الموضوع: ذكرى زواج وياليت مساعدتكم

السلام عليكم

حبيت مساعدتكم لو سمحتم


أنا ان شاء الله جاي الاسبوع القادم لمدة 3 أيام وأبغى أفاجئ زوجتي قدر الامكان
باحجز اول يوم في قصر العرين .. ان شاء الله الجو مناسب للسباحة فيها؟


كمان ناوي ثاني يوم اروح مطعم مميز واقدم لها هدية هناك .. فهنا أبغى مشورتكم .. المطعم ودي يكون راقي يعني ما يكون فيه أحد شارب يخرب الجلسة وكمان جلسته رومنسية
حيصير حلو لو مثلا اقدر في المكان اخلي الموظفين مثلا يصفقوا لها او مثلا اذا مطعم راقي ومحترم فيه فرقة وممكن يعزفوا لها شي


واذا في اماكن او افكار ثانية ممكن افاجئها بيها اكون لكم شاكر جدا جدا جدا

مواضيع عشوائيه ممكن تكون تعجبك اخترناها لك:

• روعة البحرين وجمالها مع الأمطار والسحب تعانق أبراجها صور × صور
• أهل البحرين وزواره الكرام
• خريطة البحرين
• استفسار الله يسعدكم ياهل البحرين
• ابغى اروج البحرين ممكن تساعدوني
• محلات الملابس النسائية
• هل تم افتتاح
• محلات الفيتمانيات ؟
• ابي ارتاح
• حبيباتيدلوني ع محلات فساتين سهره حلوه بليز
• وش انسب مكان لقاء هادئ و في اجواء حالمة في مملكة البحرين
• ميركيور جراند البحرين
• افيدوني ياللي جربتوا
• المركز الهندى للمساج بالاعشاب
• سأزور البحرين لمدة أسبوع برنامج مميز لو سمحتو
• ارجوالمساعده ؟؟؟؟؟؟؟؟؟؟؟
• قلعة الفاتح بعدسات
• نبي فزعة اهل البحرين
• بخصوص اسواق البحرين
• ملك البطاطا

وعليكم السلام ورحمة الله وبركاتة

اولاً احب ابارك لكم وعسى الله يخليكم لبعض ويجعل ايامك كلها افراح وسعاده

والله يجزاك خير لما سوف تقدمه لأهلك

اهنيك على ذوقك الراقي والمتميز لأختيارك قصر العرين

وان شاء الله تقدر تسبح اذا البركة باردة مالك الا الجاكوزي لأنه حار هههههه
ونصيحه اخو محب لك آمرهم اولا بتنظيف المسبح قبل لاتأخذ الفيلا

بخصوص المطاعم كثيره بس انت حيرتني

انصحك اولاً بزيارة التقارير الموجودة في بوابة البحرين وكما يسعدني ويشرفني
زياراتك لمواضيعي المتواضعه وشف اذا عجبك شيء حنا نحاول نقربك اكثر

لأن اغلب المطاعم الامريكيه تقدم الكيك بالشموع وتغني لصاحب المناسبه

هل تريد مطاعم او كافيهات في الفنادق ؟؟ او المجمعات او بالخارج


اخوك : http://www.arabtravelersforum.com/user364264/

الله يعطيك العافية أخوي أرماني على الرد )وفكرت اروح مثلا ترادير فكس او واحد من مطاعم الزلاق او لولو كافيه .. فعليا ما يفرق معي مكان المطعم ما دام اقدر اسوي شي جديد فيه او اذا كان مميز بشي مختلف
يعني فكرة الكيكة وانهم يغنون لصاحب المناسبة اعتبرها اساس وكنت ابي اعرف اذا في اماكن ممكن تسوي اكثر يعني مثلا فرقة تعزف أغنيتها او مثلا يكون عشا على البحر بطاولة خاصة واضاءة وحركات في نص الشاطئ
ما اعرف يعني ابي اجدد واحتاج مساعدتكم في الاشياء اللي موجودة بالبحرين

المشاركة الأصلية كتبت بواسطة star99
http://www.arabtravelersforum.com/tr...7/#post8124418

الله يعطيك العافية أخوي أرماني على الرد )وفكرت اروح مثلا ترادير فكس او واحد من مطاعم الزلاق او لولو كافيه .. فعليا ما يفرق معي مكان المطعم ما دام اقدر اسوي شي جديد فيه او اذا كان مميز بشي مختلف









المشاركة الأصلية كتبت بواسطة star99
http://www.arabtravelersforum.com/tr...7/#post8124418

يعني فكرة الكيكة وانهم يغنون لصاحب المناسبة اعتبرها اساس وكنت ابي اعرف اذا في اماكن ممكن تسوي اكثر يعني مثلا فرقة تعزف أغنيتها او مثلا يكون عشا على البحر بطاولة خاصة واضاءة وحركات في نص الشاطئ
ما اعرف يعني ابي اجدد واحتاج مساعدتكم في الاشياء اللي موجودة بالبحرين





ياهلا ومرحبا اخوي star99

هذا واجبنا لكم ومانبي الا دعاكم الصالح لنا في ظهر الغيب

مشكور والله يخليك هذا من ذوقك الراقي
ومشكور على اطرائك الجميل
واحمدالله انه تقاريري نالت على اعجابك وتقديرك

