الموضوع: اتمنى المساعدة بالتحديد ؟؟؟؟؟؟؟؟؟؟

--------------------------------------------------------------------------------

السلام عليكم أحبتي أنا أود الذهاب الى الكويت للسياحة فأرجو من احبائي مساعدتي في الاأشياء التالي:

1-الأماكن التي ينبغي زيارتها من ( أسواق -مولات- حدائق-ملاهي)

2-المطاعم الرهيبة

3- الفنادق الرخيصة لان الغرض من الزيارة السياحة وليس النوم

4-ملاهي الاطفال

5-اين اسكن بحيث يكون موقع السكن او المدينة استراتجية

6-مدة الرحلة 12 يوم
هل وقت الرحلة مناسب والاجواء مناسبة في 27/01/2009

أرجو ان لا أكون قد أتعبتكم في طلبات المساعدة ولكم مني جزيل الشكر والعرفان

مواضيع عشوائيه ممكن تكون تعجبك اخترناها لك:

• وين القى هذا السوق ؟؟
• رحلتي للكويت بالتفصيل الممل مطاعم اسواق ،،،،، الخ
• انتظ الجواب بفارغ الصبر
• اسرع رحله في الحياه
• كم سعر تذكرة سفر من الرياض الى الكويت ذهاب وعوده ؟
• قرب وقت السفر ارجوالافاده بسرعه
• استفسار عن عرض المسرحيات نهايه ابريل
• «طيران الجزيرة» تطمح خلال سنوات لبلوغ محطة في أوروبا وإفريقيا وآسيا
• هل من معلومة عن شقق بودل
• دعوة للتسجيل في المرافئ الصيفية لا تفوتكم
• بنات الكويت ساعدوني
• مطار الكويت سوق الحره
• اين اصالت الكويت ؟ ؟ ؟
• طريقه الحجز في فندق ابيس السالميه
• بغيت فندق بسعر 30 دينار بحريني وياريت يكون مع الفطور لثالث ايام العيد
• دليل المجمعات المهمة خريطة صور
• اول زيارة للكويت تجديد اسبوع عسل رجاااء المساعدة
• كيف الوصول من الحفر الى الكويت
• اول زيارة للكويت
• خبراء الكويت والمشرفين بغيتكم شووووي الله لا يهينكم

هلا والله حياكم الله باي وقت

بس اتمنى لو انك تاخذ جولة بالمنتدى راح تلاقي كل الاجوبه على اسئلتك

بالنسبة للسكن يفضل ان تسكن بالسالمية حيث الفنادق والشقق الفندقيه والمطاعم منتشره والمجمعات والاسواق معظمها بالسالمية

اول شي حيااك الله بالكويت
1. المولات :- اكبرها واحدثها مجمع الافنيوز راح تلاقي كل شي فيه
-بعدها مارينا مول ومتصل معاه جسر يوديك لي مارينا كرسنت اللي اهو عباره عن قهاوي ومطاعم والقعده هناك واايد حلوة لاتطوفها
-سوق شرق
-شارع سالم المبارك في مجمعات وااايد مثل الفنار - البستان - ليلى جاليري - زهرة - تالا
- في سوق السالميه وهذا مجمع تلاقي فيه اشياء رخيصه وفيه سوق المعلم
- منطقه الفحيحيل فيها مجمعات مثل الكوت والمنشر
- في سوق شعبي اللي اهو المباركيه
- في مولات مخصصه للماركات مثل الصالحيه والرايه
2. السكن انصحك بفندق ايبس فندق رخيص وموقعه جيد في شارع سالم المبارك اللي فيه مجمعات ومطاعم يعني اهو شااارع كله حركه
3. الملاهي طبعاا انصحك بالمدينه الترفيهيه حلوة حق اليهال لا تطوفها وفي بعد حديقة الشعب وحولي بارك
4. المطاعم : الكويت متروسه مطاعم بس اللي انصحك فيه
مطعم لبناني : عندك ميس الغانم و مطعم كافيه بلان في الافنيوز وفي مارينا ومطعم ليلى في الافنيوز
مطعم هندي : مغل محل بجانب مارينا مول وماركس سبنسر ومطعم اشاز في الافنيوز ومارينا
مطعم ايراني: انصحك بمطعم اسمه غاردن موجود في الافنيوز اكله لذيييييذ
طبعا الامطاعم الامريكيه متواجده وبكثره يعني طب وتخير
مطعم للاكلات الكويتيه مطعم فريج صويلح الكل يمدحه
مطعم ايطالي : في مطعم على البحر اسمه جوني كارينوز وفي بعد واايد مطاعم ايطاليه في الافنيوز

5. بالنسبه لوقت الزياره جدا مناسب بس يمكن على آخر الايام لكم تصادف عطله نصف السنه هني بالكويت فاا ممكن ان تصادفكم زحمة وحطوا في بالكم ان الجو بااارد

وانشالله تستفيد من هالمعلومات
وحياااك الله بالكويت :24:

الاخوان ماقصروا بالاماكن وبالمطاعم انصك في فريج صويلح بجانب المارينا مول والباقي المطاعم الموجوده بالمولات اذا كان معاك اطفال عشان الميزانيه
في موول بالسالميه اسمه سوق السالميه او (ستي سنتر ) حلو حيل مغطى ومفتوح طول اليوم حتى الظهر (اذا كان برد انصح فيه لانه مغطى بالكامل ) فيه بضائع باسعار معقوله ومحلات ابو ميه فلس وبدلات نسائيه واطفال وفيه مطعم اسمه بندروزا بوفيه تقريبا الشخص ب 3 دنانير والطابق اللي فوق العاب طفل المستقبل ومطاعم متنوعه وسوبر ماركت ستي سنتر

