الموضوع: سوق معلم السالمية ؟؟

السلام عليكم

شخباركم إن شاء الله بخير

أنا بزور الكويت بكرة بإذن الله

و بغيت أسألكم عن سوق معلم السالمية

وش الحملات اللي فيه مكيف ولا لا ؟؟

وش أحسن هو ولا سوق المباركية ؟؟

أنتظركم

مواضيع عشوائيه ممكن تكون تعجبك اخترناها لك:

• حملات الحج الكويتية يا أهل الكويت
• اين مجمع بلوكات في الكويت
• ويش رايكــم بخطوط الكويتية؟؟ موعد سفري بعد اسبوعين
• ابحث عن محل بيع شنط في الكويت
• زعطــوطـه فـي مطــعم بــرج الحمــام
• صور مجمع الجديد
• استفسار
• سؤال ضرووري جدا لخبراء بيع سياراتقطع غيار
• أهل الكويت خدمة منكم
• إستفسار عن فنادق في الكويت أرجوكم المساعدة بالنصيحة
• احـدث واجمـل الصــور للكــويت
• هل يوجد فندق في مجمع المهلب
• ابي استسفر ممكن؟
• في اي شارع يقع سوق المباركيه
• عروض حلوة من الكويتية للعطلات
• رحله عائليه لمدة ثلاثة ايام ؟؟ وينك يا اهل الكويت
• تقرير زيارتي الأخيرة لمنتجع كمبنسكي الجليعه بالصور
• استفسار عن الغاليه الكويت
• مطلوب جدول سياحي لمدة ستة ايام
• اي فندق اختار؟؟ عاااااااااجل

وش الحملات اللي فيه مكيف ولا لا ؟؟

مافهمت شقصدك ؟؟؟؟

بالنسبة إذا كان من أحسن هو وإلا سوق المباركية كل واحد وله ستايل وبضاعة خاصة فيه أقصد سوق المباركية سوق تراثي ومفتوح ومو مكيف بس المحلات مكيفة والبضاعة اللي فيه تراثية مثل البخور والعطور العربية ومحلات بيع ملابس شعبية للنساء والرجال والأطفال وسوق للخضار واللحوم والأقمشة والذهب وتجهيز المواليد بسرداب مجمع النصار ومطاعم تراثية ممتعة والكثير الكثير ... ويجب زيارته .

سوق المعلم بالسالمية إسمه سوق السالمية جنب دوار الجوازات بالسالمية وهو مكيف بالكامل فيه سوق مركزي وهو سيتي سنتر وفيه محلات وايد للبجامات النسائية والأحذية للنساء والأطفال وفيه صالة تسلية وبولينغ ومحلات سوق المعلم الشعبي وفيه محلات بو مئة فلس ومطاعم كثيرة مثل برجر كنج كبابجي وما كدونالدز وبيتزا هت ويمكن قضاء النهار فيه والغداء فيه فهو ممتع وأسعاره حلوة.

ألف ألف ألف شكر اختي و ما قصرتي

أنا كان عندي لبس بين الإثنين ما أعرف عنهم شي

بس ألحين وضحت

بسألج إختي

أنا ودي بملابس بيت و بيجامات يهال و صنادل تكرمين و معطرات جو يعني مثل هالشغلات

اش رايج شنو أحسن و أرخص و الأقرب المباركية ولا السالمية

أنا ان شاء الله بكون ساكنه في رمادا الكويت اللي قريب من الآفينيوز

اش رايج بالفندق من نظافته و فطوره و المعاملة

طولت عليج بالأسئلة بس اعذريني أول مرة أزور الكويت و عارفة أهلها ما يقصروون

هلا اختي
معليش حستج
أنا ان شاء الله بكون ساكنه في كورنيش اللي في شارع الخليج العربي, السالمية.

أنا ماشية ألحين
ألف شكر اختي منورة الكويت عالرد

مادام انتي واصله الكويت روحي الاثنين يعني روحي اول شي سوق السالميه ويوم ثاني روحي المباركيه انتي موخسرانه شي ... بس الافضل انك تشترين من سوق السالميه لانه يضاعته متنوعه اكثر

البجايم والعطور والملابس تلاقينهم بالمباركيه

وسوق المعلم اللى بالسالميه سوق متكامل

المشاركة الأصلية كتبت بواسطة &جمان&
http://www.arabtravelersforum.com/tr...2/#post2274232

هلا اختي
معليش حستج
أنا ان شاء الله بكون ساكنه في كورنيش اللي في شارع الخليج العربي, السالمية.



أنا آسفة عالتأخير بس والله توني أشوف مسجج المهم فندقكم( الكورنيش ) جيد بمنطقة السالمية قريب من مجمع المارينا أحسن لكم لأنها منطقة تجارية وأكثر المجمعات فيها ، بالنسبة لنظافة المكان والفطور فيه أنا مجربته حلو بس البيجامات مثل ما قلتلج روحي سوق المعلم في سوق السالمية وهم روحي سوق السالمية اللي قبال ماركس سبنسر إحنا نسميه حوش السالمية وإن ضيعتي سألي أي أحد هناك قوليله وين الحوش اللي فيه محلات الأحذية وبيدلونك راح تلقين فيه وايد صنادل للكبار والصغار وترى المحلات المعروفة ألحين أكثرهم عندهم تنزيلات بالإفنيوز وهم عندج في سوق شرق والمهلب راح تلقين وايد محلات للصنادل والبيجامات وملابس البيت بس سوق السالمية أرخص لج وحياج الله وآسفة عالتأخير :110:

عزيزتي منورةالكويتية تحياتي لك
بس حبيت اعرف منك اذا كان فيه اسم ثاني لحوش السالمية
تسلمين على مجهودك

حوش السالمية ماله اسم ثاني بس اهو جنب مجمع منيرة التجاري راح تلاقين محلات وايد فيها احذية وحتى المجمع نفسه في محلات وحتى تلاقين في اشياء رخيصة

بشارع سالم مبارك.

خياج الله بالكويت
و الاعضاء جزاهم الله خير ما قصروا