الموضوع: ما انعطى وي تولعت يامريكا

السلام عليكم ورحمة الله وبركاته ،،

ترددت كثيرا في كتابة هذا التقرير :108: وذلك لعدة اسباب اولها خايفة بأن لا يكون بالمستوى المطلوب مثل باقي التقارير :24: ما شاء الله تبارك الله عليهم (كل واحد يقول الزود عندي) :24: وبعدين رحلتي كانت سريعه لم نخطط لها إلا قبل السفر بشهر او اقل ومعظم الصور شخصيه فيها زوجي والعيال لأنني لم افكر ابدا ابدا بأنني سأعرضها بالمنتدى :114: ..

المهم ..

جاءت فكرة السفر لأمريكا بسبب تقرير الأخت Luxury_Traveller في اورلاندو ما شاء الله صج صج شهتني على الروحه لأمريكا :24: :113: وبعدين بعد مشاورات مع بوالعيال قررنا نروح مع التوأم فقط ونخلي الصغيرة في البحرين :110:

على فكره السبب الثاني إللي شجعنا على الروحه هو ان بوالعيال كان دارس وعايش بأمريكا 13 سنه بولاية كلورادو فعارفها شبر شبر :24: .. لذلك راح تشوفون معظم الصور بولاية كلورادو ..

فكانت الرحلة على الخطوط القطرية .. طبعا الخطوط القطرية ممتازه بس فيها عيب واحد أن الرحلة كانت 14 ساعه وما عطونا إلا وجبتين تخيلوا وجبتين فقط خلال 14 ساعه .. صج إن احنا كنا على الدرجه السياحيه لكن مو معناته ما لنا رب وما نيوع .. يعني سبق وسافرنا على طيران الخليج ما إنها رديئه إلا انهم يعطون كل شوي وجبه ..

المهم .. كانت الرحله كالتالي:

البحرين
الدوحه - ترانزيت
واشنطن – 3 أيام
كلورادو – 10 أيام
أورلاندو – 7 أيام
واشنطن - ترانزيت
الدوحه - ترانزيت
البحرين

بسم الله – نبدأ -

مواضيع عشوائيه ممكن تكون تعجبك اخترناها لك:

• خبراء امريكا المساعده تامبا
• الحقوووونيبالذات بنت الصقور
• ممكن تقولي كيف احصل على اميل بنت الصقور للمراسله مستشفى في امريكا للعيون
• ما هي افضل مدينة يعيش بها المرء في العالم؟
• مسافر جديد للعمل ارجو الافادة
• اليوم عملت المقابلة
• رفظ السفارة الامريكيه . ومتى اقدر اقدم موعد جديد ؟
• ماهي احدث ماركات الجناط في امريكا ؟
• سؤال عن فنادق في سان ديغو وارفاين
• صباح مساء الخير
• بالنسبه للعفش داخل امريكا
• مشـورتكم حـول السكـن في اورلانــدو
• بسرعه بسرعه مقابلتي يوم السبت
• جوازي الأمريكي هل هو مساعد لي في التقديم على البعثة ام لا
• ولاية يوتا
• استفسار عن جهاز
• منتجع رائع بهاواي
• لا خاب من استشار ،، وأنتم خير من استشير
• الى خبراء امريكا و الدارسين ضرورى و فورى
• استفسار عن فيزاا لامريكا

طبعا بما ان رحلتنا من الدوحه لواشنطن قلنا خلنا نقعد فيها كم يوم نشوف البيت الأبيض وكأن واشنطن ما فيها إلا البيت الأبيض :115:

وإليكم الصور


[IMG][/IMG]

[IMG][/IMG]






الشي إللي استغربت منه وكان هاي اول شي استغرب فيها في امريكا في سلسلة من الإستغرابات الكثيره التي سأتكلم عنها لاحقا ..

هذي الأمريكيين إللي قاعدين صار لهم 18 شهر امام البيت الأبيض ومخيمين هناك احتجاجا على الأخ بوش يعني بالضبط بالضبط امام البيت الأبيض ولا حد يقول لهم شي مع إن فيه هناك سيارة شرطه وكان في واحد ثاني يصرخ ويتكلم احتجاجا على الحكومه الأمريكيه ولا حد قال له شي ولا كلمه .. وإليكم صورهم ..





وبعدها رحنا نتمشى على الأقدام وكان الجو فضيع مع إن كان في شهر اغسطس 2007 وشفنا هالتمثال



وبعدين شفنا مبنى البنتاقون من بعيد وصورناه بس ما قدرنا نوصل له لأن كان بعيد شوي وخبركم اليهال معانه وهذي صورته





وظلينا نتمشى ونصور نتمشى ونصور



وإلا نشوف هالبحيره وهالبط وهالمنظر الحلو





ومشينا بعد شوي ولا نشوف هذا المبنى الطويل ما عرف شنو اسمه





وبعدها تعبنا فقلنا نرجع الفندق راعي التكسي إللي وصلنا من الفندق للبيت الأبيض قال لنا في الرجعه اخذو المترو ارخص لكم بوايد وفعلا كانت نصيحه مفيده جدا ما قصر فأخذنا المترو بربع مبلغ التكسي وهذي محطة المترو



وبس تقريبا هذا إللي سويناه في واشنطن .. إيه نسبت اقولكم رحنا مجمع بالقرب من فندقنا وكان حلو بس ما صورت فيه ولا اعرف حتى اسمه سامحوني (عيل اشله تقولين لنه لو ساكته ابرك) :106:

نلتقي في الحلقة القادمه والتي ستكون طويله نوعا ما لأنها ستكون في كلورادو :24:

نلقاكم في كلورادو ..

هلا فيكي اختي الكريمة ..

وفي انتظار باقي التقرير .. والصور ..

بالتوفيق:24:

بداية رائعة اختي الكريمة شوقتينا --لا تطولين علينا

هلا اخي الكريم Impact

شكرا على الرد








المشاركة الأصلية كتبت بواسطة Impact
http://www.arabtravelersforum.com/tr...5/#post1904725

هلا فيكي اختي الكريمة ..

وفي انتظار باقي التقرير .. والصور ..

بالتوفيق:24:

شكرا اختي ميره على الرد








المشاركة الأصلية كتبت بواسطة mera30
http://www.arabtravelersforum.com/tr...4/#post1904754

بداية رائعة اختي الكريمة شوقتينا --لا تطولين علينا

بدايه حلو اختي متابعتج للنهاية انشاءالله ..
بس حبيت اسالج وين سكنتوا في واشنطن؟؟؟

كلورادو ..

والله إني حبيت كلورادو واهلها عموما الأمريكان ناس طيبين ومنظمين بشكل فضيع .. وهذا شي ثاني استغرب منه انهم يتصفون بصفات المسلمين بس هم خساره كفار الله يهديهم يارب .. نظافه ونظام وطيبه ما شاء الله عليهم .. بس ناقصهم الإسلام .. الله يهديهم ..

طبعا في كلورادو اجرنا سياره من المطار لأن زوجي يدلها وما نحتاج للنفيقيتر وسكنا في العاصمه دنفر في فندق اسمه دروري وهالفندق فضيع نظافه وترتيب وحلو مع بوفيهين بوفيه فطور وبوفيه عشاء خفيف هههههه عاد شنو خفيف فيه كل شي بالنسبه لنا نشبع ونطفح بعد .. وطبعا ثلاجات المشروبات الغازيه والماء والكوفي والشاي 24 ساعه مفتوح في اللوبي هذا غير الكوفي والشاي إللي بالغرفه .. انا اعطي الفندق 99% والواحد هاذي لها سالفة طويله بعدين اقولها لكم ..

وهاي موقع الفندق http://www.druryhotels.com

المهم ..

اول يوم لنا في دنفر انا مرضت زكام وصخونه بس قاومت بشده عشان ما ابي اخرب السفره علي وعلى العيال وابوهم المهم اخذت لي دواء من الصيدليه وطلعنا

رحنا لمول اسمه بارك ميدوز .. وكان حلو وهذي بعض الصور



طبعا هاي النوافير في كل مول شفناهم ومدري يتباركون اظن فيها ويرمون فلوس وانا عيالي فلسونا ما قصروا





وبعدين صادفنا هذا الشخص يعزف ويبيع سي ديز موسيقى رومانسيه وكلاسيكية وهذا غرام زوجي العزيز الموسيقى الرومانسية فقعد طق سوالف معاه وتبادلو البطاقات وشره من عنده كم سي ديز وهذي صورته وهو يعزف لنا ..





وتغدينا وطلعنا ..

وبعدها رحنا الداون تاون .. وإليكم الصور













وفي نفس شارع الداون تاون فيه حنطور للي يبي يدور فيه وهاي صورته



وهاي صوره ثانية بس في وحده مسكينه كانت ماخذه لها غفوه .. ولا مغمي عليها المهم محد لها .. ههههه



ثم بدأ الليل يسدل ستاره وبدأ الشارع يخوف صورنا شوي وطلعنا لأن صار يخرع



وهذا اعلان في احد المحلات



ورجعنا الفندق نريح وننام لليوم الثاني ومكان جديد ..

وإلى اللقاء ..

السـلام عليكم إختي أ أمريكان .... عيل خليتج تولعين بأمريكـا ؟ ..... اتصدقين حتى أنا تولعت فيها ..... و ما في شي الحين يترس عيني !! ......... للأسف السنة الي فاتت كنت على وشك ولادة و هالسنـة بعد في ظروف بالعايلـة ... إنشاءالله تروحين كل سنـة و تونسون ......... يعطيج الف الف عافيـة على التقرير و ناطرين الباجي ..... نزلي كل الصـور

المشاركة الأصلية كتبت بواسطة OZYEEE
http://www.arabtravelersforum.com/tr...2/#post1906462

انشـــــــــــــــــــــــاء الله تروحين وتستانسيـــــــــــــــــــــــن :101:

صج امريكا وهقه اذا رحتي مره لازم تروحين مره ثانيه وثالثه و و ...... فيها شيء يسحبج لها غصب هالديره.

نفس الكلام اللي قلتيه انا دايما اقول عنهم (مسلمين من غير أسلام) ... تصرفاتهم واحترامهم .. يضحكون و يسلمون و يساعدون
-هذا الكلام ينطبق على الشعب الامريكي مو الحكومتهم طبعا- ..

مب احنا اهنيه اذا الواحد طلع منه تصرف مايقصده قاموا عليه قوووومه :108: في الشارع في السوق في كل مكان الله يهدي الجميع انشاءالله


صورج تشرح القلب والى المزيــــــــــــــــــــــــــــــد :113:

إيه والله اختي OZYEEE صدقتي سمعنا مصر إللي يشرب مايتها لازم يرجع لها لكن اللحين اشوف امريكا إللي يشم ريحتها يرجع لها :115: ..

بس شكلي بسويها وبروح هالسنه ..:115:

ومشكوره حبيبتي على المتابعه والرد ..

بولدر ..

في هذا اليوم توجهنا إلى مدينة بولدر وهذي المنطقة راقية جدا وكلها جامعات واشهرها جامعة بولدر .. وكله كوم ومناظر الأجبال كوم .. الصراحه انا حبيت هالمدينة .. شوفوا معاي هالصور ..

الطريق إلى بولدر .. لاحظوا الشخص إللي على الدراجه حياتهم كلها رياضه ولين ما وصلنا فوق الجبل والدراجات معانه ولا يتعبون احنا اذونا تسكرت من الإرتفاع وهم ولا كأنه .. عندهم لياقة بدنية فضيعه ..



واحنا طالعين من دنفر متوجهين إلى بولدر شفنه هالملعب وكانت فيه مباراة (برانكوز) فريق زوجي المفضل وهاي صور الملعب من بره ..





وهاي الداون تاون من بعيد



واخذنا لنا جوله بالسياره وودانا ابوالعيال حديقه حلوه يعيد فيها ذكرياته



وبعدها قال زوجي بوديك حديقه ثانية وقولي اشرايك فيها وانتو قولو لي اشرايكم فيها



ها إشرايكم .. هههه .. هذي مقبره .. شفتوا اشحلاتها ...



المهم بعدها طلعنا فوق للأجبال ..

هذا الطريق للأجبال











ووصلنا لقمم الجبال وشفنا جامعة بولدر من فوق







وبعدها رحنا الداون تاون في بولدر نتغده بس ما صورت الغده صورت لكم الشارع بس



وطق علينا المطر بقوه لاحظوا الأرض







وشفنا هالواد الحليوه لابس هالقبعه الأحلى



وفي طريق الرجعه لدنفر شفنا (هالهوم لس) انا استغرب من هالهوم لس كل مكان اروح اشوف وظائف شاغره وهاذولي قاعدين في الشوارع ..



نلقاكم على خير إن شاء الله ..

أم امريكان
يعطيك العافية على بداية هذا التقرير الممتاز عن امريكا وخاصة كلورادو
وكذلك الصور الرائعة النقية
0000يخليلك ربي التوامين الي بالصور ويحفظهم ربي من كل مكروه

بأنتظار بقية التقرير
بداية لرحلة ممتعة

ما شاء الله

الله يعطيك العافيه كلورادو بعد

ما كانت بالحسبه شكلي بقطع عمري

ما ادري وين اروح البلد كبيره واجد وكل مكان

احلى من الثاني

الله ييسر لكم سفره ثانيه وييسر لنا الروحه بعد

دمتم بخير

تسلمين على هالتقرير الشيق واللي جا في وقته، لأن العائلة مخططة هالصيف

تسافر لولاية كولورادو وكم ولاية ثانيين، بصراحة أتفق معاك في كم نقطة:

1- المسافة الزمنية في الخطوط الجوية القطرية 14 ساعة بدون توقف:110:.

2- الشعب الأمريكي شعب طيب ومنظم:101:.

3- واخيرا أنا مثلك تولعت بأمريكا وعفت كل البلادين من بعدها:109:.

واصلي وكثري من الصور وعطينا معلومات أكثر عن كولورادو الجميلة علشان أخطط

صح للسفر.

المشاركة الأصلية كتبت بواسطة ام وسومه
http://www.arabtravelersforum.com/tr...3/#post1908333

ما شاء الله

الله يعطيك العافيه كلورادو بعد

ما كانت بالحسبه شكلي بقطع عمري

ما ادري وين اروح البلد كبيره واجد وكل مكان

احلى من الثاني

الله ييسر لكم سفره ثانيه وييسر لنا الروحه بعد

دمتم بخير




هلا والله بإختي ام وسومه .. الله يوفقك وتسافرين وتستانسين ..

بالنسبة عن كلورادو إذا كنتي تحبين الطبيعه والمناظر الخلابه فكلورادو تستاهل الزياره .. وطبعا إذا تحبين اللعب وعندك اطفال بلا شك اورلاندو ..

المشاركة الأصلية كتبت بواسطة ودي اروح امريكا
http://www.arabtravelersforum.com/tr...9/#post1909809

صــراحه التقرير رووووووعه .. تسلم ام امريكان

وننتظر التكمله



أهلين اخ ودي اروح امريكا الله ييسر لك وتروح امريكا ..

مشكور على الرد ..

المشاركة الأصلية كتبت بواسطة Dove La More
http://www.arabtravelersforum.com/tr...3/#post1911093

تسلمين على هالتقرير الشيق واللي جا في وقته، لأن العائلة مخططة هالصيف

تسافر لولاية كولورادو وكم ولاية ثانيين، بصراحة أتفق معاك في كم نقطة:

1- المسافة الزمنية في الخطوط الجوية القطرية 14 ساعة بدون توقف:110:.

2- الشعب الأمريكي شعب طيب ومنظم:101:.

3- واخيرا أنا مثلك تولعت بأمريكا وعفت كل البلادين من بعدها:109:.

واصلي وكثري من الصور وعطينا معلومات أكثر عن كولورادو الجميلة علشان أخطط

صح للسفر.

هلا اختي ام يوسف .. إن شاء الله تستانسون في كلورادو آيه عليها وعلى هواها ..:110:

انصحكم وبقوه للذهاب لها .. طبيعه خلابه مناظر اتينن .. تابعي التقرير وبتشوفين بنفسك وإذا احتجتي أي شي انا حاظره وتره زوجي خبره في كلورادو ..

بالنسبة عن الخطوط القطريه انا ما عندي مشكله في الـ 14 ساعه .. المشكله في عدد الوجبات تخيلي وجبتين بس طول الرحله .. مقارنة بباقي الطيران يعطون كمن وجبة في الرحله .. بس عموما الخطوط ممتازه بعد ما نقدر نقول شي على خطوطكم .. :106:

ومشكوره حبوبه على الرد ..

