الموضوع: شوفوا لي حل

اهلا وسهلا شباب بعدني ابي رايكم في جزيرة موريشيوس لشهر عسل فانقذوني
وباختصار رحت مكتب الامارات وسالتهم عن العروض الا عندهم في 8ديسمبر لمدة سبوع في خمس نجوم ب20الف ريال وفي اربع نجوم نفس المدة ب18الف ريال وفي 3نجوم ب14الف ريال وكلهم قال ليي في مواقع كويس
فايش رايكم


ابوعزيز وفتى الشرقيه وباقي الحبايب انقذوني

وحصلة عرض في النمسا (فينا+زيلامسي+ميونخ) شامل السكن والتذاكر تقريبا ب11 الف ريال لمدة 14 ليله في نفس الفتره بس راح تكون في عز البرد رحله شتويه (شهر عسل)

فماادري من جد محتار وابي كلام يقنعني حق اعرف راسي من كرياسي
والف شكر للجميع

مواضيع عشوائيه ممكن تكون تعجبك اخترناها لك:

• محتار وطالب منكم العون
• نبي الدليله والغشيم يفكنا منه
• تقرير خفيف ومصوّر لمنتجع
• قادمون يا المالديف
• ون اند اونلي المالديف
• مساعده في شهر العسل
• محتاره بين منتجع دست ثاني او او انتارا في المالديف
• الخطوط السعودية وموريشيوس
• الله يوفقكم لاتبخلون علي بمعلوماتكم
• احد سمع عن جزيرة بوفار الهنديه
• استفسار بخصوص الاوتيلات
• استفسار
• استسمحكم عذراً انا في حيرة من امري
• مين زار المالديف وينصح بفنادق لشهر العسل؟
• تفاصيل الحجز لموريشيوس
• أستفساراتي عن المالديف
• بروح المالديف بس ناقصني انتم
• أجواء الموريشوس في شهر ديسمبر
• استفسار عن تاج ايكسوتيكا المالديف
• ياعشاق المالديف ادخلو

والله نصيحه
روح الخيار الثاني, فتره شهر العسل تحتاج شوية برامج لكسر الملل والتكلف اللي يكون حاصل بين الزوجين..

واذا بتروح المانيا روح مثلا اليورو بارك اذا كنتوا من عشاق الترفيه

ماشاء الله 14 شخص موا على الموضوع ولا احد فادني باي جمله او كلمه مشكورين

لا موريشس ولا فينا

من رأيي تروح لكيب تاون في جنوب أفريقيا

ممكن على السعودية أو الإماراتية ولمدة 14 يوم

بالتوفيق

شهر ديسمبر شهر مزعج من ناحية الطقس ,
فهو بارد جداً في شمال أوروبا , وقد يكون كثير
الأمطار في موريشوس مع احتمال العواصف ..

هذا غير إن الأسعار تكون أغلى بسبب إن ديسمبر
يعتبر شهر الإجازات للأجانب بسبب الكريسماس
ورأس السنة الميلاديه ...


لازم أنت تحدد وش اللي يناسبك عشان تقرر :
سياحة بحر وطبيعة وشمس وجو دافىء وأمطار = موريشوس
سياحة مدن وطبيعة وبرد شديد وإحتمال ثلوج = فيينا و ميونخ


لو أنا مكانك رحت المالديف

تحياتي ..

ول ول ول الحمد لله ردوا علي الشباب
ابو عزيز ماقصرت شاكر مرورك الغالي بس وين هذا المكان في جنوب افريقا وكيف اقدر احصل معلومات عنها هل في اي شي في المنتدى عنها وجهني الله يخليك ويبقيك وكل مااشوف رحلتك الشتويه لين سويسرا يفتر راسي فوجهني

اخوي الغالي عرب بست طبعا ماابي حر ووجع راس
ابي راحة بال فاي مكان ماعندي مشكه لشهر العسل اهم شي شي حلو استمتع بالمناظر سواء الخضره او الشتويه ارتاح نفسيا ولااصرف فوق 20 الف وهذه مهمه
انا محتار ودايخ بس اذا كلامك عن موريشويس عواصف وحر يعني راح اشيلها من بالي
فوجهوني وارشدوني ربنا يخليكم
يعطيكم الف عافيه

ملاحظه سريعه اخوي
مايجوز تكتب "بنتحر" خصوصا ان الموضوع مايسوى وانت رايح شهر عسل تبغى البركه


وبالنسبه للميزانيه انها تكون تحت 20, انا اقول ماليزيا مناسبه اكثر لأن اوروبا المصاريف غاليه جدا خصوصا لعرسان جدد

هذا والله اعلم

ممكن أخوي تتطلع على مواضيع كافية ووافية على هذا الرابط

http://www.arabtravelersforum.com/travelarab95/

تم تعديل عنوان موضوعك