shocking:
طلع عشان وجودكم بالموضوع

أبشرك خلصت :109: من كتابتة التقرير
والحمدلله انه حاز على رضاك

تحياتي إلك خيوووو
وشكرا للمرور

المشاركة الأصلية كتبت بواسطة hassan1


تقرير ممتاز ,و قرايته سهله مو معقد .....ويعطي فكره واضحة عن بعض معالم لبنان (بيروت) .....وخصوصاً الصور هي اللي صراحة تكسب القرير قوة ...يعني كلام قليل صور كثير ......بعض التقارير تطفش لا فتحتها لقيت كلام كثير ماودك تقراه ومافي ......يعني يعطيك العافية على المجهود الطيب



اهلا وسهلا أخوي حسن

شهادة أعتز فيها .. وشكراً لأطراءك عزيزي

كنت أتمنى أقعد مدة أطولفي لبنان .. بس ان شاء الله بالصيف

تحياتي إلك خيوووو :106:

وين سكنتوا في الأردن ؟؟ وشلون كان الجو اهناك ؟؟ من وجهة نظرج.. أيهم الأفضل

سوريا أو الأردن

ولماذا

وتحياتي

هلا أخوي بومحمد

أنا ما زرت سوريا الا كم ساعة
بس من خلال هالكم ساعة كونت عنها فكرة إنها تشبة القاهرة مدري ليش :114: .. يمكن عشان الزحمة وهيلة الشوارع .. بالاضافة الى ان سوريا فيها مصايف ومناطق سياحية كثيرة .

أما بخصوص عمان
سكنت في شقة في شارع الجاردنز ( عمان الغربية ) .. لأن زوجي يدرس إهناك

الأردن ما فيها شي يعني مثل البحرين :101:
رحت مجمع مكة 4 مرات
رحت البحر الميت .. ما عجبني :108: بحر عادي مافيه شي
رحت مدينة اسمها مادبا وجبل نبو وعيون موسى طريقها وعر جداً ويخوف بنص الطريق قلت حق السواق يرجعني :110: ماكملت الطريج

ورحت لمغارة أهل الكهف
أما الاسواق رجت جبل الحسين ووسط البلد وعمان مول


ان شاء الله قريب بكتب تقرير عن عمان

بس ترى عمان .... فيها أماكن سياحية وأثرية بس بعيده عن عمان مثل البتراء والعقبة .

الجو في عمان بااااااااااارد باااااااااااااارد تصل الحرارة في بعض الاوقات الى 2 تحت الصفر مع سقوط بعض البرد والثلوج.

أما سوريا جوها شوي أدفى من عمان

لبنان .. كل منطقة جوها يختلف عن المنطقة الثانية مثل بيروت جوها روعة ... اما شتوره وزحلة والمنطق الحدودية عندهم ثلوج.


تحياتي إلك خيوووو بو محمد

بنت البحرين
تقرير رائع جداً
أماكن الصور منتقاه بشكل جميل
والسرد جميل جداً ومختصر وممتع
تسلم يديك على التقرير الرائع جداً

___________

سؤال ؟
متحف الشمع اللي زرتوه في جبيل ؟ ولا ثاني ؟
لأن المتحف الأصلي للشمع موجود في جبيل وعمره ممكن يوصل لـ 150 سنه
أيضاً بجوار متحف الشمع في جبيل سوق شعبي قديم عمره يتجاوز 400 عام ومازال مفتوح

المشاركة الأصلية كتبت بواسطة مهاجر


بنت البحرين
تقرير رائع جداً
أماكن الصور منتقاه بشكل جميل
والسرد جميل جداً ومختصر وممتع
تسلم يديك على التقرير الرائع جداً

___________

سؤال ؟
متحف الشمع اللي زرتوه في جبيل ؟ ولا ثاني ؟
لأن المتحف الأصلي للشمع موجود في جبيل وعمره ممكن يوصل لـ 150 سنه
أيضاً بجوار متحف الشمع في جبيل سوق شعبي قديم عمره يتجاوز 400 عام ومازال مفتوح




