الموضوع: استفســار للآهميــه

السلام عليكم ورحمة الله وبركاته


حابه ستفسر بخصوص بعض الشغلات واتمنى الافاده

ناويه اروح كويت بداية 12 يمكن عالعيد او بعده

وعجبتني هالفنادق والمنتجعات وابي منكم ترشحون لي الافضل بينهم كوني انا والوالده بنروح ونبي غرفه لشخصين مع البريك فاست

ريتز سالميه___فندق وابراج شيراتون___موفنبيك البدع___شاطئ النخيل؟؟؟؟

وبالنسبه للسيارات التأجير مع سايق تقريبا كم ممكن توصل اسعارها لو على مدى 3 ايام ووين احسن مكان تأجير سياره بسايق؟؟؟او تفضلون التاكسي وهل ممكن تكون عالخدمه ف اي وقت وبخبره في كل مناطق الكويت ومجمعاتها؟؟؟؟


بانتظار ردودكم الكريمه

مع خالص الشكر

مواضيع عشوائيه ممكن تكون تعجبك اخترناها لك:

• استفساااار من جار قريب
• السكن في شقق جامايكا إن
• الحجــوزات
• ياأتباع محمد الدال على الخير كفاعله
• عروض الخطوط الجوية الكويتية
• نخيتكم يابنات الكويت وعيالها
• فضلاً لآ أمراً أرجو الرد ،، لمن لديه إجابة
• شاليهات الدانه
• غترة بيضاء فاخرة أين أجدها ؟
• اااخر طلب لاني الخميس بالليل ماشي
• مجمع العربيد ماهو رخيص ولاحول الرخص
• تكفون ياشباب الكويت الفزعة
• السفير انترناشيونال
• كيف اسعار العود والبخور في الكويت
• طيران الجزيرة تدشن رحلاتها إلى سوهاج مطلع ديسمبر المقبل
• فى جده حى العزيه شارع الصاحفه بجانب نادى الاتحاد
• وش رايكم بفندق ايباس السالميه او ميراج سويت
• مولات الكويت؟
• الاجانب شنو يعجبهم بالكويت؟؟
• مقولة السكن غاااالي؟

و عليكم السلام و رحمة الله...

-----------------------

حياكم الله في بلدكم الثاني الكويت,,,
و تمنياتي لكم بقضاء إجازة سعيده فيها.

----------------------

أحببت أن أنوه في بداية الأمر عن
كتابة المواضيع في أماكنها, و هو
في ساحة الإستفسارات,,,

---------------------

ثانياً,,,
أقترح عليكم و بشدة السكن في موفنبيك البدع,
أو شاطئ النخيل الملاصق له كذلك.

سبب اختياري لهذين الفندقين...
وقوعهما في منطقة البدع الساحلية, و التي تكثر
فيها المنتجعات و الفنادق الراقية,

إضافة إلى قربها من السالمية, حيث المسافة لا
تزيد عن دقيقتين إلى شارع الخليج العربي, و
المجمعات التجارية في شارع سالم المبارك.

و ترشيحي أولاً لموفنبيك البدع, يضم عشرات المقاهي
و المطاعم الراقية جداً على أسواره, إضافة للفخامه
و الخدمة الممتازة التي يتمتع بها.

و من ثم لشاطئ النخيل, حيث يقع بالقرب من الأول...
و يضم بعض لمقاهي و المطاعم, و هو أدنى قليلاً بالمستوى
من منتجع موفنبيك.

--------------------------






Movenpick Hotel & Resort Al Bida'a
فندق و منتجع موفنبك البدع

التصنيف : مع مرتبة الشرف!!!
العنوان : طريق التعاون, البدع.
Tell : (+965)22253100
http://www.moevenpick-hotels.com/hot...it/welcome.htm
معلومات : أحدث فنادق و منتجعات الكويت و يتميز بموقعه المميز و فخامته و تعدد أنواع السكن فيه.
أنواع السكن:-
1- الغرف : سوبيريور - ستاندرد - ديلوكس, و تبدأ اسعار الغرف من 50-55 دينار.
2- السويت : غرفة - غرفتان - ثلاثة غرف, بمتوسط سعر 130 دينار.
3- امباسدور سويت(نظام شقة) : غرفتين - ثلاثة غرف.
4- فيلا بأربعة غرف, مكونة من طابقين, و بها صالة واسعة مع مطبخ و غرفة طعام.
محتويات : يضم الفندق بالخارج عدد كبير جداً من الكافيهات و المطاعم الفاخرة(12مطعم و مقهى تقريبا).

