الموضوع: ابي محلات بيع الاثريات و مناقل الفحم

بنات و شباب
أحنا من السعوديه و طالع مع زوجتي للكويت لمدة يومين قاصد محلات بيع الاثريات و التحف و خاصه نبغى نشتري منقلة فحم حق القهوه (مش للشوي و الكباب) و أبي شي فخم ما ينزل سعره عن ألف ريال.
لو سمحتوا دلوني وين أحصل هالاشياء هذي

مواضيع عشوائيه ممكن تكون تعجبك اخترناها لك:

• تكفون يا خبراء الكويت
• الان شيلات و عبايات حناين الاصليه في الكويت
• تقرير سيتي سنتر الضجيج
• كويت ماجيك هل هو مجمع تجاري أو مقهى أو مطعم
• عيدكـــم مبــــارك
• مجمع اوليمبيا
• استشارة لأهل الكويت
• لاهل الكويت الكرام استفسار لو سمحتوا
• زعطـوطه فـي مطعـم جريـت ستيـك ، و بعدها حلــّت
• يا اهل الكويت استفسار بسيط لو سمحتوا ؟
• أين تقع قرية المسيلة المهئية
• منتجعات و فنادق
• لأهل الكويت الطيبيبن
• صور من رحلتي لجزيرة فيلكا
• نستله كافيه
• استفسار عن فندق او شاليه
• مساعدتكم لو سمحتوا
• ممكن جدول وفعاليات هلا فبراير
• وينكم يا بنات الكويت
• مساعدة فى ايجاد مفارش شيك اوى

حياك الله في بلدك الثاني الكويت

أما الاثريات و التحف فما أدري إنت تبيهم حق شنو ؟

إذا لغرف الاستقبال في بيتك فتلقاهم في مجمع واره في منطقة الشويخ خلف الماكدونالدز

في محلات من مثل ( اللمســـات الأخيرة - نـوبلـــز ..... الخ )


أما منقلة فحم فكل السعوديين يشترونها من ( سوق الصفافير ) في مدينة الكويت

راح تلقى هنا أشكال وألوان


موفق

المشاركة الأصلية كتبت بواسطة * رُقِي *
http://www.arabtravelersforum.com/tr...3/#post2614163

حياك الله في بلدك الثاني الكويت

أما الاثريات و التحف فما أدري إنت تبيهم حق شنو ؟

إذا لغرف الاستقبال في بيتك فتلقاهم في مجمع واره في منطقة الشويخ خلف الماكدونالدز

في محلات من مثل ( اللمســـات الأخيرة - نـوبلـــز ..... الخ )


أما منقلة فحم فكل السعوديين يشترونها من ( سوق الصفافير ) في مدينة الكويت

راح تلقى هنا أشكال وألوان


موفق



هذا الي كنت ابي اقوله بالضبط :24:

غليتو الصفافير علينا انتو يالسعودين امزح :109:حلاكم الكويت بلدكم الثاني

بس فعلا ما فيه احد زارنا من السعوديه الا وطلب يروح يشتري منقله وطبعا احنا سيده نوديهم الصفافير

بالنسبة لمحلات الاثاث الفخمة تجدها بالشويخ خلف ستي سنتر و ايضا هناك محلات اثاث بمجمع الافنيوز, و اذا بغيت اثاث باسعار مناسبة و اقتصادية تجدها بمنطقة الضجيج.

تسلموا و الله. لكن وينه هذا سوق الصفافير

الصفافير في مدينه الكويت اجيب لك وصفه زين من زوجي بس ما فيه تاكسي ما يعرفه
ولا تشتري من اول محل فر كل المحلات منها تشوف الاسعار وتقارن وتكاسر ومنها تشوف تشكيلات ثانيه

