الموضوع: الملتقى رقم الخاص بأمريكا

السلام عليكم..كيف الحال؟ وش أخباركم بعد الملتقى؟
أنا والمجموعة اللي كانت معي خلصنا من الملتقى أمس الاثنين 29 صفر..ما أدري إذا أحد سبقني بالحديث عن هذا الملتقى..أنا رح أنقل الحدث على طريقتي معتمدة على ذاكرتيصححوا لي إذا أخطأت بشيء..
أول أيام الملتقى رقم 5 كان السبت 27 صفر ..وصلت الفندق تقريبا الساعة 3:20 مساء ..سألوني الاستقبال عن اسمي ..وعطوني بطاقتي عشان أمررها على الجهاز عند دخولي وخروجي..المهم دخلت القاعة النسائية..أعطوني كتابين وشنطة عند دخولي كتاب عن دليل الطالب المبتعث إلى الولايات المتحدة الأمريكية والثاني عن المحاور العامة والشنطة فيها قرآن مع ترجمته وتقويم(الظاهر إنه قديم حق 2006) ..بدأت المحاضرة الساعة 4 وكانت أول محاضرة للدكتور سعد الراشد..برأيي كانت المحاضرة عادية ما أتذكر عنوانها ولكن أذكر إنه تطرق إلى أمريكا من ناحية جغرافية كما تكلم قليلا عن تجربته الشخصية..ثم أجاب على الأسئلة..وانتهت المحاضرة الساعة 6 تقريبا..بعدها بريك إلى 6:30 .. شاهي/قهوة /عصيرات ومأكولات خفيفة(كروسونات,دونات,كيك....):109: (تفاصيل غير مهمة) المهم الساعة 6:30 بدأت المحاضرة التالية للدكتورة وفاء السبيل (بالنسبة للطالبات طبعا ما أدري عن الطلاب) .. تكلمت من ضمن المحاضرة عن تجربتها الشخصية قالت إنها كانت رايحة مع زوجها وبعدين انضمت للبعثة..اللي استغربته إنها درست تخصص لغة عربية بأمريكا !!! ما كنت أدري إن التخصص موجود..طبعا بنهاية المحاضرة أتاحت المجال للأسئلة..خلصت المحاضرة الساعة 8:30 وانتهى اليوم الأول..
اليوم الثاني الأحد 28 صفر (أحسن من اليوم الأول) المحاضرة الأولى (الساعة 4) كانت للدكتورة منيرة الحريشي متخصصة بعلم النفس (منب متأكدة من الاسم) محاضرتها بعنوان أساليب تطوير الذات وتحقيق التفوق..حلوة المحاضرة والدكتورة أحس إنها حبوبة..خلصت المحاضرة الساعة 6 بعدها البريك ..الساعة 6:30 بدأت المحاضرة الثانية للدكتور ناصر العود بعنوان التهيئة النفسية والاجتماعية للمبتعث ..كانت المحاضرة حلوة..والدكتور برأيي كان مميز..استمتعت واستفدت من محاضرته..انتهت المحاضرة تقريبا الساعة 8 بعدها جاء مسئول من الوزارة د.نبيل الراجح للإجابة على الأسئلة ..وقال خذوا موعد مع السفارة لإجراء المقابلة ..قال إن أسماءنا موجودة عند الوزارة وأنهم رح يعطوننا مواعيد قريبة (كما ذكر الأخوة من قبل) قعد تقريبا إلى الساعة 8:50 والأسئلة لم تنتهي.. قالوا لنا رح يجي بكرة ..
اليوم الثالث الاثنين 29 صفر المحاضرة الأولى للدكتور أحمد بن عبدال...(هذا اللي طالع على الشاشة التكملة ماطلعت) بعنوان أخلاق المسلم وعلاقته بالآخر...بعدها بريك من 6 إلى 6:30 بعدين محاضرة للشيخ صالح اللحيدان رئيس المجلس الأعلى للقضاء (أسمع البنت اللي وراي تقول هادا الشيخ حق رمضان ههههههههههههههه) المهم الشيخ قال إنه هو شخصيا ضد الابتعاث إلا لضرورة قصوى وتخصصات غير موجودة بالبلد أبدا وقال إنه لايمكن يسمح لأحد من أبناؤه أو بناته بالالتحاق ببعثة..عاد ماقصّر قدّم بعض النصائح وأجاب عن الأسئلة..بعدين قالوا لنا تفضلوا على العشاء(ما أدري الساعة كم) ودخلنا نتعشى وجاء الدكتور نبيل الراجح ولا درينا عنه ؛كانوا جامعين أسئلة على أساس أنه رح يجي 10 دقائق بس ويجاوب بشكل سريع..جاء وجاوب بس شخصيا ماشفته بس سمعت..بعده كان فيه محاضره عن مسئولية المبتعث والدور المأمول منه (نسيت اسم المحاضر) أصلا اليوم الأخير ماني متذكره الترتيبالله يخلف على الذاكرة..المهم خلصنا الساعة 9:30
وانتهى الملتقى ولله الحمد..نسأل الله الذي وفقنا ويسر لنا حضوره أن يوفقنا وييسر لنا مابعده..
اللي لاحظته أنه أول يوم كانت القاعة شبه مليانة واليوم الثاني كأن الحضور قل وكذلك في اليوم الثالث..
كذلك الصوت في اليومين الثاني والثالث كان فيه مشاكل وانقطع أكثر من مرة:112: ..نأمل من الفندق أن يأخذ هالنقطة بعير الاعتبار المرات المقبلة..في جميع الأيام تم توزيع استبيان يسأل عن المحاضرات من ناحية المضمون وعن المحاضر وعن الفندق بشكل عام والترتيبات وفيه جزء للأشخاص المقيمين في الفندق فترة الملتقى...وبس
أتمنى أكون قدمت شيء مفيد..وفي الختام نشكر القائمين على الملتقى ..يعطيهم العافية على جهودهم..

