الموضوع: جزر الكناريلاتفكر فيهامضيعة فلوس ووقت

كل اللي يفكر يروح جزر الكناري... هذي نصيحتي

والله غلطة عمري اني رحت لها انا والمدام بشهر العسل لكن صارت مضيعة فلوس على الفاضي...
جزر صحراوية ولو كانت بالمحيط وزارعين فيها كم شجر على الشواطي ، والفنادق وان معظمها خمس واربع نجوم الا أنها قديمة ويبدو أنهم مو مهتمين بتطويرها في الفترة الآخيرة.
لا الجو زين ولا خدمات وأكبر سوق مثل ميني ماركت عندنا وأخوانا العرب بكل مكان حتى هناك يبيعوا بالأسواق.
مايجوها الا الأوروبيين وخصوصا الألمان اللي مايبون الا يتسدحوا على الشاطي ويتلون بشرتهم من صقعة الشمس، يعني جدول رحلتهم بدون مبالغة تسدح تحت الشمس طوال اليوم وفطور وعشا بمطعم الفندق وبس.
والأدهى والأمر كل السياح أو معظمهم من كبار السن يعني 47 وفوق...كنا أنا وزوجتي كاننا أطفال بينهم .
حتى اللغة فين وفين احد يتكلم انجليزي.

الموضوع سبق وطرحته باقتضاب في ركن أسبانيا.

مواضيع عشوائيه ممكن تكون تعجبك اخترناها لك:

• أرجوا المساعدة في جزر الملديف
• ليالي بوروكاي الساحرة
• اللي عنده خبره في المالديف و ما جاورها يررشدني
• سؤال عن فندق في المالديف
• هل تستحق المالديف التجربة
• المقارنة بين موريشوس والمالديف وسيشل ؟
• ماهي الجزر الصغيرة في المالديف
• مساعده بخصوص منتجعات موريشوس
• الرجاء المساعده باسرع وقت بخصوص مورشيوس
• عاجل الاماراتية للمالديف ريال من الرياض
• استفسار عن فندق كورومبا
• المالديف الموسوعة الكاملة الجزء الثاني
• جزر موريشيوس مهدده باعصار بالايام القادمة
• ابي رايكم يا اهل الخبره
• طلب بخصوص جزيرة بالي
• استفسار بسيط بخصوص المالديف
• أفيدوني بمنتجع
• استفسار لفيزا المالديف
• استفسارات شهر العسل
• الوثائق المطلوبة في منتجعات وفنادق المالديف

يسلمو أخوي saudturki2000

بس ياليت أذا أحد من ألأخوان سبق أن زارها يعطينا رأية عشان يكون رأي جماعي و نشطبها من القائمة

معلومة مفيدة
ومن الحين مسحتها من الخريطة خلاص
بارك الله فيك

وابشر بالعوض مادامك طالع شهر عسل
اطلعك اسبوع بشرم الشيخ انت والمدام محفولين مكفولين بسويت او شاليه
وينسيكم شهر الكناري مدري الدجاج
هههههههههههههههههههههههههههه

****************

تراي جاد بعرضي لك وراسلني بالخاص ولاتستحي

يالله معوضين بس حلاتك سائل عنها او ماخذ معلومات وشايف لها صور قبل لا تروح هناك

بس بيني وبينك هذا جو الجزر يعني هذا استايلها ما إلك الى البحر والمناظر البحريه وهكذا..

مادري ما ابي ألومك بس الله يعوضك المره اليايه

الاخوان ..شكرا على المرور...

نيو ان لاند...بالعكس..أنا ماشجعني لروحتها الا اني شفت بروشورات سياحية عن الجزيرة والفنادق وكأنها جنة الله في الأرض..لكن الصور تعكس الواقع....

كينقدوم..شكرا حبيبي على هالمشاعر......

والمضحك ..اني أنا والمدام كل ما تذكرنا هالجزيرة نضحك ونقطع ببعض..... وقالبينها من الذكريات المضحكة....:gathering

بس جد ماأنصح فيها اطلاقا..ولايغركم اسمها جزر الكناري...والله انها جزر غربان وتخب عليهم..

هههههههههههههههههههههههه


حلوه غربان

الله يعينك
بس الحمدلله على كل حال

اتوقع كل الجزر نظامها كذا شاطي وفندق وبعضهم يزيد في الانشطه (جولف - دراجات - خيول )
لكن اللى يروح للجزر لازم يحط في باله انه ماقدامه الا البحر وخلف الفندقه
واحس انها اكثر شي تنفع للاجناب اللى يتسدحون عند البحر ويسبحون وفي الليل حفله في البار
ياليت الى راحو لها يعطونا رايهم

الله يعوضك خير أخي.

وإن شاء الله الله يكتب لك رحلة أخرى قريبا تنسى فيها جزر الكناري.

وبالفعل كما ذكر الأخوة بأن نظام الجزر كذلك فندق وبحر ، لذا فإننا لا نستمتع به كثيرا.


الله يوفقكم ويسعدكم .

السلام عليكم
هذه أول مشاركة لي في منتداكم مع اني دايماً أقرأ فيه عن الاماكن اللي اروحها قبل السفر عشان آخد معلومات في حال وجدت
الصراحة انا كنت من كام يوم في جزر النكاري انا و زوجتي و الحقيقة ان الجزيرة متل الجنة ماشاء الله.
يمكن الاخ ما حلفه الحظ انه ينبسط فيها لكن هي فعلاً رائعة. و اكثر السياح اللي فيها فعلاً من الالمان بعد الانكليز
الجزيرة مثل ما فيها رمال تشبه رمال الصحراء (و ليست بصحراء) ففيها كمان الخضرة و الجبل و الروعة.
افضل وقت للسفر ليها في الربيع و جوها دافئ بشكل عام على مدار السنة.
و اللي استغربته فيها ان الاسعار مش غالية زي ما توقعنا بقل ما نسافر بالماقرنة مع غيرها من الدول في اوروبا.
انا عكس الاخ انصح بالسفر ليها بس الواحد لازم يعرف وين يروح فيها و كيف يقضي الوقت و كام من الوقت يكفي.
الصراحة الجزيرة روعة و ان شاء الله اكتبلكم عنها كمان لو حبيتم

خضرة وجبال وروعة بجزر الكناري؟؟؟
الله لايعيدها من تمشية...