الموضوع: ارجوكم عندي استفسار مهم

السلام عليكم اخوتني عندي رحله علي الخطوط السعودية الرياض- فرنكفورت وتاصل الساعة 1445 وبعدها الساعة 17 عندي رحله داخلية علي الخطوط الالمانية الانتظار ساعتين فقط مابين الرحلتين
استفساراتي: هل المدة كافية وهل ادخل الجوازات والتفتيش وكيف استطيع ان اعرف مكان الصاله الخاصة بالرحلات الداخلية . وهل الحقائب تذهب للمحطة الاخيرة ام لابد من التفتيش بمطار فرانكفورت
وممكن اجد احد يستقبلني بمطار فرانكفورت ويدلني علي الصالات وبوابة الرحله الداخلية.
لا اجيد اللغة الالمانية ابد وراح اضيع بالمطار
ارجوا تردوا علي ولكم مني كل الشكر

مواضيع عشوائيه ممكن تكون تعجبك اخترناها لك:

• جدول لرحلتي أطلب منكم رأيكم فيه
• للأخ مشرف ألمانيا والأعضاء جميعا حفظكم الله
• ألمانيا والاطفال استفسار
• ما الافضل في رست بين فندق و
• حد منكم تم اعادة بصماته للفيزا ؟؟
• الطقس يا جماعه
• بخصوص الميزانيه وتقسيمها
• هل انا مهدد بالطرد والابعاد من المطار؟؟؟
• ارجو المساعده
• ارجو المساعدة للسفر الى المانيا
• رسم جدول لشهر عسل
• احتاج خبير
• ابي فزعتكم يا المكائن الالمانيه ضروري جدا
• عاجل ياخبراء المانيا
• ميونخ والميزانيه
• من كولون الى باريس بالشنغن
• ماهي المناطق التي سوف تقابلني في طريقي من قارمش الي انترلاكن بسويسرا
• يا شباب ابى مساعدة خبرة من للى يعرفون ميونيخ
• المسافة من هامبورغ الى دويسلدوف
• اين قمم الثلج الصيفية ب غرب المانيا

وهل عندكم ارقام اشخاص في فرنكفورت ممكن يساعدوني في حاله وصولي
سوال مهم واخير هل بعد ما انزل من الطائرة امر بالجوازات والجمارك والا علي طول اروح صالات الرحلات الداخلية

وعليكم السلام ورحمة الله وبركاته

المطار فيه ناس واجد يتكلمون انجليزي يعني لا تخاف .. توصل تختم جوازك وتدخل وتستلم الشنطة
وتروح تسوي check in للرحلة الثانية اذا هي على خطوط ثانية
اما اذا وقوفكم بس ترانزيت وعلى نفس الخطوط ما تستلم الشنطة الا بالوجهة الاخيرة

اشكرك اخوي وما ادري احد يفيدنا بمثل حالتي السفر علي الخطوط السعودية والرحله الداخلية علي الالمانية هل انزل ترانزيت ام لابد اختم الجواز وتفتش الشنط وعلما ان الوقت للانتظار ساعتين ما ادري كافية ام لا

لا اله الا الله

ياليت احد يجاوبني

اذا بتدخل المانيا وتجلس فيها لابد تختم وتتفتش
والخطوط السعوديه تنزل بالتيرمنال 2 وتعتبر الاخف والاسهل اجراءات

تحياتي

المشاركة الأصلية كتبت بواسطة قايدعنادك
http://www.arabtravelersforum.com/tr...7/#post7973127

اذا بتدخل المانيا وتجلس فيها لابد تختم وتتفتش

والخطوط السعوديه تنزل بالتيرمنال 2 وتعتبر الاخف والاسهل اجراءات

تحياتي

اشكرك اخوي وهل مدة ساعتين كافية للتفتيش والختم والرحلات الداخلية علي خطوط الوفنهايز باي ترمنال وهل من السهوله انها اصدار بطاقة الصعود وشحن العقش وكل هذا من زمن الوصول فقط ساعتين من موعد الرحله الداخلية

ممكن اجد رقم شخص يستقبلني ويكون مترجم معي بمطار فرنكفورت حتي انهي اجراءات السفر للرحله الداخلية
اذا موجود ياريت احد يرسل رقمه

