صباح الخير
شكلك ناوي تكشت في أوروبا ، ما شاء الله شايل معك العزبة كاملة
أتمنى لكم رحلة موفقة وممتعة
عموما.. خذ ما يـحـلو لك من الأطعمة والرز والبهارات والمعلبات والتمر والقهوة والهيل.. الخ
ولكن بالحد المعقول لا تنسَ وراكم عفش وشيل وتنزيل وبهذلة ووزن في المطارات ويمكن يضايقكم في السيارة
لكن.. الدافور ما أدري عنه يسمح فيه أو لا... ودي تتصل بالطيران اللي انت بتطلع عليه اذا سمحوا
لك!! ما فيه مشكلة في المطار، لأنه بيدخل مع العفش وأصلا نادرا ما يفتشون العفش
السؤال الثاني تقول: ودك تضبط القهوة والشاي وبعده الكبيسه في أي منتزه أو منطقة تعجبكم
ما فيه مشكلة أبدا... ولكن لازم تأخذ في بالك إن السلامة أولا السلامة أولا
يعني ما يكون فيه خطر على السائحين ولا البشر ولا السيارات ولا يسبب احتمال
احتراق للحشائش أو الغابات أو خلافه
سؤالك الآخر عن شريحة اتصال تبيها تشتغل في المانيا ـ النمسا ـ سويسرا ـ اسبانيا
يا انت طمااااااااااااع
الشريحة اللي تعمل في كل ما ذكرت لازم تكون بعقد بينك وبين الشركة لا يقل عن سنة
يا عزيزي خذ شريحة أم عشرين يورو ومش فيها أمورك خصوصا من T Mobile
هي الأفضل في ألمانيا والنمسا، أما سويسرا أنصحك بـ فودافون وأنصحك تضيف خدمة التجوال
لجوالك تستقبل مكالمات مجاني عليه في كل البلدان اللي ذكرت
رحلة جميلة مليئة بالمواقف الممتعة
ملاحظة: إذا مريت أنا وشفت أحد قاعد يطبخ في أحد
المنتزهات أو على طرف نهر بعرف إنه إنت تراني بسفط
على طووووول واتقهوى معك

مواضيع عشوائيه ممكن تكون تعجبك اخترناها لك: