الموضوع: أفضل محل حلوى بحريني

السلام عليكم ورحمه الله

الاخوة الاعزاء

ما هو أفضل محل لعمل حلوى بحرينيه؟

شكرا

مواضيع عشوائيه ممكن تكون تعجبك اخترناها لك:

• فندق في البحرين رخيص
• من يعرف منتجع البحرين الصحي وكيف أسعاره؟
• عاجل معلومات لشركتين في البحرين
• وكالة جاكور في البحرين
• احتاج فندقشقق حلوه تسمح بالعزاب بشرط يكون فيها واير لس للانترنت
• افضل منتجع في البحرين
• اعطوووونا رايكم يالخبراء؟؟؟؟؟
• مطاعم الافطار
• سؤال
• دليلنا الى البحرين معلومات
• أحد يدلني سوق السمج؟؟
• وين تنصحوني اروح فيه بالبحرين
• المبلغ المالي المصرح بالدخول والخروج
• تأجير سيارة فاخرة بالبحرين
• مساااعدة لزيارتي الاولى في البحرين
• فطور شهر رمضان
• الحمد الله اليوم رجعت بالسلامة من بلدي الثاني البحرين
• عااااااااجل جدااااااااا
• عن فندق
• مطعم مرمريز

أفضل محل حلوى
حسين شويطر ،،،، وعنده فرع في مجمع العالي وفرع في شارع المعارض 0

تظل مسألة أفضل محل خاضعة للأذواق الشخصية وتختلف من شخص لآخــر
وبالتالي من الأفضل لكل راغب بالحلوى أن يذهب إلى المحرق ويدور على محلات الحلوى المختلفة ويذوق بنفسه ويحدد الأفضل وهي متلاصقة بجانب بعضها البعض

عن نفسي أفضل مروج المحرق

أفضل مروج المحرق

تعبت اسافر

كنت افضل مروج المحرق
بس يوم جربنا حلوى الخلود
صار احلى والذ عندي

حسين شويطر والمحرق وحلوى الخلود بارك الله فيكم.
ولكن ما هو أفضل محل في المحرق واين يقع حلوى الخلود وما هي أنواع الحلوى وكيف أعرف الجيد من غير الجيد وهل صحيح ان الحلوى الموضوعه في صحن مفتوح افضل من العلبه؟

شكرا

والله على حسب الذوق ياخوي
ذوق واحكم بنفسك
والاسعار من دينار ونص إلى 5 دنانير
وكل وحدة شكل


ىخر مره اشتريت من جمال شويطر وبصراحة شغله حلو

اخي الناس اذواق

انا افضل

1)) جاسم محمد شويطر

2)) المروج
(( يقال انها افضل حلوى بالبحرين الان-يفضل شراءها من المصنع_ فريش يعني))

الناس اذاواق

ويفضل ان تذهب وتتذوق بنفسك

حلويات المروج

بالنسبة لرايي وذوقي:

1. حسين شويطر
2. مروج المحرق
3. جاسم شويطر
4. جمال شويطر

وكلهم متقاربون جداً في الطعم والجودة،،
.
والمنافسة طبعاً رفعت الجودة وقاربت بينها،،
وأفضل مكانين تشتري منهم الحلوى الطرية الطازجة هما:
1. سوق المحرق (تجد فيه الحلوى الطازجة من مصدرها الأصلي) ...
2. سوق المنامة القديم - المنقطة التي تسمى بسوق الحلوى ... أيضاً حلوى طازجة ومحلات صغيرة وشعبية وتجد فيها محلات الحلوى على طبيعتها التراثية القديمة وبأسعار رخيصة..
.
.
وطبعاً الحلوى أنواع،،
يوجد الحلوى الحمراء (التقليدية) والحلوى الخضراء ... وتوجد أحياناً الحلوى الصفراء (الملكية)
وكل صنف يتوفر بالسمن النباتي أو الحيواني .. والإضافات أيضاً تؤثر على السعر والجودة ... فمثلاً نوعية المكسرات التي تحشى بها الحلوى وكميتها ... أحياناً تأتي الحلوى بالمكسرات العادية وأحياناً بالصنوبر ... وأحيناً ببذرة اللوز الغالية الثمن نسبياً ..؛
.
وكل محلات الحلوى تبيع إنتاج اليوم،، ولكن للاحتياط يجب السؤال والتأكد من أنه إنتاج اليوم وليس إنتاج سابق وتم تسخينه ليبدو طرياً،،