مواضيع عشوائيه ممكن تكون تعجبك اخترناها لك:

• إستفسار عاجل جدا
• مدينه في ولايه كويسه شوركم رد ولو دعاااااااااااااااااااااااااء
• من يساعدنا فيه
• عاجل تأجيل البعثات الى اغسطس
• طالب سعودي دخل امريكا بالجواز الامريكي يعني ماعندة وش الحل؟
• يوم في وزارة التعليم العالي
• اريد الجواب
• رحلات أعضاء البوابة إلى سوريا الحبيبة
• ممكن استفيد وافيد
• الفزعه ياجماعة الخير
• ابي منكم خدمه الله لا يهينكم
• دورة في العلاقات العامة ومهارات الاتصال
• أين أجد هذا التخصص
• إذا أردت البعثة فعلاً
• تكفى ترى تكـــفى تهز الرجاجيــلأبي فزعتكم
• معاهد اللغه الانجليزيه وكل ماتحتاجه عنها
• موعد السفارة الجديد
• قبول من أي جامعه أمريكيه
• ماهي مصاريف الدراسة باورلاندوا
• الجامعات المعترف بها في ولاية كاليفورنيا

الله يتمم بعثتك على خير

انا لمن رحت مافيه محاضرات نساء كلهم رجال
واحلى شيء تركي الفيصل اسلوبه هاااااااااااااااديء

بالتوفيق

الله يوفق الجميع ويسهل الأمور
شكراً على التقرير

المشاركة الأصلية كتبت بواسطة impressive
http://www.arabtravelersforum.com/tr...1/#post1144646

بعدين محاضرة للشيخ صالح اللحيدان رئيس المجلس الأعلى للقضاء (أسمع البنت اللي وراي تقول هادا الشيخ حق رمضان ههههههههههههههه) ..



أضحك الله سنك ..ذكرتيني بموقف شبيه :109: :109:

وانا في الملتقى كان على يساري واحد نااااايم ...شكله جاي بالغصب ...فجأه الرجال صحى من نومه وقال لي ...(ايش اسمه هادا ؟؟ )انا اول شي مافهمت وش قصده ....كان يسأل عن المحاضر ...فقلت له اسمه ..وقتها كان المحاضر د.أحمد سيف الدين ....قال لي : طيب ....................وكمل نومه :114: :114:

يعطيك العافية على التقرير ...وبالتوفيق للجميع

المشاركة الأصلية كتبت بواسطة بنت الاسلام
http://www.arabtravelersforum.com/tr...1/#post1144667

الله يتمم بعثتك على خير

انا لمن رحت مافيه محاضرات نساء كلهم رجال
واحلى شيء تركي الفيصل اسلوبه هاااااااااااااااديء

بالتوفيق



أهلين بنت الإسلام..ويتمم بعثتك ويوفقك..يارب ..أنت حضرتي الملتقى الخاص بأمريكا صح؟؟بعدين حولتي لأستراليا؟
تركي الفيصل ما جاء بالملتقى حقنا..شكل كل ملتقى له دكاترة غير..

المشاركة الأصلية كتبت بواسطة سفر وسياحة
http://www.arabtravelersforum.com/tr...1/#post1144920



أضحك الله سنك ..ذكرتيني بموقف شبيه :109: :109:

وانا في الملتقى كان على يساري واحد نااااايم ...شكله جاي بالغصب ...فجأه الرجال صحى من نومه وقال لي ...(ايش اسمه هادا ؟؟ )انا اول شي مافهمت وش قصده ....كان يسأل عن المحاضر ...فقلت له اسمه ..وقتها كان المحاضر د.أحمد سيف الدين ....قال لي : طيب ....................وكمل نومه :114: :114:

يعطيك العافية على التقرير ...وبالتوفيق للجميع



:109: :109::109: بس يسأل بيشوف وش الوضع...هههههههههههههههههه
مشكورين على المرور سفر وسياحة /بنت الإسلام / كبير المبرمجين يعطيكم العافية