الموضوع: لا احد يبخل علينا برأيه ومشورته وشكراً

السلام عليكم ورحمة الله وبركاته
اسعد الله اوقاتكم بكل خير

اولاً اشكر كل القائمين على هذا الصرح من اعضاء ومشرفين وادارين

ثانياً .. ابي رايكم ومشورتكم عن رحلة شبابيه لعدد سته اشخاص لـ اوروبا

ستكون بشهر ابريل القادم ان شاء الله لمدة 15 يوم
خططت لها مبدئياً

الوصول ان شاء الله لـ ميونخ استئجار سياره ( محتار بالنوع وودي برنج او اكس فايف )
ميونخ ليلتين
زيلامسي 3 ليال -
فينيسيا ليله واحده
برشلونه ليلتين -
مدينه فرنسيه او ايطاليه ليله واحده اوليلتين
انترلاكن ليلتين
قارمش ليله
بعد لميونخ لتسليم السياره والعوده ان شاء الله

ادري دوخه لكن اطمع في مشورتكم وشكرا لكم من الموبايل

مواضيع عشوائيه ممكن تكون تعجبك اخترناها لك:

• احتاج مشورتكم في برنامج سفره ال أوربا أول مره
• مخالفه في كولون
• ابغا فزعتكم
• بخصوص الفيزا ؟وصلت ناقصه ؟؟
• رحله من فرانكفورت ياهل الخبره
• يرحم والديكم ساعدوني في ترتيب جدول الرحله
• اليوم رجعت التذاكر وبسوي حجز جديد ساعدوني
• التامين التكاملي من شركة رنت كار
• مساعدتكم يا اهل الخبره
• ندااااااااااء للعضو مجودي
• مسافر الي هايدلبرغ للعلاج وعندي كم استفسار ؟
• استفسارين عن الشنغن
• زيورخ حتى فرانكفورت احب اشوف اقتراحاتكم
• مشكله حجز مواعيد السفاره الالمانيه بالخبر ساااااعدوني
• مقترحاتكم حول رحلتي الصيفية تم شراء التذاكر
• ساعدوني لتخطيط رحله لالمانيا يوم شهر العسل
• تحديد مكان استئجااار السيااره
• استفسار للشنغن
• استفسار بخصوص الفيزا الشنجن
• تكفون سااااااااااعدوني ابي الاحداثيات زواجي بكررررررررره

وعليكم السلام ورحمة الله وبركاته ..

قارمش تقدر تزورها وانت بميونخ وترجع بنفس اليوم ..


برشلونه مهب حولك ابد شلها من المخطط ..


فينيسيا تقدرون تروحون لها وانتم بزيلامسي وتاخذون ليله وتردون ..


اذا ودكم تلفون وتزورون اماكن اكثر انصحكم تخلون العودة غير ميونخ عشان ماتضطرون ترجعون ويضيع يوم كامل عليكم

بعد اذن اخوي tab

كثر التنقلات يفسد جمال وروعة الرحله
فأحرص على هذه النصيحة

فكر بكثرة التنقلات كثيرة حيل اللي بمخططك
مايمديك تريح الاونت مغادر

بعدين انترلاكن يومين . احسبها يوم اللي توصل فيه ويوم اللي بتغاد فيه يعني يوم واحد موحق هالمدينه

وجهة نظري لو كنت مكانك اقلل الاماكن

وفقك الله من الموبايل

التخطيط طبعاً بمساعدة خرائط قوقل ،،
اذا بنستاجر سيارة من ميونيخ

البداية

ميونيخ ( ليلتين ) --- ساعتين ونصف -->

زيلامسي ( ثلاث ليال ) --- 5:30 --> فينسسيا ( ليلة واحده ) --- 6 ساعات ---> كان ( ليلتين ) --- 6 ساعات --> برشلونه ( ليلتين ) --- 7 ساعات --> انسي ( ليلة ) -- ساعتين --> انترلاكن ( ليلتين ) --- 5:30 ساعات --> قارمش (ليله ) --ساعه ونصف --> مطار ميونخ

هذا التخطيط المأمول من الموبايل

انت تبي تلف كل مكان وتبي ترجع برضو لنفس المطار اللي جيت منه ..

كان وبرشلونه صدقني بعيده .. بعض المدن ما يكفيها يوم او يومين انت جاي تتمشى ماجيت تمسك خطوط صح

انت رحلتك 15 يوم .. عندك ميونخ وقارمش وزيلامسي وتقدر تضيف انترلاكن والعودة من ميلان اذا حاب ..

فعلا بتروح الرحله خطوط x خطوط

حتى المرافقين بيملون من المسافات
هذا اولا

ثانيا
قد تكون المانيا متساهله بخصوص السرعه
لكن
سويسرا
وايطاليا
وفرنسا
يتشددون في كلن يختلف وكلن له نظامه
ايطاليا ممكن تلاحظ بعض الطرق السريعه تسمح الى 130 مع رقابة مشدده
سويسرا 110-120
كذالك فرنسا
الزبده قوقل ماب يقيس لك المسافات بالكيلو لمتوسط السرعه اللي هو من 100-110
يعني المسافه من زيلامسي الى انترلاكن 5 ساعات وعليها نظريا
لكن فعليا ممكن تصل الى 6-7 ساعات

اتمنى ان وجهة نظري وصلت

أتفق مع الشباب كثرة الأماكن والحل والترحال تضيع عليك متعة الرحلة، بالإمكان الإستغناء عن زيلامسي بإنترلاكن أو العكس، وجعل قارمش داخلة ضمن ليالي ميونيخ، بحيث تطلع لها من ميونيخ، أو العكس تطلع لميونيخ من قارمش.

طيب رايكم بهذا المخطط

ميونخ 2
زيلامسي 3
جاردا 3
لوقانو 2
انترلاكن 2
آنسي 2
العوده من جنيف من الموبايل

ممتاز هذا ......

احس يبيله تعديل

وعندي بعض المعتقدات وهي مابين الصواب والخطأ

اولاً :- القياده في اوروبا ممتعه عن سابق تجربه واي مكان يلفت انتباهك توقف عنده وتكمل هذا اذا تروح مناطق بعيده

ثانياً :- استئجار السياره من المانيا ارخص من الدول الاخرى وتسليمها بنفس الدوله يخفض عليك ضعف المبلغ

مثلاً اجار سياره بميونخ وتردها بميونخ 1500 يورو لمده اسبوعين واذا بدوله اخرى 3000 يورو

ثالثاً :- هذي رحلة للعمر وتعرفون الواحد وده يلف العالم بلحظه لانها بتكون ذكرى جميله


هذي معتقداتي

واذا احد يوافقني الراي او يخالفني يذكر لي مخطط يشوفه حلو
ولكم مني الف شكر من الموبايل