شكراً لك أخوي مهاجر على مرورك وإطراءك

أما بخصوص سؤالك :114:
أممممممممم
مدري شقول لك .. رحلتي يومين بس بعدي ماتعرفت على الأماكن ولا المناطق
بس المتحف اللي رحته متحف المشاهير على ما أعتقد هذا أسمه ويقع فوق فوق :101: يعني وانت واقف عند المتحف وتطل تحت بتلاقي نهر الكلب
عاد مدري هاذي المنطقة هل اهية جبيل أو غيرها بصراحة يفداك الجذب مدري.

ولما رحنا جبل الشوف اهناك بعد يم نبع الماي .. متحف للشمع بعضهم ادخلوا فيه .. والبعض الآخر راح يشرب من ماي النبع. أعتقد إنك تقصد هذا المتحف اللي في دير القمر.


تحياتي إلك خيوووو :106:

تقرير جداً رائع يشجع على التخطيط لزيارة لبنان

الله يعطيك العافية اختي بنت البحرين

تقريرج رووووعة :107: .....صور خطيرة ...ثلج وأنهار وخضار .....
بس ثاني زيارة خذي فندق فى وسط البلد .... :106:
وننتظر تقريرج عن الاردن ..... :113:

الله يعطيك العافية بنت البحرين ولا خلا ولا عدم على الصور الجميلة ومناظر الثلج والتقرير الجميل وفعلا متعتي نظرنا في الصور الحلوووه

عساج على القوه

ماشاء الله عليج اختي بنت البحرين ... أمتعتينا بهالتقرير :113:
صور تفتح النفس وترتيب على آخر حلاوة .. ولا شكر على واجب


الا اقول متى السفرة الجاية ؟؟؟ نبي تقرير جديد :d

بنت البحرين

هلا وغلا وحياكي الله وحمدللة علي سلامة الاسفار
والحمد لله انك استمتعتي واستمتعنا معك في تقريريك الرائع وسرد الموضوع بكل روعة
يطولي في عمرك وتسلمي علي الصور الجميلة

تقبلو تحيتي :107: :101:

مشكورة أختي على هالتفصيل الرائع والشامل من والى

أمانة السرد والصور فوق الوصف ، ومايحتاج التعليق على الا بداع بارك الله فيك أختى بنت البحرين .....
ماشاءالله خط الرحلة معاكى مشيناه خطوة بخطوة وكأنا معاكم !! وصج الرحلة رائعة والله يهنيكم .....
بس هالنبع مال العرسان !! كان جبتى معاك منه غرشات وبطول !! ههههههههههه
وقمنا أنوزع شمال ويمين أو نتاجر فيها !! ههههههههههههههههه
عموما ماقصرتى والله يعطيكى العافية .........
والحمد لله على السلا مة .....

الحمد لله على السلامة تقرير رائع وصور بديعة ووصف جميل والله يعطيك العافية
من خلال زيارتك للبنان هل هي مناسبة لمن لديه أطفال من وسائل الترفيه والألعاب ..

شكرا لك اختي على هذا الموضوع الرائع

والصور الأروع

الحمد لله على السلامة أختي بنت البحرين ..

الحقيقة ما أدري وش أقول وش أخلي؟! ..

رحلة ممتعة بالصور .. وهو أمر ليس مستغرب على صاحبة المركز الثالث لأجمل صورة!!

أول ما قرأت الشريط المتحرك قلت في نفسي هذه بنت البحرين جابية لنا تقرير رائع عن لبنان تلك المدينة التي عشقتها رغم أني لم أقضي فيها سوى ثلاثة أيام ولكنها كانت من الأيام الجميلة في حياتي ..

أما زوجي منعته إنه يجرب يم النبع

قال يبي يتمضمض على مين ؟! ..

مو غريبة عليكم يا الحريم!! .. إذا كان زوجتي بغت تنط علي من التلفون يوم قلت لها إني أبغى أنزل أتسبح في مسبح الفندق يوم رحت لبنان أنا والوالدة!! .. كان خليتيه يتمضمض الله يهديك إنت وش خسرانة!! ..