The Palms Beach Hotel & Spa
فندق و منتجع شاطئ النخيل

التصنيف : يستحقها بكل جدارة
العنوان : طريق التعاون, البدع.
Tell : (+965)5646266
http://thepalms.com.kw/
معلومات : يعد فندق و منتجع النخيل من أبرز المنتجعات في البدع و أفضلها, و يضم أفضل انواع السويتس التي تحسس الزائر بالراحه.
أنواع السويت:-
1- بالمز1, 2- بالمز2, 3- اكسكيوتف سويت.
4- سويت مطل عالبحر, 5- رويال سويت, 6- امبيريال سويت.
محتويات : يوجد في هذا المنتجع عدد من المقاهي الخارجية مثل ستاربكس و غيرها و مطاعم الراقية.

---------------------------

اقتراحات أخرى :-
فندق المارينا بالسالمية - فندق هوليدي ان السالمية - كورنيش السالمية

للمزيد من الفنادق و المنتجعات:-
http://www.arabtravelersforum.com/travel159240/

--------------------------

بالنسبة للأتأجير, راح يطلع عليكم بلا
شك أغلى من التاكسي, لان راح يكون معاكم بشكل دائم.

و يوجد بالكويت تاكسي تحت الطلب, و هو النوع...
الذي تتصلين عليه قبل مغادرتكم للمكان, فيكون موجوداً.

و في هذا الرابط عدد من شركات التأجير...
تستطيعون الإستفسار عن خدمة التأجير:-
http://www.arabtravelersforum.com/post2379213-3/

---------------------

تقبلوا تحياتي.

حياك الله في الكويت... وأضم صوتي لمشرفنا العزير أبو ضاري

شكرا ضاري عالافاده ماقصرت

وان شاء الله مايصير الا كل خير بس بالنسبه للتاكسي تحت الطلب ممكن توضح لي محل بالضبط مختص او كلهم ممكن يقدمون هالخدمه؟؟؟

الله يحيك المتفائل جدا

كل شركات التاكسي بالكويت...
فيها النوع الجوال, و نوع تحت الطلب.

الجوال : هذا موجود بالمجمعات التجارية,
و بالشوارع و المراكز و غيرها مثل الأسواق.

تحت الطلب : هذا أيضاً موجود بالشوارع و المجمعات...
لكنه بالبداية متخصص لمن يتصل عليه يكون موجود له سواء
فندق أو مجمع او منزل او او...

تقبلي تحياتي.

شكرا ضاري كلك ذوق عالاهتمام


بس ياليت تعطيني رقم واسم لمحل ممتاز يوفر سيارات تحت الطلب؟؟؟

واكوا مشكله اتصلت امس باللي استفسر بالنسبه لاسعار الغرفه او السويت لشخصين قالو لي 1800 هذا بكويت وبالعمله القطريه

اليوم اتصلت سفريات زينه عندنا جان يقولون لي تبين الفندق او المنتجع؟؟؟ استغربت وعطوني سعر الفندق1650 وسعر المنتجع1630؟؟؟


شالافضل وياليت منك توضيح لهالاسعار؟؟؟ والفندق والمنتجع شالاحسن؟؟

ومع الشكر

انا خلاص حطيت ف بالي موفنبيك بس طرحت المشكله اللي هي بخصوص ان لما اتصلت واستفسررت من الفنددق قالوا لي سعر غير عن السعر اللي عكوني اياه ف السفريات عندنا بالدوحه وغير ان بالدوحه حددوا اذا ابي الفندق او المنتجع وماني فاهمه هالشغله اتمنى حد يوضحها لي؟؟؟

وعجبني المارينا والشيراتون فهم ف المرتبه الثانيه لو ماخذنا ف الموفنبيك بس شالاحسن المارين او الشيراتون؟؟

المارينا طبعاً لا يعلى عليه و هو في شارع الخليج العربي...
بمنطقة السالمية, و تابع لمجمع المارينا.(الأفضل في السالمية)
و بإطلالة جميلة على شاطئ خاص فيه...
و خطوات قليل من المجمعين, و خطوات أخرى لشارع سالم المبارك
المليئ بعشرات من المجمعات التجارية.

-------------------------

و بالنسبة لأستفسارك...
يوجد فندقين موفنبيك في الكويت.

الأول في المنطقة الحرة , فندق موفنبيك الكويت.
الثاني في البدع, موفنبيك البدع.
و اللي طبعاً نقصده في الموضوع هو البدع طبعاً.

و أود أن أنوه بأن السفريات دائماً اسعارها أرخص
في الحجوزات.

------------------------------

بالنسبة للتاكسي...
كل الشركات تؤدي نفس الغرض...
و توجد عشراات الشركات الخاصة بالتاكسي.
و كلهم يوجد لديهم الجوال و تحت الطلب.

