بسم الله الرحمن الرحيم
اللهم صل على محمد وعلى آله وصحبه أجمعين
ياألللللله يمكن تئولوا ليش إيمان عاملة موضوعين عن الشام هيك حنيت وأجا عبالي أكتب وانفتحت قريحتي عل الكتابة
دام ترابك ياشاااااااااااااام
للأفراح عند النسوة الدمشقيات زغاريدها..وللزغاريد اسم في اللهجة
الشامية هو "الزلاغيط"، ومفردها "زلغوطة"... والزلغوطة ترديد
جماعي بأصوات نسائية مسبوقة بعبارة "أوها" وملحوقة بـ "لي لي لي
لي ليش" وهي تقال بأصوات عالية وبنغمة واحدة لا تتغير... ومن
الزلاغيط المعروفة في دمشق:
أوْها بِـبيـتنا رمّـانـة أوها حـامضـة و لفّـانـة
أوها حَـلَفْنا ما نقطعـها أوها ليدخل عريسنا بالسلامة
لي لي لي لي ليش
أوها ديـارنا كـبـيـرة أوها ودَرَج الحـمام فيـها
أوها وأم العريس فرحانة أوها إن شاء الله ربي يهنّيها
لي لي لي لي ليش
أوها "فلان" يـا واحـد أوها "وفلانة" يـا اتنيـن
أوها اللي ما يصلّي عالنبي أوها لـيعـدم العـينتيـن
لي لي لي لي ليش
أوها عاللّعْلَعي اللّعْلَعـي أوها يا صـبايا تجمّـعي
أوها يا ليل طول طـول أوها ويا شمس لا تطلعي
لي لي لي لي ليش
أوها حَصَّنتك بياسـيـن أوها ويا زهـر البسـاتين
أوها يا مصحف صـغير أوها على روس السلاطين
لي لي لي لي ليش
أوها شـو هالنهار اللايـق أوها وفرحتلنا الخـلايق
أوها وطقت قلوب الأعادي أوها ولَمّن حقت الحقايق
لي لي لي لي ليش
أوها ويا جماعـة كلكُـن أوها وما نسـينا فضلكُـن
أوها والـيــوم عـنّـا أوها إنشاء الله بُكرة عندكُن
لي لي لي لي ليش
أوها يا ما قعـدوا جنبـي أوها ويا ما حرقـوا قلبي
أوها وقالوا فلان ما بيتجوز أوها تجوّز وربي نصرني
لي لي لي لي ليش
أوها يا صحـن حليـب أوها وكل ما برد بيطيب
أوها نحـنـا أهـليـة أوها وما في حدا غريب
لي لي لي لي ليش
أوها العريـس يا واحد أوها وعروسته يا اتنيـن
أوها يـا خـرزة زرقا أوها تـردّ عنهن العيـن
لي لي لي لي ليش
أوها يا عـريـس لا تعبـس أوها افريد هالبقجـة والبـس
أوها شواربك عروق الريحان أوها وسوالفها عروق النرجس
لي لي لي لي ليش
تستمر النسوة في إحياء فرحتهن.. فيغنّين ويطربن ويرقصن.. ولعل من
أكثر الأغاني الشعبية شيوعاً في مثل هذه المناسبة أغنية "اسم الله..
اسم الله يا زينة".. وفيها تغني معظم الحاضرات بأداء اللازمة:
اسم الله.. اسم الله يا زينة يا وردة جـوّا الجنينة
زهر القرنفل يا عروسة يا ورد خـيّـم عـلينا
وتنفرد إحداهن بأداء مقاطع الأغنية. وكلما أدت مقطعاً، كررت الأخريات
اللازمة السابقة:
قـومي العبي بحبل اللولو وافردي شعرك على طولو
خليهـن يحكـوا ويقولوا آه يا حـلاوة يا شـامية
قومي العبي بعرق المضعف وأنا لأجـلك رح بضعف
ولو حـلفـوني عالمصحف ما بفوّت هواكِ يا زينـة
قـومي العبـي بحلقاتـك رايـات البيـض راياتك
الله يخلـي لـك حماتـك آه يا حلاوة يا عسـلية
قـومي العـبي بقميصـك كل العرسان على كيسك
الله يخلـي لـك عريسـك أبـو عـيـون عسـلي
كما توجد اغاني أخرى جميلة في مثل هذه المناسبة منها
*** عالصالحية ***
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي .. حلق الالماس إنشا الله يلبقلي
حاكاني شي لا و الله .. زعلني شي لا والله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي روب الحرير إنشا الله يلبقلي
نسيني شي لا و الله .. لوعني شي لا و الله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
*** ليموني هالليموني ***
ليموني عالليموني شامي و الله
و أنا حبابي ظلموني يا دخيل الله
يا لابس الألماس قلبك قاسي
ما بدي وجع راسي خافي من الله
يا لابسة الزهري لا تنقهري
ما بنساكي طول عمري صدقيني و الله
شفتا بدق بعودها دخل وجودها
الورد مفتح بخدودها خافوا الله
يا شاكل النرجس قطفك يحرز
و عيونك سور بتغمز يا سلام و الله
ليموني عالليموني شامي و الله
و أنا حبابي ظلموني يا دخيل الله
دامت أفراحكم عامرة يارب
لكم فائق تقديري واحترامي
إيمان من الأشواقمواضيع عشوائيه ممكن تكون تعجبك اخترناها لك:
- ماهي الاوراق المطلوبة للإستجار سيارة ؟
- المبالغ المتوجب علي دفعها من الحدود الى الشام
- ارجو التوجيه من خبراء سوريا
- ين نروح في سوريا دمشق
- استفسار حول المنتجات السوريه
- الرجاء المساعده الفوريه مسافر لاول مرة الى سوريا واريد الاجابه
- صديقكم أندلسي جديد سيغزو دمشق ، وبحاجة لشقة نظيفة
- أسرار مفاوضة الباعة بسوريا
- ياليت تردون علي بسرعة
- استفسار لأهل الخبرة في الشام
- استفسار عن سوريا
- صديقي لسه جأي من سوريا
- الأسد يصل إلى الرياض اليوم الأحد
- انتبه لرسم المغادره من الطار
- بوابه سورياءذكر الايجابيات وتجاهل السلبيات
- بداية هطول الثلج على حمص الحبيبة
- النشرة اليومية لإسعار الصرف الحرة للعملات الأجنبية لدى المصرف التجاري السوري
- استفسار عاجل ماهو المبلغ المسموح بالدولار اخراجه من مطار دمشق الدولي للعرب
- قبل المشاركة ببوابة سوريامتجدد
- من عنده معلومات عن الدراسة بالانتساب في سوريا
رد مع اقتباس
المفضلات