شكرا على هذه الرائعة من الروائع التي تضاف إلى المنتدى والحمد لله على سلامة الوصول مرة أخرى ..

المشاركة الأصلية كتبت بواسطة saud00


تقرير جداً رائع يشجع على التخطيط لزيارة لبنان

الله يعطيك العافية اختي بنت البحرين



الله يعافيك أخي الفاضل saud00

يالله عزم .. ولبنان تستاهل أنا حبيتها بالشتاء

بس ماجربتها بالصيف :114:

المشاركة الأصلية كتبت بواسطة مهاجرة




تقريرج رووووعة :107: .....صور خطيرة ...ثلج وأنهار وخضار .....
بس ثاني زيارة خذي فندق فى وسط البلد .... :106:
وننتظر تقريرج عن الاردن ..... :113:




هلا والله اختي مهاجرة
حياج الله

أنا ما كنت اعرف المناطق في بيروت عشان كذا إخترت الأغلى :105: وكنت أحسب المنطقة جونية طلعت ضبية :109:

نعيش وناخذ غيرها :101:

والمرة الجاية ان شاء الله بسكن يا الحمراء أو الروشة لأنهم داخلين مزاجي :106:



تقرير الأدرن قريباً ان شاء الله

تحياتي ومودتي

المشاركة الأصلية كتبت بواسطة الباب العالي


الله يعطيك العافية بنت البحرين ولا خلا ولا عدم على الصور الجميلة ومناظر الثلج والتقرير الجميل وفعلا متعتي نظرنا في الصور الحلوووه

عساج على القوه




تسلم والله أخوي الباب العالي
وهذا واجبنا إتجاه المنتدى اللي ماقصر معاي بصراحة
والحمدلله إن التقرير والصور حازوا على إعجابك ورضاك

تحياتي إليك خيوووو

المشاركة الأصلية كتبت بواسطة Awal_7abib


ماشاء الله عليج اختي بنت البحرين ... أمتعتينا بهالتقرير :113:
صور تفتح النفس وترتيب على آخر حلاوة .. ولا شكر على واجب


الا اقول متى السفرة الجاية ؟؟؟ نبي تقرير جديد




هلا والله اخوي أول حبيب

أولاً مشكور على رفع الصور وعساك ع القوة

اشكرك على مرورك وإطراءك

أما بخصوص السفرة الجاية إن شاء الله إذا تيسرت أمورنا وما إستجدت أي أمور أخرى

بتكون السفرة في الصيف بشهر 7 و 8 شهرررررين :101:

شهر بيكون بين الاردن وسوريا ولبنان وشهر بيكون في القاهرة

تحياتي :106:

المشاركة الأصلية كتبت بواسطة T w i n s X


بنت البحرين

هلا وغلا وحياكي الله وحمدللة علي سلامة الاسفار
والحمد لله انك استمتعتي واستمتعنا معك في تقريريك الرائع وسرد الموضوع بكل روعة
يطولي في عمرك وتسلمي علي الصور الجميلة

تقبلو تحيتي :107: :101:






إهلين وسهلين إخواني T w i n s X

ميرسيه أوي على إطراءك وعلى مرورك وحضورك ومنحي جزء وقتك لقراءة تقريري

يسلموووووووو

المشاركة الأصلية كتبت بواسطة بدوري


مشكورة أختي على هالتفصيل الرائع والشامل من والى



مراحب أخوي بدوري
أشكرك لمرورك وردك
تحياتي إلك :106:

المشاركة الأصلية كتبت بواسطة بن بطوطة


أمانة السرد والصور فوق الوصف ، ومايحتاج التعليق على الا بداع بارك الله فيك أختى بنت البحرين .....
ماشاءالله خط الرحلة معاكى مشيناه خطوة بخطوة وكأنا معاكم !! وصج الرحلة رائعة والله يهنيكم .....
بس هالنبع مال العرسان !! كان جبتى معاك منه غرشات وبطول !! ههههههههههه
وقمنا أنوزع شمال ويمين أو نتاجر فيها !! ههههههههههههههههه
عموما ماقصرتى والله يعطيكى العافية .........
والحمد لله على السلا مة .....




