المشاركة الأصلية كتبت بواسطة سواح كويتي
http://www.arabtravelersforum.com/tr...8/#post2492588

ماعندكم خبر عن دخول السيارات الكويتيه المشاعر شكلهم هالسنه متشددين للاخر الله يستر

انا متعود ندخل في يوم عرفه وعلى طول الحرم وبعدين جبل الرحمه اذا وقفونا راح نصيع ويمكن نرجع بعد

الله يستر





إن شاء الله الامور زينه وسيدخل الحجاج الكويتين بدون تصريح...ومن راح يسر الله أمره.







المشاركة الأصلية كتبت بواسطة ناصر كويتي
http://www.arabtravelersforum.com/tr...3/#post2492743

السلام عليكم

موضوع حلو

واتمنى ان اسجل وياكم في رحله الحج لهذا العام

يارب تكتب لنا حجه هالسنه وكل من يسمع

اخوكم ناصر




مرحبا مليااااااار...فيك ياابوباسل ...لي موضوع اسمه اتمنى ...ارجع له غير مامور...كنت سالت عنك فيه وتمنيت ان ارى مشاركتك الفعاله بالتاكيد في منتداك العرب المسافرون..وعلى وجه الخصوص بوابة الكويت التي هي بامس الحاجه لمثلك يا العميد..ولاتنسى تمر على الدوانيه ترى مسوي خوش قهوه لازم تمر تتقهوى وتثبت حضورك..بانتظارك.

الله يسمع منك وعقلها وتوكل...والرسول صلى الله عليه وسلم يقول:"تابعوا بين الحج والعمره فانهما ينفيان الذنوب والفقر كما ينفي الكير خبث الحديد".







المشاركة الأصلية كتبت بواسطة عليسعود
http://www.arabtravelersforum.com/tr...5/#post2496875

شلونك اخوي متفائل جدا
ما بقا الا ايام على الحج ودنا نستفيد منك اكثر
ودنا لو تعطينا بعض النصايح خصوصا للي يحجون اول مرة تدري غشامة وارتباك ممكن ينسون اشياء بسيطه
انا عن نفسي توهقت مادري شنو اخذ معاي بالجنطه
جنطتي فاضية مافيها الا دشداشة العيد
ياريت تنبهنا عن بعض الاخطاء اللي يقعون فيها الحجاج عشان نتجنبها
ادري ثقلت عليك بس ما شاء الله عليك عندك خبره حبينا نستفيد منك وتقبل تحياتي



حياك الله اخوي علي صح؟

بالنسبه لاول شي يسويه الحاج:

يسجل بحمله رسميه ..هذا هو الصح...او يتفق مع ناس عندهم خبرة وثقات على مناسكهم.

يروح للمستوصف ويطعم..ولازم قبل الحج بسبوعين عشان الدوا ياخذحقه.

بعدين ياكد على حجزه ..اوسيارته وياخذ ورقة مرافقة حملة وهذا فقط للملتحقين.

وبعدين يجهز الجنطه بالاتي:

طبعا الجواز شيك عليه...والتذكره ومعرفة وقت الرحله وهالاشياء الي ماتخفى عليكم.

ويحط كل ملابسه وياخذ معاه اكبر جنطه وياليت يحط داخل الجنطه جنطه لان الاغراض راح تكثربالرده.

لاحرام يصير بجنطه صغيره ..مع الطيب والنعال (اكرمكم الله) وياخذها معاه بيده مو بالشحن.

وياخذ جهاز تلفون اخر غير الكويتي اذا كان الكويتي جوال ويتكلم بالخط السعودي والكويتي بالضرورة والمسجات...وطبعا ياخذ شاحن واحسن يكون براسين موثلاث...وانصح بخط سوى مو موباليلي ولازين افضل ومو غالي

طبعا لاتنسى المصحف والكتاب واذا كان عن المناسك افضل والحمد الله المكتبات موجودة خصوصا بحوالي حيث شارع المكتبات.

شنطه صغيرة حق المناسك عشان تحط اغراضك فيها وانت لابس الاحرام.

اتمنى اكون اظفت لك وللاخوان شي مفيد ...وانا حاضر لاي استفسار.

مواضيع عشوائيه ممكن تكون تعجبك اخترناها لك: