الموضوع: الفزعه ياخبراء البحرين

السلام عليكم انا رايح البحرين الخميس وابغى اروح اماكن جديده كل مره اروح انا والمدام نروح للسيف نحضر فيلم او اثنين ونتجول شوي ونرجع انا ودي هالمره نغير وياريت ارائكم وين نروح والاماكن اللي تصلح للعائلات وانا نفسي احضر السيرك او مسرحيات ممكن علما ان الزياره من الصباح الى المغرب قبل الزحمه واذا فيه اماكن راح ارجع ازورها مره ثانيه وياريت الاماكن بالتفصيل لان اخوكم مو ذاك الزود يدل في البحرين ........... وشكراااا

مواضيع عشوائيه ممكن تكون تعجبك اخترناها لك:

• سلبيات وإيجابيات رحلتي للخبر والبحرين
• استفسار بخصوص اسعار الشاليهات في البحرين
• كيف الأوضاع عندكم في البحرين ؟؟
• بليززز ابي سكن عائلي في منطقة ستره
• استفسار لاهل المعرفه
• الخطوط الجوية الماليزية تبدأ رحلاتها للبحرين في يوليو
• محتار ،، أي فندق أختار ،، أرجو المساعدة
• ارجو المساعده من اعل الخبرة
• دلوني ياهل البحرين
• ابحث عن فنـدق خالــــي من السـم والدسـم ؟؟؟
• تحذير من فتح رسائل الجوال في البحرين ؟؟؟؟؟؟؟
• ممكن رقم حياة رجنسي البحرين
• بنات البحرين طلبتكم
• مطاعم لبنانية
• شقق فينيسيا في البحرين
• مطلوب فندق للعائلات
• جااااايكم يا اهل البحرين
• رايح البحرين كم يوم واحتاج فندق عائلي محترم راقي و اماكن ازوراها
• بخصوص فندف الخليج
• إمتلاك شقه في جزيره البحرين العرين

وين تروح في البحرين ما فيها غير مجمع السيف او المطاعم ما في شئ الواحد يسويه

روحوا سوق النامه في واااايد اشياء حلوه تقدر تضيع وقت هناك

اخوي جو البحرين ما يساعد على التمشي الخارجي فتشوف الكل منحشي في المجمعات

بس الحين الجو حلو وبارد ممكن تروح تتمشى في كورنيش الملك فيصل او الممشى عند جسر المحرق
روح العدليه فيها مطاعم وكوفي شوبات حلوه مثل ليلوز وكوكوز
وعندك كوفي شوب لا شوكولا في منطقة السيف بعد حلو

مرحبا اخوي...

صحيح الاماكن اللي تقدر تزورها بالبحرين قليله ... لكن الجو ها الايام حلو ويساعد زي ما قال احد الاخوان انك تتمشى في الكورنيش او تجلس في كوفيز فتوحه.

واكثر شي الواحد يقدر يسويه هناك انه يروح مطعم...

المطاعم متنوعه في البحرين و تقدر تغير جو عن السينما.

هلا بك اخوى سوبر فى البحرين

احب اقولك ان البحرين مب بس السيف او المجمعات مثل ما ذكروا باقلا الاخوان

انت لازم اتشوف المعالم التاريخية و السياحية فى البحرين...و اذا كان الوقت قصي بنسية لزيارتك لبحرين
فاحسن شئ تسوية انك تسوى لك برنامج كل مرة تزور موقع فى البحرين.
و بما ان الجو هل الايام فى البحرين وايد حلو
فانا انصحك تزور محمية العرين....وايد حلو....و اذا كان عند اطفال راح ينبسطون وايد هناك...وفية مطعم صغير ممكن تأكل فية و تتمشى فى حديقة الخاصة لزوار ...ممكن تاخذ باص خاص لمحمية و ياخذونة لفة فى العرين كلة و تشوف جميع الحيونات فيها.

ولا تنسى ان تزور متحف البحرين الوطنى ....بصراحة وايد حلو...انا زرتة اكثر من مرة ...راح تشوف العجب فية و تعيش مع الماضى و تراث اجدادنا القدماء.
وكذلك بيت القرآن لا يفوتك وهو قريب من المتحف الوطنى
و عندك بعد منتجع البندر ...او نادى الميرينا...ممكن السياح يدخلون اغذاء او العشاء و يجلسون بجانب البحر ياكلون.
واذا قررت ان تجلس اكثر من يومين او ثلاث....فلا تنسى ان تروح الى جزر حوار....راح تستانس فيها وايد
واخذ العائلة معاك
على العموم شوف هذا الرابط او الملف عن البحرين....راح يساعدك فى كل زيارة لك لبحرين
http://www.travel4arab.com/vb/showthread.php?t=93464

اتمنى لك الوفيق