الموضوع: ساعات بمطار الكويت؟؟

السلام عليكم..

انا يالطيبين بحول الله عندي ترانزيت في مطار الكويت ست ساعات بداية من 6 - 12 ليلاا..

فبرايكم شو افضل شيء ممكن اقضي وقتي فيه في المطار؟؟.. وهل هنالك شي قريب حول المطار اروحله ..

اتمنا تفيدوني والله لاني بكون لحالي..

مواضيع عشوائيه ممكن تكون تعجبك اخترناها لك:

• الاسعار
• الكويت بأيام العيد وش تكون
• ميجانا يا ميجاناااااا
• استفسار صالون داخل فندق
• اخوانا الكويتيين يتفضلون
• يومين فالكويت اقتراحاتكم
• المنطقة الحرة
• بخصوص بطاقة الاحوال الهوية استفسار بسيط الله يجزاكم خير
• الريال السعودي كم يساوي بالنسبه للدينار والفلس
• تقرير سريع
• ابي اشحن سيارتي ؟
• زعطــوطـه فـي مطــعم بــرج الحمــام
• من السعودية بعد منفذ الرقعي كيف أصل إلى المباركية
• العون با اهل الكويت
• جاي الكويت بكره
• جدول فعاليات هلا فبرايـــــــــــــــــــــــــــــــــــــــــ ـــــــــــــــــر
• إحداثيات طريق الكويت رماح
• ذي افنيوز أكـــبر مـوول في الكويت معلومات وصور
• ارجوالرد يااهل الكويت الطيبين
• صيف العائلات في الكويت

و عليكم السلام و رحمة الله...

----------------------

أهلا و سهلاً بك أخي الكريم في بلدك الكويت...

-------------------------------

من الممكن أن تنتقل إلى مدينة السالمية,,,
و زيارة إحد المجمعات أو المرافق الترفيهية...

أو إنك تستقل إجرة و تنتقل لزيارة
مجمع الإفنيوز في منطقة الري, حيث انه أكبر مجمعات الكويت.

المشوار لكلا المنطقتين لا يأخذ أكثر من 15 دقيقة.

------------------------

نصيحتي لك و لو كنت مكانك لما ترددت بعمل التالي:-

استقل إجرة و انتقل إلى المركز العلمي في السالمية,,,
و استمتع بدخول الأكواريوم الأكبر في الشرق الأوسط و قاعة الإستكشاف
مع إمكانية دخول سينما الـI-Max إن اتسع الوقت.







الموقع الإلكتروني للمركز : http://www.tsck.org.kw/ar/location.asp

و يقع بالقرب منه : مارينا مول أكبر مجمعات السالمية الحالية...

-----------------------

تقبّل تحياتي.

افا عليك حاضر انا استقبلك من برج المطار والفك جم لفه بالكويت واردك المطار .. طبعا للاسف انت ماراح تروح فندق ترانزيت المطار حسب قانون الاياتا الطيران المدني .. ( ترانزيت فوق 8 ساعات يستحق الاقامه فندق ترانزيت .. )

يعني عندك ثلاث حلول :

1- او تبسط بالمطار ست ساعات وتفر بسوق الحره ومطعم ماكدونلز وكوستا وبين البوابات 1 - 2 وبوابات 24 25 26 - 3 - 4 - 5 وبوابات 22 - 23 - 21 - 20

2- تصعد قاعات الدرجه الاولى قاعة دسمان او قاعة الؤلؤة .. طبعا اذا كنت من ركاب درجة رجال الاعمال او درجة الاولى مجانا .. لكن اذا سياحيه ( تقدر تدفع مبلغ 20 دولار تقريبا وادش القاعه بوفيه مفتوح وغرف وانترنت وهدوء

3- انك ادش الديره وتروحلك جم مكان بالكويت وفر جم لفه وترجع المطار ..

