الموضوع: تقرير شمال الكويت

السلام عليكم ورحمة الله وبركاته ,

مبارك عليكم الشـهر

وكل عام وانتم بخير




مدينة الجهراء

مناطق سكنيه : (مدينة الجهراء- الجهراء القديمة- تيماء- القصر- العيون- النسيم -النعيم -الواحة- مدينة سعد العبد الله ( جنوب الجهراء ) -مدينة جابر الأحمد ( قيد الإنشاء) .

مناطق صحراويه : ( الشقايا - النعايم -المطلاع – تلال المطلاع - الأطراف -الاديرع -المتياهه -مهزول-الصخيبيريات -أم المدافع -كراع المرو -البحرة -جال اللياح -جال الأطراف -الأبرق- الدبدبة -أم الرو -أم الرمم
-المناقيش - العرفجيه-ركسه- الهويمله -الحريجه -اديرع الخله- الصقيهيه -قلمة الشقايا )


مناطق اخرى : (طريق السالمي - استراحة الحجاج -الجهراء الصناعية -أمغره- قاعدة علي السالم- معسكر الشهيد ( اللواء 35 ) -مزارع الدواجن بطريق السالمي - مركز اطفاء السالمي -محطة إرسال المطلاع
-محمية صباح الأحمد الطبيعية -كاظمه -الخويسات -الصبية - العليمه -الحجيجه

الجزر : وربه ـ بوبيان ( وربه فوق جزيرة بوبيان )

جزيرة بوبيان

جزيرة وربه


المراكز الحدودية :

المفّـرد ـ قلمة صباح – النمرتين – السالمي – الشهيد – الشقايا – التعاون – مهزول – الأبرق – الصمود – خبارة العوازم – جريشان – بحرة حوشان – التحرير – وربه – أم عماره





جميعها تتبع محافظة الجهراء


ملاحظه :جزيرة بوبيان اكبر الجزر الكويتيه ومساحتها اكبر من مساحة مملكة البحرين الشقيقه

ويوجد الان استثمار لها وبناء جسر اخر جديد وميناء ومحميه وان شاء الله يتم الانتهاء من الجسر بتاريخ شهر 6 سنة 2009 وتصبح جزيره سياحيه :surf





كشـته صحراويــه :24:

[IMG]http://www.0zz0.com[/IMG]


جسـر بـوبيـان :101:

[IMG]http://www.0zz0.com[/IMG]

رأس القيد :114:

[IMG]http://www.0zz0.com[/IMG]




محطه الدوحه ( تستطيع مشاهدتها من على جسر بوبيان او من الصبيه ) والعاصمه كذلك :24:



كراع المرو




منظر











ومع التحيه الطيـبه ,


اخوكم/ عبدالعزيز الظفيري .

مواضيع عشوائيه ممكن تكون تعجبك اخترناها لك:

• مسرحية طارق العلي
• هارفي نيكولز تفتح فرعاً في الكويت
• الطريق من حفر الباطن للكويتوالشغالة كيف النظام؟
• بروح الكويت ومتردده ساعدوني
• الي اهل الكويت ممكن مساعده
• ابغى منتجع لعائله وممتع للاطفال
• جايكم جايكم الله لايعوق بشر بس محتاج اجابتكم؟
• ابي اعرف وين مكان هذة المحلات
• تصويت على افضل مكان للعائلات و الشباب للترفيه
• معانــي مناطق دولة الكويـــت استفيد لو احد سئلك
• دليل المجمعات المهمة خريطة صور
• التخفيضات الموسمية على الماركات العالمية
• الفيزبالكويت
• مطعم شابستان
• اماكن جميلة في الكويت وش رايكم فيها؟
• اهل الكويت الشقيق
• المهرجانات الانشاديه؟متى تقام؟
• حبايبي اهل الكويت انتم المسؤولين
• مطعم تنورين
• لو سمحتم احداثيات فندق المريديان الكويت

تقرير جميل ومعلومات جديدة
واعجبني منظر الكشتة :24:
عواااااااااااااااافي

معلومات رائعه وصور الروع

شكرا بوسعود

بااااااارك الله فيك بوسعود

والله تقرير ومعلومات ممتازه

الف شكر

الله يعطيك العافية
وللامام دوماااا

اخوك

شكرا لك ويعطيك العافية

المنطقة الشمالية كلها مساحات فاضية لازم يخلونها اماكن سكنية وسياحية وترفيهية ويستغلونها حق شي يفيد البلد

