الموضوع: استفسار عن ما حصل معي بالسفارة اليوم

اليوم كان موعدي في السفارة الامريكية..لطلب فيزا سياحية
والحمدلله كانت اموري ماشية تمام واوراقي كاملة وانا اصلا كان عندي فيزتين سياحة سابقتين..
وكنت حاط موعد السفر في 25 ابريل

كانت مقابلتي مع الموظف ممتازة ولكن قال لي انت امورك كلها تمام ولكن سفرتك بعد 3 شهور وما راح نعطيك الفيزا الحين_ راح نكلمك بعد شهر او انت تابع وضع الفيزا..

قلت له طيب كيف الوضع قال امورك تمام.. ولكن خذ الورقة الصفراء هذي واذا كلمناك تعال جبها مع الجواز واستلم فيزتك

فانا ودي اعرف وش الوضع.. هل هذا يعني مع السلامة بيباي:110: والا انه وضع عادي وفيه امل يعطوني اياها..:114:


الف شكر على تعاونكم اخواني..

مواضيع عشوائيه ممكن تكون تعجبك اخترناها لك:

• استفسر عن شركة الطيران الداخلي
• لسه واخد رفض النهاردة والسبب
• استفسار عن الفيزا ضروري بكره موعدي
• ● ــسؤآلْـ للخُبرآء ●
• مساعدة أنا بلوس انجلوس الحين
• أحـــــلى حــــديـقــــة مـائــــية في اورلانـــدو
• ديزني لاند اورلاندو
• دراسة في امريكاهل جربها أحد؟
• أفضل فنادق خمس نجوم في مدينة نيويورك في الولايات المتحدة الأمريكية
• سؤال عن سان انتنيو
• افضل التذاكر للطيران داحل امريكا
• رحلة مختصرة لساندييقو لوس أنجلس لأس فيقاس
• سؤال ضروري لفيزة السياحة
• الاخوه الصادره لهم الفيزه الامريكيه ولمن لم تصدر له
• عرض للمبتعثات والراغبات بالولادة بأمريكا حريم حريم
• استفسار بخصوص الفيزا الامريكية
• هل سيديات البرامج المنسوخة فيها مشكلة في المطارات الامريكية ؟؟
• المساعدة في سكن في اورلاندو
• بالنـسبـه لـتـأجيـر السيارات
• بخصوص اوراق المقابله

اخي الكريم ..

امورك باذن الله تمام .. مادام وعدوك انه بيكلموك باذن الله بيكلموك !!

لو فيه اي مشاكل كان يقلك في وجهك !!

لا تخاف وتوكل على ربك .. وبيكلموك بعد شهر بالكثير باذن الله ..

بالتوفيق :24:

ان شاء الله اخي gsamer تطلع الفيزا سريع وبالتوفيق ودي اسالك

متى رحت السفرة
كيف الاجراءات وكم استغرقت من مدة
الاسئلة كيف طبيعتها واللي مايعرف انجليزي وش يسوي يتورط

احكي بالتفصيل وش صار والله يوفقك ان شاء الله

ان شاء الله خير

:110::110::110:

المشاركة الأصلية كتبت بواسطة اضواء المدينة
http://www.arabtravelersforum.com/tr...5/#post1815671

ان شاء الله خير

:110::110::110:




اخي الكريم ..

ان الله مع الصابرين ... اصبر وتوكل على ربك وهو الي بيفرجلك اياها ان شاء الله اذا لك خيرة فيها !!

وبالنسبة لموضوع اخينا gsamer ففيزته تختلف عن فيزتك هو سياحية وانت دراسية !!

فلا تخوفه وتخوف نفسك :109:


وحاضرين لجميع الاستفسارات .. وبالتوفيق للجميع :24:

الف شكر اخوي Impact على مداخلتك..والله يسمع منك ويطلعونها لي ان كان فيها الخيرة..

اخي ايوان ,
رحت للسفارة يوم الاثنين 4 فبراير..
بالنسبة للاجراءات, المواعيد اللي تحجزها مالها اي داعي.. لانه اللي يصف بالطابور خارج السفارة قبلك يدخل قبلك..
وانا صفيت من الساعة 7 الا ربع .. وفتحوا الابواب الساعة 7 وربع تقريبا وكان قدامي تقريبا عشرين شخص

لانهم يشيكون على اوراق المتقدمين واحد واحد قبل لا يدخلون السفارة.. وبعدين تدخل جوا وتاخذ رقم عشان يشيكون على اولاراق مره ثانية ويشوفون النواقص وتكملها..

بعدين تروح وتاخذ رقم مره ثانية عشان البصمات والمقابلة..

انا جلست في السفارة 3 ساعات.. وكانت الاجراءات جيدة وعا ما وتعاملهم جيد جدا..

بالنسبة للمقابلة.. سألني عدة اسألة عادية.. مثل:
ليه بتروح لامريكا؟
قد رحت قبل كذا؟ وليه رحت؟
كم لك سنة مع عملك الحالي؟
انت درست في الجامعة الفلانية؟ نعم درست

يعني تقريبا اسألة ما تطلع من المنهج لا تخاف

والله يسهل امورنا..




اضواء المدينة.. انا اعرف واحد مثلك قالوا له ندق عليك وكان مقدم على فيزا دراسية.. جلست تقريبا 3 شهور وبعدين دقوا عليه وابشرك هو الحين يدرس هناك..
فلا تخاف الصبر زين..

مشكورين اخواني

سلام للجميع..

ولله الحمد تم الاتصال بي من قبل السفارة لمراجعتهم وتسليم الجواز لهم والحصول على الفيزا..
وفعلا ذهبت وسلمتهم الجواز وصدرت لي فيزا حتى فبراير 2010..

الف شكر لكل من تفاعل معي..وللمشرف الغالي Impact
تحياتي للجميع..

بالتوفيق كم اخذت معك مده من اول ماقدمت اوراقك لين استلمت الفيزا

هل شهرين مده كافيه للتقديم واستلام الفيزا ؟؟

المشاركة الأصلية كتبت بواسطة gsamer
http://www.arabtravelersforum.com/tr...5/#post1862031

سلام للجميع..

ولله الحمد تم الاتصال بي من قبل السفارة لمراجعتهم وتسليم الجواز لهم والحصول على الفيزا..
وفعلا ذهبت وسلمتهم الجواز وصدرت لي فيزا حتى فبراير 2010..

الف شكر لكل من تفاعل معي..وللمشرف الغالي Impact
تحياتي للجميع..




العفو اخي الكريم ..

وهذا شرف لنا ...

والف مبروك الفيزا .. تروح وترجع بالف سلامة يارب :24:









المشاركة الأصلية كتبت بواسطة @ابوفيصل@
http://www.arabtravelersforum.com/tr...5/#post1862059

بالتوفيق كم اخذت معك مده من اول ماقدمت اوراقك لين استلمت الفيزا

هل شهرين مده كافيه للتقديم واستلام الفيزا ؟؟




اخي الكريم كل ماكان التقديم للفيزا اسرع لانك بتاخذ موعد في البداية يكون افضل !!

انا ارجح يكون التقديم للموعد قبل السفر بي 4 اشهر لان الموعد بتلاقيه بعد شهر من التقديم تقريباً الا اذا كان حظك ممتاز ولقيت واحد كنسل وانت جيت مكانه !!


بالتوفيق للجميع :24:

والله ياخوك السفر علي بداية شهر 6 وان شاء الله نقدم هاليومين الجايه والله يكتب الي فيه الخير .............. الف شكر لحرصك واهتمامك