يا هلا أخوي بن بطوطة

شكرا لمرورك وردك الجميل

إتصدق تحسفت إني ما عبيت كم غرشة ماي من النبع :109:

على الاقل شان بعتهم وطلعت بعض تكاليف الرحلة هههههههههههه

بس معليه حاطة هالمشروع في بالي حق الصيف ههههههههه


تحياتي إلك خيوووو

المشاركة الأصلية كتبت بواسطة الأنيق


الحمد لله على السلامة تقرير رائع وصور بديعة ووصف جميل والله يعطيك العافية
من خلال زيارتك للبنان هل هي مناسبة لمن لديه أطفال من وسائل الترفيه والألعاب ..




يا هلا أخوي الأنيق

حياك الله وشكرا على زيارتك وردك

أما بخصوص استفسارك

أنا بصراحة هالمره رحلت لحالي وما وديت أحد من إعيالي .. بس شفت ملاهي موجوده على البحر

وماعندي فكرة لأن رحلتي كانت ثلاثة ايام ومامداني .. بس أحس إن الأطفال بينبسطون إهناك

يمكن أحد من خبراء لبنان عنده فكرة عن مواقع الترفية للأطفال يمكن يفيدك ويفيدني لأني بالصيف ان شاء الله ناوية أودي معاي اليهال

المشاركة الأصلية كتبت بواسطة الشاب


شكرا لك اختي على هذا الموضوع الرائع

والصور الأروع




أهلين أخوي الشاب

شكرا لمرورك وردك وهذا بعض مما عندكم :107:

تحياتي إلك :106:

المشاركة الأصلية كتبت بواسطة Abu sultan


الحمد لله على السلامة أختي بنت البحرين ..

الحقيقة ما أدري وش أقول وش أخلي؟! ..

رحلة ممتعة بالصور .. وهو أمر ليس مستغرب على صاحبة المركز الثالث لأجمل صورة!!

أول ما قرأت الشريط المتحرك قلت في نفسي هذه بنت البحرين جابية لنا تقرير رائع عن لبنان تلك المدينة التي عشقتها رغم أني لم أقضي فيها سوى ثلاثة أيام ولكنها كانت من الأيام الجميلة في حياتي ..

أما زوجي منعته إنه يجرب يم النبع

قال يبي يتمضمض على مين ؟! ..

مو غريبة عليكم يا الحريم!! .. إذا كان زوجتي بغت تنط علي من التلفون يوم قلت لها إني أبغى أنزل أتسبح في مسبح الفندق يوم رحت لبنان أنا والوالدة!! .. كان خليتيه يتمضمض الله يهديك إنت وش خسرانة!! ..

شكرا على هذه الرائعة من الروائع التي تضاف إلى المنتدى والحمد لله على سلامة الوصول مرة أخرى ..



الله يسلمك أخوي بو سلطان
اسعدني مرورك وقرائتك وردك الجميل ويا هلا فيك

مدة رحلتي مثل مدتك ثلاث أيام ... لبنان مايبي لها ثلاث ايام يبي لها اسبوع عشان الواحد يشوف على سعة وركادة ويغسل جبدة :109:



لالا ماقدر اخليه يتمضمض ولا يشرب لأن الماي بارد عليه وأخاف عليه ههههههههههههه

اسلوب جميل ومبسط وصور رائعه اختي بنت البحرين ودائما متألقه والى الامام :113:
واما بالنسبه للملاهي لايوجد سوى ملاهي واحده على البحر وهي صغيرة وعاديه
ومتحف المشاهير من السليكون قبل مغارة جعيتا وانت نازل
وشوقتينا لها تحياتي :107:

تقرير رائع ... بنت البحرين ... ومشكوره بس ما شفتى برمانه وعاليه وبحمدون .. مكان التجمع الحريمى ..