يابن الحلال الموضوع جدا سهل وبنفسك تخلص كل شي .. ساعتين كافية تضبط امورك وتخلص وتاكل وجبه بعد لو بغيت
انت يوم تنزل من الطيارة كل الركاب راح يمشون للجوازات خلك معهم لين توصل و يختمون جوازك .. بعدها شف على اللوحة يجي مكتوب Baggage Claim ومرسوم تحتها علامة شنطة .. ورح لها
ولا بغيت تسوي check in للرحلة الداخلية .. رح لاقرب مكتب بالمطار اي كاونتر او موظف وطلع له تذكرتك الداخلية وبيعلمك بالضبط وين تروح

الف شكر لك اخوي ويرزقك الجنه

موعد سفري الي المانيا 22/8/2013 من مطار الرياض علي الخطوط السعودية الي فرانكفورت - من معي بنفس الرحله؟؟

ههههههههههه... ما أدري مين اللي مروّعك ... وراك مرتاع بسم الله عليك..

ياحبيبي .. المسئلة أبسط مما انت تتوقع...

خلّك معي حبّه حبّه وانا بعلّمك...

اول خطوه هي انك تشوف في أي صاله راح تنزل وانت جاي من الرياض..

اذا زي ماذكر اخوي قايدعنادك في التيرمينال 2

اول ماتنزل من الطياره راح تركبون باص بيوديكم الى عند مبنى..

تنزل من الباص وتصعد على الدرج او المصعد ( اللي ودّك )

خلّك مع الناس...

اول شي بيقابلك الجوازات.. عطه الجواز.. وخل معك نسخه من حجز السكن لأنه ممكن يطلبها

ممكن يسألك .. وش عندك في ديرتنا ..؟؟؟ قلّه انا جاي سياحه...

بعد مايختم الجواز.. بتطلع من باب .. بيجيك مكان استلام الشناط

استلم شناطك وروح جهت الخروج..

بتلقى قدّامك مخرجين..
واحد احمر (( اذا عندك شي تبي تصرّح عنّه.. مثل مبلغ كاش فوق 10،000 يورو او كميّة دخان كبيره ..الخ ))
الثاني اخضر .. معناته مامعك شي وتقدر تتوكل على الله وتمشي لأنه مافيح احد بيطالع فيك..

كل هالمسئله ماراح تاخذ منّك اكثر من نص ساعه...

بعد ماتعدّي من البوابه .. شف التذكره وين مكان البوابه..

فيه تلقا قدّامك مكتب دائري فيه موظفين.. هذا حق الاستفسارات..
ورّهم التذكره وهم راح يعلّمونك وين تتوجّه..

اذا في نفس المبنى .. تروح للكاونتر ونفس الاجراءات المتّبعه...

اذا كانت الرحله في المبنى الثاني ..اللي هو تيرمنال 1

عندك طريقتين.. اما من عند الكاونتر تصعد فوق وتلقى فيه قطار داخلي ينقلك الى التيرمنال 1

او تطلع مع الباب اللي قدام الكاونتر وبتلقى باص يجي كل عشر دقايق مكتوب عليه تيرمنال 1

...........

وخلاص... توته توته خلصت الحتوته...

الف الف الف شكر لك اخوي ان فقط قلق بالنسبة للوقت لان بين الرحلتين فقط ساعتين واخاف ما يمدي تعرف جاي علي السعودية وطالع رحله داخلية علي الالمانية هذي الحكاية اخوي

الهم لاسهل الا ما جعلته سهل وانت تجعل الحزن اذا شئت سهل

السلام عليكم .. اخى لا تقلق ان شاء الله .. الموضوع بسيط جدا كما ذكروا الاخوة الكرام .. فقط عليك ان تكون حذر فى اى اتجاه سوف تسلك .. واى مساعدة انا حاضر

وفقك الله واعانك على الخير

[QUOTE=Ahmed Hassanin;7992271]السلام عليكم .. اخى لا تقلق ان شاء الله .. الموضوع بسيط جدا كما ذكروا الاخوة الكرام .. فقط عليك ان تكون حذر فى اى اتجاه سوف تسلك .. واى مساعدة انا حاضر

وفقك الله واعانك على الخير[/QUO
اشكرك اخوي