ترايد فيكس حلوة جلسته ورايقه وخاصه الجلسات الخارجية اللي عند البركة
ويفضل الفترة بين العصر والى لحظة الغروب

وعندهم الكيك والشموع وفي فرقة غنائية داخل المطعم

وبخصوص مطعم الزلاق جربت البوفيه اللي تحت اللوبي واكله عادي
كافيه ليلو حلو واكله حلو وكيكه احلى بس يعيبه الزحمة لازم تحجز او تنتظر فترة طويلة

بخصوص العشاء على البحر انا مثلك كانت الفكرة في بالي وكنت مقرر اسويها
وكلمت منتجع الريتز وقالوا نسويها لك على الجزيرة او الشاطىء

جيت اتفاوض معاهم على السعر شافني سعودي وعربي يبي يلعب علي وعطاني سعر خياال
من 3000 الى 3500 رياااال

قلت له هذي اسكن عندكم ليلتين فيها وشارب وماكل عندكم فكنسلت لأنه اعطاني اعذار غير مقنعه
تعرف ان لله ورسوله نهونا عن الاسراف والتبذير

خيارات البحرين كثيرة
عندك جزر امواج تراها حلوووة
ومطعم كورال بيتش على الكورنيش جلسته مطلة على اليخوت


وان حضرني شيء راح ازودك

اخوك : http://www.arabtravelersforum.com/user364264/

دام تبي شي مميز وقعدات حلوه انصحك بالمطاعم الي تكون في الفنادق
تكون قعداتها مميزه وهدوء وما تكون مزحومه
وممكن تتصل لهم قبل تحجز طاوله وتخبرهم يرتبون لك كيكه وقعده حلوه

شوف مطعم السفير بوفيه في فندق الشيراتون
او المطعم الهندي في فندق الرتز
تمرهندي في منتجع العرين نفسه
لامير في سوفوتيل الزلاق وبكون قريب من العرين
كلهم فيهم شرب للاسف بس في سكيوريتيز وامن ما اظن تفلت الامور

حركة انه ستاف المطعم يجونك ويصفقون ويغنون يسسوونها معظم المطاعم وخصوصا الامريكيه
بس ما احس فيها شي من الرومانسيه ..... وجهة نظر شخصيه
يعني ما تشوف الا الكل التم حواليك وصريخ ولويه وكل الي في المطعم يطالعونكم
احسها حركه شبابيه يعني ربع يسوونها لواحد منهم مب لازواج

برايي ترتب مع المطعم نفسه على كيكه حلوه وتراهم يحطون لك شمعه وممكن يجي كم جرسون يغنون بس كله بهدوء ... رومانسي اكثر

والله يهنيكم ويسعدكم

كلام جميل جدا ومقترحات مميزة منكما الاثنان أخوي أرماني وأختي FANDA الله يعطيكم العافية وراح اطلع اكثر على الاسماء اللي ذكرتوها


طيب خليني أسأل هل في مطعم تكون تجربة الجلوس مختلفة؟ يعني مثلا عندنا في السعودية في مطعم اسمه البابايا تجلس وكانك داخل غابة من كثر النباتات والاشجار داخله وهذا الثيم اللي يبغوك تحس فيه وفي مطعم ثاني يعطيك كابينة فوق البحر تشوف فيها السمك تحتك فهل في مثلا مطعم تكون فيه الجلسة غير

ما قصروا أخوي أرماني وأختي FANDA ما خلولي شي اتكلم عنه ..

بس أنا راح أضيف لك مطعم مميز فعلاً جربته وقعدته مميزه بس يعيبه إن فيه شرب للأسف
أنا ما جفت لأني أروح على الريوق أو الغدا بس يقولون في الليل ....

المهم أسم المطعم (Links) موجود في الرفاع فيوز
إللي يميز هالمطعم إن قعدته تطل على ملعب الغولف يعني مسطحات خضره وبحيرات والقعده فيه في النهار راح تخليك تجوف مناظر حلوه والمطعم هادي جداً ...

الحين ما شاء الله عندك اختيارات كثيرة مطاعم أخونا أرماني ومطاعم أختنا FANDA والمطعم إللي اقترحته لك طب وتخير

وعسى أيامكم كلها فرح وسعاده

المشاركة الأصلية كتبت بواسطة star99
http://www.arabtravelersforum.com/tr...7/#post8125210

كلام جميل جدا ومقترحات مميزة منكما الاثنان أخوي أرماني وأختي FANDA الله يعطيكم العافية وراح اطلع اكثر على الاسماء اللي ذكرتوها


طيب خليني أسأل هل في مطعم تكون تجربة الجلوس مختلفة؟ يعني مثلا عندنا في السعودية في مطعم اسمه البابايا تجلس وكانك داخل غابة من كثر النباتات والاشجار داخله وهذا الثيم اللي يبغوك تحس فيه وفي مطعم ثاني يعطيك كابينة فوق البحر تشوف فيها السمك تحتك فهل في مثلا مطعم تكون فيه الجلسة غير









وين المطاعم هذي كبينه وغابة