اول شي حياك الله في ديرتك الثانيه الكويت

وبصراحه الاخوان ماقصرو باي شي كفو ووفو وبالروابط والصور بعد واتمنى تكون لقيت اجابات لاسئلتك

ودي اعقب عالكلام بالنسبه للفنادق مثل ماقالولك احسن شي بالسالميه
فندق مارينا وايد راقي وعجيب تابع حق مارينا مول وفي عندك بعد موفمنبيك البدع ترى حده شي وقريب من كل مكان وراقي ويكفي حواليه مطاعم وكافيهات
في عندك بعد هوليداي ان السالميه راقي وحلو وفي مطاعم حدها حلوه
وفي فندق النخيل راقي واهو في شقق فندقيه
بالنسبه للمطاعم وايد بالكويت ومتنوعه والكويت كلها مطاعم من كثر المطاعم تحتار بس انا بعطيك المطاعم اللي انا مجربتها واللي اتذكرها حاليا
اول شي بصفه عامه المطاعم تكثر بمارينا كرسنت في مرينا مول
تلقى مجموعه مطاعم بموفمنبيك البدع قعدتها ولا اروع بس دايما زحمه ونصيحه روح مبجر حيل او وقت غدا
تكثر المطاعم بالافينيوز بالري منها مول ومنها مطاعم
بعد ممكن مطاعم الفنادق واهي متنوعه فندق ساس وفندق النخيل وكراون بلازا و هوليداي ان والشيراتون لايعلى على البوفيه ماله

اذا تحبون السي فود فمطعم المرسى حده عجيب ومكانه بالميرديان - شارع الخليج وحتى ستايله مثل ايام الغوص
وفي سفن سيز فوق برج الحمام عالبحر بشارع الخليج اكله وقعدته ولا اروع وكافي ان عالبحر
بعد فيش ماركت يم الابراج قعدته اتينن واهو يديد بس اكله شويه
توتالي فيش هاذا اينن بمارينا كرسنت ذوق الكراب واللوبستر عندهم
والنوخذه بكراون بلازا بس بصراحه بالنسبه لي اكله اخترب واهو بوفيه سي فود

المطاعم اللبنانيه والمشويات ميس الغانم مكانه شارع الخليج
فيلا فيروز بالشعب اكلهم حده لذيذ وله فرع ثاني في مجمع الكوت الي اهو الميجانا
ايام زمان بهوليداي ان السالميه اكله حلو بس هم اكله شويه بس متنوع حيل وفي كباين
برج الحمام عالبحر مباشره بشارع الخليج اكله جيد واحس قعدته اللي محليته
سراي في موفمنبيك البدع حده عجيييييييييب من قعده وطعم
المياس لايطوفكم في منتجع شيك البدع اكله وقعدته وكل شي في حلوه واهم شي ورق عنب بالروب
صاج اكسبرس بشرق ورى الكنيسه وعلى فكره اهني بعد مجموعه من المطاعم المتنوعه والقعده فيها حلوه
والمطاعم اللبنانيه متنوعه بالكويت ومنتشره وانا مجربه وايد منها وماحطيت الا اللي تذكرتهم واللي عاجبيني وراقيين ونظافه

المطاعم الايرانيه احسها شويه بالكويت في بالافينيوز غاردن اكله حلو شوربه حب الهريس عنده مميزه
واللي احلى منه شابستان في كروان بلازا الفروانيه عندهم طبق شابستان العائلي او وجبه شابستان شي جذي مشويات ايرانيه متنوعه ولذيييييييذ هالطبق وشوربه اش رشته مميزه عنده
في شهريار اللي بالشيراتون هذا اكله لذيذ بس مو بمستوى شابستان وعنده شوربه الشعير مميزه

اما الصينيه في بيكوك في ساس وهذا يعجبني اكثر شي عندهم الكاجو اللي ايبونه المسمسم
وفي جرينز او الحين اسمه سوياصوص يم المريديان شارع الخليج بس ضيج بالمطعم
في مطعم صيني اللي بهولداي ان السالميه اللي اهو تانغ تشو قعدته ظلما وحلوه واكله حلو
وعندك الياباني وسابي في موفمنبيك البدع لذيذ وقعدته حلوه
وماكي في مارينا كرسنت اهو الاحلى عالاطلاق في المطاعم اليابانيه بالكويت واحلى تبنياكي عنده

بالنسبه للمطاعم الهنديه بلا منازع اشاز بمارينا كرسنت احلى برياني عنده وقعدته حلوه ونظيف
مطعم دعوات حلو وقعدته جيده ويتميز بالماسلا اكثر شي واهو في بنيد القار

هاذا اللي حاظرني الحين واذا في مطاعم طرت على بالي راح احطها

واذا في اي سؤال بعد احنا حاظرين نعين ونعاون

تفضل الرابط:
http://www.arabtravelersforum.com/travel223930/

حياكم الله بالكويت
و الاعضاء جزاهم الله خير ما قصروا

مشكووووووووووووووووووووووور اخواني والله كفيتو ووفيتو والله ما قصرتوا