حياكم الله وشكرا لكل من مر من هنا ,,


الذيب الشمالي ,

حياك الله وشكرا لمرورك

نورت الصفحه


alsamel

الاروع مرورك اخوي

والعفو وكل الشكر لمرورك الطيب ,,


il bamini

حياك الله

ولاهنت ع مرورك

مع التحيه


alrashedq8

هلا فيك اخوي

فعلا كلامك صحيح المنطقه الشماليه

فيها مساحات كبيره والجزر كذلك

وان شاء الله الحين قاعدين يستثمرون بوبيان

ويبنون قواعد الجسر وميناء

وان شاء الله بـ2009 تنتهي المراحل

وتبدأ كجزيرة سياحيه بعد عناء طويل من الاهمال

وحياك الله وشكرا لمرورك

مع التحيــه الطــيــبـه ،

جزاك الله خير على التقرير الرائع
والصور الرااااااااائعه

يعطيك العافيه

تصوير روعه

مشكور يالظفيري على التقرير والمعلومات عندي كم سؤال ابيك تفيدن لاهنت لانك قريب من اللي ابية

صناعية الجهراء هي اللي فية السكراب ولا امغرة وهل فيها محلات لسيارات الامريكي قطع غيار خاصة GM و Jeep

لاني ناوي على كم مكينة منchevrolet واذا تعرف عن ميناء عبدالله شي ومشكووور مقدمآ, ,,,,,,,,

خووووووووووووووووووووووووووش تقرير


كفيت ووفيت يالظفيري


نتطلع لجديدك

دمت

سواح امريكي

لاهنت على مرورك الرائع وحياك الله يالغلا


اخوي

لاهنت على مرورك وحياك الله يالغلا




mr.slooom

حياك الله والعفو

اما بخصوص صناعية الجهراء

هذي فيها محلات تصليح جميع قطع السيارات واي خراب بالسياره يصلحونه لك وفيها بعض القطع الصغيره

واما مثل ما قلت مكينه واشياء مثل هالشئ تحصلها بالسكراب

جميع انواع السيارات تحصل لها قطع غيار ومكاين وكل شئ

ومكينه الشفر متوفره وموديلات جديده 2008 و2007 بعد وموديلات قديمه

واما بخصوص الشحن ما يكلف عليك يأخذون منك تقريبا على كل قطعه 5 دنانير كويتيه بس

وحياك الله واي استفسار ثاني حاضرين .

السراب

حياك الله ولاهنت على مرورك الطيب

ونورت الصفحه بردك

مع التحيه

تسلم يالغالي على هالتقرير...

و هذي صورة سابقة التقطتها لجسر بوبيان...
في إحد المشاوير إلى الصبية.



صراحه كنت خايف أقرب لا يتلوني أمن الدولة لووووووووووووووول

و في الحقيقة كانت امنيتي من زماان اشوف جيزرة بوبيان على الطبيعة...
و أبهرت و فرحت يوم شفت الجسر ,,, ما اخفي عليكم انصدمت...

و كذلك الخوف كان بسبب (حسب علمي وجود المعسكرات حولها و الأمن), فكنت خايف اقرب خطوة زيادة

هلا فيك اخوي / Dhari

والله على حسب يعني عندك انا دخلتها ولما طلعت منها لقيت شرطي بوجهي وقال لاتعودها ثاني مره



يعني تقدر وما تقدر

اكيد فيها مركز هي ووربه بعد فيها مركز

لأنها عباره جزر حدوديه يالغلا

وان شاء الله تزورها والحين قاعدين يطورونها ويعمرونها ان شاء الله

ومع التحيه

يعطيك العافيه اخوي عبدالعزيز

هلا والله بالظفيري والف شكر لك حبيب قلبي على الافادة

لكن امغرة اللي بالجهراء فيها سكراب وحولين الجهراء فيها سكراب يعني بداية امتداد الدائري السادس

لان بخريطة القوقل ايرث تقل لاحضت فية سكراب حول المنطقة وبالنسبة لميناء عبدالله انا اقصد فية سكراب

مو شحن يعني باختصار عمي كم سكراب بالكويت واماكنهم لاهنت يابعدي وبيض الله وجهك يالظفيري على الخدمة

تسلم أخوي على التقرير.. أول مرة أسمع بجسر بوبيان ؟!

هذي الكويت صل على النبي

بالنسبه حق جسر بوبيان اهوا موجود من زمان
بس
الصراحه انا وحده اخاف اروح بوبيان
خوفك يصير شي من فوق


شكرا لكـ

و

اللهم احفظ الكويت و اهلها و اميرها من كله مكروه..

المشاركة الأصلية كتبت بواسطة alrashedq8
http://www.arabtravelersforum.com/tr...9/#post2324919

شكرا لك ويعطيك العافية

المنطقة الشمالية كلها مساحات فاضية لازم يخلونها اماكن سكنية وسياحية وترفيهية ويستغلونها حق شي يفيد البلد



او والله .. مشكلتها بس الحقول النفطية اللي تتعارض مع المشاريع الاسكانية والاستثمارية


قواك الله احوي الظفيري .. ويا حلو الشمال وهواها النظيف