متابعين معك اختي الكريمة تقريرك الممتع وقد تم تقييم التقرير ..

وهناك المزيد قادم باذن الله ..

بالتوفيق

المشاركة الأصلية كتبت بواسطة Impact
http://www.arabtravelersforum.com/tr...2/#post1913092

متابعين معك اختي الكريمة تقريرك الممتع وقد تم تقييم التقرير ..

وهناك المزيد قادم باذن الله ..

بالتوفيق



مشكور اخوي على المتابعه والتقييم .. إن شاء الله اكون عند حسن ظنكم ..

استس بارك

استس بارك من اكبر الحدائق في امريكا تقريباً اكبر من البحرين :115: .. طبعا المناظر والطبيعة فيها حدث ولا حرج ..

واحنا في طريقنا للبارك مرينا على فندق استانلي .. هذا الفندق إللي مثلوا فيه فلم رعب بس نسيت اسم الفلم .. إليكم الصور .. ولاحظوا عمر الفندق



لاحظوا الكراسي كان فيه زواج في نفس اليوم يحظرون له ..





مسبح الفندق لاحظوا المنظر من الخلف ..







كل هذي المناظر مطله على الفندق ..





الفندق من الداخل







وفي الطريق للإستس بارك .. صادفنا سوق مثل سوق مفتوح وفيه محلات ومطاعم وزحمه والناس إللي موجودين من رعاة البقر (كوبوي) .. وكان فيه فرقة للكوبوي يعزفون ..







وكان فيه حيوانات أليفه في قفص لليهال يلعبون معاهم ..



وبعدها توجهنا رأساً للإستس بارك ..

وهذا المدخل ..



وهذي الصور كلها داخل البارك ..







طبعا كل شوي نشوف بحيرات أشكال واحجام مختلفه ..



لكن هاي البحيرة غير .. اتينن موت .. بس خساره ما صورتها لحالها ..







وصادفنا بعض الأجبال فوقها ثلوج .. واحنا في شهر اغسطس 2007





ووصلنا لقمة جبل من الأجبال وصار برد موت وأشوه كنا حاسبين حساب اليهال ولبسناهم جاكيتات ..



ومرورا داخل الغابات وصادفنا غزلان وثعالب صغيره بس ما قدرت اصورها





وشفنا هالنهر الصغيرون مادري بحيره صغيرونه





هذي كانت رحلتنا للإستس بارك ..

وإلى اللقاء ..

صور حلوة ومناظر احلى اتخيلها في الشتاء روعة

مشكوووووورة يا الطيبة على هل الرحلة الممتعه والتعليقات الحلوة .. عليكم بالعافية

يعطيك العافية ام الامريكان تقرير حلو في انتظار الباقي

المشاركة الأصلية كتبت بواسطة Dove La More
http://www.arabtravelersforum.com/tr...6/#post1914856

وااااااااو على هالجزأ، صور رائعة لمناظر فعلا جميلة وتستحق الزيارة:24:

واصلي اخية، لا تتأخرين علينا.

اهلين اختي ام يوسف .. مشكوره حبوبه على المتابعه ..

ها عجبتج كلورادو؟؟ وتره في الطبيعه احلى واحلى .. :101: اسوي دعايه :101:

وخليج معاي وشوفي باقي المناطق في كلورادو ..

المشاركة الأصلية كتبت بواسطة رذاذ الشلال
http://www.arabtravelersforum.com/tr...2/#post1915372

صور حلوة ومناظر احلى اتخيلها في الشتاء روعة



هلا اختي رذاذ الشلال (حلو اسمج) :106: .. الحمدلله عجبتج الصور فعلا يقول زوجي المناظر في الشتاء وايد حلوه لأن كل الأشجار والشوارع تكون مغطاه بالثلج ..

مشكوره اختي على المتابعه ..

المشاركة الأصلية كتبت بواسطة نجمة النجوم
http://www.arabtravelersforum.com/tr...2/#post1915702

يعطيك العافية ام الامريكان تقرير حلو في انتظار الباقي



الله يعافيج اختي نجمة النجوم .. وإن شاء الله يعجبج باقي التقرير ..

كلورادو – Air Force

في هذا اليوم ذهبنا إلى Air Force وتعتبر من اكبر قاعدة في الولايات الأمريكية واستغربت أن عادي ندخل ونشوف تدريباتهم وجامعتهم وطياراتهم .. إليكم الصور

الطريق إلى Air Force





وصلنا



هذي الجامعه من بعيد ومكان تدريب الجيش



طائرات حربية قديمه للعرض فقط





ثم دخلنا معرض صغير لعرض الطائرات الحربية وصور للجيش القديم والحديث وسينما صغيره





وبس هاي كانت رحلتنا قصيره جدا..

وإلى اللقاء ..

صور روعـــــــــــــــــه و تقرير روعــــــــــــــــــه

أختي العزيزة أم أمريكان، يعطيك ألف عافية على هذا الجزأ الجميل،

أكيد العيال إستانسو على الطيارات وخصوصا ولدك الله يحفظه، أنا ولدي

بمجرد يشوف طيارة تجيه حالة:109:، المكان هذا راح يكون من ضمن الأماكن

المخطط لها، صور الصخور رهيبة:24:.

شكرا لك، وناطرين باقي التقرير والصور:113:.