وكما أشار أحد الأخوة أن الحلوى التي بالقالب الكبير تكون أطرى من الحلوى المعلبة غالباً،، إلا إذا تأكدت من أن الحلوى المعلبة مسبقاً هي من إنتاج اليوم ..؛
.
.
ولا تنسى احتساء فنجان من القهوة العربية الطازجة بعد تذوق الحلوى ... لتكتمل اللذة

يقال

سابقا لم يكن منافسا لشويطر

الآن حلوى الخلود هي في الصدارة

والناس أذواق

صحيح كل من يمدح الخلود
وعن تجربة لذيذة
وقبل ما تشترون تقدرون تاكلون منها وتذوقونها اذا ما عجبتكم تروحون مكان ثاني يعني تشبعون وانتو تمشون وتذوقون :109:

وين نلقى حلوى الخلود يا ليت تحددون المحل

حلويات الخلود
في المحرق
في مدينة حمد(سوق واقف)
في مدينة عيسى

المشاركة الأصلية كتبت بواسطة بحرينية وافتخر
http://www.arabtravelersforum.com/tr...5/#post1036615

حلويات الخلود
في المحرق
في مدينة حمد(سوق واقف)
في مدينة عيسى



أيضا أختي بحرينية يوجد فرع له بالرفاع ، تشكرااااااااااااتي

ياااااااااه
دخلتوا في خاطري الحلوى .. زين جذيه ههههههه

يالله من بيروح البحرين يجيب لي حلوه متروسه صلوم حمرا وتكون حاره ههههههههههههه

طيب والزلابيا الي تجي صغار ولذيذة وين احسن مكان يسويها ؟

أفضل مروج المحرق
وحلوى الخلود
وشويطر شوي تراجعت للوراء ماعادت مثل اول

انا صارلي اخر مرة رحت البحرين قبل عشرين سنة
والاسبوع الي طاف جتني عرة ورحت البحرين بروحي
طبعا البحرين تغيرت حيل ما اشاء الله تبارك الرحمن
طبعا ضعيت وما ادري وين اروح
قعدت الف بسيارتي ليما شفت محل جمال شويطر واخذت منهم حلوى ملكية ورديت الكويت ووديتها الديوانية كلهم استانسوا منها

والحين تقولون بعد في حلوى احلى شلون راح يطلع طعمها

همممممم جذي افكر ايي البحرين مرة ثانية

تحياتي

المشاركة الأصلية كتبت بواسطة balsam
http://www.arabtravelersforum.com/tr...4/#post1057064

انا صارلي اخر مرة رحت البحرين قبل عشرين سنة
والاسبوع الي طاف جتني عرة ورحت البحرين بروحي
طبعا البحرين تغيرت حيل ما اشاء الله تبارك الرحمن
طبعا ضعيت وما ادري وين اروح
قعدت الف بسيارتي ليما شفت محل جمال شويطر واخذت منهم حلوى ملكية ورديت الكويت ووديتها الديوانية كلهم استانسوا منها

والحين تقولون بعد في حلوى احلى شلون راح يطلع طعمها

همممممم جذي افكر ايي البحرين مرة ثانية

تحياتي



:109: :109: :109: :109: :109: :109:
شكلك كنت مع اهل الكهف... 20 سنه ياللي ماتخاف ربك...

والله لو اخذ اسبوعين عن هوا البحرين يطير مخي من مكانه.

و اكبر دليل كله اقول

تبين عيني لك عيوني انا وكل ما املك *** فدا ارضك ياشوق اللي اذا باعدت يناديني


المهم نرجع للحلوى

شخصيا انا اشتري

المروج او جاسم الشويطر بالنسبه للحمرا

اما الخضرا اشتري زهور المحرق "عجيبه"

و في شي عجيب يمكن وايد من زوار البحرين مايعرفونه. (السمبوسه الحلوه) عند جاسم على ما اعتقد يبيعها على 25 ريال . لكن شي خطير جدا جدا جدا.
مره جبتها العمل و تهاوشوا عليها

الزلابيا تحصلها في محلات المتاي

واشهرها محل اسمه : متاي المحرق

واكيد بتحصل الزلابيا في معظم محلات الحلوى

لكن المختص فيها محل متاي المحرق
طبعاً من اسمه يبين ان مكانه في سوق المحرق

انا بصرراحه الخـــــــــــــــــــــــــــــــــــــــــــلود وبس

بنسبه لي طبعان

أفضل حلوى مروج المحرق (( تعجبني قليلة الزيت ))

مروج المحرق. في نوع عنده بـ 3 دينار .

