الموضوع: بكره ماشي الكويت ابي خدمة

ابغا غندق يكون سعره معقول وقريب من الاسواق والبحر

مواضيع عشوائيه ممكن تكون تعجبك اخترناها لك:

• كل من يريد الأستفسار عن أرقام فنادقمطاعممستشفياتالــخ
• مشروع السالمية بارك من الطراز الاوروبي
• غدانا في المطعم الايطالي جوني كارينوز اللي على البحر طبعا بالصور
• رايحه للكويت باااااكر وابي مساعده
• السلام عليكم استفسار سريع
• صور روعة لدولة الكويت الحبيبة
• ابغى مساعده من اهل الكويت؟
• استفسار عن عروس البحر
• استفسار جوازي ينتهي بعد اقل من شهرين هل يمكن دخول الكويت ام لا ؟
• تاجير السيارات في المطار
• استفسار من الأخوه الكويتيين
• سؤال بخصوص فندق في الكويت نظيف
• هيل وزعفران
• جايينكم ان شاء الله وناخينكم
• اجمل الأماكن في الكويت
• استفسار بخصوص فندق ريتز الشرق
• مساعده يالكويتين
• عاجل محلات الصرافة ؟؟؟؟؟
• عشاي بالمطعم الايطالي كارلوتشيوز في الأفنيوز
• سؤال عاجل سااعدوني ياهل الكويت الطيبين

http://www.arabtravelersforum.com/travel159240/

انصحك السكن في السالمية...
و بالتحديد في شارع سالم المبارك او شارع الخليج...

اللي انصحك فيه:-

فندق المارينا - فندق هوليدي ان السالمية - فندق الكورنيش "بجانب المارينا".

و توجدد شق و فنادق اخرى بسعر أدنى مثل:-
فندق ايبس - ريتز السالمية - سارة بلازا.

و كلها موجودة باللنك الأعلى.

تمنياتي لكم بقضاء اجازة سعيدة.
شكرا.

إذا وصلت حمدلله على السلامة وإذا مابعد اخذت شقة فعليك بشقق بودل حلوة ورخيصة وقريبة من الاسواق اسعارهم (20,29،39دينار) لغرفة الصغيرة والكبيرة وغرفة وصالة ، مع ليلة مجانية وفطوووووووووور يوصل لغرفتك

اخوي Dhari و اخوي عبدالعزيزالاحمد
مشكورين على المساعده وبيض الله وجيهكم وابعدها عن النار

في سوال في تكاسي توديك باليوم مثل على الامكان السياحيه ورحلات سياحيه

واي الافضل هل بالعداد او بالفلوس

انا اقووووووووووووول ريتز السالميه وبقووووه الفندق مناسب جدا وهادي وبيعجبك وكثير حنا عوايل سعوديه فيه


وبالنسبه للتكاسي بتتعب لدرجه احيانا توقف في اشاره جنبك عشره تكاسي ولااا تكسي فيهم من نفس الشركه
يعني فيه بالعداد وفيه بالاتفاق وفيه بالمركزيه يعني لهم مرجع يحدد السعر ما ادري كيف طريقتهم لكن شفتهم في تكاسي تحت الطلب
طبعا لا تحااااااااااااااااااااااتي التكاسي ابد لأن تكسي تحت الطلب يريح كثير من اي مكان اتصل ودقيقتين وهو عندك
(( شركة التاكسي البريطاني من افضل هالشركات ))

وبالنسبه للرحلات السياحيه اللي تقول عنها ما اتوقع بتلقى مثل هالشي بالكويت ولا راح تستفيد منه
لأن الاماكن بالكويت مو كثر اللي تتوقع
وبعدين بياخذ عليك مبلغ كبير لأنه بيكون بيدك مع ان التكاسي كثير هنا

وانت تقدر ترتب لك جدول وتكون الاماكن متقاربه من بعض عشان تقلل تكلفة التكاسي
وانا احب اساعد غيري خذ جدولي وان شالله يعجبك ويعجب غيرك
وما ابي منك غير دعواتك ياغالي

الجدول كالتالي :
اليوم الاول
الغداء في مغل محل ( الهندي )
ابراج الكويت
المتحف الوطني
سوق شرق والعشاء فيه

اليوم الثاني
المركز العلمي
التمشيه على الواجهة البحرية والكورنيش
الغداء في برج الحمام ( اللبناني)
المارينا مول والكريسنت والعشاء فيه

اليوم الثالث
الاكوابارك
الغداء في ميس الغانم ( شامي )
مجمع الافينوز + متابعة السينما

اليوم الرابع
سوق المباركيه الشعبي
الغداء في فريج صويلح ( كويتي )
الذهاب للفحيحيل
(( المنشر + الكوت )) والتسوق فيهما

اليوم الخامس
مجمع ( البستان + المهلب + العربيد) للفساتين والجلابيات
مجمع الفنار + متابعة السينما




واذا عندك اطفال (( المدينه الترفيهيه + حديقة الشعب الترفيهيه ))

فندق هوليدي ان السالمية
يعمل خصومات في الويك اند 35 دينار لليله

الفندق الراقي هو هيلتون المنقف بس عيبه بعيد عن مدينة الكويت حيث يبعد تقريباً ثلث ساعة بس وايد حلو خصوصا ً الشاليهات اللي فيه .