صراحة ياخوك ودي افيدك لكن لا اعرف
تحياتي لك

بيع التحف والأثريات القديمة تجدها بالسالمية بشارع سالم المبارك "أمتداد الشارع شرقا لجهة البحر " وقبل نهاية الشارع أى قبل الأنعطاف يمينا تجد بناية الأذينة على اليسار وبالسرداب تجد عدد من المحلات تبيع كل شئ قديم عن الكويت ودول الخليج ودول العالم الأخرى ومعظم زبائن تلك المحلات من الأجانب ..... لم أذهب الى هناك منذ 10 سنوات ولكنى متأكد من أن المحلات لأ زالت موجودة ...وللتأكد الأتصال على أحد المحلات وأسم صاحب المحل محمد ورقم هاتفه 25722648 لأننى لأ زلت أحتفظ بكرته ولأ أعلم أذا ما كان الرقم شغال أم لا .....

سوق الصفاقير قريب من مجمع الخليجه في شرق

بالضبط مقلبل حديقه الحزام الاخضر

هلا والله حياكم في ديرتكم الثانية ،،، بالنسبة الثريات عندكم في منطقة حولي مجمع الرحاب كله محلات للثريات الكرستالية وبعد عند اليوسفى للاجهزة الالكترونية وعندهم داخل المحل بالشويخ قسم خاااص للثريات والاضاءة للحدائق بعد فيه صفاة الغانم بمنطقة الري فوق قسم خاص للثريات توة جديد فاتحينة وبعد عندكم منطقة الشويخ مجمع وارة كله اثريات واللوحات وبعد فيه طاولات السيرفس للتقديم من لبنان ،،،، وبعد فيه منطقة الضجيج ،،،،

وإذا علي الدوة تلقونها مثل مكاقالوا الاخوان في سوق الصفافير واللحين هابين تكون دورين الدوة علي شكل طاولة فوق تكون الدوة والفحم وتحت تكون حق وضع الصواني والاستكانات بس انا انصح بشرائها وتقريبا سعرها قبل دخول الشتاءكان سعرها 25دك اعتقد زاد سعرها ووصل الي 35ـ 40دك وان شالله اقل من جذيه تحصل يااارب

منطقه الضجيج التجمع الاكبر لثريات في الكويت وسوق جلريى 2000

المشاركة الأصلية كتبت بواسطة كويتية وافتخر
http://www.arabtravelersforum.com/tr...5/#post2624225

هلا والله حياكم في ديرتكم الثانية ،،، بالنسبة الثريات عندكم في منطقة حولي مجمع الرحاب كله محلات للثريات الكرستالية وبعد عند اليوسفى للاجهزة الالكترونية وعندهم داخل المحل بالشويخ قسم خاااص للثريات والاضاءة للحدائق بعد فيه صفاة الغانم بمنطقة الري فوق قسم خاص للثريات توة جديد فاتحينة وبعد عندكم منطقة الشويخ مجمع وارة كله اثريات واللوحات وبعد فيه طاولات السيرفس للتقديم من لبنان ،،،، وبعد فيه منطقة الضجيج ،،،،

وإذا علي الدوة تلقونها مثل مكاقالوا الاخوان في سوق الصفافير واللحين هابين تكون دورين الدوة علي شكل طاولة فوق تكون الدوة والفحم وتحت تكون حق وضع الصواني والاستكانات بس انا انصح بشرائها وتقريبا سعرها قبل دخول الشتاءكان سعرها 25دك اعتقد زاد سعرها ووصل الي 35ـ 40دك وان شالله اقل من جذيه تحصل يااارب



للتنويه فقط .... فالرجل يريد "أثريات" من الأثار القديمه وليس "ثريات" معلقة !! فالثريات موجودة بكل مكان ...فأين الثريا من الثرى :101: تحياتى ،،،،،،

ايضا توجد العديد من الادوات المنزلية وخاصة اغراض الطبخ من فناجيل القهوة و الشاي و الاستكانة ام دقة والقواري


وانواع من مناقل الفحم من ام دينار وانت ماشي في سوق السلاح في المباركية وباسعار جيدة جدا وانواع مختلفة

حبت أضيف سوق الجمعة فية أشكال كثيرة ومع هذا احنا انتعنا حفر الباطن نشتري منهم