الموضوع: أريد رحلة ممتعة مع زوجتي ايام في حبيبتنا البحرين

كل عام وانتم بخير وما استغنى عنكم ابدا
قررت اسافر لمملكتنا البحرين الحبيبة الله يحفظها من كل شر
وفريت المنتدي قسم البحرين بالكامل وحسيت بلخبطة لمن شفت الخريطة كل شي بعيد عن الثاني وماادري وين الفنادق المناسبة للعوائل الرخيصة القريبة من معظم الفعاليات والمتنزهات والكافيهات الشيشة مع اطلالة بحرية وجو عائلي وشواطيء لنزول البحر للكبار واماكن للتمشية فيها ناس زحمة مثل المارينا دبي
وما ادري كيف اسافر من الرياض وماابغى اروح بسيارتي
هل اطلع بطيارة للدمام ومن ثم استأجر سيارة من المطار أم استأجر من البحرين ام استأجر سيارة من الرياض
للبحرين على طول
كيف احوال الجسر ومتى أحسن وقت للوصول للجسر تفاديا للزحام
تحياتي لكم جميعا ومنتظر الرد

مواضيع عشوائيه ممكن تكون تعجبك اخترناها لك:

• اهل البحرين افيدوني
• ابي اوسع صدري امي بس شلون
• الفزعه يا اخوااان يا اهل البحرين
• الجواز السعودي
• هل جزيرة حوار تستحق المبيت فيها ليله او حتى الزياره في هذا الشهر ؟؟؟
• شقق البحرين و اسعارها
• هل ذهاب النساء للتطبيق في الجوازات مهم
• المحميات الطبيعية في البحرين
• متجر ارسنال الانجليزي في البحرين
• الله على الطيبيين
• اســـتفسار بسيط عن الحلــوى يا اهل الحلــوى
• عس ايامكم كله فرح
• وش مشكلة الوافدين اللي من السعودية لازم تاشيرة
• محتاجة فزعتكم بليز
• هاذي اسفره بختياركم
• ياأهل الخبره انصحوني
• السيارة منتهية الاستمارة هل تدخل البحرين ؟ تكفون جاوبوا
• بنات البحرين وخبيرااات السوق بليززززز
• نادي الشراع
• استقسار عن زائر أجنبي للسعودية عن طريق البحرين ؟؟؟

كل عام وانتم بخير وما استغنى عنكم ابدا
قررت اسافر لمملكتنا البحرين الحبيبة الله يحفظها من كل شر
وفريت المنتدي قسم البحرين بالكامل وحسيت بلخبطة لمن شفت الخريطة كل شي بعيد عن الثاني وماادري وين الفنادق المناسبة للعوائل الرخيصة القريبة من معظم الفعاليات والمتنزهات والكافيهات الشيشة مع اطلالة بحرية وجو عائلي وشواطيء لنزول البحر للكبار واماكن للتمشية فيها ناس زحمة مثل المارينا دبي

البحرين صغيرة يعني لو تشوف الخريطة بتحس كل شي بعيد عن الثاني بس المسافات في الواقع قصيرة
اللي لازم تتوقعه الزحمممممة لهالسبب ضروري تحدد بالضبط ميزة الفندق اللي تبيه

مثلا السوفوتيل - ابعد الفنادق عن وسط المنامة
لكن يميزه انه منتجع والبحر وبركة السباحة حلوين

فندق الريتز كارلتون - في وسط المنامة وقريب جدا من المجمعات التجارية
مثل السوفوتيل عندهم شاطىء وبركة سباحة حلوة لكن اسعاره اعلى

فندق المريديان (كمبنسكي سابقا) مفتوح على مجمع الستي سنتر
لكن ما فيه شاطئ

فندق الدانة في المحرق بطريق المطار
عندهم شاطئ و بركة سباحة بس ما جربت الغرف و ما اعرف اسعاره

Fraser Suites
عند مجمع السيف - منطقة المجمعات
اسعاره ممتازة وقربه من المجمعات يضيف عليه

فندق الشيراتون - مفتوح على مجمع مودا مول
مجمع متخصص بالماركات العالمية

وغيرها من فنادق البحرين
يعني ضروري أول شي تحدد ميزة ما تستغني عنها أو مكان تفضله وبعدين تدور الفندق

وما ادري كيف اسافر من الرياض وماابغى اروح بسيارتي
هل اطلع بطيارة للدمام ومن ثم استأجر سيارة من المطار أم استأجر من البحرين ام استأجر سيارة من الرياض
للبحرين على طول
كيف احوال الجسر ومتى أحسن وقت للوصول للجسر تفاديا للزحام

الجسر دائما و ابدا زحمة
يعني اذا انت مثلي ما تحب الزحمة ما لك الا الطيران دايركت من الرياض للبحرين




تحياتي لكم جميعا ومنتظر

ما قصروا الجماعة ربي يعطيهم العافية
ويوفقكم في رحلتكم يا رب

انصحك بزياره منطقه امواج لاغون صحيح الجو حار وغير مناسب للاماكن المفتوحه بس تقدر توصل للمكان اللي تبيه بالسياره
هناك عده مقاهي وعده مطاعم تستحق الزياره

1- انغام بيروت
2- ليلك
3- نادي الشاي ( تي كلب)
4- ام كلثوم

هناك لامازون كافيه في ضاحيه السيف واعتبره مناسب للعوائل ويفتح الى 2 صباحا
وهناك مطعم كورال البيه وهو لبناني بنفس طريقه لاميزون موجود في كورنيش الفاتح

لاتنس زياره ممشى مجمع العالي والتذوق من كافيه ليلو الرائع ومطعم ليلى اللبناني
وايضا انصحك اذا كنت من محبي الاكل الخليجي ولكن بطريقه رائعه توجه الى مطعم فيلا ماماز في سار (انصحك بهذا المطعم)

اذا كان الجو مناسب في يومك تستطيع الذهاب الى جزيره الريف فهي تحتوي على عدد بسيط من المطاعم والكافيها في قلب الخليج

واخيرا منطقه العدليه (شارع الشيراوي) فيها العديسد من المطاعم والكافيهات الراقيه مثل كوكوزو(رخيص) زوي وميت كومباني (رائع ولكن غالي)
بالاضافه الى وجود مقاهي تفتح الى الخامسه صباحا مثل لامزون كافيه واروما والبنديره وغيرها .

ما قصرتو يا أحلى ناس يعطيكم الف عافية (h)