الموضوع: جراند ميركوري السيف والغلاء الفاحش

غرفتين وصالة ل3 أشخاص

يااخوان فى جراند ميركوري السيف 141 دينار بحريني !!!


معقوله ؟

فعلا شي عجيب


أنا ساكن في نفس الفندق شهر 8 خذيت لى غرفة وصالة سعرها 58 دينار
و2 من أصحابي بغرفتين ووصالة ب 62

المهم اذا فيه احد من الاخوان عنده خبر عن خصم او طريقة حجز ارخص من هالاسعار هذي يبلغنا والله يجزاكم خير الجزاء


لانى الليله ماشي للبحرين

مواضيع عشوائيه ممكن تكون تعجبك اخترناها لك:

• صور جسر البحرين
• مساااعدة يا اهل البحرين وين احصل السماور عندكم
• ابي فنادق قريبه من فندق الخليج
• البحرين لؤلؤة تزين خليجنا
• ساعدوني سكن بالبحرين
• فندق إيليت جراند
• ضروري حالا
• ضروري يــــــــــــــا أهل البحرين
• ارقى محل مساج
• ممكن معلومات عن جزيره حوار
• وين احصل عطر شيييخ الله يخليكم
• مـواضـــيع بحــريـنـيـة رائـــعـــة محــدَّث
• أول مرة للبحرين سؤال عن تأجير سيارة و شقة
• استفسار بخصوص الحصول على تاشيرة سياحية للبحرين لمدة اسبوع
• أبستشيركم يا هل البحرين أفيدوني
• بشرى سارة سوف يتم انشاء جسر ثاني يربط بين المملكة والبحرين
• يوميــــــــن عســــل في البحريـــن
• سؤال عاجل ؟؟؟
• هل توجد مطاعم عوائل بالبحرين غير مكشوفة محاطة بساتر زي السعودية
• أستفسار عن مودا مول

اخوي 141 دينار في اليله وايد الاحسن الشيراتون او الدبلومات لان في المنتدى يمدحون هذي الفندقين

سكنت فيه بشهر 6 ب 60 دينار

غرفه وصاله

بس فيه فلل ورى مسجد الفاتح احلى منه وارخص بواجد

الفيلا ب 30 دينار ايام الاسبوع

و 52 ايام الويكند

مسائك ورد
عادي الجراند ميركوري عليهم اسعار فوق الريح زي مايقولون
طيب اخوي ليه ما تسكن في الشيرتون او في شاليه يمكن يطلع ارخص عليك من هذا اوشقق اليت تاور او اجنحة السيف اذا كنت تبي منطقه قريبه من السيف..........

[color="Purple"][b]اذا كان الفندق 5 نجوم

انا اشوف ان السعر معقول لان كل الفنادق جذي الحين

المشاركة الأصلية كتبت بواسطة وهــــم


سكنت فيه بشهر 6 ب 60 دينار
غرفه وصاله
بس فيه فلل ورى مسجد الفاتح احلى منه وارخص بواجد
الفيلا ب 30 دينار ايام الاسبوع
و 52 ايام الويكند



الاخ وهم تحياتي
لو كلفنا عليك معلومات بالتفصيل الممل
لاهنت

موظفين ارامكو لهم خصم 50 %

السلام عليكم


مشكورين يااخوان على التجاوب وبارك الله فيكم

الحقيقة سكنت اليت جراند

شي خيال

شقق فندقية من سلسلة اليت الراقية وافتتاحه تقريبا قبل شهرين

وشي رائع انك تسكن فندق راقي ويكون على حلته الجديده

طبعا بالنسبة للسعر خذيت غرفتين وصالة و3 حمامات اعزكم الله ب 95 دينار الليلة

طبعا الحمامات الله يكرمكم شي فوق الوصف

يوجد فيه نوعين من الجاكوزي ومن النوعية الراقية

شهادتي باللى شاهدته مجروحه وانشالله اذا الله كتب نزلت موضوع مختص بالفندق


عيبه

مكانه فى منطقة السيف لكن فى منطقة قيد الانشاء وبالتالى الطريق للفندق متعب ورملي

واعتقد ان هالامر وقتي

الانترنت فى الفندق هو واير كونكشن والامر المضحك انى يوم طلبت الواير كونكشن وسعره فى اليوم 8 دينار بحريني قالوا لى عطنا وايرك قلت يالربع سكنا فى اسمنها واغلاها من الفنادق محد طلب منا واير الكونكشن اللا انتوا وبعد شد وجذب دبروا لنا واير المانجر حقهم