ارجو قد افدتك

ممكن انك تقضيها بالافنيوز

دش السينما واخذ جم لفة ورد المطار

من رايي انك ماتروح السالميه لانها بعيده وزحمه فنصيحتي هي انك تروح مجمع الأفنيوز عن طريق التاكسي لانه قريب من المطار وفيه كل شي سوق ومطاعم وسينمات.ومجلاته تسكر الساعه 10 وبعضها 11 والمطاعم لي الساعه 12بليل.

فيه حل ممتاز يوجد بالمطار موول اسمة مول المطار ولكن يتوجب عليك الخروج من صالة الترانزيت وهذا شي طبيعي لانك خليجي حيث الكثير من المحلات التجارية المعروفه مثل ديبنهامز وغيره اضافة الي العديد من المطاعم ومطاعم الوجبات السريعه والمقاهي وحتى اذا تحب الشيشية يوجد خارج المطار عند البوابة كافيه يقدم الشيشه

المشاركة الأصلية كتبت بواسطة ترافلز مان
http://www.arabtravelersforum.com/tr...4/#post2243544

فيه حل ممتاز يوجد بالمطار موول اسمة مول المطار ولكن يتوجب عليك الخروج من صالة الترانزيت وهذا شي طبيعي لانك خليجي حيث الكثير من المحلات التجارية المعروفه مثل ديبنهامز وغيره اضافة الي العديد من المطاعم ومطاعم الوجبات السريعه والمقاهي وحتى اذا تحب الشيشية يوجد خارج المطار عند البوابة كافيه يقدم الشيشه





أنا اشاركه الرأى لان الساعه 6 يكون الشوارع زحمه

الافنيوز قريب من المطار روحله افضلك من السالمية

خلك بال save side ولاتطلع من المطار تسوق تمشى بالسوق بعدها اشترلك مجلات والا كتاب وقعد بوحده من هالقهاوى وتطمش على الرايح والراد والله بيمر عليك الوقت وانت مو حاس

وناسه القعده بالمطار

ماقصرتوو اخواني بصرااحه..

وان شاء الله ربي ييسر لي الموضوع..

بس عندي استفسار بعد ..

المطار فيه واير لس مفتوح ولاا؟؟.. ع اساس اخلي اللاب توب عندي ولا احطه في الشنطه..

وتسلمون اجين يالطيبين

اخوي الوايرلس فري يكون بصالة المغادرين وصالة القادمين .. بس بالنسبه منطقة الترانزيت تاخذ كرت زاجل من السوق الحره على مااعتقد .. واذا تبي اي شي انا حاضر قولي متى اتشرفنا بمطار الكويت ؟ !!

المشاركة الأصلية كتبت بواسطة alrashedq8
http://www.arabtravelersforum.com/tr...8/#post2241438

ممكن انك تقضيها بالافنيوز

دش السينما واخذ جم لفة ورد المطار



سينما في الكويت مانصحك الافلام مقطعة

اخوي لا تقعد باترانزيت لانة مافية شي وراح تمل, عندك خيارين:

1-تطلع من محطة الترانزيت(تعدي الجوازات) و تقعد بصالة القادمون لانها فيها مول.

2-تروح مجمع الافنيوز لانة قريب جدا من المطار و الدرب مافية زحمة, و التكاسي متوفرة بالمطار و الافنيوز للذاهب و الرجعة منه.



و انا انصحك بالخيار الثاني لانك راح تمل من المطار, 6 سعات مو شوي و ايضا بالافنيوز فية كافيهات فيها انترنت.

بوابة الطياره تصكر قبل الرحله قبل 20 دقيقه وعلى الاقل يكون واقف يم البوابه قبل موعد الرحله بساعه ..

اهوا عندا 6 ساعات يعني لو بيكون قبل الرحله بساعه صاروا خمسه ..

لو بيدش الديره لمن يخلص الجوازات ويفتش جناطه الشخصيه هاند باق او غيره ويدور على تاكسي على الاقل يبيله نص ساعه .. يعني المجموع ساعه ونص .. صار عندا بس 4 ساعات او 4 ساعات ونص ..