لذا لن تجدي مشكلة في الحصول عليها...
و للمزيد من المعلومت, يوجد كشك لدا وصولكم في المطار...
للإستعلامات و الإستفسارات السياحية في صالة الوصول.

---------------------------

تقبلي تحياتي.

حياج الله حبيبتي في بلدج الثاني واقترح عليج موفنبيك البدع ( النخيل ملاصق له ) أو مارينا لانهم قريبين لشارع الخليج وسالم المبارك ( المجمعات والاماكن السياحيه )
اما بخصوص السايق احسن تاكسي عندنا بالكويت تاكسي تحت الطلب تدقين عليه يجي لج بعشر دقايق احسن وتحاسبينه يطلع ارخص لج 1808080 هذا رقم بداله تطلبين منها اي شي تبينه اطلبي التاكسي منهم قوليله عنوانج ويعطيج اقرب تكسي لج موفقه

ماقصرت معاي ياضاري وثقلت عليك بس اخر سؤالين اخذ منتج الموفنمبيك او المارينا؟؟؟

واحجز من الدوحه واخلص كل امور الدفع كامله ف الدوحه لان السفريات قالوا احجزي ودفعي عندنا وبنعطيج التذاكر وفاتورة الفندق او احجز بكويت ابي الاضمن؟؟؟؟

واخوي انا قصدت ان قالولي بالسفاره ان هو فندق ومنتجع اللي يقصدونه الموفنبيك وقالولي وين تبين بالضبط ف الفندق او المنتجع وانا ابيك ترشح لي الافضل واتوقع هم عارفين اني اقصد موفمبيك البدع وغير جذي اتوقع الاسعار تطلع ف الدوحه ارخص عندكم بفارق 50 وماتحت!!!

هلا أختي بالعكس هذا واجبنا...

بالبداية أقترح عليكم الحجز من السفريات...
لأنها مضمونة و أرخص, و ممكن توفر عليكم وقت كذلك.

ثانياَ, السكن في الموفنبيك البدع اهدء و ارقى نسبياً من المارينا...
كونه منتجع بحري و يضم مطاعم و مرافق, يعني متكامل.

لكن المارينا كذلك افخم فندق بالسالمية, و هو بحري و قريب من
الأسواق يعني ممكن ماتحتاجون للتاكسي في حال التسوق بالسالمية.
و هو فندق كذلك فخم و راقي جداً
"عن تجربة شخصية, و هو حاصل على أرقى الجوائز العالمية".

وبخصوص الفندق او المنتجع...
مثل ما قلت لج اختي تحجزين بالمنتجع...
لأن المنتجع هو موفنبيك البدع, و اسمه واضح اصلاً بموقعهم الرسمي
"موفنبيك البدع."
أما فندق الموفنبيك, فهو الذي يقع في المنطقة الحرة.

كلج ذوق حبوبه ركاز81 وان شاء الله امشي على ذوقكم ويكفيني طبعا وفوق هذا صور المنتجع الروعه بس انا قلت المشكله اللي هي السفريات قالولي المنتحع او الفندق ومحتاره وماطرى ف بالي ان المنتجع مو مرتبط ف الفندق بشكل كامل ومحتاره احجز وادفع كامل اهنيه او بكويت واخاف مااحصل حجز لو ماحجزت ودفعت اهنيه وبالنسبه لرقم البداله اقولهم ابي تاكسي تحت الطلب وبيفرونه لي على طول او اكو اسم لمحل معين؟؟

خلاص باجر اتصل السفريات واتأكد اكثر واشوف ردهم وطبعا المنتجع هذا بالسالميه يعني ماراح نتكلف من ناحية بعد المسافه من المنتجع للمجمعات!!

وراح ابشركم اذا تم كل شي على خير ان شاء الله

حبيت ابلغكم ان حجزنا ف فندق هوليدي ان سالميه لمدة 3 ليالي وهذا كان على راي امي وقلنا لو بنروح مره ثانيه بنكون اكثر عدد وبنقعد ايام اكثر بنحجز ف موفنمبيك بس دام انا وهي ناسبها الفندق وعسانا نستانس ف الديره اللي عشت فيها 4 سنين ف صغري واشتقت لها حيل

حبيت تعطوني ميزاات اكثر عن هالفندق وقرب والمجمعات والمطاعم منه لأي مدى؟

وتقبلوا تحياتي

المشاركة الأصلية كتبت بواسطة n3ooma
http://www.arabtravelersforum.com/tr...2/#post2463972

حبيت ابلغكم ان حجزنا ف فندق هوليدي ان سالميه لمدة 3 ليالي وهذا كان على راي امي وقلنا لو بنروح مره ثانيه بنكون اكثر عدد وبنقعد ايام اكثر بنحجز ف موفنمبيك بس دام انا وهي ناسبها الفندق وعسانا نستانس ف الديره اللي عشت فيها 4 سنين ف صغري واشتقت لها حيل

حبيت تعطوني ميزاات اكثر عن هالفندق وقرب والمجمعات والمطاعم منه لأي مدى؟

وتقبلوا تحياتي



الفندق مصنف من فئة الـ4 نجوم...
و امانه يتميز بخدمة رائعة جداً بتجربة...!