عموما فندق يستحق الزيارة خصيصا انه جديد ولم يستهلك (ماكثرت عليه الاوادم)

فندق هاديء لدرجة انك تشك ان فيه احد ساكنه

عموما تبقى لزيارتكم ووجهة نظركم الشي الامثل للواقع

لاهنتم على الردود ومبارك عليكم ماتبقي من رمضان

لا تزعل مني

أذا كان ذا السعر بالنسبه لك غااااااااااااااالي

وش الي حادك عليهم:114:

.. أنا قبل شوي دخلت الموقع حقهم ولقيت سعر الغرفة العادية ..

997 ريال لليلة أيام العيد ..

................ س: ماهو البديل ؟؟ ............................

فندق ميركور جراند سكنت فيه اول شهر 12 ميلادي " تقريبا قبل سنه" وكان عباره عن جناح " غرفه وصاله ومطبخ متكامل " مع بلكونه .
واخذت السعر عن طريق مكتب سفر وسياحه في الرياض ب " 550" ريال مع الفطور والسعر لشخصين ... وفي اعتقادي انه سعر مناسب رغم ان تصنيفه 4 نجوم لكن هناك خدمه فندقيه جيده جدا وكمان موقعه ميميز ومناسب جدا للعوائل .

أما اليت جراند حقيقه استغرب من السعر اللي تكلم عنه الاخ وقال انه مناسب !!! اشوف انو مبالغ فيه!! سلمك الله قبل شهرين سكنت مع 3 من الشباب في " اليت رويال" وهو ايضا يعتبر نوعا ما جديد وموقعه في الجفير وقريب من فندق بانوراما ...المهم اخذنا سلمكم الله شقه عباره عن 3 غرف " وحده من الغرف سريرين" بالاضافه لصاله تركض فيها الخيل من كبرها وتكرمون 3 حمامات واحد منها فيه جاكوزي ...وطبعا باقي المواصفات مثل تلفزيون ومطبخ وووالخ واعجبتني الارضيه لأنها عباره عن خشب باركيه :24:
كل ماسبق سعره ب 880 ريال فقط لاغير :surf وكمان فيه مواقف مظلله خاصه للسيارات وحوض سباحه في السطح رايق :surf
ولاحظو ان هالسعر كان في الويك إندا ... واخذنا السعر بالتلفون وسألنا مكتب حجوزات الفنادق اللي في الجسر ولقينا السعر اللي عندهم نفسه .

المشاركة الأصلية كتبت بواسطة مسافر بلا زاد
http://www.arabtravelersforum.com/tr...38/#post983538



فندق ميركور جراند سكنت فيه اول شهر 12 ميلادي " تقريبا قبل سنه" وكان عباره عن جناح " غرفه وصاله ومطبخ متكامل " مع بلكونه .
واخذت السعر عن طريق مكتب سفر وسياحه في الرياض ب " 550" ريال مع الفطور والسعر لشخصين ... وفي اعتقادي انه سعر مناسب رغم ان تصنيفه 4 نجوم لكن هناك خدمه فندقيه جيده جدا وكمان موقعه ميميز ومناسب جدا للعوائل .

.



ممكن نعرف المكتب السياحي لاني رحت لكذا مكتب ما كان عندهم فنادق 4 نجوم

انا نزلت فيه قبل كم شهر 1150ريال (غرفتين وحمامين)

وما فيه خصم لموظفين ارامكو

وبالعيد كلمة باحجز قالولي بــ3000 ريال

المشاركة الأصلية كتبت بواسطة wa6an_3omre
http://www.arabtravelersforum.com/tr...55/#post993955

ممكن نعرف المكتب السياحي لاني رحت لكذا مكتب ما كان عندهم فنادق 4 نجوم




في الرياض ...مكتب المؤيد اللي في الملز اذا تعرفه .. وعموما ممكن تعمل تشييك على اسعار العروض في كل مكتب سياحي معروف " الطيار ؛ الصرح ؛فرسان ..الخ " عن طريق التلفون وتشوف الاقل .