الموضوع: كيف الوضع بالبحرين

السلام عليكم اخواني

يمكن سؤالي غبي لكن تحملوني
انا ودي اروح مع العايلة نتمشى يوم واحد بالبحرين وخصوصا سوق المحرق الشعبي
لكن وش الوضع بالبحرين خصوصا الأمني في السوق الشعبي والمولات
وضع المحرق كيف

معليش تحملوني

واذا اوكي ابغا برنامج يوم واحد بالمحرق وأحد المولات
وابغا تقرير عن سوق المحرق

شاكر لكم مقدما من الموبايل

مواضيع عشوائيه ممكن تكون تعجبك اخترناها لك:

• البحرين تراث وحضاره ترفيه وحداثه
• طلب بسط
• ساعدونيياأهل البحرين
• افضل منتجع في البحرين
• ساحل السيف كرباباد
• مكان للسكن بجوار مجمع مركز ابن الجزري الإسلامي في البحرين
• إستفسار عن موقع محل بيع السكيت والسياكل
• بسرعه تكفووون
• فندق ومنتجع الريتز كارلتون، البحرين يكشف عن الغرف والاجنحة الجديدة والنادي الفاخر
• سؤال عاجل جدا ؟؟؟
• عاجل مطعم رينديفو
• اهل البحرين ابي فزعتكم
• جولتــــي المصـــــورة لسبــــاق الفورمــــولا
• يوم في البحرين
• البحرين ترفع حالة الطوارىء اعتباراً من الشهر المقبل
• شقق في شارع المعارض
• أحتاج مساعده بسرعه
• دلوني على مكاتب تأجير السياراة
• اسئلة عن رويل مريديان البحرين
• بروح البحرين دلوني

وعليكم السلام ورحمة الله وبركاته ..



الأوضاع ممتازة وكل شي تمام .. انا الاسبوع الماضي هناك والحمدلله كل شي بخير ..

ماني من أهل البحرين لكن أزور البحرين كثير والوضع جيد فيها ..

وإذا بتزور المحرق لا يفوتك جزر أمواج ..

أنصحك فيها

حياك الله بالبحرين ...الحمدلله البحرين بخير ونعمة والاوضاع من احسن ما تكون ...بالنسبه لسوق محرق هو سوق شعبي يتمثل في شارع واحد طويل ويتفرع الى بعض الممرات ...فيه بتلاقى محلات اتبيع الحلوى البحرينينه واغلب الحلويات الشعبية والبهارات والمرقدوش وغيرها . وفيه محلات اتبيع عبايات والملابس جاهزة اسعارها نسبيا رخيصة وجودتها مقارنه باسعارها جيده . وفي شارع فرعي لمحلات الذهب البحريني الجميل .


اذا ان شاء الله زيارتك بتكون ليوم واحد ممكن تبداها من الصباح بسوق محرق الشعبي وبعدها اتروح احد المطاعم بمنطقة المحرق او تروح تتغدى بامواج وهي منطقة قريبه من المحرق فيها مجموعه مطاعم تطل على البحيرة راقيو وجميلة . وبالمساء ممكن تروح الستي سنتر او مجمع السيف او مجمع العالي او كلهم لانهم كلهم قراب من بعض .

بس نصيحتي اذا بتزورنا وودك اتشوف سوق محرق انك تتجنب الايام من 6 الى 11 محرم لانه موسم مواتم وحسينيات وبعض الاحيان يتم اغلاق بعض الشوارع فيها لتسهيل المواكب وغيرها . اما بعد هالفتره فكل الشوارع مفتوحة .

واي استفسار حاضرين لك

يعني اخوي من تاريخ 6 الى 11 تقصد البحرين كلها او المحرق بس ؟؟؟ من الموبايل

المشاركة الأصلية كتبت بواسطة dotshi
http://www.arabtravelersforum.com/tr...5/#post8364934

يعني اخوي من تاريخ 6 الى 11 تقصد البحرين كلها او المحرق بس ؟؟؟ من الموبايل



بس منطقة الاسواق الشعبية وهي سوق محرق وسوق المنامة لان الشوارع ضيقة فيتم اغلاقها وايكون المرور موجود لتسهيل حركة السير ..اما المجمعات والمطاعم في منطقة العدلية ومنطقة امواج (انصحك فيها) كل شي طبيعي وتقدر اتيي وتستمتع بالاجازة .

ما قصروا أخواني وخواتي ربي يعطيهم العافية ويوفقك في سفرتك إن شاء الله

والوضع حلو كنت هناك قبل اربع ايام والشباب ماقصروا

والوضع طبيعي ورجعت اخر الليل والامور ميه ميه مع انها اول زيارة لي

رحلة موفقة

مشكورين ماقصرتم
توني قبل شوي راجع من البحرين والحمدلله انبسطنا ووناسة

الله يحفظ البحرين واهلها من الموبايل