يقع الفندق ببداية شارع الخليج العربي,
و من الخلف بداية شارع سالم المبارك...

يقع مقابل الفندق المركز العلمي...
أكبر أكواريوم في الشرق الأوسط, و يضم سينما أي ماكس
و قاعة للإستكشاف و ردهة للمطاعم و المقاهي, و ممشى بحري "كورنيش"
متصل إلى مجمع المارينا عبر شارع الخليج العربي,
(زيارته ضرورية جداً)

و نأتي إلى المارينا قريباً من المركز العلمي...
أكبر مجمع في السالمية, و يضم ثلاث مباني,,,
الأول المجمع الرئيسية, و الثاني مجمع للمطاعم و المقاهي...
و الثالث فندق و فيه مطاعم راقية,,,
بالإضافة لمطاعم واقعة على الكورنيش مثل ماكي الياباني و هارد روك.

بشارع سالم المبارك يوجد عشرات المجمعات التجارية راقية المستوى...
كمجمع الفنار, ليلى جاليري, البستان, الثريا, بلازا, جاليريا, مريم...الخ
و العديد من المطاعم السريعة و الراقية بالإضافة للمقاهي و المحلات المفتوحة
بآخر شارع سالم المبارك "يسمى بحوش السالمية".

ابتعاداً بشارع الخليج العربي...
توجد حديقة الشعب الترفيهية, بعدها أبراج الكويت...
و بعدها الأكوابارك"القرية المائية بها ايام خاصة للنساء",,,
و بعدها سوق شرق واحد من أكبر مجمعات المنطقة.


و اي استفسار احنا بالخدمة.

ماقصرت معي ياضاري وماراح انسى لك هالتجاوب السريع والكافي

انا امي تشجعت لهالفندق وبعدها قالت ليتنا خذنا ف المارينا لان ف البدايه ماجبت لها طاريه كوني شلته من بالي بس لما سألت عقب ماحجزنا قالوا لها المارينا حلو بس يللا المرات الجايه ان شاء الله لما نجي على شهر فبراير او مارس

وحجزنا على الخطوط الكويتيه برغبة امي وان شاء الله نستانس بكويت ونقدر نسوي جدول للمجمعات الحلوه عندكم عشان نزور الاغلب منها

بس ليت تكون في افاده بالنسبه لمركز حنان دشتي وين فرع قريب لها عالسالميه ؟؟

واعتبروه اخر سؤال لاني طولت عليكم حيل ولكم خالص شكري

هلا حبيبتي ,, و حياكم الله في الكويت ,, و يا حبي لكم يا اهل الدوحه ..

حبيبتي الفندق اللي اخذتوه مكان ممتاز و الله يهنيكم ,,

بالنسبة لاستفسارج عن مركز حنان دشتي فهي لها 3 فروع ..

1- في بنيد القار في فندق سفير بستكي و هذا يبعد عن فندقكم تقريبا ربع ساعه .

2- في حولي و يبعد عن الفندق ما بين الربع ساعه الى ال 10 دقائق .

3- في ابوحليفة اللي يعتبر ابعد مكان بالنسبه لفندقكم لانه يبعد عنكم تقريبا ما بين الثلث الى النص ساعه .

و اي خدمة ثانيه انا بالشوفه ولو تبيني اخذ لج جوله في الكويت من عيوني

والله ماتقصرين نويزي غيرل وعلى راسنا هل الكويت
انا اليوم اتصلت مركز حنان دشتي وقالوا لي الاقرب حولي وان شاء الله خير
واتمنى اشوفج ف كويت كوني من زمان مارحتها وبكون مع الوالده بروحي ومن الحين تقولي شوفي لج حد يجي معانا عشان مااطلع معاج دوم ههههه تحاتي دوارة المجمعات

حياج الله بالكويت
و الاعضاء جزاهم الله خير ما قصروا

تسلمين المرام الله يحيج

هلا حبيبتي n3ooma ,,

تقدرين تطلبين ايميلي من الادارة علشان اقدر اتواصل معاج عدل

لان قوانين المنتدى ما تسمح اني احط ايميلي هوون