فى الصيف .. وش نوع الكمره الحلوه ( تراى عطيته عين !! ) ياصبركم على البرد .... تحياتى ...

[align=center]السلام عليكم ،،،،

الله يعطيك العافية اختي بنت البحرين على هالتقرير واللي حركتي فيه ساحة لبنان نوعا والمنتدى ككل لان هالوقت وقت ركود سياحي .

والتقرير سهل ومبسط مثل ما قالو الاخوان وصور الثلج جميلة .

والحمد لله على سلامتكم .

كل الشكر لك .[/align]

المشاركة الأصلية كتبت بواسطة ابولين


اسلوب جميل ومبسط وصور رائعه اختي بنت البحرين ودائما متألقه والى الامام :113:
واما بالنسبه للملاهي لايوجد سوى ملاهي واحده على البحر وهي صغيرة وعاديه
ومتحف المشاهير من السليكون قبل مغارة جعيتا وانت نازل
وشوقتينا لها تحياتي :107:




اهلين والله أبولين

شكراً للإضافة .. فعلا الملاهي اللي شفتها صغيرة وعلى البحر وفيه مجمع تجاري كبير يمها على ما أعتقد وفيه ( جيان ) من اللي عندنا في البحرين

أما المتحف اللي رحته هو نفسه متحف المشاهير اللي قبل مغارة جعيتا بالضبط

يسلمووووو تحياتي إلك

المشاركة الأصلية كتبت بواسطة وحيد السفر


تقرير رائع ... بنت البحرين ... ومشكوره بس ما شفتى برمانه وعاليه وبحمدون .. مكان التجمع الحريمى ..

فى الصيف .. وش نوع الكمره الحلوه ( تراى عطيته عين !! ) ياصبركم على البرد .... تحياتى ...





هلا والله أخوي وحيد السفر

للأسف ما شفتهم .. أذكر مرينا على منطقة إسمها المعاملتين :101: ياربي كل منطقة عندهم لها قصة ههههههههه

بس إن شاء الله بالصيف وعدني زوجي إنه يودينا لبنان ونقعد إسبوع وبروح كل الأماكن اللي ذكرتها لي .. إذا ما غير رايه من ألحين لين الصيف :105:

نوع كاميرتي SONY Cypershot 3.2 Mega Pixels

المشاركة الأصلية كتبت بواسطة القلب الكبير


[align=center]السلام عليكم ،،،،

الله يعطيك العافية اختي بنت البحرين على هالتقرير واللي حركتي فيه ساحة لبنان نوعا والمنتدى ككل لان هالوقت وقت ركود سياحي .

والتقرير سهل ومبسط مثل ما قالو الاخوان وصور الثلج جميلة .

والحمد لله على سلامتكم .

كل الشكر لك .[/align]




وعليكم السلام أخوي القلب الكبير

أشكرك على مرورك وردك الجميل ... والمنتدى وأهل المنتدى يستاهلون :106:

تحياتي لك عزيزي

وياهلا ويا مرحبا فيك

مااااااااشالله اختي بنت البحرين شو هالزين شو هالزين شو هالتقرير الحلوووووو والصور اللي مافي احلى منها بس شكلج كنتي تصورين من ورا زجاج .. ترا عيني عورتني هههههههههههههه .. بس ماشالله ماشالله كل هذا كان في يومين بس من 10-12 فبراير ؟؟؟

المشاركة الأصلية كتبت بواسطة شنطة سفر


مااااااااشالله اختي بنت البحرين شو هالزين شو هالزين شو هالتقرير الحلوووووو والصور اللي مافي احلى منها بس شكلج كنتي تصورين من ورا زجاج .. ترا عيني عورتني هههههههههههههه .. بس ماشالله ماشالله كل هذا كان في يومين بس من 10-12 فبراير ؟؟؟




ههههههههههههههه ماشاء الله عليج قزيتي الفلاش :109:
قاعدة أقول في بالي قريبة محد علق على الصوراللي طالع فيها نور الفلاش :109:

إيه والله من الباص مصورة
والقهر إني مو عارفة أسكر فلاش الكاميرا
قلت معليه العوض ولا الحريمة


بعد في ملاحظة في صور الثلج محد لاحظها :106:
إن لون الثلج اللي على الأطراف بني ... ليشششششششش؟ بسبب ديزل الشاحنات والسيارات إللي بقى يخنقني يوم رحنا نتمشى على ريولنا :105:

تخيلي كل ذيه صار في ثلاث أيام ( ليلتين ) :109:


شكراً لمرورج وياهلا فيج

[align=center]السلام عليكم و رحمة الله و بركاته

الأخت [blink]بنت البحرين[/blink]

مشكوره على هالتقرير الرائع ... بصراحه استمتعت و أنا أقرأ الموضوع


[/align]

[align=center]

السلام عليكم ورحمة الله وبركاته

يعطيج العافيه إختي بنت البحرين على هالتقرير الحلو و تسلم ايدج وايد من ساعدج
ما شاء الله تقرير سلس و مختصر وصور جميله .. :107:

ويا ريتج يايبه تناكر من هالماي ومخليه الي يبي يطب ويشرب من داخل التنكر على كيفه بس عاد انتي شتسوين سكري عليه الفتحه وخليه يشرب على راحته ليما ينتفخ وبشوف شلون بيطلع عقبها ( صج إجرام ) :icon_ramb

وشوقتينا بزياده للثلج وشوفته و للتحذف فيه وودي والله بكرة ثلج كبييييييره علشان أحذف فيها ناس في بالي وااايد قاهريني . :112:

وفي انتظار باقي الصور والتقارير ويسلموووووووو حبيبة ألبي .. :x1:


تحياتي .............[/align]

ما شاء الله عليج أختي بنت البحرين

سرد رائع و صور تخلي اللي ما له نية روحه يروح

والعرض جداً رائع 30 دينار يابلاش سكن مع نقل

وفي أنتظار تفاصيل رحلة الادرن

تقرير مميز .. وجميل بالصور المنوعة
لبنان في الشتاء مايجي على خاطري ..
رغم الأسعار المناسبة ..
حلاوته في الصيف .. على غلاته
وأنشاء الله تنتهي أحداثه ومظاهراته الأخيرة على خير ..
لأنه بلد الجميع ..
شكراً بنت البحرين .. أسلوبك لطيف

الله عليك الله يابنت البحرين من جد تقرير رائع والصور اروع .
الحمد لله على سلامتكم . :113:




بس اعجبني زوجك . هههه قال يبي يتمضمض على مين
ههههههههههههههههههه :109: ...... . :x1: .



الله لايحرمكم من بعض ويرزقكم با الذريه الصالحه .

صور رائعة :107:
يعطيك العافية

الف الحمد الله على السلامه وتقرير جميل ما شاء الله....والظاهر اذا ماني غلطان انه في صور داستها ما نزلتيها عشان المسابقة الجاية :109: ((هذا اذا فيه مسابقة)).....بعدين ودي اسأل وش السر من وراء منع التصوير في مغارة جعيتا؟؟

دائماً مبدعة يا بنت البحرين
تحياتي

شكرا لك يا بنت البحرين على الصور الجميله والحمد الله على السلامه

سلمت يداك اختي بنت البحريـن

والله تقرير أكثر من رائع

ويعجز اللسان عن وصفه

دائماً مبدعة يا بنت البحرين

شكر لكم حمودي

المشاركة الأصلية كتبت بواسطة بنت الصقور


[align=center]السلام عليكم و رحمة الله و بركاته

الأخت [blink]بنت البحرين[/blink]

مشكوره على هالتقرير الرائع ... بصراحه استمتعت و أنا أقرأ الموضوع


[/align]



وعليكم السلام ورحمة الله وبركاتة

هلا والله أختي بنت الصقور

نورتي الموضوع .. وأنا بعد استعمت لما شفت ردج

يا هلا ويا مرحبا فيج

المشاركة الأصلية كتبت بواسطة guevara


ما شاء الله عليك ذكرتينا بلبنان وخليتينا نحن لها و عسى انبسطتي بس و ألف سلامات عليك من السخونه و ما تشوفين شر .

