الله يجزاك خير اخوي قايد
اليوم كنت بنزل موضوع خاص لكن المنتدى ماسمح لي للاسف فاضفتها على موضوع للاخ ابو فارس باستخراج الشنقن
السلام عليكم ورحمه لله وبركاته
اولا هذا موضوع الاخ ابو فراس فيه طلبات الفيزا كامله جزاه الله كل خير
http://www.arabtravelersforum.com/travel690267/
حبيت اطرح تجربتي للفائده
لعدد خمس جوازات
انا واطفالي الثلاثه 16 سنه-10سنوات - 5 سنوات
والعامله الفلبينيه
كان امس عندي موعد vip
المطلوب زي ماذكر اخونا ابو فارس
اكملت اوراقنا كامله انا واطفالي
وخطاب العمل خليته يكتبه على اساس انه مسؤول عن مصاروفتنا لانه ماراح يسافر معنا
لكن للاسف كان هناك نواقص على جواز الخادمه
لاني ماسويت لها تاشيره خروج وعوده
بالاظافه تكلمت مع المدير الاستاذ عصام مصري الجنسيه
وبلغني انه لازم تكون الخادمه على كفالتي او على كفاله زوجي
وتكون لها عندنا اكثر من سنه
والعامله عندي منذ خمس سنوات لكن جوازها جديد
فطلب مني اجيب الي يثبت انها لها هذي الفتره عندي
وطلب مني اسوي موعد جديد
............................
خرجت من المكتب اتجهت للبيت سويت للخادمه خروج وعوده عن طريق ابشر الخدمات الالكترونيه
واخذت جوازها القديم الي كان فيه اول تاريخ لدخولها المملكه وعلى كفاله زوجي
وخليت زوجي يجيب لي ورقه ان الخادمه بتكون معي بالرحله وختمها من الشركه
وكتب ملاحظه ان الخادمه تعمل لدينا من خمس سنوات وانه مسؤول عن مصاريفها كامله خلال السفره
وانها مرافقه لي وللاطفال لانها مربيه والخطاب باللغه الانجليزيه اكيد
صادفتني مشكله الموعد رفض الموقع يعطيني موعد جديد والسبب
ان رقم الجوازات عندهم ولها موعد سابق
..............
اليوم رحت مجازفه دون موعد
ووقفت عند الرسبيشن الي يعطي ارقام للدخول
قالي وين الموعد قلت انا كنت عندكم امس وكان ناقصني اوراق وجبتها
وكان شخص سعودي خلوق
تعاون وعطاني رقم
.................................................. ..
دخلت والحمد لله مباشره جاء دوري
لكن واجهتني مشكله جدا عويصه
وهي وين اوراق الموعد
واستقعدوا لي بالموضوع وجننوني
وقلت لهم بروح اكلم المدير الاستاذ عصام من الجنسيه المصريه
والباكستاني قالي روحي وزي الي كان
مستبعد موافقته
وحسيت كأنه مبسوط اننا نتمرمط بهذه الطريقه
اخذت صوره من الموعد القديم
ورحت للمدير وقلت له قال انا قايل لك تاخذين موعد
قلت السيستم تبع الموقع رفض يعطيني موعد
وقلت له ان بيتي جدا بعيد وفعلا بيتي جدا بعيد
فارجوك ساعدني
قالي جبتي التاشيره للخادمه الخروج والعوده قلت ايه جبتها
وقع لي على ورقه الموعد القديم
جزاه الله خير
ورجعت للباكستاني ناظر التوقيع بأستغراب
اخذ الورقه وراح للمدير زي الي ما اعجبه
ان المدير وافق وغاب ربع ساعه تقريبا
رجع وهو متضايق ويناظر الساعه كل شوي
كانت الساعه وقتها وحده الا ربع
بدا يشتغل في الاوراق
رجع لي كل الحجوازات حقت الطيران لي ولاطفالي
وحطها للخادمه فقط
ورجع لي صوره الفيزا لاثبات المصاريف
ورجع لي كشف الحساب وخلاه مع جوازي انا فقط
طبعا لازم صوره لجواز سفر زوجي وجواز سفري
لكل واحد فينا انا واطفالي والعامله الفلبينيه
...............................................
يعني بالضبط زي ماذكر اخونا ابو فارس
الا الخادمه
اظاف لها الجواز القديم ودبسه بالجديد
وحط لها صوره حجز الطيران
وحط لها صوره الاقامه
.............................................
اخذ الاوراق
دفعت 150 لكل جواز عشان ال vip
اخذ 290 علي
وعلى ولدي الكبير
وعلى الخادمه
وابني 10 سنوات اخذ عليه 170
بنتي خمس سنوات كان مجانا
المبلغ الاجمالي كان
2485
+750 للمكتب الموحد لخدمتهم اعتقد
.................................................. ..
طبعا كان فيه كثير اصحاب المكاتب السياحيه
يجيون يصلحون اوراق خلق الله
طبعا قبل ما اروح اسوي اوراقي بنفسي تواصلت مع احدهم
وقالي ياخذ على كل جواز 1100 مع موعد vip
حتى بنتي كان يقول بياخذ عليها نفس المبلغ 1100 مع العلم انها مجانا
ونفس الشي
ولدي الي 10 سنوات الي اخذوا عليه ب170 كان بياخذ عليه 1100
يعني كان بياخذ 5500
علينا
يعني الفرق بالضبط 3015ريال
.................................................. ...............
نصيحه يا اخوان ويا اخوات لاتروح الا بموعد
ولاتروح الا وانت مكمل كل اوراقك لانها فعلا بهذله
لانك اذا طلعت من عندهم لازم تسوي موعد ثاني والسيستم حق موقعهم ماراح يعطيك موعد
لان رقم الجواز بيكون مكرر
..............................................
اخيرا اتمنى منكم تدعون لي ان الله يتمم الاوراق على خير
لاني خايفه يرفضون الخادمه
ولان التذاكر للسفر غير مسترده
وكتبت لكم التجربه بالتفصيل ابي بس دعواتكم
رد مع اقتباس
المشاركة الأصلية كتبت بواسطة najlasaleh
المفضلات