بــارك اللـه فيـج أختــي

ام امريكــان

علــى هالتقريــر الــرائــع

:8888:

تقــرير مرتــب وحلــو

و ســرد جميــل

و صــور أحلــى

اللــه يعطيــج ألــف عافيـــة

:icon_wink

منظــر عجيــب ، سبحــان اللــه



متــابعـة مـعاج

المشاركة الأصلية كتبت بواسطة OZYEEE
http://www.arabtravelersforum.com/tr...9/#post1916609

صور روعـــــــــــــــــه و تقرير روعــــــــــــــــــه



والله إنتي الروعه ومتابعتج لتقريري هو الروعه ,, :106:

المشاركة الأصلية كتبت بواسطة Dove La More
http://www.arabtravelersforum.com/tr...6/#post1917086

أختي العزيزة أم أمريكان، يعطيك ألف عافية على هذا الجزأ الجميل،

أكيد العيال إستانسو على الطيارات وخصوصا ولدك الله يحفظه، أنا ولدي

بمجرد يشوف طيارة تجيه حالة:109:، المكان هذا راح يكون من ضمن الأماكن

المخطط لها، صور الصخور رهيبة:24:.

شكرا لك، وناطرين باقي التقرير والصور:113:.

الله يعافيج حبيبتي .. والله يخليلج يوسف واخوانه ..

تمنياتي لك برحله موفقه ..

المشاركة الأصلية كتبت بواسطة زعطوطه
http://www.arabtravelersforum.com/tr...4/#post1917114

بــارك اللـه فيـج أختــي

ام امريكــان

علــى هالتقريــر الــرائــع

:8888:

تقــرير مرتــب وحلــو

و ســرد جميــل

و صــور أحلــى

اللــه يعطيــج ألــف عافيـــة

:icon_wink

منظــر عجيــب ، سبحــان اللــه



متــابعـة مـعاج

هلا والله اختي زعطوطة (الله لا يخليج زعطوطة ابدا) ..

الحمدلله ان التقرير عجبج ومشكوره حبيبتي على الرد والمتابعه ..

حديقة حيوان دنفر (Denver Zoo)

هذي الحديقة معروفه في دنفر كبيرة وحلوه .. إليكم الصور



طبعا هذا التمساح غير حقيقي



هذا الحبيب الأسد نايم وفي سابع نومه ..



وهاذولا الإخوان هم نايمين اظن انهم يخدرونهم مساكين ..





وهذا النمر الجميل بينا وبينه زجاج شفاف ..



وله مدخل ثاني داخل غرفه ظلمه ..





واخيرا هذا الدب الأسود الجميل ..



نسيت احط لكم سيارتنا الصغيرونه الأجار نيسان تييدا ..



وإلى اللقاء ..

الشلالات السبع (seven falls) - كلورادو

هي منطقة سياحية ندخلها برسوم بسيطة فيها شلالات طويييييييله وضعيييييييييييفه .. إليكم الصور

مدخل الشلالات ..


ندخل في كهف باااااااااااارد وكنت احسب إنهم مشغلين المكيفات طلع إن الكهف هو بارد وجداره بااااااااااارده جدا وفي آخره مصعد للصعود للأعلى للتصوير الشلالات من فوق



هذي الصور اخذناها من فوق بعد ما ركبنا المصعد




وبعدها نزلنا ..



وكان فيه خيمة صغيرونه للهنود الحمر ..





وبعدها كان في درج طويييييييييييل يؤدي لقمة الشلالات .. ركبته بطلعة الروح كل شوي اوقف اخذ نفس ..



هذي انا في القمة ..



وكان في محل صغيرون يبيع احجار وقبعات شتويه واغراض للهنود الحمر .. وولدي تفضل بلبس هالقبعه ..



وإلى اللقاء ..

تقرير جميل ويعطيكي العافيه
أنا أنتظر تقرير أورلاندو

اجزاء جميلة ..

متابعين معاكي اختي الكريمة ..

بالتوفيق

الله يعطيج العافيه على هالتقرير الحلو و الصور الاحلى والى الامام يا ام الامريكان

السـلام عليكم

يعطيــج العافيـة ..... أم الأمريكـان ..... تقرير حلو و صـور أحلى و متابعــة معاج

سامحوني على التأخير بس كنت انا والعيال متوعكين صحياً ..:36_1_48: فما قدرت ادخل النت ..

آخر اسبوع لنا في امريكا .. قضيناه في ربوع فلوريدا – اورلاندو ..

سكنا في فندق ((بيونا فيستا http://www.buenavistasuites.com/index.html)) حجزناه عن طريق النت واحنا في كلورادو .. انا اعطيه 100% على بوفيه الإفطار و100% على المسبح والمرافق الأخرى و90% على الغرف كانت نظيفة ومرتبه بس شوي قديمه واتوقع اللحين جددوها لأن آخر يوم لنا في الفندق كانوا مصفين على كل الزبائن عشان تجديد الغرف .. بحط لكم بعض الصور في آخر يوم لنا في فلوريدا ..

والحلو في هالفندق مقابله بقالة السفن إيلفن الشهيره (احبها موت) ومطعم بيتزا لذييييييييييييييييذ ومطعم صيني ومطعم بندروزا .. ومحل بيع هدايا تذكاريه لفلوريدا حلو ..

المهم أول يوم لنا رحنا اخذنا تذاكر(لسي وورلد ولدزني ولليونيفرسال ستوديو) من محل سياحي مقابل فندقنا وفندقنا يبيع تذاكر لكنها اغلى من هاي المكتب السياحي ..

وبعدها جلسنا في الفندق عند المسبح مع اليهال وتعرفنا على عايله كويتيه يحليلهم طيبين .. فكان اول يوم راحة ..

ثاني يوم بعد الإفطار طلعنا متأخرين شوي على الظهر تقريبا وانطلقنا لسي وورلد لذلك لم نستطع إكمال البارك كامل لذلك ذهبنا لها اليوم التالي ايضاً لإكمال بقية البارك ..

اليوم الأول كنا ضايعين تقريبا في الحديقة ما عرفنا نمشي على الخارطة وانصدمنا بالحر بعد كلورادو والجو المنعش فيها .. فكان اول يوم مزاجنا مو اوكيه بسبب الحر .. :36_1_29:

إليكم الصور ..

هذا اول ما دخلنا كان في عرض النوافير على انغام الموسيقى



وبعدها كان في غواصين إثنين تعطينهم دولار ويبحثون لك عن المحار وحظك نصيبك إذا كان فيه لؤلؤ او لا .. فكان شي حلو يونسون وهم يغوصون .. شوفوهم معانا ..

هذا الولد





وهذي البنت غطيتا لأنها بنص كوم ..



وبعدها صادفنا هاي الخيول الجميلة ..



وبعدها هالبحيرة الحلوه ..



وبعدها دخلنا عرض الحوت شامو الشهير .. بصراحة عرض عجييييب .. وإليكم بعض اللقطات ..











وبعدها لعبوا اليهال في بعض الألعاب ..

وبعدين شفنا النوافير إللي في الأرض واليهال يسبحون فيها واليهال اصروا إنهم يلعبون مع إني ما كنت حاسبه حساب سباحه .. وهاي الصور





واسدل الليل ستاره ورجعنا للفندق ..



وإللي اللقاء مع باقي السي وورلد ..

المشاركة الأصلية كتبت بواسطة Impact
http://www.arabtravelersforum.com/tr...7/#post1921467

اجزاء جميلة ..

متابعين معاكي اختي الكريمة ..

بالتوفيق



جزاء الله خير اخوي على المتابعه ..

تقرير روعة سلمت يداك ياأختي --ولا تطولين علينا بالباقي

المشاركة الأصلية كتبت بواسطة أبو ذو الفقار
http://www.arabtravelersforum.com/tr...5/#post1923025

رائع .. رائع بكل ما إحتوى .. من صور ووصف جميل

أخذتنا معك في هذه الرحلة .. وقد استمتعتُ بها

اللهم يحفظك ويحفظ العائلة كلها

شكري الجزيل لهذا الجهد المميز .. بوركت

لك وللعائلة أرق التحايا .. شكراً



اهلا اخي الفاضل ابو ذو الفقار ..
جزاك الله خير على هالرد ..
الصراحه رفعت من معنوياتي ..
مع إني ادري إن تقريري بسيط جدا ..
بس الحمد لله عجبكم ..

وتابع معاي اخي الفاضل وإن شاء الله ينال باقي التقرير إعجابك ..

المشاركة الأصلية كتبت بواسطة ام وسومه
http://www.arabtravelersforum.com/tr...5/#post1926825

مشكوره اختي ام مريكان

جزء جميل وصور حلوه اما الكهف عجيب

من كثر التركيز وياك حسيت بالبرد

واصلي نحن في الانتظار



هلا اختي ام وسومه (الله يخليلج وسومه يارب) العقو اختي ..

اوف سكتي البر داخل الكهف عجيب ..

مشكوره على الرد والمتابعه وخليج معاي لباقي التقرير وإن شاء الله يعجبج ..

وتمنياتي لك بقضاء رحله ممتعه في امريكا ..

المشاركة الأصلية كتبت بواسطة mera30
http://www.arabtravelersforum.com/tr...2/#post1929652

تقرير روعة سلمت يداك ياأختي --ولا تطولين علينا بالباقي



هلا اختي mera .. مشكوره حبيبتي على المتابعه .. وجزاج الله خير ..

اليوم الثاني لسي وورلد

اليوم كنا مستعدين للذهاب لسي وورلد ودرسنا الخارطة عدل واستمتعنا كثيرا وإليكم الصور ..

اول ما دخلنا ..



وبعدها شفنا هالدلافين الجميله تسبح في مسبح نظييييف ..



ثم توجهنا لعرض الدلافين مع فله (على قولة عيالي) ..







وبعدها عرض كلاب البحر المضحك ..

هذا قبل ما يبدأ العرض يغربل الناس ويتطنز عليهم ..



وبعدها بدأ العرض وكان حلو يضحك ..





وبعدها صورنا الممثلين ..



وبعدها دخلنا عرض الكلاب (وانتو بكرامه) والقطط .. وكان حلو مدربينهم تدريب متعوب عليه ..



ثم كان في عرض (افتح ياسمسم) سمسمي ستريت





ثم دخلنا للبطاريق ..



وكان في كهف دخلناه





ثم طلعنا من الكهف لهذي البحيره إذا تبي تسبح مع الدلافين يلبسونك لباس خاص ويعطونك سمك لتأكيلهم ..



وبس وطلعنا من السي وورلد ..

وإللى اللقاء في دزني - Magic Kingdom ..

المشاركة الأصلية كتبت بواسطة سواح كويتي
http://www.arabtravelersforum.com/tr...2/#post1929802

هلا والله اختي ام امريكان والحمدلله على السلامه


اتاسف لاني توني اشوف التقرير الرائع ( ويني عنه )

احب اعطيج شويه ملاحظات

في واشنطن المبنى الطويل هو عباره عن المسله الفرعونيه


الحقيقه استانست وايد في دنفر وبالفعل زوجج يعرفها عدل وحلوه دنفر وشعبها بعد طيب وخدوم واتذكر اسبن وفيل والبرد اللي فيهم خصوصا شهر اغسطس

اوررلاندو الجميله مهمه كتبنا عنها ما نعطيها حقها

متابعين التقرير الرائع

واسمحيلي على التاخير



اهلين أخي الفاضل سواح كويتي .. مشكوره اخوي عالملاحظه ..

