السلام عليكم..كيف الحال؟ وش أخباركم بعد الملتقى؟
أنا والمجموعة اللي كانت معي خلصنا من الملتقى أمس الاثنين 29 صفر..ما أدري إذا أحد سبقني بالحديث عن هذا الملتقى..أنا رح أنقل الحدث على طريقتي معتمدة على ذاكرتيصححوا لي إذا أخطأت بشيء..
أول أيام الملتقى رقم 5 كان السبت 27 صفر ..وصلت الفندق تقريبا الساعة 3:20 مساء ..سألوني الاستقبال عن اسمي ..وعطوني بطاقتي عشان أمررها على الجهاز عند دخولي وخروجي..المهم دخلت القاعة النسائية..أعطوني كتابين وشنطة عند دخولي كتاب عن دليل الطالب المبتعث إلى الولايات المتحدة الأمريكية والثاني عن المحاور العامة والشنطة فيها قرآن مع ترجمته وتقويم(الظاهر إنه قديم حق 2006) ..بدأت المحاضرة الساعة 4 وكانت أول محاضرة للدكتور سعد الراشد..برأيي كانت المحاضرة عادية ما أتذكر عنوانها ولكن أذكر إنه تطرق إلى أمريكا من ناحية جغرافية كما تكلم قليلا عن تجربته الشخصية..ثم أجاب على الأسئلة..وانتهت المحاضرة الساعة 6 تقريبا..بعدها بريك إلى 6:30 .. شاهي/قهوة /عصيرات ومأكولات خفيفة(كروسونات,دونات,كيك....):109: (تفاصيل غير مهمة) المهم الساعة 6:30 بدأت المحاضرة التالية للدكتورة وفاء السبيل (بالنسبة للطالبات طبعا ما أدري عن الطلاب) .. تكلمت من ضمن المحاضرة عن تجربتها الشخصية قالت إنها كانت رايحة مع زوجها وبعدين انضمت للبعثة..اللي استغربته إنها درست تخصص لغة عربية بأمريكا !!! ما كنت أدري إن التخصص موجود..طبعا بنهاية المحاضرة أتاحت المجال للأسئلة..خلصت المحاضرة الساعة 8:30 وانتهى اليوم الأول..
اليوم الثاني الأحد 28 صفر (أحسن من اليوم الأول) المحاضرة الأولى (الساعة 4) كانت للدكتورة منيرة الحريشي متخصصة بعلم النفس (منب متأكدة من الاسم) محاضرتها بعنوان أساليب تطوير الذات وتحقيق التفوق..حلوة المحاضرة والدكتورة أحس إنها حبوبة..خلصت المحاضرة الساعة 6 بعدها البريك ..الساعة 6:30 بدأت المحاضرة الثانية للدكتور ناصر العود بعنوان التهيئة النفسية والاجتماعية للمبتعث ..كانت المحاضرة حلوة..والدكتور برأيي كان مميز..استمتعت واستفدت من محاضرته..انتهت المحاضرة تقريبا الساعة 8 بعدها جاء مسئول من الوزارة د.نبيل الراجح للإجابة على الأسئلة ..وقال خذوا موعد مع السفارة لإجراء المقابلة ..قال إن أسماءنا موجودة عند الوزارة وأنهم رح يعطوننا مواعيد قريبة (كما ذكر الأخوة من قبل) قعد تقريبا إلى الساعة 8:50 والأسئلة لم تنتهي.. قالوا لنا رح يجي بكرة ..
اليوم الثالث الاثنين 29 صفر المحاضرة الأولى للدكتور أحمد بن عبدال...(هذا اللي طالع على الشاشة التكملة ماطلعت) بعنوان أخلاق المسلم وعلاقته بالآخر...بعدها بريك من 6 إلى 6:30 بعدين محاضرة للشيخ صالح اللحيدان رئيس المجلس الأعلى للقضاء (أسمع البنت اللي وراي تقول هادا الشيخ حق رمضان ههههههههههههههه) المهم الشيخ قال إنه هو شخصيا ضد الابتعاث إلا لضرورة قصوى وتخصصات غير موجودة بالبلد أبدا وقال إنه لايمكن يسمح لأحد من أبناؤه أو بناته بالالتحاق ببعثة..عاد ماقصّر قدّم بعض النصائح وأجاب عن الأسئلة..بعدين قالوا لنا تفضلوا على العشاء(ما أدري الساعة كم) ودخلنا نتعشى وجاء الدكتور نبيل الراجح ولا درينا عنه ؛كانوا جامعين أسئلة على أساس أنه رح يجي 10 دقائق بس ويجاوب بشكل سريع..جاء وجاوب بس شخصيا ماشفته بس سمعت..بعده كان فيه محاضره عن مسئولية المبتعث والدور المأمول منه (نسيت اسم المحاضر) أصلا اليوم الأخير ماني متذكره الترتيبالله يخلف على الذاكرة..المهم خلصنا الساعة 9:30
وانتهى الملتقى ولله الحمد..نسأل الله الذي وفقنا ويسر لنا حضوره أن يوفقنا وييسر لنا مابعده..
اللي لاحظته أنه أول يوم كانت القاعة شبه مليانة واليوم الثاني كأن الحضور قل وكذلك في اليوم الثالث..
كذلك الصوت في اليومين الثاني والثالث كان فيه مشاكل وانقطع أكثر من مرة:112: ..نأمل من الفندق أن يأخذ هالنقطة بعير الاعتبار المرات المقبلة..في جميع الأيام تم توزيع استبيان يسأل عن المحاضرات من ناحية المضمون وعن المحاضر وعن الفندق بشكل عام والترتيبات وفيه جزء للأشخاص المقيمين في الفندق فترة الملتقى...وبس
أتمنى أكون قدمت شيء مفيد..وفي الختام نشكر القائمين على الملتقى ..يعطيهم العافية على جهودهم..مواضيع عشوائيه ممكن تكون تعجبك اخترناها لك:
- رحلتي يوم الاحد القااااااادم تكفووووون فزعتكم
- لجميع من قبل في اي جامعة امريكية كيف تعديت قضية الـ
- و يسألونك عن اللغة في اسكتلندا
- رايكم بين كندا وامريكا
- استفسار عنن ماجستير هندسه
- سؤال عن مجيستير الهندسة من امريكا
- تكساس لو متشغان وين احسن؟
- متخرج من دبلوم أشعه وأرغب في الاكمال في امريكا عندي بعض الاسئله مهم وعااااااااجل
- لعبة مفتــــــــاح العـــــــــالــــــــــــــم
- من يجيب؟
- جدي ويجب اخذ معرفة عنه الوزن المسموح في الخطوط الامريكية
- قبول و مراسلت جامعه او
- معاهد لتعليم الانجليزي بأمريكا
- اخذت الموعد مبرووووك ان شاء الله عقبال ال
- الدراسه في امريكا بين الحلم والواقع استفسار لماجستير القانون
- الى سوال عن دينتون بتكساس
- سكن في امريكا لمبتعثين
- طلب مساعده عاجل بخصوص ولاية يوتا
- معاهد اللغة في ولاية ميريلاند
- مبتعث جديد و احتاج خبرتكم
المفضلات