الموضوع: أبغي أغير جو وأحجز ليلة ومحتار بين نوفوتيل الزلاق وقصر العرين حياكم وساعدوني

السلام عليكم ورحمة الله وبركاته

أخواني الفضلاء الأعزاء


أشكر لكم مجهودكم الكبير لإنجاح هذا الصرح المبهر


وأتمنى لكم دوام التوفيق والنجاح


استفساري:




كما هو مبين من العنوان


إني أبغي أغير جو مع زوجتي وودي أحجز ليلة في واحد من هالمكانين


إما
قصر العرين
أو
نوفوتيل الزلاق


فأبغي أعرف الميزات والسلبيات لكل واحد منهم
وهل في الإمكان يسوون لي مفاجأة في الفيلا أو الغرفة أو ترتيب معين لو طلبت منهم.


شاكر لكم تعاونكم


ولو تكون الردود سريعة يكون طيب لأن ودي تكون الطلعة في وقت قريب

مواضيع عشوائيه ممكن تكون تعجبك اخترناها لك:

• ممكن مساعدتي إذا سمحتوا
• محتاج سكن رخيص بحدود ٢٠٠ ريال نظيف وحلو مين يقدر يساعدني والف شكر مقدما ؟
• استفسار ياهل البحرين
• كيف الزحمه في الجسر هالفترة وكيف الزحمه داخل البحرين ؟
• مطعم مكسيكي Fast Food
• احد يعرفه؟؟
• طالع البحرين أول مرة لحالي غدا الثلاثاء مين يخويني
• كافيه ليلو اشهر كافيه بالبحرين
• ابي فيلا بالجفير مع مسبح خاص
• تكفون يا اهل البحرين واهل الخبره
• اجراءات الحصول على تفويض للسياره لدول الخليج بنك الراجحي
• سؤال عن فندق اليت ريسورت
• البحرين تعلن عن اول اصابه بإفلونزا الخنازير
• شقة راقيه قريبه من السيف ؟؟ شنو تنصحونا
• حسافر عن طريق البحرين وعندي سؤالين لاهنتوا
• فندق جنب السيتي سنتر
• ساااااااااااعدووووني عندي ترانزيت بمطار البحرين ساعات وين أرووووووح ؟؟؟؟
• يااهل البحرين اشاوركم بين منتجع الدانه و البندر
• موقع المركز الهندي للمساج بالأعشاب
• ابي خريطه للبحريناستفسار عن فندق اليت تاور؟

ياهلا ومرحب اخوي ذيييب الشمال

وعليكم السلام ورحمة الله وبركاتة

لا شكر على واجب

حبيت اوضح بس هو سوفتيل الزلاق وليس نوفتيل

اولاً الله يبارك لكم وجزاك الله كل خير والله يخليك لبعض ويستر عيكم

راح ابسط لك بشكل مختصر

قصر العرين عباره عن فيلا متكامله فيها مسبح وجاكوزي وسونا وغرفة نوم وصاله ومجلس
وهي خاصة كأنكم في فلل شرق آسيا وتقدرون تاخذون راحتكم
العيوب المنتجع هادىء جداً وموحش مافيه اطلاله ولا شيء في صحراء

ولكن يستحق التجربة وفيهم يجهزون لك ورد وكيك لو طلبت منهم وهو من افضل المنتجعات في البحرين

سوفتيل الزلاق عباره عن فندق يطل على البحر وجديد نوعاً ما
له شاطىء رائع

العيوب الفندق ملموم على بعض وحتى اذا نزلت البحر وتمشيت انت محط الانظار
لأن الفندق جاي على شكل حرف الــــ U وحتى لغرف اللي تحت مفتوحه وانت تمشي تمر عليهم وتشوفهم على طاولاتهم الخارجيه

ولكن انصح بتجربة لمنتجع قصر العرين وتجهز الفيلا وتخليهم ينظفونها عدل وينظفون المسبح
وتعيش ملك

وترى منتجع السوفتيل مع العرين قراب من بعض
وانصحك انك تروح منتزه العرين

واي استفسار انا حاضر

اخوك : http://www.arabtravelersforum.com/user364264/

اي والله اخوي تفضل
يشرفني وسعدني مرورك على تقريري

لمنتجع قصر العرين

http://www.arabtravelersforum.com/travel698335/

العرين اكثر خصوصيه ورومانسيه
فلل بمسبح وجاكوزي وتقدر وقت الحجز تخبرهم انها مناسبه خاصه وراح يتوصون فيكم

جزاكم الله خير

ما قصرتوا


خلاص اقتنعت بقصر العرين


وشاكر لكم جميعا من دون استثناء


والله يسعدكم ويوفقكم لكل خير

المشاركة الأصلية كتبت بواسطة ذيييب الشمال
http://www.arabtravelersforum.com/tr...3/#post8206748

جزاكم الله خير









المشاركة الأصلية كتبت بواسطة ذيييب الشمال
http://www.arabtravelersforum.com/tr...3/#post8206748


ما قصرتوا


خلاص اقتنعت بقصر العرين


وشاكر لكم جميعا من دون استثناء


والله يسعدكم ويوفقكم لكل خير





ياهلا ومرحبا اخوي ذيييب الشمال
والله يجزاك كل خير كمان

هذا واجبنا لكم وسامحنا على القصور

واختنا FANDA ماقصرت معك

تمنياتنا لكم بالتوفيق ورحلة سعيدة
واقامة هنية وانت تستمتعوا باحلى اللحظات

ولاتنسى زيارة محميه العرين قريب منك وخلها ضمن الرحلة

اخوك : http://www.arabtravelersforum.com/user364264/