وانا بعد بصراحه دنفر حبيتها وايد وعجبتني وايد .. وصج خاطري اروحها في الشتا عشان اشوف الثلوج ..

ومشكور اخوي على الرد .. شرفني تواجدك ..

المشاركة الأصلية كتبت بواسطة Impact
http://www.arabtravelersforum.com/tr...4/#post1930294

اول شي الحمد لله على سلامتك وسلامت العيال ..

وطهور ان شاء الله ..

ومستمتعين معك اختي الغالية في تقريك الشيق !!

بالتوفيق



يزاك الله خير اخي الفاضل Impact اسعدني تواجدك معي في التقرير ومتابعتك له ..

اليوم هو الذهاب لعالم ديزني وبالتحديد Magic Kingdom ..

بصراحة أنا ما راح ادخل في التفاصيل لأن التقارير السابقة عن ديزني كفت ووفت ..

فسامحوني ..

الدخول لعالم ديزني ..



الدخول Magic Kingdom .. وهذا قصر سندريلا الشهير ..



مدخل Mickey Toontown





دخلنا لعبة Snow White كانت حلوه لليهال عجبتهم ويوم طلعت الساحره بنتي خافت :110:



ثم لعبة Winnie the Pooh حلوه لليهال فقط



وعند الخروج من اللعبة كالعاده بعد كل لعبه الخروج على دكان الألعاب وياويلي ويلاه مع اليهال كل شي يبون يشترونه :101:



ثم لعبة السيارات كانت زحمه لاحظوا الـQ





ثم الذهاب للإخت ميني ماوس

بيتها من الخارج



وبيتها من الداخل





وأخيرا وصلنا لها عشان العيال يصورون معها بعد Q طويييييييييييل وحرررررررررررر شديييييييييييييد



وبعدها إلى الأخ ميكي ماوس .. ميكي كان الوصول له اسهل بوايد ما انتظرنا وايد ..

وهاي بيته من الخارج



وهذي صوره معاه



وصار الليل وولعت مصابيح قصر سندريلا وكان المنظر جميل جدا ..



وبعدها الألعاب النارية العجيبة ..



وإلى اللقاء في Animal Kingdom

المشاركة الأصلية كتبت بواسطة OZYEEE
http://www.arabtravelersforum.com/tr...4/#post1931854

سلامـــــــــات سلامات ماعليكم شر ام امريكان
التقارير عجيبه
شوقتيني حق الرووحه اكثر يوم شفت اورلاندوا ...
على طاري لعبة Snow White يوم دشيتها مع ولدي طوووووووووول الوقت مغمض عيونه خايف
يعني اهي لعبة يهال مخيفه:109:
ننتظر المزيد
:24:



هلا اختي OZYEEE مشكوره حبيبتي على التواصل ..

ممكن 3 أسأله إذا ما عليج امر وكلافه ..؟ :106:

إنتي سنة جم رحتي امريكا؟

وعيالج كم كان أعمارهم؟

وهل عذبوج هناك؟

المشاركة الأصلية كتبت بواسطة OZYEEE
http://www.arabtravelersforum.com/tr...5/#post1932175

اهلين ام امريكان

رحت

2003 بدون اعيال خفيفه وسريعه :109:

2006 معاي ولدي عمره سنه و 10 شهور .. تعبت بس كان اوكي بالعربان وكنت مستانسه حق اناسته فما حسيت بالتعب واايد كانت تجربه حلوه
:106:
2007 ولدي كان عمره سنتين و 8 شهور .. وانا كنت حامل .. كان وايد مستانس وفاهم اكثر من السنه اللي قبلها.. لازم العذاب بعض الاوقات, بس كان احسن من اول مره.

انشاء الله وبأذن الله 2008 ولدي بيصير عمره 3 و 10 شهور .. و البيبي اليديد 10 شهور (((((( الله يستر ويسهل يارب))))))



هلا والله ..

لا واحد مقدور عليه :24:

لكن الله يعينج على بو 10 شهور .. احسه صعبه شوي الأكل والحفاظات والنوم .. انا اقترح عليج إذا عندج احد ثقه تتركينه عنده بيكون وايد زين إلا إذا كنتي ترضعينه طبيعي ففي هاي الحاله مافي مفر لاااااازم تاخذينه وياج .. لأني آنه ما عورت راسي العام خليت بنتي كان عمرها سنه ونص عند الوالده الله يطول بعمرها صج وحشتني بس لين افكر إنها كانت معاي كانت صج بتغربلني وهي بعد راح تتغربل ..

على العموم

الله يوفقكم في رحلتكم وتستانسون يارب ولاتنسين تصورين كل شي عشان التقرير :101:

لا ماأقدر أخليه ... لاني باروح مع أهلي ... بنتعاون أنشاء الله ... والله يعين على الاكل ونوم والحفاضات:109:
و الله يستر :101:

المشاركة الأصلية كتبت بواسطة OZYEEE
http://www.arabtravelersforum.com/tr...9/#post1933319

لا ماأقدر أخليه ... لاني باروح مع أهلي ... بنتعاون أنشاء الله ... والله يعين على الاكل ونوم والحفاضات:109:
و الله يستر :101:



إذا مع اهلج تمام :24: .. استغليهم وانا اختج .. :101:

اليوم زيارتنا للـ Animal Kingdom

تفضلوا الصور ..

صوره على الطاير عند مدخل الحديقة ..



اول ما دخلنا شفنا هالشجرة الكبيرة وشكلها صناعية مو صج .. بس كل الناس كانت تصور امامها واحنا (حشر مع الناس عيد) ..