قوله يحطه في صحن و جرب .

المشاركة الأصلية كتبت بواسطة بحرينية وافتخر
http://www.arabtravelersforum.com/tr...6/#post1031516

كنت افضل مروج المحرق
بس يوم جربنا حلوى الخلود
صار احلى والذ عندي



السلام ونتي صادقه المروج والخلود لا يعلا عليهم والخلود الي في الرفاع الشرقي

الحقيقة أنا جربت أغلب محلات الشواطرة وجربت الحلواجي
بس افضلهم من وجهة نظري جاسم شويطر خاصة الحمرة(3 دنانير) وتاخذها بـ 2:500
والخضرا ايضا حلوة
بس الملكية ما أحس إنها تجيب راسي مثل الحمرا (وجهة نظر)

أنا جربت حلوى حسين شويطر و هي حلللللوة و متميزة

و حلوى مروج المحرق حلوة و مضبوطة

ما جربت الخلود للحين ، بس إن شا الله قريب

احسن شي حلوى مروج المحرق

بس الحين صار خاطري اجرب حلوى الخلود لم سمعتكم تمدحونها

بجربها اليوم مدام في لها فرع بالرفاع !!

و بالنسبه للي يسال عن الزلابيه ..

في زلابيه يبيعها واحد في ( الحد ) يمدحونها يقولون عجيبه

المشاركة الأصلية كتبت بواسطة ~ كاس عسل ~
http://www.arabtravelersforum.com/tr...6/#post1117196

احسن شي حلوى مروج المحرق

بس الحين صار خاطري اجرب حلوى الخلود لم سمعتكم تمدحونها

بجربها اليوم مدام في لها فرع بالرفاع !!

و بالنسبه للي يسال عن الزلابيه ..

في زلابيه يبيعها واحد في ( الحد ) يمدحونها يقولون عجيبه



للووولوولولوللووش الحد

اخيرا احد طراها :109: تسلمين كاس عسل
انا اقول لكم اي واحد اللي يبيعها هناك :109:

اسهل طريق....

للي جاي من المحرق .. بيجيكم كنتاكي على اليمين (في الشارع العام) شارع الحوض الجاف بعده اشاره ..طوفها .. الثانيه تودي يسار قلالي .. طوفها ... الثالثه .. لف معاها يمين .

هذا شارع معارض الحد :109: :109: الصياعه هناك:109: او الشارع الوسطي كما متعارف عليه هناك. المهم تمشون سيييييييييييييده لين تشوف محل السندباد للجوالات على اليمين (دعايه لمحل خالي) :109: تقريبا في نهايه الشارع بعده بشوي فيه محل يبيع زلابيا يمدحونه ... انا ما اكلها لكن وايد اسمع عن المحل هذي.

تحياتي ...

بصراحه حلوى الخلود وحلوى مروج المحرق افضل بمراحل من كل من يصنع الحلوى من ال شويطر وهم كثر ...والغريب ان حلوى الخلود ام دينارين ...افضل بمراحل ولا تقارن بحلوى مروج المحرق ام ثلاثه دينار ....شيئ فى منتهى الغرابه ...والمحلان متقابلان فى المحرق ويمكن ان تحكم بنفسك ...ياحظكم يا هل البحرين على هالمبدعين اللي عندكم

الغالبيه ترشح حلوى الخلود شجعتونا نجربها.

شهويتووووووووني حرام عليييييييكم عاد انا بأقصى السعوديه انا وين والبحرين وييييييين مالي الا اصبر للصيف وان شاء الله يجي الفرج والوالد يوافق نجي للبحرين

حلوى الشويطر احسن شي لانها اقدم شركه في البحرين ومعروفه من زمان لاتقولون لاخلود ولابطيخ مافي غير شويطر وبس

انا جربت من كم يوم حلوى جاسم محمد شويطر
والله ياناس روعه ولا يعلى عليها
وفي منها العمانيه بعد حلوة