و مشكوره .





اهلين وسهلين guevara
الحمدلله إنبسطت كتير كتير على الرغم من التعب بس ... وناسة
والله يسلمك ان شاء الله

شكراً للمرور ولردك الجميل

وياهلا :106:

المشاركة الأصلية كتبت بواسطة الباحثة


[align=center]

السلام عليكم ورحمة الله وبركاته

يعطيج العافيه إختي بنت البحرين على هالتقرير الحلو و تسلم ايدج وايد من ساعدج
ما شاء الله تقرير سلس و مختصر وصور جميله .. :107:

ويا ريتج يايبه تناكر من هالماي ومخليه الي يبي يطب ويشرب من داخل التنكر على كيفه بس عاد انتي شتسوين سكري عليه الفتحه وخليه يشرب على راحته ليما ينتفخ وبشوف شلون بيطلع عقبها ( صج إجرام ) :icon_ramb

وشوقتينا بزياده للثلج وشوفته و للتحذف فيه وودي والله بكرة ثلج كبييييييره علشان أحذف فيها ناس في بالي وااايد قاهريني . :112:

وفي انتظار باقي الصور والتقارير ويسلموووووووو حبيبة ألبي .. :x1:


تحياتي .............[/align]



هلا 1000 وغلا 2000 حيا الله أختي الباحثة
مشكوره حبيبتي للمرور والزيارة

أما على طاري الماي ههههههههه ضكحتيني والله .. فكرة تصلح لعشاق النذالة مثلي :109:

صديقاتي مادروا عن سالفة نبع الماي هههههههه أكيد بحصل زف :105: بيقولون ورا ما يبتي لنا جم بطل ماي صووووووغة هههههههههههههه


أما على سالفة الثلج معاي بنت أردنية من الاردن كانت معانا بالتور عطتني كرة ثلج عوده شوي وقالت ياله احذفيها على ريلج هههههههههه خبرج عاد دفاشة العرب وبنات الخليج هههههههههه
مسكين وتيه ذيك الضربة على غفلة هههههههههه كلللش نعومه في الغشمرة مافي :109:

تحياتي لج حبيبة ألبي :106:

المشاركة الأصلية كتبت بواسطة makati


ما شاء الله عليج أختي بنت البحرين

سرد رائع و صور تخلي اللي ما له نية روحه يروح

والعرض جداً رائع 30 دينار يابلاش سكن مع نقل

وفي أنتظار تفاصيل رحلة الادرن





اهلين makati
شكراً لرد وقراءتك لموضوعي

العرض 30 شكن ونقل وأكل ( ثلاث وجبات باليوم ) :115:


ان شاء الله بس أريح وآخذ بريك من تقرير لبنان بحط تقرير الأدرن :106:

المشاركة الأصلية كتبت بواسطة Regency


تقرير مميز .. وجميل بالصور المنوعة
لبنان في الشتاء مايجي على خاطري ..
رغم الأسعار المناسبة ..
حلاوته في الصيف .. على غلاته
وأنشاء الله تنتهي أحداثه ومظاهراته الأخيرة على خير ..
لأنه بلد الجميع ..
شكراً بنت البحرين .. أسلوبك لطيف



اهلين اخوي ريجنسي

أنا حبيت لبنان بالشتاء وايدددددددددددد وأنصح بزيارتها بالشتاء

واذا الله ما كتب وزرتها بالصيف ... لازم بزورها ان شاء الله بالشتاء وبودي اليهال معاي عشان اوديهم ( فريه) حق التزلج على الثلج.

الكثير ما يمدح لبنان بالصيف .. خايفة أروح لها بالصيف وأكرهها :114:

لكن بنجرب ... ان شاء الله تنتهي كالاحداث الأخيرة في لبنان على خير


تحياتي إلك خيوووو