وبعدها شفنا هالنهر الجميل ..



وبعدها توجعنا إلى عرض Lion King .. وكان عرض حلو .. بس سامحوني صور العرض مو واضحه مدري ليش يمكن من الظلام والفلاشات ..

قبل الدخول للعرض صوره عالطاير ..



وبعدها دخلنا وبدأ العرض ..









وبعدها دخلنا عرض بوكوهانتس (بااااااااااايخ) ما انصحكم للدخول له ابدا وبلاش تضيعون وقت







وبنتي صورت معاها .. وسألتنا من وين انتو لما قلنا لها من البحرين استغربت وما عرفت وين البحرين .. واستانست على بنتي ..



وبعدها ركبنا شاحنه تدور في الغابة وتسوق الشاحنه بنت وتشرح لنا كل مكان نطوف عليه .. كانت رحله ممتعه وحلوه .. وكانت كل الحيوانات مهدوده ..

إليكم الصور



















وبعدين قلنا نستغل الوقت اخذنا القطار لأخذنا للجهة الأخرى من الحديقة .. وهذا القطار



وبعد ما نزلنا شفنا حيوانات أليفه في قفص كبير ..



وهنا يعطون اليهال بروشات لتسريح شعر الحيوانات ..





وبعد الخروج من هالحيوانات لااااااااااازم تغسل إيدينك بالماء والصابون لأنهم حاطين مغاسل لذلك .. والله إنهم إنظاف هالناس .. يعجبوني ..

وبعد ما طلعنا شفنا عرض في شارع الحديقة لميكي وربعه ..







وبس طلعنا تقريبا الظهر من الحديقة للـ MGM لأن التذاكر إللي اخذناها حق 3 أيام ونقدر نغير من حديقة لأخرى فرحنا في نفس اليوم للـ MGM لكن لم نخلصها في نص يوم فعملنا للتذاكر upgrade ودفعنا مبلغ رمزي للتمديد ليوم رابع ..

سامحوني على الإطالة ,,

وإلى اللقاء في الـ MGM

المشاركة الأصلية كتبت بواسطة OZYEEE
http://www.arabtravelersforum.com/tr...2/#post1933752

روووووووووووووووووعه الصور عجيبه وااااايد احب ANIMAL KINGDOM :106:
..

هلمره اذا أسألوج Where's That !! عن البحرين قولي لهم مايكل جاكسون كان يعيش في البحرين
بيقولووووون لج اوووووووه ((بررين))

انا دايما اقول لهم جذيه ويعرفونها :109:



حلوه ذي برررين .. :109::109:

اشكر لج تواصلج معاي حبوبه ما قصرتي :101: مع إن محد معطني وي :110:

دزني MGM

MGM مثل ما سبق وقلت لكم رحناها تقريبا يوم ونص والصراحه احس بعد مو كفاية ما شبعت منها .. اصلا آنه ما شبعت من امريكا كلها ..

المهم

إليكم الصور

طبعا أول ما دخلنا ..



صوره قبل الدخول MGM studios



مدخل MGM studios



هذا المنظر عبارة عن بنايات يمين ويسار بس مو حقيقي من بعيد يبدو وكأنه حقيقي





ثم التوجه للإخوان power rangers



سيارتهم



العيال مع الأحمر



والصفرة



والأخضر



والوردية



واحنا نتمشى مروا علينا Cars





ثم ذهبنا لعرض السيارات .. كان ممتع وكأن قاعدين نشاهد فلم .ز



ثم ذهبنا لعرض إنديانا جونس ..



وبعدها ذهبنا للتصوير مع الألعاب الكارتونية .. حافظتهم لأنهم ربع عيالي .. :24:

القزم الصغير ..



دورا ..



لولو كاتي ..



ومدري مين ذولا ..



وبعدها قعدنا نستريح وناكل آيسكريم في هذا الشارع وبالمره ننتظر عرض ميكي الليلي ..



واحنا قاعدين يات سياره فيها هذا الشخص .. وبعدين ياو شخصيات اخرى ويقدمون عرض يستهبلون فيه ويقولون نكت .. بصراحة كانو خفاف دم .. استمتعنا معاهم ..



وبعدها صار الليل وتوجهنا لعرض ميكي وكان من اروع العروض إللي شفناها ..

وفي الطريق .. شفنا هاللعبه .. وكنت ميته ابي اركبها بس ما عندي حد يشجع عيالي صغار وابوهم مستحيل يركب هالأشياء ..



ثم الجلوس لمشاهدة العرض الرائع ..

وهذا الجمهور الغفير في الإنتظار .. مع عمل موج بالجمهور كان حلو استانسنه واحنا ننتظر العرض



وبعدها بدأ العرض بس معظم الصور إللي اخذناها كانت مو واضحه بسبب الظلام ..





وانتهي العرض .. وانتهت زيارتنا للـ MGM

وإلى اللقاء في Epcot بإذن الله ..

تسلمين ام امريكان

تقريرك وصورك حتى الي مو واضحه دخلتنا جو حلو

وشوقتينا اكثر للروحه

بناتي كل ما شافو الصور اسالوني بنروح امريكا

الله يعطيك العافيه مشكوره

عاشت الانامل اللي اخذت الصور وكتبت التقرير

تقرير ممتع و شيق

ومتعوب عليه

ننتظر المزيد

دمتي بود

المشاركة الأصلية كتبت بواسطة احلم اسافر
http://www.arabtravelersforum.com/tr...1/#post1939371

عاشت الانامل اللي اخذت الصور وكتبت التقرير



عاشت ايامك .. وجزاك الله خير .. شرفني وجودك